އައިޖީއެމްއެޗުގެ ކޮންސަލްޓަންޓް ރޭޑިއޯލޮޖިސްޓް ޑރ. ފާތިމަތު މުފްލިހާ. --ފޮޓޯ:އެޗްއީއޯސީ
04 މެއި 2021 - 00:56
25 comments
ކޮވިޑަށް ޕޮޒިޓީވްވާ މީހުންގެ އަދަދު މާ މައްޗަށް ދާ ނަމަ، ކޮވިޑުގެ ހާލަތު މިހާރު އެންމެ ގޯސް އެއް ގައުމު ކަމަށްވާ އިންޑިއާއާ އެއްވަރަށް ރާއްޖޭގެ ހާލަތު ވެސް ގޯސްވެދާނެ ކަމުގެ އިންޒާރު އައިޖީއެމްއެޗުގެ ކޮންސަލްޓަންޓް ރޭޑިއޯލޮޖިސްޓް ޑރ. ފާތިމަތު މުފްލިހާ ދެއްވައިފި އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ރޭ ބޭއްވި ނޫސްވެރިންގެ ބައްދަލުވުމުގައި ޑރ. މުފްލިހާ ވިދާޅުވީ ބައްޔަށް ޕޮޒިޓީވްވާ މީހުންގެ އަދަދު އިތުރުވުމާ އެކު އެޑްމިޓްކޮށްގެން ފަރުވާ ދޭންޖެހޭ މީހުންގެ އަދަދު ވެސް ވަރަށް ގިނަވެފައިވާ ކަމަށެވެ.
މީގެ ދެ ހަފުތާ ކުރިން ކޮވިޑަށް ފަރުވާދޭ މީހުންގެ ބެޑް ކެޕޭސިޓީ 60 ޕަސެންޓުގައި ހުރުމަށް ފަހު، މި ހަފުތާގައި މި އަދަދު ތިން ގުނަ އިތުރުވެފައިވާ ކަން އޭނާ ފާހަގަކުރެއްވި އެވެ. އަދި ބަލިވާ މީހުން ގިނަވެ ސިއްހީ ނިޒާމަށް ނުކަތާފާނެ ކަމަށް އިންޒާރު ދެއްވި އެވެ.
ފާއިތުވި 24 ގަޑިއިރުގެ ތެރޭގައި ރާއްޖޭއިން 585 މީހަކު ކޮވިޑަށް ޕޮޒިޓީވްވެފައިވެ އެވެ. އަދި މިއީ ރާއްޖޭގައި މި ބަލި ފެތުރެން ފެށި ފަހުން އެއް ދުވަހާ އެންމެ ގިނަ މީހުން ޕޮޒިޓީވްވި ދުވަސް ވެސް މެ އެވެ.
ބަލީގައި ބޮޑުވަރުވާ މީހުން ގިނަ، ކޮންޓެކްޓްސް ވެސް ގިނަ
"އަޅުގަނޑުމެންނަށް މިހާރު އިންޑިއާ އިން ވެސް ފެންނަ ގޮތުން ވެއްޖިއްޔާމުން، ހަމަ އެ ހާލަތުގައި މި އޮތީ. އަޅުގަނޑުމެން އެއްވެސް ބޭފުޅަކު އެ ހާލަތަށް ދިއުމަށް ނޭދޭނެ ކަން ވެސް ގަބޫލުކުރަން،" ޑރ. މުފްލިހާ ވިދާޅުވި އެވެ.
ބަލީގައި ބޮޑުވަރުވާ މީހުން މިހާރު ގިނަވާކަން ފާހަގަކުރަމުން އޭނާ ވިދާޅުވީ އޮކްސިޖަން ބޭނުންވާ ބަލި މީހުންގެ އަދަދު ވެސް މިހާރު ގިނަ ކަމަށެވެ. އަދި ބައްޔަށް ޕޮޒިޓީވްވާ މީހުންގެ ކޮންޓެންޓް ޓްރޭސިން ހަދާއިރު، ބައްދަލުވެފައިވާ މީހުންގެ އަދަދު ވެސް ވަރަށް ގިނަ ކަން ފާހަގަކުރެވިފައިވާ ކަމަށެވެ.
"މި ހުރިހާ ވާހަކައަކުން ވެސް މި އިނގެނީ އަޅުގަނޑުމެންގެ ހާލަތު ގޯހުން ގޯހަށް ދާކަން،"ޑރ. މުފްލިހާ ވިދާޅުވި އެވެ. "މި ނަންބަރުތައް މާ މައްޗަށް ދާ ނަމަ ރާއްޖޭގައި ވެސް އާ ވޭރިއަންޓެއް އުފެދުމަކީ ވެސް ވަރަށް ގާތް ކަމެއް."
