ފުޑް ކޯޓު ސަރަހައްދުގެ ކެފޭތަކެއް: ކެފޭ/ރެސްޓޯރެންޓުތަކުން ހިދުމަތް ދެވޭނީ ރޭގަނޑު 9:00 ވަންދެން.-- ފޮޓޯ: އަހުމަދު އަވްޝަން އިލްޔާސް/މިހާރު
06 މެއި 2021 - 15:20
6 comments
ކޮވިޑު ފެތުރުން ކޮންޓްރޯލް ކުރުމަށްޓަކައި މާލެ ސަރަހައްދުގައި މިރެއިން ފެށިގެން ކާފިއު އިއުލާން ކޮށްފައި ވާތީ، މާލެ ސަރަހައްދުގެ ފިހާރަތަކާއި ކެފޭ/ރެސްޓޯރެންޓުތައް ހުޅުވޭނީ ރޭގަނޑު 9:00 އާ ހަމައަށް ކަމަށް އިކޮނޮމިކް މިނިސްޓްރީން މިއަދު ހަމަޖައްސައިފި އެވެ.
ކޮންމެ ރެއެއްގެ 9 އިން ފަތިހު 4 އަށް މާލެ ސަރަހައްދުގައި ކާފިއު ހިންގަނީ ވަކި މުއްދަތެއް ނެތް ގޮތަށް ކަމަށް ވިޔަސް، ރޭގަނޑު 9 ޖަހަންދެން ފިހާރަތަކާއި ކެފޭ/ރެސްޓޯރަންޓުތައް ހުޅުވުމުގެ އުސޫލަށް އަމަލު ކުރަން ޖެހެނީ އިކޮނޮމިކް މިނިސްޓްރީން ބުނިގޮތުގައި އަންނަ އަންގާރަ ދުވަހުގެ ނިޔަލަށެވެ.
އެ މިނިސްޓްރީން ކުރި އިއުލާނެއްގައި ބުނީ ފިހާރަތައް ހުޅުވާފައި ބެހެއްޓޭނީ ހެނދުނު 8 އިން ރޭގަނޑު 9 ޖަހަންދެން ކަމަށެވެ. ނަމަވެސް ފުލުހުންގެ ހުއްދައާއެކު ރޭގަނޑު 12 ޖަހަންދެން އެފަދަ ތަންތަނުން ޑެލިވަރީގެ ހިދުމަތް ދެވޭނެ އެވެ.
އަންނަ އަންގާރަ ދުވަހާ ހަމައަށް ކެފޭ/ރެސްޓޯރެންޓުތައް ފަދަ ކާބޯތަކެތީގެ ހިދުމަތް ދޭ ތަންތަން ހުޅުވާފައި ބެހެއްޓޭނީ ހަވީރު 5:30 އިން ރޭގަނޑު 9 ޖަހަންދެންނެވެ. ފުލުހުންގެ ހުއްދައާއެކު ދަންވަރު 3 ޖަހަންދެން މިފަދަ ތަންތަނަށް ޑެލިވަރީގެ ހިދުމަތް ދެވޭނެ އެވެ.
އެޗްޕީއޭއިން ވަނީ ޖިމްތަކާއި ސިނަމާތަކާއި ސެލޫންތައް ވެސް މާދަމާ އިން ފެށިގެން ބަންދުކުރަން އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަޓަޓުއޭލް
06 May 2021
ނުޒޭރު އަވަހަށް ހަޅުތާލަށް ނުކުމޭ!
ނާޒް
06 May 2021
ކޮބާތަ ތިބުނާ ފުލުހުން ހުއްދަދޭ ފޯޓަލުއަކީ. ހުރިހާ ނޫހެއްގަ ވެސް މި ލިޔެނި ފުލުހުން ހުއްދަދޭނެ. ހުންދަ ހޯދަށް ޖެހޭގޮތެއް ނޫނީ ގުޅޭނެ ނަންބަރެއް ވެސް ލިޔެލާނަމަ
މޯޑޭ
06 May 2021
ވަރަށް ދެރަކަމެއް ތީ. އަހަރަމެންނަކީ ހޮޓަލުން ކެއުންބުއިން ހަމަޖަންސާގެން އެއްކޮޓަރީ އެތައްބަޔަކު ނިދުމުގެ ކަންކަން ހަމަޖެހިފަ ތިބި މީހުން. ހިގާފަ ގޮސްވެސް ހޮޓަލުން ހާރުކެވޭ ގޮތެއް އޮށްނަށް ޖެހޭ. ކޮޓަރިތެރެއަަށް ކާ އެއްޗެހި ވަށްދާފިންޔާ ގޭ ބޮސް ރުޅިގަދަވޭ. އެއްވެސް ވަރަކަށް ރަށްއިތުން ނާއި މެދު ނުވިސްނާ. ފުޓްބޯޅަ ކުޅެންވީމަ ހާންސަ ހުއްދަ. މީ ކޮންކަހަލަ ތާކުން ތާކު ނުޖެހޭ އުސޫލެއް.
އަހަންމާބޭ
06 May 2021
ވަރަށް ދަތިވާނެ. ގަބޫލުކުރަން. އެ ހާލަތު އިހުސާސްކޮށްފައި މިތިބީ. ހާރުކެވޭނެ ގޮތް ހަމަ ޖައްސައިދެންވާނެ. މިބުނީ ކާތަކެތި ލިބޭނޭގޮތް.
އަލޯއަލީ
06 May 2021
މީދެން ކިހާ ދެރަ ކަމެއް! މަމެން ދެން ކިހިނެތް ހާކުކަނީ! ހޮޅިވާހަކަ ނުދައްކަބަލަ! އިންޑިއާއިން ކޮވިޑް އެތެރެވާވަރަށް އެތެރެވަނީ! މަމެން ތިބެންވީ ގޭގަ!
ރޫހީ
06 May 2021
އާނ ކަލޭމެންގެ އިހުމާލުން މުޅި ގައުމަށް އިންޑިއާ މީހުން އެތެރެކޮށް ވާނެ ހަޔެތި ވީމަ ނުކުމެ ރައްޔިތުމީހުން ކާންބޯން ކުރާ މަސައްކަތް ފުނޑާލާ. އާން ކޮވިޑަ "ގިނަވި" ވަރަކަށް ލިބޭ އެލަވަންސް ގިނަވާނެ.