ދައުލަތުގެ ތިން ބާރުގެ ވެރިން ރަސްމިއްޔާތެއްގައި: އެ ބޭފުޅުންގެ ސެކިއުރިޓީ ވަރުގަދަ ކުރަން ޤާނޫނު އިސްލާހު ކުރަން ރައީސް އަންގަވާފައި --- ޕޮޓޯ/މިހާރު
11 މެއި 2021 - 21:32
50 comments
ރައްޔިތުންގެ މަޖިލީހުގެ ރައީސާއި އުއްތަމަ ފަނޑިޔާރަށް ދައުލަތުން ދެމުން އަންނަ ސެކިއުރިޓީ އިތުރަށް ވަރުގަދަ ކުރަން ގާނޫނަށް ގެންނަންޖެހޭ ބަދަލުތައް ގެނައުމަށް ރައީސް އިބްރާހިމް މުހައްމަދު ސޯލިހް މިއަދު އަންގަވައިފި އެވެ. މީގެ ތެރޭގައި އެ ބޭފުޅުންނަށް ހާއްސަ ކޮށްފައިވާ ރަސްމީ ގެކޮޅެއް ހަމަޖެއްސުން ވެސް ހިމެނެ އެވެ.
މަޖިލީހުގެ ރައީސް މުހައްމަދު ނަޝީދަށް އަމާޒުކޮށް މިދިޔަ ހަފުތާގައި ދިން ޓެރަރިސްޓް ހަމަލާގައި އެމަނިކުފާނާއި އިތުރު ބަޔަކަށް އަނިޔާވެ، ހޮސްޕިޓަލްގައި އަންނަނީ ފަރުވާ ހޯއްދަވަމުންނެވެ. އެ މައްސަލާގައި ތިން މީހަކު ހައްޔަރުކޮށް، ތަހުގީގު ގެންދަނީ ހިންގަމުންނެވެ.
ރައީސް އޮފީހުން ބުނީ މަޖިލީހުގެ ރައީސާއި އުއްތަމަ ފަނޑިޔާރަށް ދައުލަތުން ދެމުން އަންނަ ސެކިއުރިޓީ އިތުރަށް ވަރުގަދަ ކުރަން ގާނޫނަށް ގެންނަންޖެހޭ ބަދަލުތައް އަވަހަށް ގެންނަން މިއަދު ބޭއްވި ވަޒީރުންގެ މަޖިލީހުގައި ބައްދަލުވުމުގައި އެޓާނީ ޖެނެރަލް އިބްރާހިމް ރިފްއަތަށް ރައީސް އަންގަވާފައިވާ ކަމަށެވެ. އަދި މިހާރު އޮތް ގާނޫނީ އޮނިގަނޑު ތެރެއިން އެކަން ހައްލު ކުރެވެން ނެތް ނަމަ، އާ ގާނޫނެއްގެ ބިލް އެކުލަވާލައިގެން ވިޔަސް އެކަން ކުރެއްވުމަށް ރައީސް އަންގަވާފައިވާ ކަމަށް ރައީސް އޮފީހުން ބުންޏެވެ.
ދައުލަތުގެ ތިން ބާރުގެ ވެރިން ކަމަށްވާ ރައީސާއި މަޖިލީހުގެ ރައީސާއި އުއްތަމަ ފަނޑިޔާރަށް ސެކިއުރިޓީ ފޯރުކޮށް ދެނީ އެމްއެންޑީއެފުންނެވެ. އެގޮތުން ކާރުކޮޅާއި ބޮޑީގާޑުން އަބަދުވެސް އެ ބޭފުޅުންގެ އަރިހުގައި ތިއްބަވަ އެވެ.
ރައީސް ދިރިއުޅުއްވާނެ ރަސްމީ ގެކޮޅެއް ދައުލަތުން ހަމަޖައްސައި ދެއްވާފައި އޮތަސް، މަޖިލީހުގެ ރައީސާއި އުއްތަމަ ފަނޑިޔާރު ދިރިއުޅުއްވާނެ ރަސްމީ ގެކޮޅެއް ދައުލަތުން ފޯރުކޮށެއް ނުދެ އެވެ. މަޖިލީހުގެ ރައީސާއި އުއްތަމަ ފަނޑިޔާރު ދިރިއުޅުއްވަނީ އެ ބޭފުޅުންގެ އަމިއްލަފުޅު ގެކޮޅުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޣައިރު
12 May 2021
ޙައްތަހާވެސް ޒައީމުން.
އޮނަރަބްލް އަފީފު ދީދީ
12 May 2021
ނަޝީދުގެ ގެކޮޅު ކެނެރީގެ ހުންނަމަގުގައި ހިގާންއުދަގޫވާވަރަށް ވެހިކަލް ޕާކްކޮށްފައިހުރި މައްސަލައަށާއި މާލެތޮއްޖެހި ހައި ޕްރޮފައިލް ބޭފުޅުންނަށް ސެކިއުރިޓީދިނުމަށް މާލޭގެ ތޮއްޖެހުން ބޮޑުކަމުން ދިމާވެފައިވާ ހުރަސްތަކަށް ތިކަމުން ހައްލެއް ނުލިބޭނެ. # އެންމެ ފުރަތަމަ ކުރާންޖެހޭ ކަމަކީ "އެއްރަށް ދައުލަތް ސިޔާސަތު ދޫކޮށްލުމާއި" ކ.އަތޮޅު މާލެ ނޫން ރަށްރަށުގައިވެސް އިންސާނުން ދިރިއުޅެން ބޭނުންވާ އަސާސީ ވަސީލަތް ޤާއިމްކޮށްދީ އިޤްތިސޯދީ ހަރަކާތް ހިންގުން.
