ހުކުމުގައިވަނީ ދައުލަތާއި ވިމްލާގެ އެއްބަސްވުން އޮތްގޮތުން، ދެ ފަރާތުން ވާހަކަ ދައްކައިގެން މައްސަލަ ހައްލު ނުވެއްޖެ ނަމަ، އެކަން ހައްލު ކުރަން ޖެހެނީ އެޖުޑިކޭޓާގެ ހައިސިއްޔަތުން ފިނޭންސް މިނިސްޓްރީގެ ޓެންޑާ އިވެލުއޭޝަން ބޯޑު މެދުވެރިކޮށް ކަމަށް.
ހައި ކޯޓު: ވިމްލާ ކުންފުންޏަށް 78 މިލިއަން ދައްކަން ދައުލަތުގެ މައްޗަށް ކުރި ހުކުމް ވަނީ ބާތިލް ކޮށްފައި --- ފޮޓޯ/މިހާރު
29 މާޗް 2021 - 18:47
10 comments
ސުނާމީ ކާރިސާގައި ގެދޮރު ގެއްލުނު މީހުންނަށް ގެތައް އިމާރާތް ކުރުމުގެ މަސައްކަތާ ގުޅިގެން ވިމްލާ ކޮންސްޓްރަކްޝަނަށް 78 މިލިއަން ރުފިޔާ ދައްކަން ދައުލަތުގެ މައްޗަށް ކޮށްފައިވާ ހުކުމް ހައި ކޯޓުން މިއަދު ބާތިލްކޮށްފި އެވެ.
ވިމްލާ އަށް 78 މިލިއަން ރުފިޔާ ދައްކަން 2016 ގައިި ސިވިލް ކޯޓުން ހުކުމްކުރީ ސުނާމީއާ ގުޅިގެން ގއ. އަތޮޅުގެ ތިން ރަށެއްގައި އެ ކުންފުނިން އެޅި ގެތަކަށް ދައުލަތުން ދައްކަންޖެހޭ ފައިސާ ނުދެއްކުމުން އެ ކުންފުނިން ދައުވާ ކުރުމުންނެވެ. އެ މައްސަލަ ދައުލަތުން ހައި ކޯޓުގައި އިސްތިއުނާފްކުރީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ.
ހައި ކޯޓުން މިއަދު ކުރި ހުކުމުގައިވަނީ ދައުލަތާއި ވިމްލާއާ ދެމެދު ހަދާފައިވާ އެއްބަސްވުން އޮތްގޮތުން، ދެ ފަރާތުން ވާހަކަ ދައްކައިގެން މައްސަލަ ހައްލު ނުވެއްޖެ ނަމަ، އެކަން ހައްލު ކުރަން ޖެހެނީ އެޖުޑިކޭޓާގެ ހައިސިއްޔަތުން ފިނޭންސް މިނިސްޓްރީގައި އޮންނަ ޓެންޑާ އިވެލުއޭޝަން ބޯޑު މެދުވެރިކޮށް ކަމަށެވެ. އެޖުޑިކޭޓާގެ ނިންމުމާ މެދު ހިތްހަމަނުޖެހޭ ނަމަ އެ މައްސަލައެއް ދެން ބެލޭނީ އާބިޓްރޭޝަނަށް ކަމަށް އެ އެއްބަސްވުމުގައިވާ ކަމަށް ހައި ކޯޓުގެ ހުކުމުގައިވެ އެވެ. ކޯޓަށް އައުމުގެ ކުރިން ފުރިހަމަ ކުރަންޖެހޭ އިޖުރައާތުތައް ފުރިހަމަ ނުކޮށް ކޯޓުތަކަށް މައްސަލަ ހުށަނޭޅޭނެ ކަމަށް ހައި ކޯޓުން ކުރިން ކަނޑައަޅާފައިވާ ކަމަށް ވެސް ހުކުމުގައިވެ އެވެ.
އެއްބަސްވުން އޮތްގޮތުން އިންވޮއިސްތަކަށް ފައިސާ ދޫކުރެވެނީ ޕްރޮޖެކްޓް މެނޭޖަރު އެ އިންވޮއިސްތައް އެޕްރޫވް ކުރުމުން ކަމަށާއި އެކަމަކު 78 މިލިއަން ރުފިޔާ ދައްކަން ސިވިލް ކޯޓުން ހުކުމް ކުރީ ޕްރޮޖެކްޓް މެނޭޖަރު އެ އިންވޮއިސްތައް އެޕްރޫވް ނުކުރަނީސް ކަމަށް ހައި ކޯޓުގެ އެ ހުކުމުގައިވެ އެވެ.
ހައި ކޯޓުން އެ މައްސަލަ ބެއްލެވި ފަނޑިޔާރު ޝުއައިބު ހުސައިން ޒަކަރިއްޔާ އާއި ފަނޑިޔާރު ހުސައިން ޝަހީދު އަދި އިސް ފަނޑިޔާރު ހާތިފް ހިލްމީގެ އިއްތިފާގުން ކުރެއްވި ހުކުމުގައިވަނީ 78 މިލިއަން ދައްކަން ދައުލަތުގެ މައްޗަށް ހުކުމްކުރީ އެއްބަސްވުމަށް ރިއާޔަތް ނުކޮށް ކަމަށެވެ. އެހެންވެ، އެ ހުކުމް ބާތިލްކުރީ ކަމަށް ހައި ކޯޓުގެ ހުކުމުގައިިވެ އެވެ.
