އިންޑިއާގެ ސީރަމް އިން އުފައްދާފައިވާ އެސްޓްރަޒެނެކާ/އޮކްސްފޯޑް ވެކްސިން "ކޮވިޝީލްޑް" ހެލްތުވޯކަރަކު ދައްކާލަނީ. --ފޮޓޯ:އޭއެފްޕީ
04 މެއި 2021 - 17:15
45 comments
ކޮވިޑުން ދިފާއުވުމަށް ރާއްޖޭގައި ދެމުން އައި ވެކްސިންތަކުގެ ތެރެއިން ކޮވިޝީލްޑް ވެކްސިން ދިނުން ވަގުތީ ގޮތުން މިއަދުން ފެށިގެން މެދުކަނޑައިލީ، އެ ވެކްސިން ލިބުން ދަތިވެގެން ކަމަށާއި އާއްމުކޮށް އެ ޖަހަން އަލުން ފށާނެ ތާރީހެެއް ފަހުން އިއުލާނު ކުރާނެ ކަަމަށް އެޗްޕީއޭ އިން ބުނެފި އެވެ.
އެ އިދާރާ އިން މިއަދު ނެރުނު ބަޔާނެއްގައި ބުނީ އާއްމުކޮށް، ކޮވިޝީލްޑް ޖަހައިދިނުން ހުއްޓައިލި ނަމަވެސް ކުއްލި އަދި ބަލި ހާލަތު ހުރި ގޮތުން ވެކްސިން ޖަހައިދޭން ޖެހޭ މީހުންނަށް އެ ފުރުސަތު އޮންނާނެ ކަމަށެވެ.
ވެކްސިން ގެނައުމަށް ކުރާ މަަސައްކަތުގެ ތަފްސީލު ދެމުން އެޗްޕީއޭގެ ބަޔާނުގައި ބުނިގޮތުގައި، އެސްޓްރަޒެނެކާ ކުންފުންޏާ އެކު ހަދާފައިވާ އެއްބަސްވުމެއްގެ ދަށުން ފައިސާ ދައްކާފައިވާ 700،000 ޑޯޒު ވެކްސިން އަންނަ ޖޫން މަަހު ލިބެން ފަށާނެ ކަން އަންގާފައިވާ ކަމަށެވެ.
"ސަރުކާރުން މިހާރު މަސައްކަތް ކުރަމުން މިދަނީ ވީ އެންމެ އަވަސް ފުރުސަތެއްގައި، ވެކްސިންގެ އިތުރު ބެޗުތައް ހޯދުމަށެވެ. މިގޮތުން، ކުރިއަށް އޮތް ދެ ހަފުތާއެއްހާ ދުވަހުގެ ތެރޭގައި 'ކޮވިޝީލްޑް" ބްރޭންޑުގެ އިތުރު ޝިޕްމަންޓެއް ހޯދުމުގެ އިންތިޒާމުތައް ހަމަޖެއްސުމުގެ މަސައްކަތް ކުރަމުން ގެންދާ ވާހަކަ ދަންނަވަމެވެ،"--- އެޗްޕީއޭ
ނަމަވެސް އެ އަށް ވުރެ އަވަހަށް ރާއްޖެ އަށް ކޮވިޝީލްޑް ވެެކްސިން ގެންނަން ޖެހެނީ ބަޔާނުގައިވާ ގޮތުން، އިންޑިއާގެ ސިރަމް އިންސްޓްޓިއުޓް އޮފް އިންޑިއާއާ އެކު ހަދާފައިވާ އެއްބަސްވުމެއްގެ ދަށުންނެވެ، އެ އެއްބަސްވުމުގެ ދަށުން 300،000 ޑޯޒަށް ފައިސާ ދައްކައި އޭގެ ތެރެއިން 100،000 ޑޯޒް ލިބިފައިވާ ކަމަށާއި އިތުރު ޑޯޒްތައް ގެންނަން ތާވަލް ކޮށްފައިވާ ކަމަށް ވެސް އެޗްޕީއޭ އިން ބުނެ އެވެ.
"ސަރުކާރުން މިހާރު މަސައްކަތް ކުރަމުން މިދަނީ ވީ އެންމެ އަވަސް ފުރުސަތެއްގައި، ވެކްސިންގެ އިތުރު ބެޗުތައް ހޯދުމަށެވެ. މިގޮތުން، ކުރިއަށް އޮތް ދެ ހަފުތާއެއްހާ ދުވަހުގެ ތެރޭގައި 'ކޮވިޝީލްޑް" ބްރޭންޑުގެ އިތުރު ޝިޕްމަންޓެއް ހޯދުމުގެ އިންތިޒާމުތައް ހަމަޖެއްސުމުގެ މަސައްކަތް ކުރަމުން ގެންދާ ވާހަކަ ދަންނަވަމެވެ،" ބަޔާނުގައި ވެ އެވެ.
