ޚަބަރު / ކޮވިޑް ވެކްސިން

ދެ ކުންފުނިން ވެސް ކޮވިޑް ވެކްސިން ގަންނާނެ: އެޗްއީއޯސީ

ވެކްސިން ގަންނަން ރާއްޖެއިން އެންމެ ފުރަތަމަ ސޮއިކުރީ ސިންގަޕޫރުގެ އެސްޓްރަޒެނެކާ ކުންފުންޏާއެކު. އެކަމަކު މިހާތަނަށް ވެކްސިންގެ އެއްވެސް ޑޯޒެއް ނުލިބޭ.

ރާއްޖޭގައި ބޭނުންކުރާ ކޮވިޝީލްޑްގެ ވެކްސިން ޑޯޒް، ނަރުހަކު ދައްކާލަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

12 މާޗް 2021 - 14:09

8 comments

އިންޑިއާގެ ސީރަމް އިންސްޓިޓިއުޓް އަދި ސިންގަޕޫރުގެ އެސްޓްރާޒެނެކާ ކުންފުނިން ވެސް ކޮވިޑު-19 އިން ދިފާއުވުމަށް ވެކްސިން ގަންނާނެ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ރޭ ބުނެފި އެވެ.

ހަލުއިކަމާ އެކު ފެތުރެމުންދާ ބަލިން ރައްކާތެރިވުމަށް ރާއްޖެއަށް ބޭނުންވާ ވެކްސިންގެ 700،000 ޑޯޒް ގަންނަން އެންމެ ފުރަތަމަ ސޮއިކުރީ އެސްޓްރާޒެނެކާ ސިންގަޕޫރު ޕީޓީއީ، އެލްޓީޑީއީއާއެކުގަ އެވެ. އެ އެއްބަސްވުމުގެ ދަށުން އަދި އެއްވެސް ވެކްސިނެއް ނުލިބި ވަނިކޮށް ރާއްޖެއިން ވަނީ ވެކްސިން ގަންނަން ސީރަމް އިންސްޓިޓިއުޓާ އެކު ސޮއިކުރަން ނިންމައިފަ އެވެ.

އެކަމާ ގުޅިގެން އެޗްއީއޯސީގެ ކޮމިއުނިކޭޝަން އޮފިޝަލަކު ރޭ ވިދާޅުވީ ވެކްސިން ގަންނަން މިހާރު ސޮއިކޮށްފައިވާ ދެ ކުންފުނިން ވެސް ވެކްސިން ގެންނާނެ ކަމަށެވެ. އެކަމަކު ރާއްޖޭގައި މިހާރު ބޭނުންކުރާ ކޮވިޝީލްޑް ވެކްސިން އުފައްދާ ސީރަމް އިންސްޓިޓިއުޓާ އެކު ސޮއިކުރީ ކިހާ ޑޯޒެއް ހޯދަންކަމެއް އަދި ނޭނގެ އެވެ. އަދި ސިންގަޕޫރު ކުންފުނިން ގަންނަ ވެކްސިން ލިބޭނެ ދުވަހެއް ނޭނގޭ ކަމަށް، އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ވަނީ ކުރިން ވިދާޅުވެފަ އެވެ.

Covid vaccine gannan India ge serum institute aa eku soi kuranee

The most trusted news source in the Maldives

Mihaaru

ކޮވިޝީލްޑް ވެކްސިނަކީ އޮކްސްފޯޑް ޔުނިވާސިޓީ އާއި އެސްޓްރަޒެނެކާގެ ދިރާސާގެ މައްޗަށް އުފައްދާފައިވާ ވެކްސިނެވެ. އިމަޖެންސީ ހާލަތުގައި ބޭނުންކުރުމަށް ދުނިޔޭގެ ސިއްހަތު ޖަމިއްޔާއިން އެ ވެކްސިނަށް ހުއްދަ ދީފައި ވެ އެވެ.

ފިނޭންސް މިނިސްޓަރު އިބްރާހިމް އަމީރު ރޭ ނެރުއްވި ގަރާރެއްގައި ވިދާޅުވީ، ކޮވިޑުގެ ބަލިމަޑުކަމުން އަރައިގަތުމަށްޓަކައި ބޭނުންވާ ވެކްސިން ހޯދަން ސީރަމް އިންސްޓިޓިއުޓް އޮފް އިންޑިއާ އަދި ސީރަމް އިންސްޓިޓިއުޓް އޮފް ލައިފް ސައިންސަސް ކުންފުންޏާއެކު ސޮއިކުރަން ނިންމާފައިވާ ކަމަށެވެ. ނަމަވެސް އެކަމާ ގުޅޭ އިތުރު އެއްވެސް ތަފްސީލެއް ނުދެއްވަ އެވެ.

