ކުރީގެ ޓެލެކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު ޖަމާލް، އޭނާގެ އިތުބާރު ނެތްކަމަށް މަޖިލީހުން ފާސްކުރި ޖަލްސާގައި، ޖަވާބުދާރީވެވަޑައިގެެންނެވުމަށް ޓަކައި ބައިވެރިވެވަޑައިގަންނަވަނީ. ފޮޓޯ: ރައްޔިތުންގެ މަޖިލީހުގެ އިދާރާ.
01 އެޕްރީލް 2021 - 16:56
21 comments
އިންޓަނެޓް އަގުހެޔޮ ކުރުމާ ބެހޭ ގޮތުން ރައީސް އޮފީހުގެ ތަރުޖަމާނު މަބްރޫކް އަޒީޒް ދައްކަވަނީ ހިޔާލީ ވާހަކައެއް ކަަމަށް ވިދާޅުވެ، ކުރީގެ ޓެލެކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު ޖަމާލް މިއަދު ރައްދު ދެއްވައިފި އެވެ.
ރައީސް އޮފީހުގައި އިއްޔެ ބޭއްވި މީޑިއާ ބްރީިފިންގައި މަބްރޫކް ވިދާޅުވެފައި ވަނީ އިންޓަނެޓްގެ މައްސަލަ އަށް ހައްލު އޮތީ މި އަހަރު ކަމަށެވެ. އެއީ ސަރުކާރުން ރާވާފައިވާ ގޮތް ކަމަށް ވެސް އޭނާ ވިދާޅުވި އެވެ. މަލީހު ވިދާޅުވީ މަބްރޫކުގެ އެ ވާހަކައަކީ ހިޔާލީ ވާހަކައެއް ކަމަށެވެ. އޭނާ ވިދާޅުވިގޮތުގައި އިންޓަނެޓްގެ ސްޕީޑް ރަނގަޅުކޮށް، އަގުހެޔޮކުރުމާއި ބެހޭ ގޮތުން ޓެލެކޮމިއުނިކޭޝަން މިނިސްޓްރީން އޮޕަރޭޓަރުންނާ މަޝްވަރާކުރުމަށް ފަހު 2019 ވަނަ އަހަރުު އެ މިނިސްޓްރީން ސިޓީއެއް ފޮނުވާފައިވާނެ އެވެ.
"އޭރު އަގުހެޔޮކުރެވުނީސް. އެކަމާ އަޅާނުލައްވައި 2022 ގައި އަގުހެޔޮކުރަން ނިންމީ [ރައީސް އޮފީހުގެ] ޕޮލިސީ އޮފީހުން،" މިއަދު ކުރެއްވި ޓްވީޓެއްގައި މަލީހު ވިދާޅުވި އެވެ.
އޭނާ ވިދާޅުވި ގޮތުގައި އިންޓަނެޓް އަގުހެޔޮ ކުރުމަކީ 2022 ވަނަަ އަހަރު ކުރާނެ ކަމެއްގެ ގޮތުގައި ސަރުކާރުގެ ސްޓެޓެޖިކް އެކްޝަން ޕްލޭން (އެސްއޭޕީ)ގައި ހިމެނީ 2019 ވަަނަ އަހަރު އެކަން ކުރެވެން އޮތްކަން އޭރުގައި ސިޓީއަކުން އަންގާފައި އޮއްވަ އެވެ. އެގޮތަށް އެކަން ނިންމީ އެކަމުގައި އޭނާގެ ހިޔާލެއް ނުހޯދައި ކަމަށް ވެސް ވިދާޅުވި އެވެ.
މަލީހުގެ އިތުބާރު ނެތް ކަމަށް ރައްޔިތުންގެ މަޖިލީހުން ފާސްކުރި އިރު، އޭނާއަށް އެންމެ ބޮޑަށް ކުރި އެއް ތުހުމަތަކީ އިންޓަނެޓް އަގުހެޔޮކުރުމަށް ޓަކައި އޭނާގެ މިނިސްޓްރީން ހަދަން ޖެހޭ ގަވައިދުތަކެއް ނުހަދައި އޮތް ކަމުގެ ތުހުމަތެވެ.
ސަރުކާރުގެ ކޯލިޝަންގައި ހިމެނޭ ޖުމްހޫރީ ޕާޓީގެ ސްލޮޓެއްގައި މިނިސްޓަރުކަމަށް ވަޑައިގެންނެވި މަލީހުގެ އިތުބާރު ނެތްކަމަށް ފާސްކޮށް، އޭނާ މަގާމުން ވަކިކުރީ މިދިޔަ މަހުގެ 1 ގަ އެވެ. އެކަމުގައި އިސްކޮށް ތިއްބެވީ ކޯލިޝަންގެ އެންމެ ބޮޑު ޕާޓީ އަދި ރައްޔިތުންގެ މަޖިލީހުގެ ސުޕަ މެޖޯރިޓީ ޕާޓީ އެމްޑީޕީގެ މެމްބަރުންނެވެ.