ސްޓޮކް މަދުވެގެން ކޮވިޝީލްޑް ދިނުން ހުއްޓައިލި އިރު ރާއްޖޭގައި އެ ވެކްސިނަށް ޝަރުތުހަމަވާ އާބާދީގެ 67 ޕަސެންޓަށް ފުރަތަމަ ޑޯޒް އަދި 24.67 ޕަސެންޓަށް ދެނަ ޑޯޒް ވެސް ވަނީ ޖަަހައިފަ އެވެ.
ބަލިމަޑުކަމުގެ ސަބަބުން ހާލަތު ގޯސްވެގެން ވެކްސިން އުފެއްދުމާއި ވެކްސިން ފޯރުކޮށް ދިނުމުގައި މުޅި ދުނިޔޭގައި ވެސް ދަތިކަން ކުރިމަތިވެފައިވާ ވެ އެވެ. ޚާއްސަކޮށް އިންޑިއާގައި ކޮވިޑް ޖެހޭ މީހުންގެ އަދަދު ވަރަށް ބޮޑަށް އިތުރު ވެފައިވާއިރު، އެ ގައުމުގެ ކޮވިޝީލްޑް ވެކްސިން ގެނައުމުގައި ވަނީ ދަތިތަކާ ކުރިމަތިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހުތާން
05 May 2021
މެނޭޖުކުރަން ނޭންގެނީ ނޫންތޯ؟ ކޮބާ ދެން ފުރަތަމަ ޑޯޒް ޖެހި މީހުންގެ ޙައްޤު؟ އެމީހުން އަނެއްކާވީ ސުމަކުން ފަށަން ނޫންތޯ؟
ފޫޅު އަލިބޭބެ
05 May 2021
ދަންނަވަންތޯ ނުކިޔަވާ ތިބި ބޭފުޅުންކޮޅެއް ނިކުންނަވާ ކޮލެރާ އާއި ސިގިއްލާ ޒަމާނުގައި،ކަން ހިންގާ ރާވާ އިންތިޒާމު ކުރިވަރަށް ވުރެވެސް “ކިޔަވައިގެން” ދުރުވެ މި ތިއްބެވި ބޭފުޅުންނަށް ކަންކަން ނުހިންގެވޭ. ޖެއްސެވި ބޭފުޅުން އެނގެން އޮތް އިރު، ޓެކުނޮލޮޖީ އޮތް އިރު، މިވަރުކަމެއް އިންތިޒާމަކުން ހިންގާކަށް ނޭނގުނު. ނުލިބެނީސް ލިބިއްޖެކަމަށް ބަލާ އަންނަހާ ފަތުރުވެރިންނަށް ދާންދެން ވެކުސިން ޖެއްސެވީ. ހަނާވެ ފަނާވާންވީ މަމެން. ފޫޅުވެސް ކެނޑީ މަމެން ބޮލަށް
ފާރިހަތު ޖަލީލު
05 May 2021
ވެކްސިން ސްޓޮކް މެނޭޖްކުރަން ނޭނގޭތީ ފާރި އަޖައިބުވެއްޖެ. ކަންކަން ރަގަޅަށް ކުރެވޭނީ ރައީސް ނަޝީދު ނުވަތަ ރައީސް ޔާމީންފަދަ ލީޑަރަކު އައިސްގެން. ދެންތިބޭ ގިނަމީހުންނަކީ އަނގައިން ހިފަހައްޓާ މީހުން. ކަމެއް ހަވާލުކުރީމަ ކުރާކަށް ނޭނގޭނެ. އަދި އަމިއްލައަށް ބޮޑުވާން އުޅޭ ބައެއް.
އަލިފުޅު111
05 May 2021
މަންޖޭ ފާަރީ....ތިޔަ ބުނާ ނަޝީދޭ މިހާރުވެސް މިރާއްޖެ ހިންގަނީ..އެއަކީ ހަމަހޭގަ ހުންނަ ސޮރެއް ނޫން. އޭނާ ބުނާގޮތަށް ހިންގާ ސަރުކާރެއްވެސް އޮންނާނީ ހަމަހޭއިން ނެއްޓިފަ...ނަޝީދުގެ ލީޑަރޝިޕް މިފެންނަނީ..އޭނާ އަނގަ ނުބާނާނަމަ ތިޔަ ކޮވިޑްވެސް އަދި ވައްކަންވެސް މިރާއްޖޭން ހުއްޓުނީސް.. ފާރީ...ކޮބާތަ އަދީބު؟؟؟؟؟؟؟؟ ނަޝީދުބުނީ އޭނާ ބުނިގޮތަށް ކަންތައްކުރި ސޮރެކޯ އެއީ.. އެހެރީ ގިޓާޖަހަން ގެޔަށް ލާފައެއްނު. ޔާމީނު 500 ދުވަހު ޖަލުގަ ބަހައްޓާފަ..
