ރައީސް ކަމަށް ހޮވިވަޑައިގެންނެވި ޓްރަމްޕާ އެކު ބައެއް މީހުން ސެލްފީ ނަގަނީ: އިންތިޚާބު ކާމިޔާބު ކުރުމުގައި ސޯޝަލް މީޑިއާގެ ދައުރު ބޮޑު ކަމަށް ޓްރަމްޕް ވިދާޅުވި.
14 ނޮވެމްބަރ 2016 - 16:09
2 comments
ވޮޝިންޓަން (ނޮވެމްބަރު 14) - ރިޔާސީ އިންތިޚާބު ކާމިޔާބު ކުރުމަށް ސޯޝަލް މީޑިއާ އިން ވަރަށް ބޮޑު އެހީތެރިކަމެއް ލިބުނު ކަމަށް ޑޮނަލްޑް ޓްރަމްޕް ވިދާޅުވެއްޖެ އެވެ.
ސީބީއެސް ނިއުސްގެ "60 މިނިޓްސް" ޕްރޮގްރާމުގައި ޓްރަމްޕް ވިދާޅުވީ އޭނާއާ ދެކޮޅަށް މީޑިއާ އިން ހިންގި ނެގެޓިވް ކެމްޕޭނަަށް ރައްދު ދިނުމަށް ބޭނުންކޮށްފައި ވަނީ ސޯޝަލް މީޑިއާ ކަމަށެވެ. ނަމަވެސް ވެރިކަމާ ހަވާލުވެވަޑައިގަތުމަށް ފަހު ޓްވިޓާ އާއި ފޭސްބުކް ބޭނުން ކުރެއްވުން މަދު ކުރައްވާނެ ކަމަށް ވިދާޅުވި އެވެ.
ޓްރަމްޕް ވިދާޅުވީ ފޭސްބުކާއި ޓްވިޓާ އަދި އިންސްޓަގްރާމުން އޭނާ ފޮލޯކުރާ 28 މިލިއަން މީހުން އެބަތި ކަމަށެވެ.
ޓްރަމްޕް ވިދާޅުވީ ބައެއް ސްޓޭޓްތަކުގެ ވޯޓު ކާމިޔާބު ކުރުމަށް ވެސް ސޯޝަލް މީޑިއާ އިން މުހިންމު ދައުރެއް އަދާކުރި ކަމަށެވެ. މި ގޮތުން އިދިކޮޅު ކެންޑިޑޭޓް ހޭދަކުރި ފައިސާ އަށް ވުރެ ސޯޝަލް މީޑިއާގެ ބާރު މާބޮޑަށް ގަދަކަން އޭނާ ސާބިތު ކޮށްދީފައިވާ ކަމަށް ޓްރަމްޕް ވިދާޅުވި އެވެ.
އިންތިޚާބު ކާމިޔާބު ކުރުމަށް ފަހު ވެސް ޓްރަމްޕް ގެންދަވަނީ ސޯޝަލް މީޑިއާ މެދުވެރިކޮށް ބައެއް މެސެޖްތައް ދެއްވަމުންނެވެ. އެމެރިކާގެ ރައީސްކަމުގެ ހުވާ ޓްރަމްޕް ކުރައްވާނީ އަންނަ އަހަރުގެ ޖެނުއަރީ 20ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމީން
15 November 2016
ބޮޑަށް ފާހަގަ ކުރެވުނު ކަންތައްތަކުތެރެއިން ދެކެވެނީ ސޯޝަލް މީޑިއާގައި ދެކެވޭ ގިނަ ވާހަކަތައް ޓުރަމްޕް ދެއްކި ވާހަކަތަކާ ވަރަށް ބޮޑު ގުޅުން ހުރިކަން. ޓުރަމްޕަކީ މި ދެކޭ ތާރީޙްގެ އެންމެ ކާމިޔާބު ކޮމެޑިއިންއެއް ކަމުގައި ދެކެން.
ހަގީގަތް
14 November 2016
އިންތިޚާބު ކާމިޔާބު ކުރުމުގައި ސޯޝަލް މީޑިއާގެ ދައުރު ބޮޑު ކަމަށް ޓްރަމްޕް ވިދާޅުވުމުން އެކަން މަމެންނަށް ވެސް ގަބޫލުކުރެވެއެވެ. ސަބަބަކީ ޓްރަމްޕްގެ ކެމްޕެއިން މެނޭޖަރުން ސޯޝަލް މީޑިއާ ގައި މާ ބޮޑަށް އިންޓަރެކްޓް ވޭ ސަޕޯރޓަރުންނާއި އެކު ކެމްޕެއިން އިވެންޓް ތެރޭގައި ވެސް. އަދި މިހާރުވެސް ހިލަރީ އަށް ތާއީދު ކުރާ ކުދިންނާއި އަބަދުވެސް ސްކައިޕް އިން ވެސް ވާހަކަ ދައްކާ މަޖާ ކޮށް ހެދުމުގައި އަދި ވެސް ޓްރަމްޕްގެ ކެމްޕެއިން އިވެންޓް ގައި އުޅުނު މެނޭޖަރުން ވަރަށް ކުރީގައި އުޅޭ ކަން އެއީ ފެންނާން ހުރި ހަގީގަތެވެ.