އިސްކަންދަރު ސްކޫލުގެ ދަރިވަރުންތަކެއް މިއަދު ރިޕޯޓް ފޮތް ބަލަނީ: ސްކޫލުތައް ދެން ހުޅުވާނީ ދޮޅު މަހެއްހާ ދުވަސް ފަހުން -- ފޮޓޯ: މުހަންމަދު ޝަރުހާން/ މިހާރު
17 ނޮވެމްބަރ 2016 - 08:41
8 comments
ސްކޫލްތަކުގެ މި އަހަރުގެ ކިޔެވުން ނިމި، ދޮޅު މަހެއްހާ ދުވަހުގެ ބޮޑު ޗުއްޓީ މިއަދު ފެށިއްޖެ އެވެ.
ރާއްޖޭގެ ހުރިހާ ސްކޫލެއްގައިހެން މިއަދު ދަރިވަރުންނަށް ރިޕޯޓް ފޮތް ދީފައި ވާއިރު ދެން އަލުން ކިޔެވުން ފެށޭނީ އަންނަ އަހަރުގެ ޖެނުއަރީ 8 ގަ އެވެ.
މުޅި ރާއްޖޭގައި މި އަހަރު އެލްކޭޖީން ފެށިގެން ގްރޭޑް 12 އާ ހަމައަށް 80،000 އެއްހާ ދަރިވަރުން ތައުލީމު ހާސިލްކޮށްފައިވެ އެވެ. އެ ދަރިވަރުންނަށް ކިޔަވައިދިނުމުގައި 5،422 ދިވެހި ޓީޗަރުންނާއި 2،139 ބިދޭސީ ޓީޗަރުން މަސައްކަތްކުރި އެވެ.
އަމީނިއްޔާ ސްކޫލުގެ ދަރިވަރުންތަކެއް މިއަދު ބެލެނިވެރިންނާ އެކު ރިޕޯޓް ފޮތް ބަލަނީ -- ފޮޓޯ: މުހަންމަދު ޝަރުހާން/ މިހާރު
މިއަހަރުގެ ތެރޭގައި ވެސް ތައުލީމީ ދާއިރާއިން ގިނަ ކާމިޔާބީތަކެއް ހޯދާފައިވެ އެވެ. އޭގެ ތެރޭގައި ޑިގްރީ ފެންވަރަށް ޓީޗަރުން މަތިކުރުމުގެ ޕްރޮގްރާމް ފެށުމާއި ޕްރީސްކޫލު ތައުލީމް މުޅި ރާއްޖެ އަށް ހިލޭ ފޯރުކޮށްދޭ އޭޝިޔާގެ ފުރަތަމަ ގައުމަކަށް ރާއްޖެ ވެފައި ވެ އެވެ. މީގެ އިތުރުން ބައެއް ޕްރީ ސްކޫލުތައް ވެސް ސަރުކާރުގެ ސްކޫލުގެ ދަށަށް ބަދަލުކޮށް މި އަހަރުގެ ތެރޭގައި ވަނީ ކިޔަވައިދޭން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދ
17 November 2016
ސުކޫލް ރިޕޯޓް ފޯމް ދޭ ދުވަހަކީ ސަރުކާރު ބަންދު ދުވަހަކަށް ހަދަންވެއްޖެ ނުންތޯ އޭރުން ގިނަ ޕޭރެންޓުންނަށް މިއުފާވެރި ހަފުލާޔަށްވެސް އާދެވި ކުދިންނާއި އެކު އުފާވެރި މާހައުލެއްގައި ވަގުތުކޮޅެއްވެސް ހޭދަ ކުރެވިދާނެ ނުންތޯ؟
ކޮޅުދާލި
17 November 2016
ޓީޗަރުން ކޮށްދޭ ބުރަ މަސައްކަތާ އެކަށީގެންވާ އުޖޫރައެއް ލިބޭނަމަ މިދާއިރާއަށް ކުރިމަތިލާމީހުން އިތުރުވާނެ. ޑިގުރީ ހަދާ މީހުންގެ ބޮޑުބައި ދަނީ އެހެން ދިމާދިމާލަށް
ހުއްބުލްވަޠަން
17 November 2016
އަސްލުބޭނުންވަނީ ބޮޑު މުސާރައެއް ނޫން. ރައްކާ ކުރަން ލިބޭ އެތިކޮޅު ބޮޑުވުން. އެކަން ކުރެވިދާނެ ބޮޑު މުސާރަލިބިގެން ނުވަތަ ޚަރަދު ކުރަން ޖެހޭ ފައިސާ މަދުވެގެން. އެކަން ދިވެހިންނަށް މިއަދު ކާއެއްޗެއްސާއި ލާ ހެދުން ކޮޅާއި އުޅެން ޖެހިފަވަނީ ކުއްޔަށް ނުވަތަ ކުޑަ ތަންކޮޅެއް ގައި. ސިއޚީ ނިޒާމުގެ ޚިދުމަތް އެހާ އަގުބޮޑު. މިހެން ގޮސް ހުރިހާ ކަމެއް މިވަނީ ލިބޭ އެއްޗަކުން ދެކޮޅު ނުޖެހި. މުސާރަ ބޮޑު ކުރީމައި މުދައްރިސުންނަށް މަންފާކޮށްފާނެ. އެކަން އާމްދަނީ ލިބޭ ކޮންމެވެސް އެހެން ކެޓަގަރީއަކަށް އެކަމުގެ ގެއްލުން ކުރާނެ. އެއީ ތަކެތި އަދި ޚިދުމަތުގެ އަގި އުފުލޭނެތީ. އެހެން ކަމުން ސިޔާސަތު ދިވެހިން މިކިމަތި ކުރަނީ. ދިވެހިންނަކީ ފުދެގިން އުޅެވިދާނެ ބައެއް. އެ ނިޢުމަތް ދިވެހިންނަށް ވަނީ ދެއްވާފައި.
