އިނގިރޭސިވިލާތުގެ ލޮކްޑައުން ދައްކުވައިދޭ ފޮތެއް ކޭޓް މިޑްލްޓަން ލޯންޗްކޮށްފި

"ހޯލްޑް ސްޓިލް" ގައި ލޮކްޑައުންގެ ހާލަތު ދައްކުވައިދޭ 100 ފޮޓޯ ހިމެނޭނެ

އަހުމަދު އަދްޝަން، މިހާރު

30 މާޗް 2021 - 08:10

މިދިޔަ އަހަރު ކުރިމަތިވި ކޮވިޑް-19 ގެ ބޮޑު ބަލިމަޑުކަމާ ވިދިގެން އިނގިރޭސިވިލާތުގައި އިއުލާންކުރި ފުރަތަމަ ލޮކްޑައުންއާ ގުޅިގެން އާންމުންގެ ދިރިއުޅުމަށް އައި "ހިމޭންކަން" ފޮޓޯތަކުން ދައްކުވައިދޭ ފޮތެއް "ހޯލްޑް ސްޓިލް: އަ ޕޯޓްރެއިޓް އޮފް އަވަ ނޭޝަން އިން 2020" ގެ ނަމުގައި ލޯންޗްކޮށްފި އެވެ.

އަންނަ މެއި މަހުގެ 7 ގައި އާންމުކޮށް ނެރެން ނިންމާފައިވާ ފޮތް އާދީއްތަ ދުވަހު ލޯންޗްކޮށް ދެއްވީ ޕްރިންސް ވިލިއަމްގެ އަނބިކަނބަކުން ކޭޓް މިޑްލްޓަނެވެ. "ހޯލްޑް ސްޓިލް" އަކީ އޭނާ އާއި ނެޝަނަލް ޕޯޓްރައިޓް ގެލެރީ ގުޅިގެން ގެނެސްދޭ ފޮތެކެވެ. ފޮތަށް މިދިޔަ އަހަރު ފޮޓޯ ހޯދާފައި ވަނީ އާންމުކޮށް ހުޅުވާލައިގެންނެވެ. އެގޮތުން ފޮތުގައި ހިމަނާނެ އެންމެ ފުރިހަމަ އަދި ލޮކްޑައުންގެ ހާލަތު އެންމެ ރަނގަޅަށް ސިފަކޮށްދޭ ފޮޓޯތައް ހޮވާފައި ވަނީ އެކަމަށް ހާއްސަ ޕެނެލަކުންނެވެ. އެ ޕެނެލްގައި ކޭޓް ވެސް ހިމެނިވަޑައިގަންނަވަ އެވެ.

Thank you for the early prototype of the Hold Still book @NPGLondon!

This new book will bring together the final 100 Hold Still portraits that provided a unique record of our shared and individual experiences of the first UK lockdown. pic.twitter.com/MQ7TrSvvux
— The Duke and Duchess of Cambridge (@KensingtonRoyal) March 28, 2021

"ހޯލްޑް ސްޓިލް" އާދީއްތަ ދުވަހު ލޯންޗްކުރި އިރު އޭގައި 100 ފޮޓޯ ހިމަނައި، ކޮންމެ ފޮޓޯއަކާ އެކު އެ ފޮޓޯއަކާ ބެހޭ ހާއްސަ ލިޔުންކޮޅެއް ހިމަނާފައިވެ އެވެ. ފޮތަށް ފޮޓޯތައް ހުށަހަޅަން ހުޅުވައިލުމުން 31،000 ފޮޓޯ ހުށަހެޅި އެވެ. އޭގެ ތެރެއިން ވަރަށް ގިނަ ފޮޓޯތަކަކީ ފޮތް އިއުލާންކުރުމުގެ ކުރިން މިދިޔަ އަހަރު ބައެއް އެގްޒިބިޝަންތަކުގައި ވެސް ދައްކައިލި އަދި ޑިޖިޓަލް އާޓްގެ ގޮތުގައި ހަދާފައި ހުރި ފޮޓޯތަކެވެ.

Funds raised from the sale of the book will be split between leading mental health charity, @MindCharity, and the National Portrait Gallery.

