އުތުރު ތިލަފަޅު އެއްބަސްވުމާ ގުޅޭގޮތުން އެމްއެންޑީއެފްގެ ލީޑަޝިޕުން މިދިޔަ އަންގާރަ ދުވަހު ބޭއްވި ނިއުސް ކޮންފަރެންސްގައި ބައިވެރިވެވަޑައިގެންނެވި ބޭފުޅުން.-- ފޮޓޯ: އަހުމަދު އަވްޝަން/ މިހާރު
18 މާޗް 2021 - 17:06
19 comments
އުތުރު ތިލަފަޅު (ޔޫޓީއެފް)ގެ އެގްރިމެންޓާ ގުޅިގެން ޗީފް އޮފް ޑިފެންސް ފޯސް މޭޖަ ޖެނެރަލް އަބްދުﷲ ޝަމާލްގެ އިތުރުން އެ ތަނުގެ އިސްވެރިންނަށް ތުހުމަތުކޮށް އަމިއްލަ މީހަކު ހުށަހެޅި މައްސަލަ ނުބަލަން އެންޓި ކޮރަޕްޝަން ކޮމިޝަން (އޭސީސީ) އިން މިއަދު ނިންމައިފި އެވެ.
އެ ކޮމިޝަންގެ މީޑިއާ އޮފިޝަލަކު ވަނީ އެމްއެންޑީއެފްގެ އިސްވެރިންނާ ގުޅޭގޮތުން މިއަދު މައްސަލައެއް ހުށަހަޅާފައިވާކަން ޔަގީންކޮށްދީފަ އެވެ. އެކަމަކު ތަފްސީލެއް ނުދެއްވަ އެވެ.
ނަމަވެސް "މިހާރު" އަށް އެނގިފައިވާ ގޮތުގައި، އުތުރު ތިލަފަޅުގައި ކޯސްޓްގާޑު ބަނދަރެއް ހެދުމަށް މިދިއަ މަހު 21 ގައި އިންޑިއާއެކު އެއްބަސްވުމުގައި ސޮއިކުރަން ރިޝްވަތު ނެގި ކަމަށް ބުނެ ހުށަހެޅި މައްސަލަ ދިރާސާކުރުމަށް އެ މައްސަލަ ނުބަލަން ނިންމީ، އެ ޝަކުވާގައި ކޮރަޕްޝަންގެ ތުހުމަތު ކޮށްފައި ނެތުމުންނެވެ. އަދި އެއީ ކޮރަޕްޝަންގެ މައްސަލައެއްގެ ގޮތުގައި އެކަން ބެލޭނެ ކަމަށް ޝަކުވާގެ ބަޔާނުގައި ނެތުމަކީ ވެސް އެ މައްސަލަ ނުބަލައި ދޫކޮށްލި ސަބަބެއް ކަމަށް އެނގިފައި ވެ އެވެ.
ޔޫޓީއެފްގެ މައްސަލަ ހޫނުވެފައިވަނީ އެ އެއްބަސްވުމުގެ ޑްރާފްޓްގެ ކޮޕީއެއް ކަމަށް ވިދާޅުވެ ކުރީގެ ހޯމް މިނިސްޓަރު އުމަރު ނަސީރު މިދިޔަ ހޯމަ ދުވަހު ލިޔުންތަކެއް ލީކްކުރެއްވުމުންނެވެ. ޑިފެންސް މިނިސްޓްރީން ވަނީ އެއީ އަސްލެއް ނެތް ލިޔުންތަކެއް ކަމަށް ބުނެފަ އެވެ.
އެމްއެންޑީއެފްގެ އިސްވެރިންނަށް ކުރާ ރިޝްވަތުުގެ ތުހުމަތުގެ މައްސަލަ ނުބަލަން އޭސީސިން ނިންމިއިރު، އެ ބޭފުޅުންނަށް 20 މިލިއަން ޑޮލަރު ބެހި ކަމަށް ބުނެ ރާއްޖޭގެ އޮންލައިން މީޑިއާއެއްގައި ރިޕޯޓުކޮށްފައި ވެ އެވެ.
ނަމަވެސް އެމްއެންޑީއެފްގެ ލީޑަޝިޕުން މިދިޔަ އަންގާރަ ދުވަހު ބޭއްވި ނިއުސް ކޮންފަރެންސްގައި އެ ހުރިހާ ކަމެއް ދޮގުކޮށްފައި ވެ އެވެ.
އެ ނިއުސް ކޮންފަރެންސްގައި ބްރިގޭޑިއާ ޖެނެރަލް ހާމިދު ޝަފީގު ވިދާޅުވީ ސިފައިންނަކީ ލާރިކޮޅަކަށް ވިކޭނެ ބައެއް ނޫން ކަމަށެވެ. އެއަށް ވުރެ ކްރެޑިބިލިޓީ ބޮޑުވާނެ ކަމަށް އޭނާ ވިދާޅުވި އެވެ،
"އަޅުގަނޑުމެންނަކީ ލާރިކޮޅަކަށް، ދެހާސް ވަރަކަށް ޑޮލަރަށް ވިކިގެންދާނެ ބައެއް ނޫން. އެއަށް ވުރެ ކްރެޑިބިލިޓީ ބޮޑުވާނެ،" ދިވެހި ސިފައިންގެ އެންމެ ޖެނެރަލަކު ފިޔަވައި، އެހެން ހުރިހާ ޖެނެރަލުން ބޭއްވެވި ނޫސްވެރިންްގެ ބައްދަލުވުމުގައި ހާމިދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާމަސީލު
19 March 2021
އުމަރު ނަސީރު ކޮންމެ ފަހަރަކކު ބުހުތާނު ބޮޑެތިދޮގު ހަދާ މުޅި ގައުމު ފަސާދަ ކުރުމަށްފަހު ބުނާނެ އެއީ ސިޔާސީގޮތުން ބުނި އެއްޗެކޯ. ޓެރަރިޒަމްގެ ގާނޫނު މިއުމަރުގެ މައްޗަށް ނުހިންގެނީ ކީއްވެތޯ އަހަން ވެއްޖެ ނޫންތޯ؟
ހަސަދު
18 March 2021
މިމައްސަލައިގައި އޮޅުވާލުމެއް އުޅޭހެން ހާދަ ހީވެޔޭ.
