ކޮވިޑް-19: ޖިމްތަކާއި ސެލޫންތައް މާދަމާ އިން ފެށިގެން ބަންދުވާނެ

ކޮވިޑް-19 އާ ގުޅިގެން ރައްކާތެރިކަމުގެ ފިޔަވަޅުތަކާ އެކު، ސެލޫންއަކުން ހިދުމަތް ދެނީ-- ފޮޓޯ: މިހާރު

މާއިދާ މުހައްމަދު ރަޝާދު، މިހާރު

06 މެއި 2021 - 14:56

ރާއްޖޭގައި ކޮވިޑްގެ ހާލަތު ވަރަށް ބޮޑަށް ގޯސްވެ، ރެކޯޑް އަދަދަކަށް އެ ބައްޔަށް މީހުން ޕޮޒިޓިވްވާތީ، މާލޭ ސަރަހައްދުގައި ހިންގާ ޖިމްތަކާއި ކަސްރަތު ކްލާސްތަކާއި ސެލޫންތަކާއި ސިނަމާތައް ބަންދުކުރަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު އަންގައިފި އެވެ.

ޑިރެކްޓަރު ޖެނަރަލް އޮފް ޕަބްލިކް ހެލްތު، މައިމޫނާ އަބޫބަކުރު ސޮއިކުރައްވައި، ނެރުއްވި އެންގުމުގައި ވަނީ ކޮވިޑް-19 ގެ ރާއްޖޭގެ ހާލަތު ހުރި ގޮތުން މާދަމާ އިން ފެށިގެން ވަކި ގޮތެއް އަންގަންދެން މާލެ ސަރަހައްދުގެ ސެލޫންތަކާއި ޖިމްތައް، އަދި ސިނަމާތައް ވެސް ބަންދުކުރަން ނިންމައިފައިވާ ކަމަށެވެ.

އެ ފިޔަވަޅުތައް ތަންފީޒުކުރުމުގައި ވަގުތާއި ހާލަތަށް ރިއާޔަތްކޮށް އަޅަން ޖެހޭ ފިޔަވަޅުތައް އެޅުމަށް ފުލުހުންނާއި ކަމާ ބެހޭ މުވައްސަސާތަކަށް އަންގަ އެވެ.

މާލޭ ސަރަހައްދުގައި ބޮޑެތި ލުއިތަކެއް ދީފައި ވަނިކޮށް، ކޮވިޑް-19 ގެ ހާލަތު ދަނީ ވަރަށް ބޮޑަށް ގޯސްވަމުންނެވެ. މި ފަހުންް ކޮންމެ ދުވަހަކު ވެސް ރެކޯޑު އަދަދަކަށް މީހުން ޕޮޒިޓިވްވެ އެވެ. އެވްރެޖްކޮށް ކޮންމެ ދުވަހަކު ޕޮޒިޓިވްވާ މީހުންގެ އަދަދުތައް މިހާރު އުޅެނީ 500 އިން މަތީގަ އެވެ. މިދިޔަ އަންގާރަ ދުވަހުގެ ހަވީރު 6 އިން އިއްޔެގެ ހަވީރު 6 އަށް މުޅި ރާއްޖޭގައި 734 މީހަަކަށް އަލަށް ކޮވިޑް ޖެހުނުއިރު އޭގެ ތެރެއިން 540 މީހުންނަށް އެ ބަލި ޖެހުނީ މާލެ ސަރަހައްދުންނެވެ.

ރައްކާތެރިކަމުގެ ފިޔަވަޅެއްގެ ގޮތުން، މާލެ ސަރަހައްދުގައި ހިންގާ ސްކޫލުތަކާއި ސަރުކާރުގެ އޮފީސްތައް ބަންދުކޮށް، އެ ތަންތަނުގެ ހިދުމަތް ވަނީ އޮންލައިންކޮށްފަ އެވެ. އަދި ރެއިން ފެށިގެން ކޮންމެ ރެއެއްގެ 9 އިން ފަތިހު 4 އަށް މާލެ ސަރަހައްދުގައި ވަނީ ކާފިއު އިއުލާން ކޮށްފަ އެވެ.

ހެލްތު ޕްރޮޓެކްޝަން އެޖެންސީ ސިއްހަތު ބަލިތައް

13 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަތުރާ

06 May 2021

މާލެ ވަށާ ދުވާ މީހާ މާސްކް ނާޅާ ދުވާއިރު އެމީހާއަށް ނޭނގި ބަލިޖެހިފައި ހުރިނަމަ އެމީހާ ބޭރަށް ލާ ނޭވާއިން މުޅި މާލެ ވަށާ ކޮވިޑް ދުން އެޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

06 May 2021

ޖިމްތައް ސެލޫންތަކުގަ އުޅޭމީހުން ނުޖެހޭނެ ކައިގެން ބޮއެގެން އުޅޭކައް، މިގަޢުމުގަ އޮތީ ސިވިލްސަރ ވަންޓުނާ ދައުލަތުގެ އިދާރާތަކުގެ މީހުންނައް އެކަނި ދިރިހުރުމުގެ ހައްގިއޮއްނާނީ. މިކަމާ އިހުތިޖާޖައް ނިކުންނައް އިރައް ފުލހުން ނުކުމެ ދުސްމަނުންނައް އަނިޔާކުރާހެން އަނިޔާކޮށް ދެލޯ އުފެދިފަ ހުރިހިސާބައްވެސް ޕެޕަރ ސްޕްރޭ ޖަހާނެ. ކަމެއް ނުވާނަމަކަ ބަޔަކު ނުނިކުންނާނެ މިޒާހަރާކުރާކައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރޭކް

