އާމްދަނީގެ ފަރަގު ކުޑަކުރެވޭނީ އިންކަމް ޓެކްސް ނަގައިގެން: ގަވަރުނަރު

މަރުކަޒީ ބޭންކުގެ ގަވަރުނަރު އަޒީމާ: އިންކަމް ޓެކްސް ނަގަން އޭނާ ތާއީދުކުރައްވާ.-- ފައިލް ފޮޓޯ: ނިޝާން އަލީ/ މިހާރު

އަލީ ނާފިޒް، މިހާރު

14 ނޮވެމްބަރ 2016 - 08:42

ދިވެހިންގެ މެދުގައި އޮތް އާމްދަނީގެ ފަރަގު ކުޑަކުރެވޭނީ އިންކަމް ޓެކްސް ނަގައިގެން ކަމަށް މަރުކަޒީ ބޭންކުގެ ގަވަރުނަރު އަޒީމާ އާދަމް ރޭ ވިދާޅުވެއްޖެ އެވެ.

އަންނަ އަހަރަށް ލަފާކުރާ ދައުލަތުގެ ބަޖެޓު ދިރާސާކުރާ ރައްޔިތުންގެ މަޖިލީހުގެ ކޮމިޓީގެ ބައްދަލުވުމުގައި އަޒީމާ ވިދާޅުވީ އިންކަމް ޓެކްސް ނެގުމާ ގުޅޭ އެއްވެސް މަސައްކަތެއް ބަޖެޓުގައި ކޮށްފައި ނުވާ ކަމަށެވެ. އެކަމަކު އަމިއްލަ ހިޔާލެއް ދެއްވަންޏާ އެއީ ނަގަން ޖެހޭ ޓެކުހެއް ކަމަށް އޭނާ ތަކުރާރުކޮށް ވިދާޅުވި އެވެ.

"ކުރިއަށް އޮތް ތަނުގައި ރާއްޖޭގައި އާމްދަނީގެ އިންއީކުއަލިޓީ ކުޑަކުރެވޭނީ ރަނގަޅު ނިޒާމެއްގެ ދަށުން އިންކަމް ޓެކްސް ނެގިގެން،" ގެމަނަފުށީ ދާއިރާގެ މެމްބަރު ޖަމީލް އުސްމާން ކުރެއްވި ސުވާލެއްގެ ޖަވާބުގައި އަޒީމާ ވިދާޅުވި އެވެ.

އެކަމަކު އޭނާ ވިދާޅުވީ އަންނަ އަހަރު އިންކަމް ޓެކްސް ނަގަން ފަށަން މިހާރު މާ ލަސްވެއްޖެ ކަމަށެވެ. އެއީ، އޭނާ ވިދާޅުވި ގޮތުގައި، އެހެން ޓެކްސްތަކެކޭ ވެސް އެއްގޮތަށް، މި ޓެކްސް ވެސް ނަގާނެ އުސޫލުތައް ދުރާލާ އެކަށައަޅައި އާއްމުން އެ އަށް ހޭލުންތެރިކޮށް، ރަނގަޅަށް ތައްޔާރުވާން ޖެހޭތީ އެވެ.

"ޓެކްސް ނެގުމުގެ މަސައްކަތް ކުރަން ޖެހޭނީ ވީހާ ވެސް ޓްރާންސްޕޭރެންޓްކޮށް. އިންކަމް ޓެކްސް ވެސް ނަގާއިރު އެކަމުގެ މައުލޫމާތާއި ހޭލުންތެރިކަން ރައްޔިތުންނަށް ލިބެން ޖެހޭނެ،" އަޒީމާ ވިދާޅުވި އެވެ.

ބޮޑެތި އާމްދަނީ ލިބޭ ފަރާތްތަކުގެ އަތުން ނަގާ އިންކަމް ޓެކުހަށް މަރުކަޒީ ބޭންކުގެ ގަވަރުނަރު ތާއީދުކުރެއްވިއިރު، ގިނަ ޓެކްސްތަކެއް ތައާރަފްކުރަމުން އަންނައިރު ވެސް މުއްސަނދިންގެ އަތުން ޓެކްސް ނުނަގާ ކަމުގެ ޝަކުވާ ވަނީ ބޮޑުވެފަ އެވެ. އެ ގޮތުން، ޓޫރިޒަމްގެ ވިޔަފާރިން ގިނަ ޓެކްސްތަކެއް ނަގައި އަންނަ އަހަރު އެއާޕޯޓް ޑިވެލޮޕްމަންޓް ޗާޖު (އޭޑީސީ)ގެ ގޮތުގައި 25 ޑޮލަރު ނަގަން ނިންމާފައިވާތީ އެ މައްސަލަ އެކި ފަރާތްތަކުން އަންނަނީ ޖައްސަމުންނެވެ.

އިންކަމް ޓެކްސް ނަގަން ނިންމާފައި ނުވިޔަސް، އަންނަ އަހަރަށް ލަފާކުރާ 26.8 ބަޖެޓުގައި އެކި ޓެކްސްތައް ބޮޑުކޮށް، ބައެއް އާ ފީތައް ނަގަން ސަރުކާރުން ވަނީ ހުށަހަޅައިފަ އެވެ. އެއީ އޭޑީސީގެ އިތުރުން، ބިން ހިއްކައި ގެސްޓްހައުސް ފަދަ ތަންތަން ހަދަން ދިގު މުއްދަތަށް ކުއްޔަށް ދިނުމާއި މާލޭގައި ދުއްވާ އެއްގަމު އުޅަނދުން ކޮންޖެސްޝަން ފީއެއް ނެގުމާއި ދުންފަތުގެ ބާވަތްތަކާއި ފިޒީ އަދި އެނާޖީ ބުއިންތަކުގެ އިމްޕޯޓު ޑިއުޓީ ބޮޑުކުރުމާއި ޓެކްސީގެ އިތުރު 400 ލައިސަންސް ވިއްކުމާއި ސަރުކާރު ހިއްސާވާ ކުންފުނިތަކުގެ ޑިވިޑެންޓް 60 ޕަސެންޓަށް ބޮޑުކުރުމާއި އެސްއީޒެޑްގެ އިކުއިޒިޝަން ފީ ނެގުން ހިމެނެ އެވެ.