މިހާރު އުޅޭ ބައެއް ވޭރިއެންޓުތައް ޕީސީއާރު ޓެސްޓުތަކުން ވެސް ނުފެންނަ ކަމަށާއި ބަލި ދެނެގަނެވޭއިރު ބައެއް މީހުންގެ ހާލަތު ވަރަށް ބޮޑަށް ގޯސްވެގެން ގޮސްފައިވާކަން ފާހަގަކުރެވޭ ކަމަށް ވެސް ވިދާޅުވި އެވެ.
މި ހާލަތުން އަރައިގަތުމަށްޓަކައި ރަނގަޅަށް މާސްކު އެޅުމަށާއި އިޖުތިމާއީ ގައިދުރުކަން ބެހެއްޓުމަށާއި ގިނަގިނައިން އަތް ދޮވުމަށާއި އަދި ގިނަ މީހުން އެއްތަނަކަށް އެއްވެގެން ނޫޅުމަށް ވެސް ޑރ. މުފްލިހާ ހަނދުމަކޮށްދެއްވި އެވެ.
ކޮވިޑް ޖެހޭ މީހުންގެ އަދަދު ވަރަށް ބޮޑަށް ދަށްވެފައި އޮތުމަށް ފަހު އިތުރުވާން ފެށީ މިދިޔަ މަހުގެ ފުރަތަމަ ދުވަހުން ފެށިގެން ދިން ލުއިތަކާއި ލޯކަލް ކައުންސިލްތަކުގެ އިންތިހާބަށް ފަހުގަ އެވެ. އޭގެ ކުރިން އޮތީ ކެފޭ/ރެސްޓޯރަންޓުތަކުން ވަކި ވަގުތަކު ހިދުމަތްދޭ ގޮތަށް އަދި ދަންވަރު ކާފިއު ހިންގައި ވަކި ވަގުތެއްގައި ވެހިކަލް ދުއްވުން ވެސް މަނާކޮށްފަ އެވެ.
ބަލިވާ މީހުންގެ އަދަދުތައް އިތުރުވާތީ ހެލްތު ޕްރޮޓެކްޝަން އެޖެންސީން މިހާރު ވަނީ އަލުން ފިޔަވަޅުތައް ވަރުގަދަ ކުރަން ނިންމައި އެކަން ރޭ އިއުލާންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކްރޯޑް
06 May 2021
ޤަޟާ ޤދަރަށް އީމާންވުމަކީ ބަލިމަޑުކަމެއް ނޫނީ އެހެންވެސް މުޞީބާތެއް ލައިގަތީމަ ްަޅާނުލާ ތިބުމެއް ނޫން އެކަމުން ސަލާމަތްވާން މަސައްކަތް ކުރުމާއެކު ﷲ ގެ ހަޞުރަތުން އެކަމުން ސަލާމަތް ކުރެއްވުމަށް އެދި ދެން ނެވުން.
ފަސީހާ
04 May 2021
ބަލަ ތިޔަކަން ގޯސްވިޔަނުދޭން ކަމަށް ބުނެ މަޖިލިސްއަށް ފިނޭންސް މިނިސްޓަރު ވަޑައިގެން ދައުލަތުގެ ޚަޒާނާތައް އަނގަމަތިކުރުމުގެ ހުއްދަ ހޯއްދެވީ! އަޅެފަހެ ފައިސާ ރެޔާދުވާލު ގެއަށް އުފުއްލާން ފުރުސަތު ލިބުމުންވެސް ވަކި މޮޅެއް ނުވިތާ! ރިޔާސީ ނިޒާމު ހަމަ އޮބިނޯވެއެވެ.