ވިސްނާލުމަށް އެދެމޭ
18 March 2021
ރާއްޖޭގަ އުތުރުތިލަފަޅުކިޔާތަނެ އޮތްކަން ބެލިދާނެތަ..މޑޕގެ ވެރިކަމެއްގަ ކަންކަމުގަ ފެންނަންމިއޮތީ ދުފުށެއްނޫން..ހުރިފުށެއް ފެނޭ..ކޮބާ ޝޭޙުންނޭ ނަމުން ސޯލިހުކީމަ ކަމުން ސޯލިހުވެއްއެއްނު..ދިވެހި ގައުމު މިހާރު އދގަ އޮތީ މިނިވަން ދައުލަތެއްގަ ކަމާމެދު ޝައްކު..އސސ ވެރިން އިސްތިއުފާދީފަ ގެޔަށްދޭ..ރައްޔިތުންގެ ޓެކްސްފައިސާ ނުކައި..އަހަރެމެންގެ ޓެކްސްފައިސާ ހުރިހާ ރައްޔިތުންނަ ބަހަން އެދެން މާލީވަޒީރު..
ޓަކަފިރޯށި
18 March 2021
ކޮބައިހޭ ކުރީގަ ހޭބޯނާރަ ހުދުގަމީސް ލައިފަ ނިކުމެ އުޅުން ޓުރާސްޕޭރަންސީމެނާ ލޯބޮޑު އަވިއައިނު އަޅައިގެން އުޅުނު ލޯޔަރޭމެން!؟ ހޮރަށްވަދެ ފިލައިދޯ؟
ކޮރަލް
18 March 2021
އުތުރު ތިލަފަޅު (ޔޫޓީއެފް)ގެ އެގްރިމެންޓާ ގުޅިގެން ޗީފް އޮފް ޑިފެންސް ފޯސް މޭޖަ ޖެނެރަލް އަބްދުﷲ ޝަމާލްގެ އިތުރުން އެ ތަނުގެ އިސްވެރިންނަށް ތުހުމަތުކޮށް އަމިއްލަ މީހަކު ހުށަހެޅި މައްސަލަ ނުބަލަން އެންޓި ކޮރަޕްޝަން ކޮމިޝަން (އޭސީސީ) އިން މިއަދު ނިންމައިފި އެވެ. މިނިވަނެއް ނުވެ އެވެ.
ސަސި
18 March 2021
ވުޖޫދުގަ ނުވެސް ނެތް ކަމެއް ކަމަށް ބުނާ ކަމަކާހެދި ހާދަ ވަރެކޭ މިވަނީ
ޖަމަލު
18 March 2021
މިފަހަރު ހެޔޮ ބުޅަލެއް އެމްޑީޕީއާ ދެކޮޅަށް ކުރިމަތިލިޔަސް. ލޯކަލް ކައުންސިލްގަ އެމްޑީޕީއަކަށް ވޮޓެއް ނުލާނަން
ދާއްބަ
18 March 2021
ކަލޭ ނުލިޔަސް ބާކީ ތިބި 90% މީހުން ލާނީ އެމްޑީޕީ އަށް.
ނަލަބެ
18 March 2021
އެކަމަކު އޭނަ ބުނަނީ ގުޅާލީމަ ލިބޭޖަވާބު ވަރަށް ޕޮޒިޓިވޭ. ސަބަބަކީ ކަޢުންސިލް ރީދޫ ޓީމަށް ލިބުނީމާ މާލޭ މީހުނަށް ބޯހިޔާވަހިކަން ލިބޭނެޔޯ. މަޖްލިސް ހިތަކަށް ލިބުނީމަ ވީ ހަމަ އެއކަމެއްވެސް ނެތް. ދެން މިހާރު މިކިޔަނީ ކަމެއްވާނީ ކައުންސިލް ލިބުނީމައޭ. ޙުސް ހޮޅި ވާހަކަ. އެއްކ.ެއްވެސް ނުވާ ބަެިގަޑެއް
މުސާރަ_ނޫންކަމެއް_ނޭގޭ_ދިޔެ
18 March 2021
ނުބެލޭނެކަން އެގޭ. ތީ ޕަޕެޓް މުސާރަ ކޮމިޝަނެއް. އެންމެ ކުޑަމިނުން ހަގީގަތް ބަލާ ރައްޔިތުންގެ ހިތުގައި ހުރި ޝައްކުތައް ފިލުވައިދޭންވީނުން. އެއީ އުމަރުނަސީރު ކުރާ ކެމްޕެއިނެއްކަން ވެސް ރައްޔިތުންނަށް ހާމަކޮށްލަ ދިންނަމަ ކިހާރަގަޅު.
އުދުހޭ
18 March 2021
އަހަރަކު 50 ލާރި އަނބުރާ ދައުލަތަށް ހޯދައިނުދެވެންޏާ ބޮޑެތި މުސާރަތަކެއްގައި ބަޔަކު ބޭތިއްބުމުގެ މަގުސަދު ހާސިލްވާނެބާ؟
ކާސިންޖީ
18 March 2021
ލޮލް، ޑިމޮކްރަސީއޯ.