އެޗްޕީއޭއިން ހަމަޖައްސާފައިވާ އުސޫލުގެ ދަށުން، އިންތިޚާބުގެ ކެމްޕެއިނަށް ކަރަންޓީން ނުވެ ދަތުރުކުރެވޭނެ.
އިދިކޮޅު ކޯލިޝަނުން މީގެ ކުރިން ބޭއްވި މުޒާހަރާއެއް ހުއްޓުވަން ފުލުހުން މަސައްކަތް ކުރަނީ: ކެމްޕެއިނަށް ކަރަންޓީނު ނުވެ ރަށްރަށަށް ދެވޭގޮތް ވަނީ ހަދާފައި. ފޮޓޯ: ނިޝާން އަލީ/މިހާރު
11 މާޗް 2021 - 23:45
39 comments
އަންނަ މަހު ބާއްވާ ލޯކަލް ކައުންސިލްތަކުގެ އިންތިޚާބުގެ ކެމްޕެއިނަށް މާލެ އިން ރަށްރަށަށް ދަތުކުރާއިރު، ކަރަންޓީނު ވާން ނުޖެހޭ ގޮތަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހަމަޖައްސައިފި އެވެ.
"ކޮވިޑުގެ ހާލަތުގައި ރައްކާތެރިކަމާއެކު ލޯކަލް ކައުންސިލްތަކުގެ އިންތިޚާބު ކުރިއަށް ގެންދިއުމުގައި އަމަލުކުރަންވީ ގޮތުގެ އުސޫލު" އަށް ގެނައި ފުރަތަމަ އިސްލާހުގައި ބުނީ ތާއިދު ހޯދުމާއި ކެމްޕެއިނުގެ ހަރަކާތްތައް ކުރިއަށް ގެންދަން އެއް ރަށުން އަނެއް ރަށަށް ދަތުރުކުރަން ވާނީ އެޗްޕީއޭ އިން އެ ކަމަށް ކަނޑައަޅައި އާއްމުކުރާ ހާއްސަ ގައިޑްލައިނާ އެއްގޮތްވާ ގޮތުގެ މަތިން ކަމަށެވެ.
އެ އުސޫލުގެ 12 ވަނަ މާއްދާގެ (ހ) ގައި ކުރިން ބުނެފައި ވަނީ ތާއިދު ހޯދުމާއި ކެމްޕެއިނު ހަރަކާތްތައް ކުރިއަށް ގެންދިއުމަށް އެއް ރަށުން އަނެއް ރަށަށް ދަތުރުކުރާ ނަމަ ކަރަންޓީން ކުރުމާއި ކަރަންޓީން ކުރުމުގައި އަމަލުކުރަންޖެހޭ ގޮތުގެ އުސޫލާ އެއްގޮތަށް އަމަލުކުރަންޖެހޭ ކަމަށެވެ.
ހޯމް ކަރަންޓީނުގެ މުއްދަތަކީ 10 ދުވަހެވެ.
ކެމްޕެއިނަށް ރަށްރަށަށް ދަތުރުކުރަން ހަމަޖައްސާ ހާއްސަ ގައިޑްލައިންގެ ދަށުން ދަތުރުކުރާ އެއްވެސް ކެންޑިޑޭޓަކު ނުވަތަ ފަރާތަކުން އުސޫލާ ހިލާފުވެއްޖެ ނަމަ ދެން އެ ފަރާތަކުން ދަތުރުކުރުމުގައި އަމަލު ކުރަން ޖެހޭނީ ކަރަންޓީނުގެ އުސޫލަށް ކަމަށް، ފަހުން ގެނައި އިސްލާހުގައި ބުންޏެވެ.
