މީޑިއާ ބްރީފިންގައި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ، ނޫސްވެރިއެއްގެ ސުވާލު އަޑުއައްސަވަނީ.---ފޮޓޯ: ހެލްތު މިނިސްޓްރީ
22 މާޗް 2021 - 16:36
33 comments
ކޮވިޑް-19 އިން ރައްކާތެރިވުމަށް އަޅާފައިވާ ފިޔަވަޅުތަކަށް، އަންނަ މަހު ފަށާ މި އަހަރުގެ ރޯދަމަހަށްޓަކައި ލުއިތަކެއް ދިނުމުގެ ވިސްނުން ގެންގުޅޭ ކަމަށް ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ރައްޔިތުންގެ މަޖިލީހުގެ ކޮމިޓީއެއްގައި މިއަދު ވިދާޅުވެއްޖެ އެވެ.
އިގްތިސާދީ ކޮމިޓީގައި އޭނާ ވިދާޅުވީ، ރޯދަމަހަށް ލުއިތަކެއް ދޭން ބޭނުންވާ ކަމަށާއި މިހާރުގެ ހާލަތު ބެލުމަށް ފަހު ބަދަލުތައް ގެނެވޭނެ ގޮތްތައް ކަނޑައަޅުއްވާނެ ކަމަށެވެ.
"އަޅުގަނޑުމެންނަށް ލުއިތައް ދިނުމަށް އިތުރު ބާރަކަށް ވާނެ ވެކްސިން ޖެހުމާއި ވެކްސިން ދެވޭ ނިސްބަތަށް ބަލާފައި. ވީހާ ވެސް އަވަހަކަށް ވެކްސިން ޖަހައި، ރަނގަޅު ކަވަރޭޖެއް ގެނައުން މިއީ ވަރަށް ބޮޑު އުންމީދެއް،" އޭނާ ވިދާޅުވި އެވެ.
މައިމޫނާ ވިދާޅުވިގޮތުގައި، ވެކްސިން ދިނުމުގެ އިތުރުން ބަލީގެ ނުރައްކާތެރިކަމަށް އަންނަ ބަދަލުތައް ވެސް އަންނަނީ ދެނެގަންނަމުންނެވެ. އަދި ވިދާޅުވީ، ކޮވިޑް ފެތުރުނު ކަމުގައިވީ ނަމަވެސް އެ ބަލިން ނުރައްކާ ހާލަތަށްދާ މިންވަރު ކުޑަ ކުރެވޭ ކަމުގައިވާ ނަމަ އިތުރު ލުއިތައް ދެވޭނެ ކަމަށެވެ.
"ރޯދަމަހަށް ވިޔަފާރިތަކަށް އިތުރު ދަތިތަކެއް ކުރިމަތި ކުރާކަށް އެއް ގޮތަކަށް ވެސް ނުވިސްނަން. އެގޮތަށް ލުއި ދެވޭނީ ކަންކަމަށް ބަލާފައި،" އޭނާ ވިދާޅުވި އެވެ.
ކެފޭ/ ރެސްޓޯރެންޓްތައް ހުޅުވައިލުމުގައި ކޮވިޑާ ގުޅިގެން ޚާއްސަ އުސޫލުތަކެއް ކަނޑައަޅާފައި ވަނީ އެއީ ބަލި ޖެހުމުގެ ފުރުސަތު ބޮޑު ތަންތަން ވުމުން ކަމަށް މައިމޫނާ ވިދާޅުވި އެވެ. މާލެ ސަރަހައްދުގެ ކެފޭ/ރެސްޓޯރަންޓުތަކުގައި ތިބެގެން ޚިދުމަތް ހޯދޭ އެންމެ ފަހު ގަޑިއަކީ މީގެ ދެ ހަފުތާއެއްހާ ދުވަސް ކުރިން ފެށިގެން ރެއާ ހަމައަށް ރޭގަނޑު 8:00 އަށް ކަމަށް ވިޔަސް މިހާރު ވަނީ 10:30 އަށް ބަދަލުކޮށްފަ އެވެ. އެ ބަދަލު ގެނައީ ވެސް ވިޔަފާރިވެރިންގެ ފިއްތުންތަކާ ހެދި އެވެ.