ވިމްލާ އަށް 78 މިލިއަން ރުފިޔާ ދައްކަން ހުކުމް ކުރުމުން ކޯޓުން ބޭރުގައި މައްސަލަ ހައްލުކުރަން މި ސަރުކާރުން މަސައްކަތް ފެށި އެވެ. އެ މައްސަލަ ރައްޔިތުންގެ މަޖިލީހުން ވެސް ކުރިން ބެލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސް އެމްޕްލޮޔީ
30 March 2021
ވިމްލާ ގެ އަޑި ފުށް އެނގޭ ބަޔަކު މި ނިންމުމަށް ތާއީދު ކުރާނެ.. ނަޝީދު ގެ އާއިލާގެ ތަނެއް ވީމަ ވަރުތަކެއް އެބަ އަރުވައެއް ނު.. ފުރަތަމަ ތިތާ އުޅޭ އަދި އުޅުނު މުވައްޒަފުންގެ މުސާރަ ދީބަލަ. ވައްކަން ކުރުމުގެ ލާމަސީލު މިސާލެއް މިއީ
އިމްނާ
30 March 2021
ދައުރު ބަދަލުވުމުން ކުރިން ކުރި ހުކުމް ގޯސްވެ ބާތިލް ވުމަކީ މިރާއްޖޭގައި އާކަމެއްނޫން. މިވެސް އިސްލާމީ ޝަރީޢަތޯ. ބުނާނީ އަޅެ ފަހެ ކީކޭ؟ ތިފަހަރެއްގައި ވެދާނެ ޕާޓީއަށްދޭންވާބައި ނުދިނީމާކަމަށްވެސް. ނުވަތަ ޕާޓީއާ އޮންނަގުޅުން ހީނަރުވީމާ ކަމަށްވެސް. ކޮންމެމީހަކުވެސް މަރުވާނެ. އެނގިހުރެ ގޯސްކޮށް ހުކުމް ކުރުމަކީ ކިހާވަރެއްގެ ކަމެއްކަން ގިނަބަޔަކަށް އެނގޭނެ. މިކަންވެސް ދެނެވޮޑިގެންވާ ފަރާތަށް އެނގޭނެ.
ނަޝީދު.
30 March 2021
އަދިވެސް ފުރަހަނި ގޮވާނެ އާއިލާ ވެރިކަމޭ ...
އެމެރިކާ
30 March 2021
އެމްޑީޕީޔާ ގޫޅުން ކަޑާލީމަ ވާނީ މިހެން.
ޢަފީ
29 March 2021
ވިމްލާ އަކީ ނަޝީދުގެ އާއިލާ މީހުންގެ ވިޔަފާރި ވީމަ ދެން ތިވަރު ތި އަރުވަނީ.
ކޮރަލް
29 March 2021
އެއްބަޔަކަށް މިލިއަނުން ކޯޓުން ކާމިޔާބު ވަނީ އެމްޑީޕީ ސަރު ކާރެއް އައީމަ އެވެ. އަނެއް ބަޔަކަށް ޕީޕީއެމްސަރުކާރެއް އައީމަ އެވެ. ރައްޔިތުންނަށް ވާ ފައިދާ އެއް ނެތެވެ. ލޫޓުވާލަނި ސިޔާސީ ބޮޑުން ގުޅިގެންނެވެ.
ފޭދޫ މީހާ
29 March 2021
ކޮބާ މޮޅު ތަކެއް ވެއްޖެތަ؟ ޕީޕީ ސަރުކާރުގަ ކަލޭ ފޭދޫ ހިއްކި ބިމުގަ އެޅި އިމާރާތް ވިއްކާފަ 78 މިލިޔަން ހޯދާ ހެހެހެ
ފޭދޫއަށް ނުވާ މީހާ
30 March 2021
މުޅިރާއްޖޭގަވެސް ވައިރޯޅިއެއް ޖެހިފަ ބިއްތައްވެއްޓުނު ފުރަތަމަ އިމާރާތް. މަ ހިތަށް އަރާ ދައުލަތަށް ލިބުނު ގެއްލުމިގެ ބަދަލުހޯދުމަށް ވިމްލާގެ އެސެޓްތައް ދައުލަތަށް ނުނަގާ މި ތިބެނީ ކީއްވެބާއޭ
އައްޔަ ބޮޑޭ
29 March 2021
މަސައްކަތް ކުރުވާފަ ފައިސާ ނުދިނުމަކީ މިހާރު އާއްމު ކަމަކައް މިރާއްޖޭގަ ވެއްޖެ! އާދައިގެމީހާވެސް ސަރުކާރުގެ ބޮޑެތި ކުންފުނި ތަކުންވެސް ކަނކުރަނީ ހަމަމިގޮތައް!
ޟިކާ
30 March 2021
ވަރިހަމަ ދޯ ވިމްލާއިން ކުރި މަސައްކަތް އެހެން ބަޔަކު ލައްވާ އަލުން ކުރަންޖެހުނަސް. މައްސަލައަކީ ނާގާބިލް ކުންފުނިތަކަށް މަސައްކަތް ހަވާލުކުރާތީ. ބޯކޮޅު މައްޗަށް ހުންނަ ބަޔަކު ވިމްލާ ކޮންސްޓްރަކްޝަންއާއި މަސައްކަތެއް ހަވާލެއް ނުކުރާނެ. ހިދުކޮޅު އައިސް ހުރިއްޔާ ބުނާކަށް ނޭންގެ