ފުރަތަމަ ފަހަރަށް ތިނަދޫ ކައުންސިލަށް ޕީޕީއެމްގެ މެމްބަރުން، އަތޮޅު ކައުސިލްގެ ރައީސަކަށް ވެސް ޕީޕީއެމް މެމްބަރެއް
ޕީޕީއެމް ޓިކެޓުގައި ވާދަކޮށް ތިނަދޫގެ ގޮނޑި ކަށަވަރުވި ތިން ކެންޑިޑޭޓުން (ކ-ވ) އަހުމަދު ވަހީދު، މުހައްމަދު ޒަލީފް އަދި އައިޝަތު ލިއުޝާ ޒުބައިރު.
11 އެޕްރީލް 2021 - 02:16
19 comments
ގދ. ތިނަދޫގެ ރަށު ކައުންސިލަށް ފުރަތަމަ ފަހަރަށް އިދިކޮޅު ޕީޕީއެމްގެ މެމްބަރުން އިއްޔެ އިންތިހާބުކޮށްފި އެވެ.
މީގެ ކުރިން ބޭއްވި ދެ ކައުންސިލް އިންތިހާބު ވެސް ކާމިޔާބު ކުރީ އެމްޑީޕީގެ ކެންޑިޑޭޓުންނެވެ. ނަމަވެސް އިއްޔެ ބޭއްވި ލޯކަލް ކައުންސިލް އިންތިހާބުގައި ޕީޕީއެމްގެ ޓިކެޓުގައި ވާދަކުރެއްވި ތިން މެމްބަރަކު ވަނީ އިންތިހާބު ކޮށްފަ އެވެ.
ތިނަދޫގެ ވަގުތީ ނަތީޖާ ދައްކާ ގޮތުން ޕީޕީއެމުން ގޮނޑި ކަށަވަރުވެފައި ވަނީ އަހުމަދު ވަހީދު (ރަކާ) އާއި އައިޝަތު ލިއުޝާ ޒުބައިރު އަދި މުހައްމަދު ޒަލީފް އަބްދުﷲ އަށެވެ. އެ ޕާޓީން އިތުރު ތިން ކެންޑިޑޭޓަކު ވެސް ތިނަދޫ ކައުންސިލަށް ވާދަކުރި އެވެ.
ތިނަދޫ ކައުންސިލްގެ ރައީސްގެ ގޮނޑި އަށް ޕީޕީއެމުން ވާދަކުރީ މުހައްމަދު ނަސީމެވެ. ނަމަވެސް ވަގުތީ ނަތީޖާ ދަައްކާ ގޮތުން އެ ގޮނޑި ކާމިޔާބު ކުރީ އެމްޑީޕީގެ ކެންޑިޑޭޓު ސައުދު އަލީ އެވެ.
ގދ. އަތޮޅު ކައުންސިލްގެ ރައީސްކަން ވެސް މި ފަހަރު ކާމިޔާބުކުރީ ޕީޕީއެމްގެ ކެންޑިޑޭޓެވެ. ވަގުތީ ނަތީޖާއިން ދައްކާގޮތުން އެ އަތޮޅު ކައުންސިލްގެ ރައީސް ކަމަށް އެ ޕާޓީން ވާދަކުރި ހަސަން ފައިހަތު ގުދުރަތުﷲ ވަނީ ހޮވައިފަ އެވެ.