މައިމޫނާ މިއަދު ވިދާޅުވީ، ރެސްޓޯރެންޓްތަކަކީ ރޭގަނޑު ވަރަށް ގިނަ އަދަދެއްގެ ބަޔަކު ދާ ތަންތަން ކަމަށާއި ރޭގަނޑު އެ ތަންތަން ހުޅުވާފައި ހުންނަ ވަގުތު ކުޑަ ކުރަނީ އެ ތަންތަނުން ބަލި ޖެހޭ މިންވަރު ކުޑަކުރުމުގެ ބޭނުމުގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓަކު މޫނާ
24 March 2021
ހެޔޮ ނުދިނަސް. ތީ ނަޝީދު ދަށުވެފަ އޮތް ތަނެއް.
ޖާބިރު
23 March 2021
ކޮވިޑް އަކީ ސިޔާސީ ސަކަރާތް ޖަހާއިރު އަރާ އެއްޗެއް ނޫނޯ . ހަމަ އެކަނި މިސްކިތުގަ ސަފު ހަދައިގެން ނަމާދު ކުރީމަ އަރާއެއްޗެއް ކަމަށް މި ކަނބުލޭގެ ބުނަނީ !
ލުތުފީ
23 March 2021
ސިޔާސީ ހަރަކާތް ހިންގޭނެ ގައިދުރުކޮށްގެން، މާސްކް އަޅައިގެންވެސް. ހޮޓާ ރެސްޓޯރަންޓް ތަކުގަ މާސްކުއަޅައިގެން ކާން ސިގިރެޓްބޯން ތިބެވޭނެތޯ!
އަބްޑޫޅް
23 March 2021
ޖަރާސީމަށްވެސް ރޯދަމަހަކީ ކޯންޗެއްކަން އެގެނީދޯ؟ ރޯދަމަހު، އިންސީންނަށް ލުއިދީގެން އުޅުމަށް، ޖަރާސީމުގެ ރައީސްމީހާ ވެސް އެންގީތަ؟
ހަސަނު
23 March 2021
މައިމޫނާ ދެއްވި އެއްޗަކާ ހަކުރާ ކައިގެން ތިބޭނީ ދެން... އެނޫން ގޮތެއް މިންވަރު ކުރައްވަންދެން..
ފިސާރިކަނބަލުން
22 March 2021
ވަރަށް ހިއްވަރުގަދަ ކަނބަލެއް. ކުރާމަސައްކަތުގައި ބަރަކާތް ލައްވާށިއެވެ.
ބޭބެ
22 March 2021
މިކަން ނި މުނުކަމަކަށް ނަހަދާނެ ދައުލަތް ހުލިނުވަނީސް
ރޯދަމަސް
22 March 2021
ބަލަގަ ރޯދަ މަހަކީ އަޅުކަމުގެ މައްސަރޭ. ނަމާދު ގައި ސަފުތައް ހަދާގޮތުގެ އިސްލާހު ނޫން ތޯ އެންމެ އައުލާއީ ؟
ކާފަބޭ
22 March 2021
ލަދެއްވެސް ނުގަނޭބާ.....
1828
22 March 2021
ރަށްރަށުގައި ދިރިއުޅޭ މީހުންނަށް ލުއިދޭނެ. އެކަމަކު ސަރުކާރުން ރިސޯޓް މުވައްޒަފުން ގެންގުޅޭނީ ރިސޯޓް ބަންދުގައި. މިހާރުވެސް ރިސޯޓް މުވައްޒަފުން ގެންގުޅެނީ ރިސޯޓްގައި ބަންދުކޮށްގެން. އެހެން އުޅެނިކޮށް ކުޑަހުވަދޫގައި އަތަށް ގޮވީ.
ހައުސްކީޕަރ
24 March 2021
އަޅެ ރިސޯޓުން ކެނޑިގެން ދޭބަލަ ގެޔައް.
ވަޑިޔައްތޮކިނަބާ
22 March 2021
އެޗްޕީއޭ ގެ ޚަބަރުގެ ރުކުން: 1- ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއިކުރައްވައި ނެރުއްވި ލިޔުން. 2- ޑިރެކްޓަރ ޖެނެރަލް އޮފް ޕަބްލިކް ހެލްތު އަށް ޤާނޫނުން ލިބިދީފައިވާ ބާރުގެ ދަށުން. ޚަބަރުގައި މި 2 ރުކުން ނެތްނަމަ ޚަބަރު ފުރިހަމަނުވާނެ.