ކައުންސިލް އިންތިޚާބު ބާއްވަން އިލެކްޝަން ކޮމިޝަން (އީސީ) އިން އެންމެ ފުރަތަމަ ނިންމީ މިދިޔަ އަހަރުގެ އޭޕްރީލް 4 ގަ އެވެ. އޭގެ ފަހުން ތާރީހުތަކެއް ހަމަޖެއްސި ނަމަވެސް ކޮވިޑު-19 އާ ހެދި އިންތިޚާބު ލަސްވެގެން ދިޔައީ އެވެ. މިހާރު ނިންމާފައިވަނީ އަންނަ މަހުގެ 10 ގައި އިންތިޚާބު ބާއްވާށެވެ.
އެކަމަކު، އިންތިޚާބަށް ބޯމަތިވިއިރު، ކެމްޕެއިން ކުރުމުގައި ހުރަސްތަކެއް ހުރިކަމުގެ ޝަކުވާ ޕާޓީތަކުން ދިޔައީ ކުރަމުންނެވެ. އެގޮތުން، އިންތިޚާބުގެ ކެމްޕެއިނަށް މާލެ އިން ރަށްރަށަށް ދަތުރުކުރާ ކޮންމެ ފަހަރަކު ކަރަންޓީނު ވާން ޖެހުމަކީ ފުރިހަމަ ކެމްޕެއިނެއް ކުރުމަށް ވަރަށް ބޮޑު ގޮންޖެހުމެއް ކަމަށް ޕާޓީތަކުން ބުނެ އެވެ. ހާއްސަކޮށް އިިދިކޮޅު ކޯލިޝަންގެ ފާޑުކިޔުންތައް އެޗްޕީއޭއަށް އަމާޒުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާފީ
12 March 2021
ކަރަންޓް ނުވެވޭ ގޮތަށް ރަށްރަށަށް މީހުން ފޮނުވުމަކީ ކޮވިޑް ފެތުރުން
ކުޑަ އަލީ
12 March 2021
ކޮވިޑް ފުރީ ސިޔާސީ މީހުން ނަށް އާމް ރައްއިތުން ކަރަންޓީނުގައި ވަރަށް ވާހަކަ
މަސްވެރިޔާ
12 March 2021
ލާމަރުކަޒީ. ސީދާ ރަށްރަށުގެ އަދި އަތޮޅުތަކުގެ ރައްޔިތުންނަށް ބާރު ދިނީޔޯ؟ ެއކަމަކު ޕާޓީތަކުގެ ވެރިން/ ދައުލަތުގެ ވެރިން އިންތިޚާބަށް ނުފޫޒު ފޯރުވުމުގަ އި އަވަދި ނެތި. ހަމައެއް ލަމައެއް ނެތި.
ބުޗާ
12 March 2021
ދެން ކުޅިވަރު ކުޅޭ މީހުން ތިބެން ވީ ތޯ ގޭގަ ، ހެނދުނާ ހަވީރު ކުޅެލަން ވެސް ނުގޮސް
ހަސަނު
12 March 2021
މި ހާލަތުގާ އެޗްޕީއޭ އަކީ މިހުން އިތުބަރު ކުރާ ތަނެއްގެ ގޮތުގާ ދެމި އޮތުމަކީ ގައުމީ ސަލަމަތަށްވެސް މުހިންމު ކަމެއް..
ރައްޔިތު ސޮރު
12 March 2021
މީގެންވެސްއިނގެނީ މިއީ ސަރުކާރުން އުފައްދައިގެން އުޅޭ ހާލަތެއްކަން! މިރޯގާއަކީ ރައްކާތެރި ފިޔަވަޅުތަކާއެކީ ދިރިއުޅެވޭނެ ރޯގާއެއް! 500 އެއްހާ މީހުންނަށް ފަރުވާދޭން ތައްޔާރުވާން 1 އަހަރު ލިބުނު. 2 ބިލިޔަނަށްވުރެ ގިނަ ފައިސާ ހަރަދުކޮށްފި. ރާއްޖެތެރޭމީހުން ތިމާގެ މީހުންގާތައް ދިއުމަށް މާލޭބޭފުޅުން ހުރަސްއަޅައިގެން ގާނޫނު އަސާސީން ލިބިދޭ ދަތުރުފަތުރުކުރުމުގެ ހައްޤާ ވިޔަފާރިކުރުމުގެ ހައްޤުން ރައްޔިތުން މަހުރޫމުކޮށް ބޮޑުން ދަޢުލަތް ލޫޓުވާލަމުންއެދަނީ...
