އަގުތަކަށް ބަދަލު ގެންނަން އެއްބަސްވެފައި ވަނީ ކުރިއަށް އޮތް ތިން އަހަރުގެ ތެރޭގައި، މިހާރު ތިބި އޮޕަރޭޓަރުންގެ އިތުރުން އެހެން އޮޕަރޭޓަރުންނަށް ފުރުސަތު ނުދޭ ގޮތަށް
5ޖީ އަކީ އިންޓަނެޓްގެ އާ ޖީލު.
01 މެއި 2021 - 23:07
71 comments
ރާއްޖޭގައި މިހާރު ދޭ އިންޓަނެޓްގެ ހިދުމަތުގެ އަގު އަންނަ ޖުލައި 1 އިން ފެށިގެން ހެޔޮކުރަން ނިންމައި، އަގުތަކާ މެދު މަޝްވަރާ ކުރަން ފަށައިފި އެވެ.
އިންޓަނެޓްގެ އަގު ހެޔޮ ކުރުމަށް ޓަކައި ކަމާ ބެހޭ ފަރާތްތަކާ އެކު މިރޭ ވަނީ ބައްދަލުވުމެއް ބާއްވައިފަ އެވެ. މި ބައްދަލުވުމުގައި ކަމާ ބެހޭ އިސް ބޭފުޅުންނާއި ޓެކްނިކަލް ބޭފުޅުން ވެސް ބައިވެރިވެ ވަޑައިގަތެވެ.
އެނގިފައިވާ ގޮތުގައި އަގުތަކަށް ބަދަލު ގެންނަން އެއްބަސްވެފައި ވަނީ ކުރިއަށް އޮތް ތިން އަހަރުގެ ތެރޭގައި، މިހާރު ތިބި އޮޕަރޭޓަރުންގެ އިތުރުން އެހެން އޮޕަރޭޓަރުންނަށް ފުރުސަތު ނުދޭ ގޮތަށެވެ. އަދި މި މުއްދަތަށް ފަހު އަލުން އަގުތައް ރިވިއުކުރާ ގޮތަށެވެ.
ސަރުކާރުން ހުށަހަޅާ ގޮތަކީ، 5 އެމްބީޕީއެސްގެ ސްޕީޑުގައި 250ރ. އަށް 30 ޖީބީ (ތްރޮޓުލް ސްޕީޑްގައި 2 އެމްބީޕީއެސް)، 15 އެމްބީޕީއެސްގެ ސްޕީޑުގައި 500ރ. އަށް 100 ޖީބީ (ތްރޮޓުލް ސްޕީޑްގައި 5 އެމްބީޕީއެސް)، 25 އެމްބީޕީއެސްގެ ސްޕީޑުގައި 750ރ. އަށް 200 ޖީބީ (ތްރޮޓުލް ސްޕީޑްގައި 5 އެމްބީޕީއެސް) އެވެ. މިއީ ފިކްސް ބްރޯޑްބޭންޑަށް އެކަނި ކަނޑައަޅާ ގޮތެވެ.
މިކަމާ ބެހޭ ގޮތުން ސަރުކާރުން އަދި ވަކި އެއްޗެއް ނުބުނެ އެވެ. އެކަމަކު އެނގިފައިވާ ގޮތުގައި، ސަރުކާރުން މިކަމާ ބެހޭ ގޮތުން ހުށަހަޅާ ގޮތްތައް މާދަމާ ހާމަކުރާނެ އެވެ.
އިންޓަނެޓް އަގުހެޔޮ ކުރުމަކީ، މި ސަރުކާރު ވެރިކަމަށް އައުމުގެ އެންމެ ބޮޑު ވައުދުތަކުގެ ތެރޭގައި ހިމެނޭ އެއް ކަންތަކެވެ. އަދި ސަރުކާރަށް ތިން އަހަރު ވާއިރު ވެސް އިންޓަނެޓްގެ އަގަށް ބަދަލު އައިސްފައި ނުވާތީ، އާންމުންގެ ބޮޑެތި ފާޑުކިޔުންތަކާ ސަރުކާރު ވަނީ ކުރިމަތިލާން ޖެހިފަ އެވެ.