ހިއު
04 May 2021
ކޮންމެ ފަހަރަކުވެސް ފިޔަވަޅުތައް އަޅަން ފަށަނީ މާ ފަހުން. އަދަދުތައް މައްޗަށް ދާތަން ބަލަން ސިނަމާއެއްގަ ފިލްމެއް ބަލަން ތިބޭހެން ހީވަނީ. ކޮވިޑްގެ އަދަދުތައް ކިރިޔާވެސް މައްޗަށް އަރާލާ ވަރަކަށް ޚާއްސަކޮށް އާވޭރިއަންޓްތަކާއެކީ ފަތުރުވެރިން އައުން ގިނަވާ ވަރަކަށް ކޮންޓްރޯލުން ނައްޓާނެކަން ހަމަ ނޭނގެނީބާ. 200އިން މަތި އެއީ ރަނގަބީލު ފެށޭ އަޑު. 300 އެއީ އެއްގޮތަކަށްވެސް ބަލަންތިބެންވީ އަދަދެއްނޫން. އެކަމު ފިޔަވަޅުނާޅާ ތިބެނީ ވާނެހައެއްޗެއް ވަންދެން
ނާޑުވާ
04 May 2021
ދެން ނުވާނެ ގޯހެއް. ދުވަަލު ބައްދާ ދޮނދީ ހަދާ ގުރޫޕ ހަދައިގެން އިރާކޮޅު ކޮފީ ބޯން އުޅުނަށް ދަންވަރު ސައިކަލު ނުދުއްވަންޏާ ކޮވިޑެއް ނުފެތުރޭނެ
މަކަރު ސަރުކާރު
04 May 2021
މިހާރު ހެލްތު މިނިސްޓަރކަމިގައި ކޯލޮޝަން މީހަކު ހުރިނަމަ އެމީހެއްގެ ކަރުގަ ވާޖަހާފަ މާލޭގަ މަގުމަތީގައި ގަންހިންގާނެ. ސަރުކާރެކޭކިޔާފަ މިއީވާ މަކަރުގަދަ ބައެއް
ދޮންކަލޯބެ
04 May 2021
އާބާދީގެ ނިސްބަތަށްބަލާއިރު މިހާރު އިންޑިއާއަށްވުރެން ރާއްޖޭގެ ޙާލަތު ގޯހޭވެސް ބުނެވިދާނެ. ބުނެވޭނީ ކޮވިޑުގެ ޙާލަތު މިހާބޮޑަށް ގޯސްމިވީ، ސަރުކާރަށް އެޅުނު ޅައެއްޗެއްގެ ސަބަބުންނޭ. ޚާއްޞަކޮށް ލޯކަލް ކައުންސިލް އިންތިޚާބަށް ދޫދެވުނީ. އެކަމާގުޅިގެން ރަށްރަށަށް ދަތުރުކުރުމާއެކު ގައިގޯޅުވުން އިންތިހާއަށް ބޮޑުވީ. އެންމެ ބޮޑަށް އެކަން ފާހަގަވީ ވޯޓުލީދުވަހު. އެއަށްފަހުން ޕޮޒެޓިވްވާ ޢަދަދު އިންތިހާއަށް އުފުލެންފެށީ. ކޮންމެ ބަޔަކުވެސް ވޯޓަށް ދަހިވެތިވީ
ހަސަނު
04 May 2021
މިހާރު އެންމެ ގިނަ ބަޔަކު އެއްވަނީ މިސްކިތްތަކުގަ.. މި ދުވަސްކޮޅު ތަރާވީސް ނަމާދު ކުރުން ހުއްޓުވާން ޖެހޭ.. ބަންދު ތަނެއްގާ އަޑިއިރު ތަކެއް ތިބުމަކީ ގައިމުވެސް ހުއްތާންޖެހޭ ކަމެއް..
ފަހުދު
04 May 2021
ނޫނޭ ނޫނޭ ތިހެންހަދައިގެން ކަމަކުނުދާނެ. އަދި މޑޕ ގެ އެތެރޭގެ އިލެކްޝަން މިމަހު އޮންނާނެ. އެކަންވެސް ކޮންމެހެންވެސް ކުރަންވާނެ. ރައްްޔިތުންނައްވުރެ އިލެކްޝަން މުހިންމުވީމަ ވާގޮތް އަދިވެސް ރަންގަޅަކައް ނުފެނޭ
އަލިތައްހާނު
04 May 2021
އިންޑިޔާގެ ހާލަތު ވެސް ދުނިޔެއަށް ހާމަ ކުރުމުގައި އެކި ނޫސްތަކުން ގެންގުޅެނީ ތަފާތު ގޮތްތަކެއް. ބައެއް ނޫސްތަކުގައި ހަޤީޤަތާ ހިލާފު ވާހަކަތައް ލިޔެފައި ހުރި ކަމަށް ފެނޭ. މިހެން މިބުނީ މިއަދު ސީއެންއެންގައި އޮތް މިއަރޓިކަލް އަށް ބަލާފައި https://edition.cnn.com/2021/05/03/india/india-coronavirus-fact-check-intl-hnk-dst/index.html މި ވެސް ފަހަރެއްގައި ތެދަކަށް ނުވެދާނެ. ހަބަރުތަކަކުން ހަޤީޤަތެއް ސާފެއް ނުވޭ.
ޢަނީ
04 May 2021
އިިލެކްޝަނަށް ގައުމު ހުޅުވަލުން. ގައިދުރުކުރުމެއް ނެތި މިސްކިތްތަށް ރޯދަޔަށް ހުޅުވާލުން. ރެސްޓޯރަންޓުތަކުން އިފްތާރު ޕްރޮމޯޓުކޮށް މާސްކުނާޅާމީހުންތަށް އެއްކުރުން. މިހެން އުޅުނީމާ މިއަދު ބަލި މީހުން އިތުރުވެ ޅަކުދިންގެ ކެޔެވުން ހަލާކުވެ މިސްކިތަށް ގިނަމީހުންނަށް ނާމާދަށް ނޭރި މި ހުރިހާ އަސާސީހައްގުތަށް މިއޮއް ލޮޅުންއެރީ.ތަންކޮޅެއް ބަލާގެން އުޅެންދަސްކުރަންވީ.