ޓޫރިސްޓުންތަކެއް އެއާޕޯޓުން ނިކުންނަނީ--ފޮޓޯ: މިހާރު
15 އެޕްރީލް 2021 - 12:29
7 comments
ކޮވިޑް ވެކްސިންގެ ދެ ޑޯޒް ފުރިހަމަކުރުމަށް ފަހު އަންނަ ޓޫރިސްޓުން ޕީސީއާރް ޓެސްޓަކާ ނުލައި ރާއްޖެ އާދެވޭނެ ގޮތަކަށް ބަދަލު ގެންނަން މަސައްކަތް ކުރައްވާ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެ އެވެ.
މިހާރު އޮތް އުސޫލުގެ ދަށުން ރާއްޖެ އަންނަ ހުރިހާ ޓޫރިސްޓުންގެ އަތުގައި ވެސް 72 ގަޑިއިރު ހަމަނުވާ ކޮވިޑް ނެގެޓިވް ނަތީޖާއެއް އޮންނަން ޖެހެ އެވެ. މިނިސްޓަރު "މިހާރު" އަށް ވިދާޅުވީ، މިކަން ރަސްމީކޮށް އިއުލާނު ކުރާނީ އެޗްޕީއޭ އިން ކަމަށް ނަމަވެސް އެފަދަ ބަދަލެއް ގެންނަން އެޗްޕީއޭއިން އެއްބަސްވެފައިވާ ކަމަށެވެ. އަދި އެކަން ވަރަށް އަވަހަށް އިއުލާނުކުރާނެ ކަމަށް އޭނާ ވިދާޅުވި އެވެ.
ރާއްޖޭގައި ދިރިއުޅޭ ހުރިހާ ރައްޔިތުންނަށް ވެކްސިން ޖެހުމަށް ފަހު "ވިޒިޓް، ވެކްސިނޭޓް، ވެކޭޝަން" (3ވީ) ގެ ނަމުގައި ހާއްސަ ކެމްޕެއިނެއް ފެށުމަށް ވެސް ޓޫރިޒަމް މިނިސްޓްރީން ވަނީ ނިންމައިފަ އެވެ. މިއީ ސީދާ ސަރުކާރުން އިސް ނަގައިގެން ފަށަން ބޭނުންވާ ޓޫރިޒަމެއް ކަމަށާއި މިކަން ކުރާނީ ރާއްޖޭގެ ހުރިހާ ރައްޔިތުންނަށް ވެކްސިންގެ ދެ ޑޯޒް ފުރިހަމަ ކުރުމަށް ފަހު ކަމަށް އޭނާ ވިދާޅުވި އެވެ.
ރާއްޖޭގައި މިހާތަނަށް 270،000 މީހުން ކޮވިޑް ވެކްސިންގެ ފުރަތަމަ ޑޯޒް ޖަހާފައިވާ އިރު ދެ ވަނަ ޑޯޒް ޖަހާފައި ވަނީ 25،000 މީހުންނެވެ.
މައުސޫމް ވިދާޅުވީ، ރާއްޖެ އަށް ޗުއްޓީ އަށް އައިސް ވެކްސިން ޖެހޭނެ ފަސޭހަ އުސޫލެއް ވެސް ހަމަޖެހިފައިވާ ކަމަށެވެ.
ޓޫރިޒަމް މިނިސްޓްރީން ފަށަން ނިންމާފައިވާ 3ވީ ޕްރޮގްރާމަށް ދުނިޔޭގެ ސަމާލުކަން ވެސް މިހާރު ވަނީ ލިބިފަ އެވެ. މިކަމާ ގުޅޭ ގޮތުން އިއްޔެ މިނިސްޓަރު ވަނީ ދުނިޔޭގެ އެންމެ މަޝްހޫރު ވިޔަފާރި ޗެނަލްތަކުގެ ތެރޭގައި ހިމެނޭ ސީއެންބީސީގެ ޕްރޮގްރާމެއްގައި މައުލޫމާތުދެއްވައިފަ އެވެ.
މި ވަގުތު ރާއްޖޭގައި ކޮވިޝީލްޑާއި ސިނޯފާމް އާއި ފައިޒާ ބްރޭންޑްގެ ކޮވިޑް ވެކްސިން އަންނަނީ ދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުވައްޒަފުން
15 April 2021
ވަރަށް މޮޅު! ހުރިހާ މުވައްޒަފުން ގެ ހައްގު ކޮބާ؟ ފަތުރުވެރިން އެކަނިތޯ ތިބޭފުޅާގެ ޒިންމާއަކީ؟ ކިހިނެއްތޯ ވާނީ އެއް ފަހަރުވެސް ދިވެހިންނަށް 2 ވަނަ ޑޯޒް ޖަހައިގެން ޓެސްޓް ނަހަދާ ކުއަރަންޓިން ނުވެ އާއިލާ ކައރި އަށް ދެވޭނެ ވާހަކަ ބުނިއްޔާ؟
ޙުސެންް
15 April 2021
ތިއީ މައުލޫއާއިގުޅޭ ވާހަކައްނޫންހެން ހީވަނީ. މިތާގަ މިދައްކަނީ ފަތުރުވެރިކަމުގެ ވާހަކަ. އެހެންނޫނަސް، ދެވަނަ ޑޯޒަށްފަހު ދިވެހިންނަށް ލުއިތަކެއްދޭވާހަކަ ދައްކާފައޮތީ.
އަނހަ!
15 April 2021
ތިޔައީ އެންމެ ރަގަޅު ގޮތެއް ނޫންހެން ހީވަނީ. އެކަމަކު ތިހެން ކަން ކުރާނަމަ، އަހަރުންވެސް ރަށްރަށަށް ދަތުރުކުރަން ބޭނުންވޭ ޓެސްޓްު ނަހަދާ.
ގޯޕާލް
15 April 2021
ރާއްޖޭގައި މިހާތަނަށް 270،000 މީހުން ކޮވިޑް ވެކްސިންގެ ފުރަތަމަ ޑޯޒް ޖަހާފައިވާ އިރު.... މީގެ ތެރޭގައި ވަރަށްގިނަ ބިދޭސިން ހިމެނޭ
ދެނޗ
15 April 2021
ކޮބާ މައްސަލައަކީ
ރާއްޖެ
15 April 2021
ވެކްސިން ޖެހިޔަސް ބަލި ޖެހޭ. ހިންދުސްތާނުގަ ބޯކޮށް އެބަ ފެތުރޭ. މި ހުންނަނީ ވިސްނަން ޖެހޭ ކަންކަން.
ސިރިންޖު
15 April 2021
ވެކްސިން ޖެހިޔަސް ބަލިޖެހޭނެ އެކަމަކު ބަލީގެ ސަބަބުން ކުރާ އަސަރު ކުޑަވާނެ! ވެކްސިން ދެ ޑޯޒް ހަމަކޮށްފަ އޮތިއްޔާ ހޮސްޕިޓަލައިޒް ކުރާވަރަށް ބައްޔެއް ނުވާނެ. އާދައިގެ ރޯގާއެއްގެ ގޮތުގައި މަދު ދުވަސްކޮޅެއްތެރޭ ރަގަޅުވާނެ. އެކަމަކު އިންފުލުއެންޒާ ވެކްސިން ގޮތަށް ކޮވިޑް ވެކްސިން އަކީ ވެސް ކޮންމެ 6 މަހަކުން ޖަހަންޖެހޭ އެއްޗެއް.