އިންޓަނެޓްގެ އަގުހެޔޮ ކުރުން ވަރަށް ބޮޑު މައުލޫއަކަށްވެ، އެ މައްސަލަ ހުއްޖަތަކަށް ނަގައިގެން، ސައިންސް އެންޑް ޓެކްނޮލޮޖީ މިނިސްޓަރު މުހަންމަދު މަލީހު ޖަމާލުގެ މައްޗަށް އިތުބާރު ނެތް ކަމުގެ ވޯޓެއް ނަގައި، މިދިޔަ މާޗް މަހުގެ ތެރޭގައި މަގާމުން ވަނީ ބޭރުކޮށްލައިފަ އެވެ. އެކަމަކު އޭނާ ވިދާޅުވަމުން ގެންދެވީ، އިންޓަނެޓްގެ އަގުހެޔޮ ކުރުމާ ބެހޭ ހުރިހާ ކަމެއް ނިންމައި، ރައީސް އޮފީހަށް ފޮނުވާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
03 May 2021
ޖުލައި 1 އަށް މަޑުކުރާ ސަބަބަކީކޮބައިތޯ؟ މިހާރުންމިހާރަށްވެސް އަގުހެޔޮކުރަންވީނޫންތޯ... ވަރަށްގިނަ ފަހަރު ކަނޑައެޅިފައި އޮންނަ ސުޕީޑުގައި އިންޓަރނެޓުގެ ސަރވިސް ނުލިބޭ، ކަސްޓަމަރުންގެ ރައިޓުސްއަށް އުރީދޫ އަދި ދިރާގުންވެސް ދަނީވަރަށްބޮޑަށް އިހުމާލުވަމުން، ގިނަކަސްޓަމަރުންނަކީ ހަގީގަތުގައި އިންޓަރނެޓުގެ ސުޕީޑު ލިބޭވަރު ޗެކުކުރަންދަންނަ މީހުނެއްނޫން، މިކަމުގެ އެޑުވާންޓޭޖް ސަރވިސްޕުރޮވައިޑާ ނަގާކަންފާހަގަކުރަން
ބިސްމޭން
02 May 2021
ސްޓާލިންކު މުޒާހަަރާއަށް މަދާނަން ޕެޕަރ ސްޕްރޭ ޖެހިޔަސް ކަރުނަގޭސް ޖެހިޔަސް. ބަލާތި ސަރުކާރުން އޭތި ހުއްޓުވަން މަސައްކަތް ކުރާނެ...
ވަސްވާސްވިސް
02 May 2021
އަހަރެން ބުނަން މިއުޅޭ ވާހަކައަކީ ދިރާގާއި އުރީދޫއާ އާރުއޯއެލް އެއީ މާޒީއޭ....ސްޓަރލިންކް އިސް ދަ ފިއުޗަރ. ސަރުކާރުން އެއްވެސް މަސައްކަތެއް ނުކުރިޔަސް ހެޔޮ. ކިތަންމެ މަސައްކަތެއްކުރިޔަސް ވާނެ ކަމެއް ހަރާން ތިއަގު ތަކަށް...
ކުޑަކަކޫ ސަރުކާރު
02 May 2021
މި ސުރުހީ އިން ވެސް އިނގެނީ ސަރުކާރަށްވުރެ ކުންފުނިތައް ބާރުގަދަކަން، ދިރާގު/އުރީދޫ އިން ޝަރުތު މިކުރަނީ ސަރުކާރަށް.. އަގު ހެޔޮވަނީ އެމީހުން ބޭނުން ގޮތަކަށް. އިތުރު ކުންފުންޏެއް ގެނެސްބަލަ ވާގޮތެއް ބަލަން
ސަރީފު
02 May 2021
750ރ. އަށް 200 ޖީބީ ތީކީ އިންޓަނެޓް ހަގު ހެޔޮ ވުމެއްނޫން.. ސްޓަލިންކް އަންލިމިޑެޓް ޖީބީ 1500 ރުފިޔާ އަށް ލިބޭ އެއީ 100 އެމްބީ ޕީއެސްގައި....4 ހަތަރު މީހަކު ބަހާލައިގެން ސްޓަލިންކް އަންލިމިޑެޓް ނަގާފިއްޔާ މީހަކަށް ޖެހޭނީ 380 ރުފިޔާ ވަރު... އެހެންވީމާ ސްޓަލިންކް މާރަގަޅު ވާނެ އަދިވެސް.
