ކޮވިޑް-19: 24 ގަޑިއިރުގެ ތެރޭގައި ކޮވިޑުގެ ދެވަނަ މަރު

ނައިފަރުގައި ހުންނަ ޅ. އަތޮޅު ހޮސްޕިޓަލުގެ އިމާރާތް: ކޮވިޑަށް ފަރުވާ ދެމުން ދިޔަ މީހަކު ވަނީ މަރުވެފައި.

އާސިމާ ނިޒާރު، މިހާރު

06 މެއި 2021 - 15:34

ކޮވިޑު-19 އަށް ފަރުވާ ހޯދަމުން ދިޔަ މީހަކު ޅ. ނައިފަރުގައި މިިއަދު މަރުވެއްޖެ އެވެ. މިއީ ފާއިތުވި 24 ގަޑިއިރުގެ ތެރޭގައި އެ ބަލީގައި މަރުވި ދެ ވަނަ މީހާ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ނައިފަރު ހޮސްޕިޓަލުގައި ފަރުވާ ދެމުން ދިޔަ 83 އަހަރުގެ އަންހެނަކު މެންދުރުފަހު 12:30 ހާއިރު މަރުވެފައިވާ ކަމަށެވެ.

އެއީ، މި ބަލީގައި މި އަހަރު މަރުވި 28 ވަނަ މީހާ އަދި މުޅި ރާއްޖެއިން މަރުވި 76 ވަނަ މީހާގެ ގޮތުގައި ވަނީ ކަނޑައަޅައިފަ އެވެ.

ރ. އުނގޫފާރުން ނައިފަރަށް ދިޔަ މީހަކު ކޮވިޑަށް ޕޮޒިޓިވްވެގެން އެ ރަށް މޮނިޓަރިންއަށް ލީ މިދިޔަ މާޗު 23 ގަ އެވެ. އޭގެ ފަހުން ދެ މަހަށް އެޅިއިރު ވެސް ރަށުގެ ހާލަތު ރަނގަޅެއް ނުވި އެވެ. ކޮންމެ ދުވަހަކު ޕޮޒިޓިވްވާ މީހުންގެ އަދަދު 30އަށް ވުރެ މަތި އިރު، އެ ރަށުން މިހާތަނަށް ވަނީ 568 މީހަކަށް ބަލި ޖެހިފަ އެވެ.

ކޮވިޑްގައި މަރުވި މީހުންގެ އަދަދު 75 އަށް https://t.co/E8MtMW6kzm
— Mihaaru (@Mihaarunews) May 6, 2021

ހުޅުމާލެ މެޑިކަލް ފެސިލިޓީގައި ފަރުވާ ދެމުންދިޔަ 77 އަހަރުގެ އަންހެނަކު ވެސް ރޭ ވަނީ މަރުވެފަ އެވެ.

މި ފަހުން ވަނީ ކޮވިޑަށް ޕޮޒިޓިވްވާ މީހުންގެ އަދަދު ވަރަށް ބޮޑަށް މައްޗަށް އަރައިފަ އެވެ. ކޮންމެ ދުވަހަކު އެތައް ސަތޭކަ ބަޔަކު ޕޮޒިޓިވްވަމުން އައިސް އިއްޔެ އެ އަދަދު އުޅުނީ 700 އިން މަތީގަ އެވެ. އަދި ހޮސްޕިޓަލުގައި ފަރުވާދެމުން އަންނަ މީހުންގެ އަދަދު ވެސް 198 އަށް އަރާފައި އެވެ. ހޮސްޕިޓަލުގެ އެނދުތައް ފުރޭތީ ވަސީލަތް އިތުރު ކުރުމުގެ މަސައްކަތް ވެސް މިހާރު އަންނަނީ ކުރަމުންނެވެ.

ސިއްހަތު ޅ. ނައިފަރު ބަލިތައް މަރު ހެލްތު ޕްރޮޓެކްޝަން އެޖެންސީ

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެދުރުކަލޭގެފާނު

06 May 2021

މަގުތަކަށް ނިކުމެ ގައިގޯޅި މުޒާހަރާކޮށް ރައިޒް އަޕްވެގެން އުޅުން ރީތި ގޮތަކަށް ނިމިއްޖެ ނޫންތޯއެވެ. ފުރަތަމަ ވަޒީފާގެ މާހައުލު ރައްކާތެރި ކުރެވޭނީ ދިރިހުރެގެން ނޫންތޯއެވެ. ޕީޕީއެމުންވެސް މަގުތަކަށް މީހުން އެއްކޮށް ޖަހަން އުޅުނު ސަކަރާތް މިއޮތީ ފެންނާށެވެ. ރައީސް ނަޝީދުވެސް އަދިވެސް އެމަނިކުފާނުގެ ބާރު ހިނގާ އެއްވެސް ތަނެއް ބަނދު ނުކޮށް ހުންނަވަންވީއެވެ. ދެންތިބި ބަޔަކު ކޮވިޑޭ ވިދާޅުވެ ބައިތުލްމާލުން ޅިޔަން ފަހަރިންނަށް ބަދަލުދޭށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޒާރު

06 May 2021

މިކަމުގެ %100 ޒިންމާ ނަގަން ޖެހޭނީ އެމްޑީޕީ އާއި އެމީހުންގެ ބައިވެރީންނެވެ. މާމޮޅަށް ކެމްޕެއިން ކުރާބަޔެކޯ! ޢަސްލު ޙާލަތު ގޯސްވީ ފެލިވަރު ކުލަސްޓާ ބޮއްސުންލައިގެން. ދެންތިބޭ މަރިޔަނބު ގެއްލި ކަތިވަޅިގެއްލުވާލައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

06 May 2021

މޮޅުތަކެއް ވާނެ ކަމެއް އެއް އަހަރު ވަންދެން މިނިސްޓަރ އަމީންއާއި އޭނާގެ ޓީމުން އުފުލި ހުރިހާ ބުރައެއް ފެނަށް ދުއްވާލާ ބޮޑުވަޒީރު ނަޝީދު އެންގީމަ ގައުމު ހިތުހުރި ގޮތަކަށް ދޫކޮށްލީ. ކޮބައިތަ މިއަދު ނަޝީދު؟ ކޮބައިތަ އޭނަ މަގާމުގެ ފަތްކޮޅު ވެދުން ކުރި ބޮޑުބޭބެ ނަސީމު؟ އަނެއްކާ ހައިރިސްކުވީމަ ރަޖާ ލައިގެން ގޭގަތޯ؟ ސަހަރޯ ހީވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރު

06 May 2021

ރާޅެއްގަ ގިނަވާނެ މަރުވާ މީހުން. ރާޅުގެ އަދަދުން އިންޑިއާއަށްވުރެވެސް ކުރީގަ ރާއްޖެ މިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

06 May 2021

ދީނު އަންގަވާފަ އޮންނަ ގޮތަކީ ބަލިފެތުރޭ ޤައުމަކުން އެހެން ޤައުމަކަށް މީހުން ގޮސް ނޫޅެން އެއާ އިދިކޮޅައް މިޤައުމުގަ ކަންކަން ކުރަނީ މިސްކިތުގަ ފަޔާފައި ކޮޑާކޮޑު ޖައްސާގެން ތިބެ ނަމާދު ކުރަން އަންގަވާފަ އޮންނަނީ އެއާ އިދިކޮޅަށް މިޤައުމުގަ ކަންކަން ކުރަން އަންގަނީ