The book will be available in UK bookshops and online from Friday 7th May, or pre-order now via https://t.co/NJ7zU3uvHu
— The Duke and Duchess of Cambridge (@KensingtonRoyal) March 28, 2021

ފޮތުގެ ތައާރަފުގައި ކޭޓް ވިދާޅުވެފައި ވަނީ "ހޯލްޑް ސްޓިލް" ގެ މައިގަނޑު ބޭނުމަކީ ފޮޓޯގްރަފީގެ ނުފޫޒާއި ބާރު ދައްކުވައި ދިނުން ކަމަށެވެ. އެގޮތުން ފޮތުގައި ހިމެނޭ ކޮންމެ ފޮޓޯ އަކީ އެތައް ވާހަކައެއް ކިޔައިދޭނެ އަދި ކުރިއަށް އޮތް ޖީލާ ހަމައަށް ކޮވިޑާ އެކު އިނގިރޭސީން ތަޖުރިބާކުރި ފުރަތަމަ ލޮކްޑައުންގެ ހަނދާންތަކާއި ފިލާވަޅު ގެންގޮސްދޭނެ އެއްޗެއް ކަމަށް ވިދާޅުވި އެވެ.

Through Hold Still, I wanted to use the power of photography to create a lasting record of what we were all experiencing – to capture individuals’ stories and document significant moments for families and communities as we lived through the pandemic. C (3/3)
— The Duke and Duchess of Cambridge (@KensingtonRoyal) March 28, 2021

"އާއިލާތަކާއި މުޅި މުޖުތަމައު ގުޅިގެން ދިޔަ ގޮތާއި އައި ބަދަލުތަކުގެ ވާހަކަ އާއި ރައްކާކުރެވުނު އެތައް ހަނދާންތަކެއް މިއިން ކޮންމެ ފޮޓޯއަކުން ކިޔައިދޭނެ." ކޭޓް ވިދާޅުވި އެވެ.

When we look back at the COVID-19 pandemic in decades to come, we will think of the challenges we all faced – the loved ones we lost, the extended isolation from our families and friends and the strain placed on our key workers. (1/3) pic.twitter.com/NPHSnglDE4
— The Duke and Duchess of Cambridge (@KensingtonRoyal) March 28, 2021

މިހާރު ޕްރި-އޯޑަރަށް ވެސް ހުޅުވާލާފައިވާ ފޮތާ ބެހޭ އިތުރު ވާހަކަތަކެއް ޓްވިޓާގައި ހިއްސާކުރައްވަމުން ކޭޓް ވިދާޅުވެފައި ވަނީ ފޮތް ވިއްކައިގެން ލިބޭ ހުރިހާ ފައިސާއެއް ނެޝަނަލް ޕޯޓްރައިޓް ގެލެރީ އާއި ނަފުސާނީ މައްސަލަތަކާ ދެކޮޅަށް މަސައްކަތްކުރާ އިނގިރޭސިވިލާތުގެ ޖަމިއްޔާ މައިންޑް އަށް ހަމަހަމަ އަށް ބަހައިލަން ނިންމާފައިވާ ކަމަށެވެ.

އިނގިރޭސިވިލާތަކީ ޔޫރަޕްގެ ގައުމުތަކުގެ ތެރެއިން މިދިޔަ އަހަރު ކޮވިޑްގެ ހާލަތު އެންމެ ގޯސްވި އެއް ގައުމެވެ. އަދި މިިދިޔަ އަހަރުގެ ފަހުކޮޅު އެ ގައުމުން ކޮވިޑް-19 ގެ އާ ވޭރިއަންޓެއް ފެނި އިތުރު ލޮކްޑައުންއަކަށް ދާން ޖެހުނެވެ.

އިނގިރޭސިވިލާތުން ކޮވިޑް ޖެހުނު މީހުންގެ އަދަދު ހަތް މިލިއަނަށް ވުރެ ގިނަ އެވެ. އަދި އެ ބަލީގައި އެ ގައުމުން މަރުވި މީހުންގެ އަދަދު ލައްކައަކަށް ވުރެ ގިނަ އެވެ.