ސާމްޕަލް ނެގުމަށް ދިއުމަށްޓަކައި އާރްއާރްޓީމުގެ ބައެއް މީހުންގެ ދަރުބާރުގެ އިން އެމްބިއުލާންސަށް އަރަނީ.
16 މެއި 2021 - 17:30
6 comments
ފާޑުކިޔުންތައް އަމާޒުވުމުން، ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގައި މުސާރައަށް މަސައްކަތް ކޮށްދޭނެ ޑޮކްޓަރުން ހޯދަން ހެލްތު މިނިސްޓްރީން ރޭ އިއުލާނުކޮށްފި އެވެ.
އެ އިއުލާނުގައި ބުުނީ، ކޮވިޑް-19 އަށް ޕޮޒިޓިވްވާ މީހުންނާއި ކޮންޓެކްޓުންގެ ތެރެއިން ގޭގައި ތިބޭ މީހުންނަށް އޮންލައިން ކޮންސަލްޓޭޝަން ހަދައި އެ މީހުންނަށް ފަރުވާ ދިނުމަށް އެޗްއީއޯސީގައި މަސައްކަތް ކުރާނެ ވަގުތީ 10 ޑޮކްޓަރުން ބޭނުންވާ ކަމަށެވެ.
އެކަމަށް އެދޭ ފޯމު އަންނަ ބުރާސްފަތި ދުވަހުގެ ކުރިން ހުށަހަޅަންޖެހެ އެވެ.
ރާއްޖެއިން ބޭރުގެ ޑޮކްޓަރުންނަށް ބޮޑު މުސާރައާއެކު ވަޒީފާ ހުޅުވާލުމަށް ފަހު، އެޗްއީއޯސީގައި ހިލޭ ސާބަހަށް މަސައްކަތް ކޮށްދޭނެ ޑޮކްޓަރުން ހޯދަން މި ފަހުން އިއުލާނު ކުރުމުން ހެލްތު މިނިސްޓްރީ އަށް ވަރަށް ބޮޑަށް ފާޑުކިޔުން އަމާޒުވި އެވެ.
އެކަމާ ގުޅިގެން ރައީސް އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ، ބިދޭސީ ޑޮކްޓަރުން ހޯދަން އިއުލާނުކުރީ ދިވެހިން ނުލިބުނު މަގާމުތަކަށް ކަމަށެވެ.
މި ފަހަރު މުސާރައަކަށް ހަމަޖައްސާފައިވަނީ މަސައްކަތްކުރާ ގަޑިއިރަކަށް 88.50ރ. އެވެ. މަސައްކަތް ކުރާނެ ވަގުތު ހަމަޖައްސަން ޖެހޭނީ ދެ ފަރާތުން އެއްބަސްވާ ގޮތަށެވެ.
އެ ޑޮކްޓަރުންގެ މަސްއޫލިއްޔަތުތަކުގެ ތެރޭގައި ހޯމް ކަރަންޓީނުގައި ތިބޭ މީހުންނަށް ޒިޔާރަތް ކޮށްގެން ފަރުވާދޭން ޖެހިއްޖެ ނަމަ އޭގެ ހުރިހާ ކަމެއް ކުރުމާއި ބަލިން ރަނގަޅުވާ މީހުންގެ ރިކަވަރީ އެސެސްމަންޓް ހެދުމާއި ފެސިލިޓީތަކަށް ބަދަލުކުރަންޖެހޭ ބަލި މީހުން އެ ތަންތަނަށް ގެންދިއުން ހިމެނެ އެވެ.
