11 މެއި 2021 - 08:52
އިންޑިއާގައި ކޮވިޑް-19 ގެ ހާލަތު އެންމެ ގޯސް ވެރިރަށް ނިއު ދިއްލީގެ ކޮވިޑް ސެންޓަރަކަށް ބޮލީވުޑްގެ އެކްޓަރު އަމީތާބް ބައްޗަން ދެ ކްރޯޑް ރުޕީސް ހަދިޔާކޮށްފި އެވެ.
އޭނާ ފައިސާ ހަދިޔާކުރީ ކޮވިޑްގެ ބަލި މީހުންނާ ފަރުވާދޭން ހެދި 300 އެނދުގެ ސްރީ ގުރޫ ތޭގް ބަހާދޫރު ކޮވިޑް ސެންޓަރަށެވެ. އެތަނުގައި ބަލި މީހުންނަށް ފަރުވާދޭން ފެށީ ހޯމަ ދުވަހު އެވެ.
ކޮވިޑް ސެންޓަރު ހިންގާ ދިއްލީ ސިކް ގުރުދުވާރާ މެނޭޖްމަންޓް ކޮމިޓީގެ ރައީސް މަންޖިންދަރު ސިންގް ސިރްސާ ވިދާޅުވީ އަމީތާބު ދިން އެހީ ބޭނުންކުރާނީ އިންޑިއާ އިން ބޭރުން އޮކްސިޖަން ގެންނަން ކަމަށެވެ. އަދި އަމީތާބްގެ އެހީ ދީފައިވާތީ އެކަމަށް ޝުކުރު އަދާކުރައްވައި ޓްވީޓް ވެސް ކުރައްވާފައިވެ އެވެ. ކޮވިޑްގެ މި ހާލަތުގައި އިންޑިއާ އަށް އެންމެ ބޮޑަށް ޖެހިފައި ވަނީ ވެސް އޮކްސިޖަނަށެވެ. އަދި މިކަމާ ހުރެ އެތައް ބައެއްގެ ފުރާނަ މިހާތަނަށް ގެއްލިފައިވެ އެވެ.
“Sikhs are Legendary
— Manjinder Singh Sirsa (@mssirsa) May 9, 2021
सिखों की सेवा को सलाम”
These were the words of @SrBachchan Ji when he contributed ₹2 Cr to Sri Guru Tegh Bahadur Covid Care Facility
While Delhi was grappling for Oxygen, Amitabh Ji called me almost daily to enquire about the progress of this Facility@ANI pic.twitter.com/ysOccz28Fl
މަންޖިންދަރް ވިދާޅުވި ގޮތުގައި ދިއްލީގައި ކޮވިޑްގެ ހާލަތު ގޯސްވި ފަހުން ކޮންމެ ދުވަހަކު ކަހަލަ ގޮތަކަށް އަމީތާބް އޭނާ އަށް ގުޅައި ސިކް އާބާދީގެ ހާތަލު އޮޅުންފިލުވައި ހަދަ އެވެ.
މިދިޔަ އަހަރު ކޮވިޑް ޖެހިގެން ފަރުވާ ވެސް ހޯދި އަމީތާބަކީ އަބަދު ވެސް ގައުމަށް ދިމާވާ ބޮޑެތި ކަންކަމާ ގުޅިގެން އެހީވާ ފަންނާނެކެވެ.
އަމީތާބް، 78، ހޯސްޓްކުރާ ސޮނީ ޓީވީގެ ކޯން ބަނޭގާ ކަރޯޑްޕަތީ (ކޭބީސީ) 13 ފަށަން ތައްޔާރުވަމުން އަންނަ އިރު އޭނާގެ ކުރިއަށް ހުރި ފިލްމުތަކުގެ ތެރޭގައި "ޗެހެރޭ" އާއި "ޖުންދު" އާއި "ބުރައްމަސްތުރާ" އާއި "ގުޑްބާއި" އަދި "މޭޑޭ" ހިމެނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
2021
11 May 2021
އެންމެ 2 ކޮރާޑި