ޚަބަރު / ޑރ. އަހުމަދު ޒާހިރު، އިސްލާމިކް މިނިސްޓަރު

ޒިކުރާ މިސްކިތް ހުރި ބިމުގައި ވަރަށް އަވަހަށް ވަގުތީ މިސްކިތް އަޅައި ނިމޭނެ: މިނިސްޓަރު

ޒިކުރީ މިސްކިތް ހުރި ސަރަހައްދު ބަންދުކޮށްފައި: އެ ބިމުގައި ވަގުތީ މިސްކިތެއް އަޅަން ވަނީ ނިންމާފައި.-- ފޮޓޯ: އަހުމަދު އަވްޝަން/ މިހާރު

އާސިމާ ނިޒާރު، މިހާރު

15 އެޕްރީލް 2021 - 12:18

5 comments

ޒިކުރާ މިސްކިތް ހުރި ބިމުގައި ވަރަށް އަވަހަށް ވަގުތީ މިސްކިތެއް އަޅައި ނިމޭނެކަމަށް އިސްލާމިކް މިނިސްޓަރު ޑރ. އަހުމަދު ޒާހިރު ރޭ ވިދާޅުވެއްޖެ އެވެ.

އޭނާ ކުރެއްވި ޓްވީޓުގައި ވިދާޅުވީ މިސްކިތް ހުރި ބިން ސާފުކުރުމުގެ މަސައްކަތް ކުރިއަށްދިޔަ ގޮތް ބެއްލެވުމަށް ބައެއް އިލްމުވެރިން ޒިޔާރަތްކުރެއްވި ކަމަށެވެ. އެ ބިމުގައި ވަރަށް އަވަހަށް ވަގުތީ މިސްކިތެއް އަޅައި ނަމާދުކުރަން ފެށޭވަރުވާނެ ކަމަށް އޭނާ ވިދާޅުވި އެވެ.

އެ މިސްކިތް ހުރި ބިމުގައި ވަގުތީ މިސްކިތެއް އެޅުމުގެ މަސައްކަތަށް ކޮންނަމުން ދަނިކޮށް މިދިޔަ އަންގާރަ ދުވަހު މިނިކަށިތަކެއް ފެނިފައި ވެ އެވެ.

Zikra miskith huri bin saafu kurumuge masahkai kuriah dhiya goi bahlavaa lehvumah baeh ilmuverin site ah ziyaarai kurehvi. Varah avahah vaguthee miskith alhaa, namaadu kuran feshea varu vaane. In Shaa Allah. pic.twitter.com/N6kcqkBBOr
— Ahmed Zahir Ali (@AhmedZahirAli) April 14, 2021

ކަނޑައަޅާފައިވާ އުސޫލުތަކާ އެއްގޮތަށް މިސްކިތް އެޅުމުގެ މަސައްކަތް ކުރަމުން އަންނަކަމަށް މިނިސްޓްރީން އޭރު ވެސް ބުންޏެވެ.

މިނިކަށިތައް ފެނުމުން އެ ބިމުގައި މިސްކިތް އެޅުމަކީ ދީނީ އިލްމުވެރިންގެ މެދުގައި ހިޔާލުތަފާތުވުން އުފެދިފައިވާ ކަމެކެވެ.

ދީނީ އިލްމުވެރިޔާ ޑރ. މުހައްމަދު އިޔާޒު ވިދާޅުވީ މިނިކަށި ފެންނަ ތަންތަނުގައި އިމާރާތްކޮށްގެން ނުވާނެ ކަމަށެވެ. އިމާރާތްކުރުމުގެ ކުރިން ގަބުރުތައް ނަގާފައި އިހުތިރާމާ އެކު އެހެން ތަނެއްގައި ވަޅުލުމުން ރަނގަޅުވާނެ ކަމަށް ފުރަތަމަ ފިގްހް އެކަޑަމީން ނިންމާފައިވާ ކަމަށް ޑރ. އިޔާޒު ވިދާޅުވެ އެވެ.

ޒިކުރާ މިސްކިތް ހުރި ބިމުގައި އޮފީސް އިމާރާތަކާ އެކު 10 ބުރީގެ މިސްކިތެއް ހަދަން އެސްޖޭ ކޮންސްޓްރަކްޝަން ކުންފުންޏާ ކުރީގެ ސަރުކާރުން ހަވާލުކުރި އެވެ. އެކަމަކު އަހަރެއްވާން ކައިރިވިއިރު ވެެސް އަމަލީ މަސައްކަތް ނުފެށުމުން މި ސަރުކާރުން އެއްބަސްވުން ވަނީ ބާތިލްކޮށްފަ އެވެ.

މިސްކިތްތައް އިސްލާމިކް މިނިސްޓްރީ ޑރ. އަހުމަދު ޒާހިރު، އިސްލާމިކް މިނިސްޓަރު

5 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހުވައި

15 April 2021

ލަދު ކޮބައިތޯ ރޯދަމަސް ނިމޭއިރުވެސް ކަންނުވަންޔާ ރައްޔިތުންގެ ލާރި އިސްރާފްކުރުން މި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

15 April 2021

ވަގުތީމިސްކިތެއް އަވަހަށް ނިންމަން ބޭނުން ނަމަ ސިފައިންނާ ހަވާލު ކުރަން ވީ އެވެ. ތަޖުރިބާ ހުންނާ ނެ އެވެ. އަދި އެކަން ކުރެވޭނެ ކަން މާޒީގަ ވަނީ ސާބިތު ކޮށްދީ ފަ އެވެ.