މަލީހުގެ ބަދަލުގައި އާ ވަޒީރަކު ހަމަނުޖައްސާ މައްސަލައިގައި، އިއްޔެ މީޑިއާ ބްރީފިންގައި "މިހާރު" އިން ސުވާލު ކުރުމުން މަބްރޫކް ވިދާޅުވީ، މަލީހު ވަކިކުރިޔަސް އިންޓަނެޓުގެ ސްޕީޑަށް ބަދަލެއް ނާންނަ ކަމަށެވެ.
ތުރޮޓަލް ނުވަތަ ކަނޑައާ ޑޭޓާ ހަމަވުމުން އިންޓަނެޓްގެ ސްޕީޑް ދަށްނުކޮށް، ރަނގަޅު ސްޕީޑެއްގައި އިންޓަނެޓް ގެ ޚިދުމަތް ފޯރުކޮށްދިނުމަށް ސަރުކާރުން ކުރާ މަސައްކަތް އަދިވެސް ކުރިއަށް ގެންދާ ކަމަށާއި އެ މައްސަލަ މި އަހަރު ނިމުމުގެ ކުރިން ހައްލު ކުރާނެ ކަމަށް އޭނާ އިއްޔެ ވިދާޅުވި އެވެ.
އެ މަސައްކަތް ކުރަން ކޮމިއުނިކޭޝަން އޮތޯރިޓީ މޯލްޑިވްސް (ކެމް) އަށް ބޭނުންވާ އިތުރު ވަސީލަތްތަކާއި ރެގިއުލޭޓް ކުރަން ބޭނުންވާ ކަންކަން ނިންމުމުގައި 1.5 މިލިއަން ރުފިޔާ މި އަހަރުގެ ބަޖެޓް ހިމަނާފައިވާ ކަން މަބްރޫކް ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުތަ
02 April 2021
މަލީހުގެ ވާހަކަ ދޮގެކޭ ނޫން، އެކަމަކު މަޤާމުން ދުރުކުރުމުން ދަލު ބޭރުން ޖެހިގެން ތިވަރަކަށް ޑިފެންސަށް ކުޅެންފެށީމަ އާއްމު ރައްޔިތުންނަށް މަލީހުގެ ވާހަކަ ބަލައިގަންނަން ވަރަށް އުނދަގޫވާނެ، ގަބޫލުކުރަން ދަތިވާނެ، މަޤާމުގަ ހުރެގެން ދައްކަން ނުކެރުމަކީ މަލީހުގެ ނާޤާބިލުކަމޭ މަމެން ބުނާނީ.
ކިނބޫ
03 April 2021
ރައްޔިތުންނަކީ އެމްޑީޕީ މީހުން އެކަންޏެއް ނޫން. ގިނަ ރައްޔިތުން ގަބޫލު ކުރަނީ މަލީހުގެ ވާހަ ކަ. މަބްރޫ ކް އަ ކީ ވެންޓިލޭޓަރުގެ ވައް ކަން ފޮރުވަން ދޮގުތައް ހެދި މީހާ.
ސަމްސިއްޔާ
02 April 2021
ހަމަ ތިޔަ ރައީސް އޮފީހުން ބުނީ އިންޓަރނެޓްގެ އަގުހެޔޮވާނީ 2022 ގައޭ. މިހާރު ދެން ކެންޕޭނަށް މޮޅުވާހަކަ ދައްކާނެކަމެއް. ޥޯޓުގެ ކުރިން އަގު ހެޔޮކޮށްދީބަލަ..
ކަލަމިންޖާ
02 April 2021
ސަރުކާރުން އިންޓަނެޓް އަގުހެޔޮ ކުރަން ބޭނުންނުވަނީ މިއީ މިޒަމާނުގައި ކިޔެވުމަށާ ހޭލުންތެރިވުމަށް ބޭނުންކުރެވޭ ވަސީލަތަކަށް ވާތީ. ހަސަން ފަރީދުގެ ދުވަސްވަރު އާދައިގެ އާއިލާތަކުގެ މީހުން ކިޔެވުން މަނާކުރި ގޮތަށް އަދި މީހުންގެ އަތުގައި ހުރި ފޮތްތައް ގެނެސް އަންދާލި ގޮތަށް މިހާރު ވެސް އާދައިގެ އާއިލާތަކުގެ މީހުންނަށް ތަންދޮރު އޮޅުން ފިލާކަށް ސަރުކާރު ބޭނުމެއް ނުވޭ.