06 May 2021

ދެން ކާކު މަގޭ ލޯނު ދައްކަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލުބެ

06 May 2021

ކޮބާހޭ ބޮޑު ވަޒީރު؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

06 May 2021

ނަމަނަމަ ބޯޑަރު ބަންދުކުރާތި އިންޑިޔާ ރައްޔެތުން ކަރަންޓީން ވާން އަންނަ ޤައުމަކަށް ހަދާފަލާފަ އޮތުމުގެ ހިތި ނަތީޖާ ރައްޔެތުން އުފުލަން މިޖެހުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

06 May 2021

ހުރި ހިތާމައެއްގެ ބޮޑުކަމާދޯ، ދެން ކިހިނެތް މިފަދަތަންތަން ހިންގާމީހުން ސަލާމަތްވާނީ، އަދި އެއުޅެނީ މިދިޔައަހަރު ލިބުނު ގެއްލުމުން އަރާނުގަނެގެން، އަނެއްކާ ތަންތަން ބަންދުކޮށް މިޖެހުނީ ގެއަށްވަންނަން، ހިންގައި ޚަރަދެއް ހުއްޓެނީކީނޫން، ތަނުގެ ކުލި ދައްކަން ޖެހޭ، މުވައްޒަފުންނަށް މުސާރަ ދޭންޖެހޭ ޔުޓިލިޓީ ބިލް ތަށް ދައްކަންޖެހޭ، ދެންކިޔާ ފުރާނައަށްވުރެ މުހިއްމެއްނޫނޭ އެހެން ކަމެއް، ބަލަ ޒަރޫރީ ކަންކަން ފުރިހަމަނުވާ ހާޅްގައި ކޮންފުރާނައެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމާލުއްދީން

06 May 2021

ތިހެން އޮފީސްތައްވެސް ބަންދުކުރި. އެކަމަކު ބައެއް ސަރުކާރު އޮފީސްތަކަށްވެސް މުވައްޒަފުންދޭ. ޖުޑިޝަރީގެ ހުރިހާ މުވައްޒަފުންހެންވެސް އެބަ ވަޒީފާއަށް ނިކުމޭ. މީގެން އެގެނީ އޮފީސްތަކުގެ ބައެއް އިސްވެރިން މުވައްޒަފުންނާއިމެދު އަޅާލުމެއް ނެތްކަން. އަދި މީގެން އެނގޭ ދެވަނަ ކަމަކީ މިގައުމުގައި ބަސްވިކޭ ވެރިއަކުނެތްކަން. ސެލޫންތަކުގެ މުވައްޒަފުންވެސް ހަމަ މިހެން ނެރޭނެ. ސެލޫން/ޖިމްގެ ދޮރު ތަޅުލައިގެން ވިޔަފާރި ކުރިއަށް ގެންދާނެ. ބަލި ފެތުރޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮފީސާ

06 May 2021

ހެހެހެހެހެ ލެޕްޓޮޕަކުން މުޅިގައުމު ހިންގިދާނެޔޭ ކިޔާފަ މޮޅެތި ސަޅިބައިސާ ކަނޑާނެ ބައެއް މީހުން އެކަމަކު ކިތަންމެ ކަންކަން އެނގޭ ކަމަށް ހެދިގަނެގެން އުޅުނަކަސް ގިނަ އޮފީސްތަކުގެ އިސްވެރިންނަކީ ޓެކްނޮލޮޖީއަށް ބީރަށްޓެހި ދަބަރު ޖަހާފަ ތިބި ބާމީހުން. އެހެންވީމަ މިކަހަލަ ސިޗުއޭޝަނަކަށް އެޑަޕްޓް ވާން ނޭގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފުލް ކުމާރު

06 May 2021

ޖިމްކުދިން ވަރަށް ރުޅިއަންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިމް ގޮމާ

06 May 2021

އަހަރެމެން ތިޔަށް ވުރެ ވިސްނުން ތޫނު. ޖިމް ދެކެ ލޯބިވޭ، ކަސްރަތު ނުހަނު ކުރާ ހިތް ވޭ. މާލީ ގޮތުން ގެއްލުންވެސް ވާނެ. ނަމަވެސް މި ވަގުތު މުހިއްމީ ކޮވިޑް ކޭސްތައް ކޮންޓްރޯލްކުރުންކަމުން، ޖިމްތައް ވަގުތީ ގޮތުން ބަންދުކުރަން ނިންމި ނިންމުމަށް މަރުހަބާ ކިޔަން އަދި އެގޮތަށް އަމަލު ވެސް ކުރާނަން. ދުޅަ ހެޔޮ ޞިއްޙަތަކަށް މި ބަލި މަޑުކަމުން އަރައިގަތުން މުހިއްމު.