ކޮވިޝީލްޑް ވެކްސިން ޑޯޒެއްގެ އަގު އިންޑިއާގައި އުޅެނީ 2-3 ޑޮލަރަށެވެ. ސީރަމް އިންސްޓިޓިއުޓުން އިންޑިއާގެ ހޮސްޕިޓަލްތަކަށް ވެކްސިން ޑޯޒެއް ވިއްކަނީ ދެ ޑޮލަރަށެވެ. އެކަމަކު އެ ގައުމުގެ އަމިއްލަ ހޮސްޕިޓަލްތަކުން ވެކްސިން ޑޯޒެއް ޖަހައިދެނީ ތިން ޑޮލަރު ނުވަތަ 250 ރުޕީސް އަށެވެ.

ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ އިބްރާހިމް އަމީރު، ކުރީގެ ފިނޭންސް މިނިސްޓަރު އެޗުއީއޯސީ ކޮވިޑް ވެކްސިން

8 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށިޔާ

13 March 2021

ޥެންޓިޅޭޓަރު ތަށްވެސް ވީގޮތް ނޭގުނު ތިނެވްވަނީ އެގޮތަށްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 March 2021

ގައުމީ ސަލާމަތައް ނުރައްކާ ވާނެ ކަމެއް ނޫނެވެ. ވެކްސިން ގަންނަ އަގާ އެލިބޭނެ ދުވަސް ހާމަ ކުރަން ޖެހެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5005

12 March 2021

މިކަހަލަ އަޑުތަށް އެކިފަހަރު އެކިގޮތަށް އިވި އިތުބާރު ގެއްލުނީ ވެކްސިން ކަންތަކުގައި ތިޔަދައްކާ ވާހަކަ ތަކުން އެކަންޏެއްނޫން. ކޮވިޑަށް ކުރާ ބޯދު ހޭދައާއި، އެހާ ބޮޑުހޭދައެއް ކުރާއިރު ދެފުން ނުފެނުމާއި، ފެސިލިޓީ ތަކުގައިވެސް ކަންހުރިގޮތާއި، ޕޮސިޓިވްވާމީހަކާއިމެދު އަމަލުކުރާ ގޮތާއި، ހަރުދަނާ އުސޫލުތަކެއް ނެތުމާއި، ދޮގުހެދުން އިންތިހާއަށް ގޮސް މިހާރު މި ޤައުމު އޮތް ހާލަތުން މި ސަރުކާރު ގެންނަން 1 ވޮޓް ދިން މީހެއްގެ ގޮތުން އެވޯޓު ދެވުނީތީ ހިތާމަކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

70007

12 March 2021

ވެކްސިން ނެރުމުގެ ކުރިން މިވެރިން ބުނީ އެންމެ ފުރަތަމަ ވެކްސިން ލިބޭ ޤައުމަކަށް މި ރާއްޖެ ވާނެކަމަށް. އަދި އެވެސް އެންމެ ރަގަޅު ވެކްސިންކަމަށް. ކަން ހިނގާގޮތް ބަލާނެ ނޫންވެރިއަކުވެސް މިޤަުއުގައިނެތް. ރާއްޖޭގެ އާބާދީގެ އެންމެންނަށް ޖެހޭވަރަށް އެކްޓްރާޒެނެކާ ވެންސިން ގެންނަށް އޯދަރުކުރި ހަތް ލައްކަ ޑޯޒަށް ހަދަން އުޅޭ ގޮތެއް ބުނެނުނީ، މާރކެޓްގައި ހުރި އެންމެ އާދައިގެ ވެކްސިން ރައްޔިތުންނަށް ޖަހަނީ މަޖުބޫރީ ހާލަތުގައި. އެހެން ގޮތެއް ނުދެއްކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތުބަތަހަަ

12 March 2021

ހަމަ ވެންޓިލޭޓަރު ކަހަލަ ވާހަކަ ތަކެއް ކޮޅެއް މެދެއް މިކިޔާ އެއްޗަކުން ދޭހަ ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީލީ

12 March 2021

ސިންގަޕޫރު ކުންފުންޏާއެކު ސޮއިކުރުމުގެ ބަދަލުގަ އެންމެފުރަތަމަވެސް ސީރަމްއާއެކު ސޮއިކުރިނަމަ މާރަނގަޅުވީސް ލިބުމުގެ ޔަގީންކަން ބޮޑުވީސް އަތްއަނބުރާލަން ޖެހިއްޖިއްޔާ އެކަންކުރަންވެސް ފަސޭހަވީސްމިވަގުތު ގުޅުންތައް ހުރިގޮތުން. ހީވަނީ ސިންގަޕޫރުކުންފުނި މެދުވެރިކޮއް ހޯދަން އޯޑަރުކުރި ޑޯސްތައް މީންދުވަހަކުވެސް ނުލިބޭނެކަން އެނގުނީހެން. އެމީހުންވެސް ރަނގަޅައްވެއްޖިއްޔާ ވިއްކާނީ ސީރަމްއިންއުފައްދާ ވެކްސިން.