ޞޯގަންވިލާ
05 May 2021
ޢަޅުގަނޑަށް ފުރަތަޑޯޒްގެ މުއްދަތު ހަމަވާއިރު ދެވަނަ ޑޯޒް ޖެހޭނެ ގޮތް ސަރުކާރުން ހަމަޖައްސާ ނުދީފިނަމަ އެކަމުގެ ބަދަލު ހޯދަން ކޯޓަށް ދާނަން އަޅުގަޑަށް ވެސް ފަނަރަ މިލިއަން ރުފިޔާ ލިބެން ޖެހޭނެ
ސޫފާސޫފި
05 May 2021
މިހާލަށް ގައުމު ދާއިރުވެސް ޗައިނާގެ އެހީތެރިކަމަަކަށް އެދޭކަށް ނުކެރޭ މޯދީ ކޯފާވެދާނެތީ، ބަލަ ކޮން ކޮވިޝީޑެއްތަ ތިޔަ ކޮވިޝީޑެއް އެކަންޏެއްނޫނޭ ދުނިޔޭގަ ވެކްސިނަކަށް ގެންގުޅެނީ.
ޖޯޖް
05 May 2021
ކަލޭ ޗައިނާގެ އެހީތެރިކަމައް އެދެންވީއެއްނުން
ފުލޯޓީ
05 May 2021
އަވަހަށް އެއްކަލަ ބުނި ފުލޯޓިން ހޮސްޕިޓަލް ގެނެސް މާލޭ ބަނދަރުގަ އެންކަރުކޮށްލާ......ގުނބޯހެދިފަ އަދިވެސް...
ތޮއްޑޫ.
05 May 2021
އެއީ އޭރު ފެޅި ކަރާތަކެއް.
އިސްރާފު
04 May 2021
އަޅުގަނޑަށް ފުރަތަމަ ޑޯސް ދީފަަ ދެވަނަ ޑޯސް ފޮރުވީތަ ނުވަތަ ބިދޭސީނނަށް ޖަހާ ހުސްކޮށްލީތަ. ބޭއިނސާފު ސަރުކާރު. މިސަރުކާރު ވެރިން އަދި އިންސާފުަ ކުރިމައްޗައް އަންނާނެ. މިހެން ގަދަ ހަދާފަ އުޅުން އެހެން ވެރިކަމެއް ވެސް ނިމިދިޔަ ދާދި މިދާކަށް ދުވަހު.
އޮނަރަބްލް އަފީފު ދީދީ
04 May 2021
ތަނެއް ދޮރެއް ބެލުމެއްނެތި ލިބުނު ވެކްސިންކޮޅު ޖަހައި "ރިކޯޑް ހަދާން އުޅެގެން" ނޫންތޯ ތިހެންވީ. # އާބާދީއާއި އެއް އަދަދަކަށް އިމިޤްރޭޝަން ޤާނޫނާއި ޙިލާފު މީހުން އުޅޭއިރު އަމިއްލަ ޤައުމުގެ ރައްޔިތުނަށް އިސްކަން ނުދީ ފީސަބީލިއްލާހިއަށް ޖަހާދިނީމާ ފުރަތަމަ ބިދޭސިން އޭގެ ބޭނުންކޮށް މަހުޖަނުންގެ ރިސޯޓް ތަކުގައި އުޅޭ ބޭރު މީހުންވެސް ހިލޭ ވެކްސިން ޖަހައިފި. # ދެންވެސް ވެކްސިން ޑޯޒެއް 100 ޑޮލަރު ކަމަށް ހަދާފަ ދިވެހިންނަށް އާސަންދައިން ޖެހޭގޮތަށް ހަދާ.
ވެންޓިލޭޓަރު ވަގު
05 May 2021
އަފީފު ދީދީގެ ވާހަކައަށް ވެންޓިލޭޓަރު ވަގުވެސް ތާއީދު. އާސަންދިއިން ދިވެހިންނަށް ހިލޭ ވެކްސިން ޖެހޭ ގޮތަށް ހަދާފައި ރިސޯޓް ތަކުގައި އުޅޭ ބިދޭސިން ފަދަމީހުނަށް 100ޑޮލަރަށް ވެކްސިން ވިއްކުމަކީ އެއްވެސް ހާލެއްގައި ތަފާތު ކުރުން ކަމަކަށް ނުވާނެ. ތިޔަ އަގަކީ ދުނިޔޭގައި ވެކްސިން ވިއްކާ އަގުތަކަށް ބަލާ އިރު ބޮޑު އަގެއްނޫން. ބިދޭސިންނަށް ހިލޭ ވެކްސިން ޖަހާ ދޭކަށް ނުޖެހޭނެ.
ޙުސެންރަށީދު
04 May 2021
ކޮބާ ހެޔޮއެދޭ އިންޑިޔާ އެއްވެސްކަމަކައް ދައްޗެއް ނުވާނޭބުނި އިންޑިޔާކޮބާ 7 3 1މިއަދުތައް ޖަހާގެން ޙަބަރުތައްކިޔާ
ޕަބްޖީބެ
04 May 2021
ދައްކާވާހަކަ އާއި ކުރާ ކަމަކާއި ދިމާނުވެ!އެއަށްކިޔަނީ ރޯމަރު ދޮގު!ކާރުކޮޅުގައި ދިދަ ޖަހައިގެން ދުއްވެނިކޮށް ނިމުނީތަ!ތިވަރުން ދެން ކާކުބާ ތިހަދާ ދޮގުތަށް އަޑުއަހާނީ!