ފޫހި
12 March 2021
ކޮވިޑް ދަނީ ވަކި ބަޔަކާއެކު އެއީ ކެފޭ ރެސްޓޯރެންޓަށް ކާންދާމީހަޔާއެކު. ޢެޗްޕީއޭގެ ހަރުދަނާ ސިޔާސަތެކޭ ވައިއެނބުރޭ މޫސުމެކޭ ތަފާތެއްނެތް.
ފޫޅު އަލިބޭބެ
12 March 2021
މިހެންވެއޭ މަ ބުނަނީ އެޗްޕީއޭ އަކީ އެއްވެސް ތާކުން ތާކު ޖެހޭ ކަމެއް ކުރާބައެއް ނޫނޭ. މާލޭގައި އޮތް 6:00 ގެ ފަހުން ދުއްވުން މަނާ ކުރާ ގަވާއިދު ވެސް އުވާލާ. ޑރ ނަޒްލާ ގާތު ބުނަންވީނު މާލޭގެ ވިޔަފާރިތައް މިހާރު ހުރި ހިސާބު ބަލާލަން ނިކުންނާށޭ. މިކަހަލަ ދެއުޅި އެއް ނުވާ ކަންކަން ކުރަމުން ގޮސް އިގުތިސޯދު މިއޮތީ އިނދަޖެހިފައި.
ނިޔަފަތި އީސަ
12 March 2021
ފޫޅު އަލުބޭބެ ހެޔޮކޮށް ތި ބުނުއްވީ. މިއުޒިކު ކުޅޭ ކުދިންނަށް އެއް ރިސޯޓުން އަނެއް ރިސޯޓަށްވެސް ނުދެވޭ. އެމީހުންވެސް އެތިބަ ބިކަވެ ނިމުނީ. ރިސޯޓު ވަޒީފާގައި އުޅޭ މީހުންނަށް ރަށަށް ނުދެވޭ ކަރަންޓީނުވެ. ނަޒުލާމެން ހީކުރަނީ އެމީހުންނަަށް މުސާރަ ލިބެނީ ކިހިނެތްކަމަށްބާ؟ ނޭނގެނީބާ ސައި ހޮޓާ ތަކާ ފިހާރަތަަކާ ކެފޭތައް ހިނގާ އިގުތިސޯދު ހިނގީމަ ލިބޭ އެއްޗެއްކަން. ކެންޕޭނު ކުރަންވީމަ ގަވައިދު އެވީ ބަދަލު. ނަޒުލާމެން ޒިންމާ ނަގަންޖެހޭނެ
ނިޒާރު
12 March 2021
މިލިޔުމަކުން އެބުނާ ހުއްދަދިން ގޮތެއް ސާފެއްނުވޭ. ކޮބާތަ ތިބުނާ ޚާއްޞަ ހުއްދައިގެ ތަފްޞީލަކީ،
ބޮޑުމީހާ
12 March 2021
ލޯބިވާ މަންމަ ބައްޕަ އަބިދަރިން ނިޔާވުމުން މޫނުވެސް ބަލާލަން ނުދެވޭ ހާލަތެއްގަ އޮތް އިރު ސިޔާސީ މީހުން ކަރަންޓީނުނުވެ ކެމްޕެއިނަށް، ރައްޔިތުންނާއި މެދު ސިޔާސީ އަދި ގޮތް ނިންމާ ފަރާތްތަކުގެ ވިސްނުން ގެންގުޅޭ ދަށުދަރަޖަ ވިސްނާލައްވާ!