ބަޖެޓުގެ ބަހުސް މަޖިލީހުގެ ތަޅުމުގައި މިއަދު ފަށާނެ އެވެ.

ދައުލަތުގެ ބަޖެޓް ޓެކްސް އާމްދަނީން ނަގާ ޓެކްސް އެމްއެމްއޭ ގަވަރުނަރު އަޒީމާ އާދަމް ދައުލަތުގެ ބަޖެޓް 2017

43 ކޮމެންޓް, 83 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޓުންގާ

16 November 2016

މިހާރު ބޭނުން ވާނެކަން އިނގޭ. ބޭނުމީ އިތުރު ފައިސާ އަދި އިދިކޮޅު މީހުން އިނދަޖައްސާލުން ވިއްޔާ. ސަރުކާރާ އެއްކޮޅު މެންބަރެއްގެ މިލްކިއްޔާތުގައި ހުރީ އެންމެ 40 ރުފިޔާއޭ ބުނީމަވެސް މައްސަލައަކަށް ނުވަންޏާ ސަރުކާރާ އެއްކޮޅު އެންމެންވެސް މިހެން މިކަންކަން އޮޅުވާލާފަ ތިބެވިދާނެ ވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ

14 November 2016

ޓެކްސް ނެގިޔަސް އާމްދަނީ ހަމަހަމަ ވާނީ ކިހިނެއް. ގަނޑުކޮށް ސިޔާސީ ވަޒީފާތަކަށ ބަހާ ހުސްކުރަންޏާ؟ އަނެއްކޮޅުން މުޅި ސަރުކާރު އެކީ ކެމްޕޭންގައި. އިދޮކޮޅު ވާދަވެރިޔަކު ފެންނާން ނެތި ރައްޔިތުންގެ އަޑުކަނޑުވާލައިގެން ދައުރު ފެށުނީއްސުރެ ރައީސް އެއުޅުއްވަނީ މުޅިސަރުކާރު ފަހަތްޕުޅުލައިގެން ކުރިޔަށް އޮތް ދައުރުގެ ކެމްޕޭންގައި. ނަތީޖާ ދަނީ ދިމާ އިދިކޮޅަށް. އަދުލުވެރި ވެރިކަމަކަށްވުރެ މޮޅު ކެމްޕޭނެއް އޮންނާނެތޯ؟ އެކަމަކު ކުރާނެކަމެއް ނެތް، ނުތް ދިޔައެއް ނުނެރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

14 November 2016

ވޯޓް ގަނެގެން ގޮނޑި ހޯދީމާ، ދެން ނުޖެހޭނެ ރައްޔިތުން ބުނާހާގޮތެއް ހަދާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ރަދުން

14 November 2016

ތިކަން ކުރަން ވަރަށް އުނދަގޫވާނެ.އެބޭފުޅުންގެ ވަރަށްގިނަ އާމްދަނީ ވަންނަނީ އެއްކަލަގޮތަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިއްމާ

14 November 2016

އަޒިމާގެ ޒިއްމާ ދަށުގައިވާ ކަންކަން ފުރިހަމަވަނީ ކިހާވަރަކައްބާ؟ ބޭރުމީހުން ދިވެހި މި ބިމުގައި ބޭރުފައިސާއިން މުއާމަލާތް ކުރުން ނުހުއްޓުވޭތީ ބޭރުފައިސާއަގުބޮޑުވާ މައްސަލައިގެ ވާހަހަކަ ދެއްކެވިނަމަ ދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ރަޝާދު ޙަސަން

14 November 2016

އަޒީމާ ތިޔަ ވިދާޅުވަނީ ވަރަށް ބޮޑު ތެދެއް އަޒީމާއަށް ޝުކުރު ދަންނަވަން ނަމަވެސް މިހާރު މަޖިލިސް ގަ ތިޔަ ތިއްބެވި މުސްސަދިން ބޭނުމެއް ނުވާނެ ތިޔަކަންތައް ކުރާކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

14 November 2016

އިންކަމް ޓެކްސް ނަގާނަމަ ނުހައްގު ވިޔަފާރީގެ މުއާމަލާތްތަކުން ހޯދާފައިސާ އެނގޭނެ. މަޖިލީސް މެމްބަރެއް ނޫނަސް ކުއްލިއަކަށް މިލިޔަނުން ވިޔަފާރި ފައްޓާއިރު މިހާރު ސުވާލެއް ނުކުރެވޭ. ޓެކްސް ނުނަގަނީ ކޮރަޕްޝަން ހިންގަން ފަސޭހަޔަކަށޭވެސް ބުނެވިދާނެ. އަދި މުއްސަނދިން ހިތްރުއްސަން ސަރުކާރުން ބޭނުންވާތީ. މުއްސަނދިން ރުއްސަނީ ވެރިކަން ދަމަހެއްޓުމަށް. އާންމުން ފަގީރު ވިވަރަކަށް ވޯޓުއަގު ހެޔޮވާނެ. 100 ރުފިޔާއަށް އެވިއްކާލެވޭ ވޯޓަކީ ތިމާގެ ޕަވަރއޮފް އެޓާނީކަން ގިނަމީހުނަށް ނޭނގޭތީ ވާގޮތް.