އާރީ
02 April 2021
މިދެށް ކާކުތަ ރޯނުއެދުރު ހެދިގެން މިއުޅެނި. ފެއިލް ވެފަ ތިބި މީހުން މައިތިރި ވެގެން ތިބެބަލަ.
ގަދަހަސަނު
02 April 2021
މީ ތާކުންތާކުންޖެހޭމީހެއް ނޫން.
އަރުވާލި އާދަނުގެ ސިޔާސީ ހާސަރު
02 April 2021
މަބްރޫކް ބޮލުގައި ތިޔަ އަޅުއްވަނީ މަނިކުފާނު ރައީސް އިބޫ ސޯލިހް ރިއާސީ ވައުދުގައި އިންޓަރނެޓް އަގުހެޔޮ ކުރުމަށް އޮތް އޮތުން ހިލާ ތަންފީޒު ނުކުރަންވެގެން ރައީސް އަރިހުގައި ދެއްކި ޚިޔާލީ ފޮލާގެ ޒިންމާ ދެއްތޮ. ދެންނެވިންތޯ ރައީސްއޭ ނެޓް ހެޔޮކުރުމަކީ ހިމަ ތިނޯހަކުން އަތުން މާޖެހުންޒާތު ފިސާރި ކަވި އުދަގޫ ކަމެކޭ!
ހައްގުބަސް
01 April 2021
ރާއްޖޭގެ އަގުހުރި ކުންފުނިތައް ހިއްސާ ވިއްކާލީމަ އިންޓަނެޓުގެ އަގުތައް ކުޑަ ނުކުރެވެނީ.
ނަޝީދު.
02 April 2021
އިންޓަނެޓުގެ އަގު ހެޔޮ ނުކުރެވެނީ ފްރީ މާކެޓް އިކޮނޮމީއެއް ވީމަ. އެކުންފުންޔެއް ބޭނުން އަގެއްގަ ވިއްކާނެއެއްޗެއް ވިއްކޭން ފްރީ މާކެޓް އިކޮނޮމީގަ. މައްސަލަ އަކީ އެހެން ފްރީ މާކެޓް އިކޮނޮމީތަކުގަހެން ބޭނުން މީހަކަށް އިންޓަނެޓް ވިއްކުމުގެ ލައިސަންސް ލިބެން ނެތީމަ. އެކަން ހައްލު ކުރަނިކޮށް އިންޓަނެޓް ވިއްކާ އެންމެންވެސް އަގުހެޔޮކުރަން މަޖުބޫރުވާނެ. މިނިސްޓަރު ޖެހެނީ އެކަމަށް ގާނޫނެއް ހަދާ މަޖިލިސްއަށް ފޮނުވަން. އެކަން ނުވީ. ސާފުތޯ މިހާރު؟
އެމެރިކާ
01 April 2021
މި ރާޢްޖެ ހަލާކުކޮއްލީ އެމްޑީޕީ ވެރިން. މުޅި ޤައުމުން ދުވަނީ ފުޅަވަސް މިހާރު.
އަރުތަ
02 April 2021
ވަކިމިހާރަކު ނޫން، ސިޔާސީ ޕާޓީތައް އުފެދުނު ހިސާބުން ފެށިގެން ދުވަނީ ތިބުނިވަސް
ޝަފީރު
01 April 2021
ދިރާގުގެ ބޮޑުހިއްސާއެއް އިނގިރޭސި ވިލާތުގެ ޕާޓީ ސަޕޯޓު ލިބުނު ބަޔަކަށް ނަޝީދު ވިއްކާލާފައިނިކޮށް އެހިއްސާ ލިބުނުކުންފުނިން ނެޓް އަގުހެޔޮކުރަން ދެކޮޅުހަދާނަމަ ސަރުކާރަށް އިންޓަނެޓް އަގު ހެޔޮކުރެވިދާނެތަ.
ހެހެހެހެ
02 April 2021
ކުރީގަ އިނގިރޭސިން އަތުގަ އޮތް ހިއްސާ ގަތީ ބަހުރޭނު ން
ނާޑޫވާ
01 April 2021
ކީއްވެބާ މަޤާމުގައި ހުރި އިރު ތިވާހަކަ ނުބުނީ. މަޤާމު ގެއްލޭއިރަށް ކޮންމެ މީހަކު މޮޅު ވާހަކަ ދައްކާނެ. މަލީހަކީ ފެއިލިއަރ އެއް.