ލިއަލީ
17 November 2016
ސްކޫލްތައް ބަންދުވެ ޗުއްޓީގައި އެތައްހާސް ބަޔަކު އިންޑިއާއަށް ދާން ދަތުރުހަދާއިރު, އިންޑިއާގައި ކުރިން ބޭނުންކުރަމުނދިޔަ 1000 އަދި 500 ރުފިޔާގެ ނޫޓް އުވާލުމާގުޅިގެން ދިމާވަމުންދާ އުނދަގޫތަކާމެދު އެއްވެސް މީޑިއާއަކުން ވާހަަކަނުދައްކާތީ ހިތާމަކުރަން. މިއީ ދިވެހިންނަށް ވަރަށް މިހިއްމުވާނެ މައްސަލައެއް. ސަރުކާރުންވެސް ޖެހޭނެ ޓްރެވަލް އެޑްވައިސަރީއެއް ނެެރެން.
ސިޔާސީ
17 November 2016
މީޑިއާތަކަށް މުޙިއްމުވާނީ ރާއްޖޭގެ ސިޔާސީ މަސްރަޙް. ސަރުކާރަކަށް ނުވިސްނޭނެ ރައްޔިތުންނަށް މުހިއްމުވަނީ ކޮންކަންތައްތަކެއްކަން. ވޯޓް ހޯދުމަށް ކުރެވޭ ކަންކަން މުހިއްމުވާނީ. އަހަރެންގެ ތިމާގެ ބަޔަކު އިންޑިއާއަށްގޮސް ފައިސާ މާރުނުކުރެވިގެން ތެޅިފޮޅެނީ.
އާންތް
17 November 2016
ފަރީދިއްޔާ ސްކޫލް އަންނަ އަހަރު ހިންގާނެ ބަޔަކު އަދިވެސް ނޭގޭ ދެއްތޯ؟
ކަތްދައިތް
17 November 2016
އަހަރުމެން ޗުއްޓީގަވެސް ޖެހެނީ ސްކީމް އަކާ އަނެޖައްޗަކާ ހަދަން.. ޓީޗަރުންނަށް ބަންދެއް ނުވޭ ދުވަހަކުވެސް.
ބޮޑު މަންޒަރު
17 November 2016
ދެން ތިޔަ ހުރިހާ ކަމެއް ކުރީރު ކޮން ކަހަލަ ޝަޙުޞިއްޔަތެއްތަ މި ދިރިއުޅުމަށް ނެރެވެނީ.. އިސްލާމް ދީން ބޮޑު ހެޑިންގައި ޖަހައިގެން ފެށި ކީސްޓޭޖުން ކިހާ ކުދިންނެއް އިސްލާމްދީނަށް ޢަމަލުކުރާ ދަރިން ތަކެއްގެ ގޮތުގައި ތިބިތަ؟ ކީ ސްޓޭޖް 1 ފެށި 2 ފެށި 3 ފެށޭއިރު އިސްލާމީ އުސޫލުން ހެދުން އަޅާ ކިތައް ޓީޗަރުންތަ މި ސްޓޭޖުތަކުގައި ކިޔަވައިދެނީ؟ އެއްވެސް ބަދަލެއް ނާދޭ! ބޮޑު މަންޒަރޭ... ތަޞައްވަރޭ ކިޔައިގެން މިނިސްޓްރީންވެސް އަނގަ ތަޅަނީ... 5 ގަޑިޔަށް ކިޔަވައިދިން ފޮތް (ޗާޕްކުރީ 2009 ގައި) މިއަދު ކިޔަވައިދޭން އަންގައިފައިވަނީ ހަފްތާއަކު 3 ގަޑީގެ ގޮތުގައި... 2015 ގައި މި ބަދަލު ގެނެސްފި... އިސްލާމް ދީން ފުޅާތޯ ވަނީ ހަނިތޯ ވަނީ... ތިޔަބޭފުޅުން ނިއްމަވަންވީ ވާ ގޮތް... ޝުކުރިއްޔާ.