ބުރާންޗް
02 May 2021
ދެން ތިޔަ ބުނާ ސްޓަލިންކް ނަގައިގެން އުޅެންވީނު. 5 ލައްކަ ނެތް އާބާދީއަކަށް މާ އަގު ހެވެއް ނުކުރެވޭނެ.
އަހުމަދުއަލޯ
02 May 2021
ސްޓާރލިންކަކީ ކޯއްޗެއްކަން ބުރާންޗަކަށް ނޭގޭ ދޯ.
ހުސެން
03 May 2021
@ބުރާންޗް ގެ ނުމުގައި ކޮމެންޓުކުރި ފަރާތަށް ބުނެލެވެންއޮތީ 5 ލައްކަ ހަމަނުވިޔަސް މިހާރަށްވުރެން ވަރަށްބޮޑަށް އަގުހެޔޮކުރެވޭނެޔޭ! މައްސަލައަކީ ކޮންޕެޓިޓަރސް ނެތުން، މިހާރު ކޮންމެކަމެއްގަވެސް އުރީދޫއާ ދިރާގު އަޑިއަޑިން ޑީލްހަދާ އަގުތަށް އެމީހުންބޭނުންވަރެއްގައި ހިފަހައްޓާ! ކުރިން އިންޑިޔާއަށް ދިރާގުން ގުޅައިދެނީ މިނެޓަކު 11ރ އަށް މިހާރު ކިހާވަރަކަށް؟ އުރީދޫގެ އާ ކޮޅު ޑީލްނުހެދި ކޮންޕެޓިޓަރސްގެ ގޮތުގައި ތިބިއިރު ފޯނުކޯލްތަކުގެ އަގު ހެޔޮކުރީ!
ޙަމް78
02 May 2021
އެއްވެސް ސަރުކާާާރަކުން މިކުންފުނިތަކާ އެކު ޑީލް ނަހަދާތި ސްޓަރލިންކް ހުއްޓުވަން. ކޭމް އަކީ މިހާރުވެސް ކޮރަޕްޝަންގެ ހާއްޔެއް. މަބާލަން ހުންނާނަން ބޭނެ ކޮއްފިއްޔާ ދެން ވާގޮތެއް ވެސް.
ސަރޭ
02 May 2021
ސްޓާރ ލިންކަށް ހުއްދަ ނުދިނިއްޔާ ނިކުންނާނަން މުޒާހަރާއަށް... ބައިބައި ދިރާގު އެންޑް އުރީދޫ. އިޓްވޯސް ނޮޓް ނައިސް ނޮވިން ޔޫ...ބައި ފޯއެވަރ..
ރަށުމީހާ
02 May 2021
އަލްހަމްދުލިއްލާހި.
އޮޅުމެއްދޯ
02 May 2021
25 އެމްބީޕީއެސްގެ ސްޕީޑުގައި 750ރ. އަށް 200 ޖީބީ (ތްރޮޓުލް ސްޕީޑްގައި 25 އެމްބީޕީއެސް) އެވެ. ؟؟؟
އަހުމަދުއަލޯ
02 May 2021
ހެހެހެހެ. ވަރަށް ސަލާން އުރީދޫ އާއި ދިރާގަށް. ސްޓާލިންކް އައީމާ ހަނދާން ނައްތާލާ...ޕްރީ އޯޑަރކޮށްފިން. ސްޓާލިންކު ބޭނުންކުރަން ހުއްދަ ނުދީފިއްޔާ ކުޅިދައްކާލާނަން.
އޭކު ސަވާލް
02 May 2021
ބޭންކްތަކުން ދޫކުރާ ހައުސިންގ ލޯނު ގެ އިންޓަރެސްޓް ދައްކުރަން ވެފައިވާ ޢަހުދާއި ވަޢުދު މުޅިން ހަނދާން ނެތުނީތޯ؟