ޖޭއެސްސީގެ ދަށަށް ޑީޖޭއޭ ގެންދިޔަ މައްސަލަ ބަލަން ޖެހޭނީ ހައި ކޯޓުން: ސުޕްރީމް ކޯޓް

ސުޕްރީމް ކޯޓު: ޖޭއެސްސީގެ ދަށަށް ޑީޖޭއޭ ގެންދިޔަ މައްސަލަ ބަލަން ޖެެހޭނީ ހައި ކޯޓުން ކަމަށް ސުޕްރީމް ކޯޓުން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

28 އެޕްރީލް 2021 - 16:35

5 comments

ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ގެ ހިންގުން ޖުޑީޝަލް ސާވިސް ކޮމިޝަން (ޖޭއެސްސީ) ގެ ދަށަށް ބަދަލުކުރި މައްސަލަ ބަލަން ޖެހޭނީ ހައި ކޯޓުން ކަމަށް ނިންމައި، ސުޕްރީމް ކޯޓުން މިއަދު އެ މައްސަލަ ބޭރުކޮށްލައިފި އެވެ.

ޝަރުއީ ދާއިރާގެ އިދާރީ ހިންގުމާބެހޭ ކަންކަން ބަލަހައްޓަން ސުޕްރީމް ކޯޓުގެ ދަށުން ކުރިން ހިންގަމުން ދިޔަ ޑީޖޭއޭއަކީ ޖޭއެސްސީގެ ދަށުން ހިންގާ އިދާރާއެއްގެ ގޮތުގައި ހަމަޖެއްސީ ޖޭއެސްސީގެ ގާނޫނަށް 2019 ވަނަ އަހަރު ގެނައި އިސްލާހަކުންނެވެ. އެ އިސްލާހަކީ ގާނޫނު އަސާސީއާ ޚިލާފް އިސްލާހުތަކެއް ކަމަށް ބުނެ އެ އިސްލާހުތައް ބާތިލްކުރަން ސުޕްރީމް ކޯޓަށް ހުށަހެޅީ ވަކީލް އަލީ ޝާހު އެވެ.

ސުޕްރީމް ކޯޓުން މިއަދު ކުރި ހުކުމުގައިވަނީ ކޯޓުތަކުގެ ގާނޫނު އޮތްގޮތުން އެ ކޯޓުގެ އަސްލީ އިހްތިސާސްގެ ދަށުން އެ ކޯޓުން ފުރަތަމަ މަރުހަލާގައި ބަލަން ޖެހޭނީ ދުސްތޫރީ ހުސްކަމަކަށް ހިނގައިދާނެ މައްސަލަތައް ހިނގައިދާނެ މައްސަލަތަކާއި އާންމު މަސްލަހަތާ ގުޅުންހުރި ދުސްތޫރީ މައްސަލަތައް އެކަނި ކަމަށެވެ. އެކަމަކު އެ މައްސަލައަކީ ދުސްތޫރީ ހުސްކަމަކަށް ހިނގައިދާނެ މައްސަލައެއް ނޫން ކަމަށާއި އެހެންވެ، އެފަދަ މައްސަލަތައް ފުރަތަމަ މަރުހަލާގައި ބަލަން ޖެހޭނީ ހައި ކޯޓުން ކަމަށް އެ ހުކުމުގައިވެ އެވެ.

އެ މައްސަލަ ބެއްލެވި ފަސް ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ އެ މައްސަލައަކީ ސުޕްރީމް ކޯޓުގެ އަސްލީ އިހްތިސާސް ލިބިގެންވާ މައްސަލައެއް ނޫން ކަމަށެވެ.

އެ މައްސަލަ ބެއްލެވީ ފަނޑިޔާރު ޑރ. މުހައްމަދު އިބްރާހިމާއި ފަނޑިޔާރު މަހާޒް އަލީ ޒާހިރާއި ފަނޑިޔާރު އަޒްމިރަލްދާ ޒާހިރުގެ އިތުރުން ފަނޑިޔާރު އަލީ ރަޝީދު އަދި ފަނޑިޔާރު ހުސްނުއްސުއޫދެވެ. ރިޔާސަތު ބެލެހެއްޓެވީ ފަނޑިޔާރު މުހައްމަދު އިބްރާހިމެވެ.

ސުޕްރީމް ކޯޓް ހައި ކޯޓް ޖުޑީޝަލް ސާވިސް ކޮމިޝަން ޖުޑީޝަލް އެޑްމިނިސްޓްރޭޝަން ޖުޑީޝަރީ

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އ‫ިންސާފްކަލޯ

28 April 2021

‫ދެން ހައިކޯޓުން ބުނާނެ ސުޕްރީމަށޭ, ބައްޔެއް ހުވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

28 April 2021

ތިހެން އިލެކްޝަނާއި ގުޅިގެން ހުށަހެޅި މައްސަލަވެސް ސްޕްރީމް ކޯޓުން ބުނީ ބެލޭނީ ހައިކޯޓަށޭ، ހައިކޯޓުން ބުނީ ސްޕްރީމް ކޯޓަށޭ، މައްސަލަ ނުނިމި އޮއްވާ އިންތިހާބު ނިމިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާފީ

28 April 2021

ސުޕްރީމް ކޯޓުން ޖުޑީޝަރީގެ ޒަމާންވީ ހަރުދަނާ ނިންމުންތައް އޮޅާލައި ވާނުވާ ލިޔަމުންދާ ދިއުމަށް ޒިއްމާވާންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަފީޒު

28 April 2021

ސުވާލަކީ މިކަހަލަ ނިންމުންތައް ނިންމައިގެން މެޖިސްޓުރޭޓުން ސުލޫކީ ވާގޮތަށް ސުޕްރީމް ކޯޓު ގާޒީން ސުލޫކީ ނުވަކީ ކީއްވެތޯ؟ ދަށު ކޯޓުގެ ގާޒީން ނިންމާ ގަލާއީ ނިންމުންތައް ސުލޫކީ މައްސަލައަކަށްވެފައި، ހައިކޯޓާ ސުޕްރީމު ކޯޓުން ނިންމާ ގަލާއީ ނިންމުމާމެދު އެއްޗެއް ބުނަން ނުކެރެނީ ކީއްވެތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުބެ232323

28 April 2021

ޖެނެރަލް އޮޕީނިޔަނެއް ލިޔެލަންތަ؟ ޔާމީނުގެ ޝަރީއަތް ކުރުމަށް ފަހަށް ސުޕްރީމް ކޯޓުގެ ވަޒީފާ ލިބުނު ރަޝީދު ފަނޑިޔާރާއި، ސުޕްރީމް ކޯޓުގެ އެހެން ފަނޑިޔާރުންނަށްވުރެ ތަޖުރިބާ މަދު، ޒުވާން މަހާޒު ފަނޑިޔާރު ބިލޯންގްވަނީ ހައިކޯޓު ނުވަތަ ސުޕީރިޔާ އެހެން ކޯޓުތަކަަށް ކަމުގައި ދެކެން. ސުޕްރީމް ކޯޓުގައި ދެން ތިބި ހުރިހާ ފަނޑިޔާރުުންނަކީ އެމަގާމާއި ނުހަނު އެކަށީގެންވާ ގާނޫނީ ދާއިރާގެ ތަޖުރިބާ ރައްޔިތުން ގަބޫލުކުރާ މިންވަރަށްވުރެވެސް ބޮޑަށް ލިބިފައިވާ ބޭފުޅުން