އަބްދު
12 May 2021
ވަކި ރަށެއް ހަދަން ވީނު!! މަތިޑޫދޫ ކިޔާނީ ވެސް އެރަށް.. އޭރުން ތި ހުރިހާ މަގެއް ބައްދު ނުކޮށް އަހަރުމެންނަށް ހަމަޖެހިލަިއިގެން ހިނގާލާ ޕާކުކޮށް ހެދޫނު
ާކަަޑަ
12 May 2021
އެހެންވީމަ ބެސްޓް އެކްޓަރ އަށް ލިބުނީ ގެޢެއް ދޯ
ކުނބު
12 May 2021
ކޮބާ މައުމޫނު ގޯސްވެގެން އުޅުން މީހުން ކޯޗެއް މިއަދު މިހަދަނީ؟؟ މައުމޫނަށް ކީހާ އެއްޗެހި އަހަރުމެން އަދިވެސް ހަނދާންވޭ. މައުމޫނު ބާލަން ތިޔަ ހައްދުފަހަނަ އެޅިމީހުންނާ އެކީ އުޅުނީވެސް މިމީހުން. މައުމޫނު ވެރިކަމުން ފޭބުމަކީ މި 50 އަހަރު ދިވެހިންނަށް ލިބުން އެންމެ ބޮޑު ގެއްލުން. މައުމޫނު ދައުރުގަ މައުމޫނު އެކަނިތާ މިހާރު ބަލާބަލަ ކިތައްސަތޭކަ މީހުންނަށް ބައިއަޅައިގެން (ގާނޫނުގެ ތެރެއިން އަދި ބޭރުން) ދައުލަތް ތިހިންގަނީ.
ެލަފީ
12 May 2021
ވަރަށް މޮޅު، ދައުލަތު ކާ ނިއްމަން ކުޅެ ޑުރާމާ
ކެނެޑީ
12 May 2021
ކީއްކުރާ ރަސްމީ ގެކޮޅެއް. ރަނގަޅުވާނެ ތިކުދިން ރިޒޯޓެއްގެ ޕްރައިވެޓް ވިލާއަކަށް ބަދަލުކޮށްލިއްޔާ. އޭރުން ދެން އެއްވެސް މީހަކު ގާތްނުވާނެތާ.
ސިމްޕަލް
12 May 2021
ރައީސް ތީމުގެއަށް ބަދަލުވެ މަޖިލިސްރައީސަށް މުލީއާގެ ދެއްވައި އުއްތަމަ ފަނޑިޔާރަށް ހިލާލީގެ ދެއްވީމަ ނިމުމީ. ސްޕްރީމްކޯޓަށް ޖަސްޓިސް ބިލްޑިންގ 14 ބުރިއަށް ނެގީމަ ފުދޭނެ.
ހާމިދު ޝާހިދު
12 May 2021
ފަރިއްސަ ވެ މުޅިން ނިމިއްޖެ. ދެއުޅިއެއް ނުވާ ސިޔާސީ ތިކަހަލަ ލިޑަރުން ހޮވުނީތީވެ، ރައްޔިތުން މިއަދު ހިތާމަކުރޭ. އޭރުވެސް ތިޔަ ސެކިއުރިޓީ ތިފެންވަރަށް ދޭންޖެހޭކަމަށް ގަބޫލު ކުރެއްވިނަމަ. އެކަމަކު އޭރު ކިޔަމުންދިޔައީ މިތަނުގައި އެހާބޮޑު ސެކިއުރިޓީއެއް ބޭނުމެއްނުވެއޭ. ސިފައިންނެއްވެސް ބޭނުމެއް ނުވެއޭ. ދެން ދައުލަތުން ހަރަދުކޮށްފައި އިތުރު 2 ގަނޑުވަރު މާލޭގައި ހަދާފައި އެ ދެބޭފުޅުން އަވަހަށް ލައްވާ. މިއީ، މާކުރިން ކުރަންވެއްޖެ ކަމެއް.
ހުވާ
12 May 2021
ހަނިގޯޅިއެއްގައި ގެހުރެގެން ސެކިއުރިޓީ ނުދެވެންޏާ، ބޮޑުތަކުރުފާނުމަގުން ސަލްމާން މިސްކިތްކުރިމަތިން ގެއަކާ ލާޖައްސައިގެން ބަދަލުކުރަންވީނު. ބައިތުލްމާލަށް ލުއިވާނެ. ރައްޔިތުންގެ ފައިސާއިން ގެއަޅައިގެން މުވައްޒަފުން ލައިގެން އުޅޭނެ ފެންވަރެއް ބައިތުލްމާލަކުނެތް.