މި ފަހަރުގެ އިންތިހާބުގައި މާލޭގެ މޭޔަރުކަމުގެ އިތުރުން މާލޭ ސިޓީ ކައުންސިލްގެ އަޣުލަބިއްޔަތު ވެސް ނެގީ ޕީޕީއެމެވެ. އަދި އައްޑޫ ސިޓީ ކައުންސިލްގައި ދަމަހައްޓަމުން އައި ފުރިހަމަ ބާރުވެރިކަން ވެސް މިހާރު ވަނީ ހަނިވެ، ސާފު އަޣުލަބިއްޔަތު ގެއްލިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕެޓުރޯލްޝެޑު ކުރިމަތިން
11 April 2021
ތިނަދޫއިން އެމްޑީޕީއަށް ގޮނޑިތަކެއް ގެއްލުނީ ތިނަދޫ ކައުންސިލުން ކުއްޔައްދިން ބިންތަކެއްގެ އަރާރުމެއްގެތެރެއިން ޕްރައިމަރީގަ ބަޔަކަށް އެންޓި ކެންޕެއިން ޖެއްސުމުން އޭގެ ބަދަލެއްގެގޮތުންނެވެ. އަރާރުން ވާންޖެހުނީ ކީއްވެތޯއާއި އެންޓިކެންޕެއިން ޖައްސަންޖެހުނީ ކީއްވެތޯވެސް އެންމެނަށްއެނގެއެވެ. ފުރުސަތަކަށް ބަލަބަލަތިބި މީހުން އޭގެ އެޑްވާންޓޭޖް ނަގައިފިއެވެ
ތިނަދޫ ލަކޯ
11 April 2021
ތިނަދޫ ޑަބްލިއުޑީސީ ހުރިހާ ގޮނޑިއެއް އެމްޑީޕީ ނެގިއިރު ކައުންސިލް ހުރިހާ ގޮނޑިއެއް ނުނެގުނީ ކީއްވެތޯ ތިނަދޫ އެމްޑީޕީ ލީޑާޝިޕާ ސުވާލުކޮއްލަބަލާށެވެ. އެސުވާލު ކުރަންޖެހެނީ ކެޔޮޅު ދާތްޔާ ނާޒިމުއާއެވެ
ޢިކުރާމު
11 April 2021
ދެންވެސް އިންޑިޔާ މިލިޓަރީގެ ހަގީގަތް ނޫސްވެރިންނައް އަންގާ ކިތައްސިފައިންތޯބުނޭ އަދުލުއިންސާފު ގާއިމުކުރޭ ހީނުކުރާތި ކޮޗިންފެރީއެކޭ ކިޔާފަ ދަބަރު ބޯޓުގަނޑެއް މާކަނޑުގަ ބާއްވާފަ ދިވެހިން ބޮލައް އެރެވިދާނެ ކަމައް ސިވިލްސާވަންޓުންނަކީ މަންމަނު ބައެއްނޫން އަލީވަހީދު ގައިގަ ހައްދުޖަހާ ޑުރަގުބޯމީހުންނައް މަރުގެއަދަބުދީ މީހުންމަރާ މީހުންނައް މަރުގެ އަދަބުދީ ނަވީ ޕިއްލޭޔާ އާމާލް ކުލޫނީޔައް ބޯނުލަނބަ އިލާހީ ގާނޫނައްބޯލަނބާ
ޙަބީބު.
11 April 2021
ފުވައްމުލަކު ސިޓީ ކުޅުދުއްފުށި ސިޓީޔައް އަންނަ ތަރައްގީ އަހަރެންބަލާނަން ރިޔާސީ އިންތިހާބާ ހަމަޔައް ކުޅުދުއްފުށި އެއާޕޯޓުގަ 3 އަހަރުވީއިރު ލައިޓުކޮޅު ނުޖެހުނު ވެރިކަމަކައް މެޖޯރިޓީދީގެން ވާނެ ފައިދައެއްނެތް
ހައިރާން ވާކަށް ނުޖެހޭ
11 April 2021
ކެޔޮޅު ކުޅުނު ޑާޓީގޭމް މިފަހަރު އޮންނާނީ ކެޔޮޅަށް ކުޅެދީފަ
ހޯބަހަކުން
11 April 2021
ކެޔޮޅާ ދެން ބުނެލަން އޮތީ ލުލްއޭ. ކެޔޮޅަގެ ކެންޕެއިން ޓީމްވެސް ލުލް. މީހުން ބާކީ ކުރީމަ ވާނެ އެތިވެފަ ތިއޮތީ ދެން ލުލް
12 ޓިނު
11 April 2021
ތ ގުރައިދޫ ކައުންސިލަށް ފުރަތަމަ ފަހަރަށް އެމްޑީޕީ ހޮވުނު ވާހަކަ ލިޔާކަށް މިހާރު ނޫހަކަށް ނޭގުނު ދޯ
ހޯއު
11 April 2021
ކެޔޮޅާ ކޮބައި ތަ ހޮވީގޭ؟
ތަހޮވީގެ މިރެއި ގަނަތާ
11 April 2021
ދެން ކުރިން ދިޔަގޮތަށް މަހަށްދިޔުން ބުއްދިވެރި. އަތޮޅުވެރިކަމަށްވުރެ ކެޔޮޅުންނަށް ރަނގަޅުވާނީ ހަމަ މަސްވެރިކަންކުރަން ދިއުމެވެ
ހުތަގެ ހުތާ
11 April 2021
އެމްޑީޕީ މިފަހަރު ބަލިވާންޖެހުނީ މީހުންނާ ޑީލްކުރަންނޭގޭ ކައުންސިލަރުންތަކަކާއި ހިސާބައްވުރެ ފޮނި ކެންޕެއިންޓީމެއް އޮތުމުންކަމަށް ގަބޫލުކުރެވޭ. ގްރާސްރޫޓްގެ ބައެއްމީހުން ބާކީކޮއްކުމަކީވެސް ބަލިވާންޖެހުނު އެއްސަބަބުކަމަށް މަށަށް ގަބޫލުކުރެވޭ