އެޗްއީއޯސީގައި ވަގުތީ ގޮތުން މަސައްކަތް ކުރާނެ ޑޮކްޓަރުން ހޯދަން އިއުލާނުކުރީ ކޮވިޑުގެ އާ ރާޅާއެކު ސިއްހީ ދާއިރާ އަށް ނުކަތާ ވަރަށް ކޮންމެ ދުވަހަކު ވެސް އެތައް ބަޔަކު ޕޮޒިޓިވްވަމުންދާތީ އެވެ. ކޮވިޑް ޖެހުނު މީހުންގެ އަދަދު 43،000 އިން މައްޗަށް އަރާފައިވާއިރު، އެކްޓިވް ކޭސްތައް ވެސް ވަނީ 15،000 ހުރަސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޭކުސަވާލް
16 May 2021
555،000 ވެކްސިނާމެދު އަޅާލާ އެކަކުވެސް އެބަ ހުރިތޯ؟
ޢަލީ
16 May 2021
މި ސަރުކާރަކީ ވަރަށް ހަމައެއް ލަމައެއް ނެތް މޮޔަ މީހުންތަކެއް ބޯކިބާ ފަޅައިގެން ކަމަށް އެކަށީގެންނުވާ ނާޤާބިލް މީހުން ވަޒީނުންނަށް ލައިގެން ފިރުކޭ ސަރުކާރެއް. މި ހުސްވި ރަމަލާންމަހު މެދުކެނޑުމެއް ނެތި 12 ގަޑިއިރަށްވުރެ ގިނައިރު , ރޯލަ ވީއްލާ ގަޑި ހިމެނޭ ގޮތަށް ލެބޯޓަރީގައި މަސައްކަތްކުރި މީހުންނަށް ރޯދަ ވީއްލާނެ ފެން ފޮދެއް ވެސް ނުދިން ބައެއް. ކިހިނެއް ދެން ބަޔަކު މަސައްކަތްކުރާ ހިތުން މަސައްކަތް ކުރާނީ?
ސަލީމާއްތަ
16 May 2021
ވަރށް ބޮޑު އިހުމާލެއް 5 ލައްކަ ވެކްސިން ހޯދާ ޖަހާ ނިންމާހާ ދުވަސްމިވީ 5ލައްކަ ކީއްކުރަންތޯ ގަންނަން އޮތީ ދޮޅު ލައްކަ އިންޑިޔާ އަދި ޗައިނާއިން 4 ލައްކަ ހިލޭ ދިން ދޮޅުލައްކަ އެންމެ އަގުބޮޑު ވެކްސިން ގަނެ އެބަލާ ފުލައިޓެއް ޗާޓަރުކުރާހާ ފައިސާ އެކި ގޮތްގޮތުންވަނީ ބޭކާރުކޮށް ހުސްކިށްފަ
މާ ސްޓަރ
16 May 2021
ތިތަނުގަ އުޅުން އެންމެން ރަގަޅަށް ބަޑުފުރާލައިގެން އަމިއްލަ ވިޔަފާރިތަކުގައި އެކި ދިމަދިމާއަށް ގޮ ސް ފިލަން ފެށީ.
ސަލީމާ
16 May 2021
އެއް އަހަރު ނުވަތަ ދޮޅުއަހަރު ބޭނުންވަރަކަށް ބަޖެޓް ލިބުނު ވީ ކަމެއް ހަރާން… ސްޓްރެޓެޖިކް ޕުލޭނެއް ނެތް.. ރައްޔިތުން ވެކްސިން ޖަހަން ކެތް މަދުވެ ކިއުދަމާލިއިރު އެކަމަށް އެއްވެސް ވަރަކަށް ތައްޔާރެއް ނުވޭ .. ބޮޑުތަނުން މިގައުމު ވަނީ ފެއިލްވެފަ
1828
16 May 2021
ޕްރޮފެޝަނަލްކަމެއް ހުރި ޑޮކްޓަރެއް ނުދާނެ ތިތާގައި މަސައްކަތް ކުރާކަށް. ސަބަބަކީ ދެއުޅިއެއްނުވާ އުސޫލު ހަދައިގެން ބޭކާރު މަސައްކަތެއް ކުރާކަށް. މައިމޫނާގެ ބަސްނުވިކޭއިރުވެސް މަޤާމުގެ ދަހިވެތިކަމުގައި އެހުންނަނީ. އަމިއްލަ ބާރެއް އިހުތިޔާރެއް ނޯވާ ކަމެއް ނިންމާ އެލިޔުމެއްގައި ކޮޕީ ޕޭސްޓް ސޮއިކޮށް އުސޫލު ނެރޭއިރަކު. މައިމޫނާ އިސްތިއުފާ.