ދޮށީގެ މަސްވެރިކަން ކުރަނީ: މަސް ދޯންޏެއްގައި ބިދޭސީއަކު މަރާލި މައްސަލައިގައި ދައުވާކުރަން ވަނީ ފޮނުުވާފައި .-- ފޮޓޯ/ އަހުމަދު އަވްޝަން އިލްޔާސް
19 މެއި 2021 - 12:55
4 comments
މަސް ދޯންޏެއްގައި ހިނގި ހަމަނުޖެހުމެއްގައި ލިބުނު ޒަހަމްތަކަށް ފަރުވާ ހޯދަމުން ދަނިކޮށް ބަންގްލަދޭޝްގެ މީހަކު މިދިޔަ މާޗު މަހު މަރުވި މައްސަލައިގައި ދައުވާކޮށްފި އެވެ.
ޕްރޮސެކިއުޓާ ޖެނެރަލް (ޕީޖީ) އޮފީހުގެ މީޑިއާ އޮފިޝަލް އަދި ޕަބްލިކް ޕްރޮސެކިއުޓާ އަހުމަދު ޝަފީއު މިއަދު ވިދާޅުވީ ދ. މީދޫ "ޖިހާދު" ދޯނީގައި މަސައްކަތްކުރި މުހައްމަދު ޝާހީނަށް ވަޅިން ހަމަލާދީ މަރައިލި މައްސަލައިގައި، މުހައްމަދު މަސްއޫދު ނަމަކަށް ކިޔާ މީހެއްގެ މައްޗަށް ދައުވާކޮށް، މި މަހުގެ ފަސް ވަނަ ދުވަހު ކޯޓަށް ހުށަހަޅާފައިވާ ކަމަށެވެ.
މާޗު، 7 ގައި ހިނގި ހާދިސާއާ ގުޅިގެން، ބަންގްލަދޭޝްގެ ރައްޔިތެއް ކަމަށްވާ މަސްއޫދުގެ މައްޗަށް ދައުވާކުރަނީ ގަސްދުގައި މީހަކު މެރުމުގެ ކުށުގެ ދައުވާ އެވެ. ތ. ގުރައިދޫ ކައިރީގައި ދޯނި އޮއްވައި ހިނގި ހަމަނުޖެހުމުގައި ޝާހީނަށް ޒަހަމްވުމުން ފަރުވާ ދޭން އެންމެ ފުރަތަމަ ގެންދިޔައީ އެ އަތޮޅު ވޭމަންޑޫ ހޮސްޕިޓަލަށް ގެންގޮސްފަ އެވެ. ނަމަވެސް ފަރުވާ ދެމުންދަނިކޮށް އެ ދުވަހުގެ މެންދުރު 11:59 ހާއިރު އެ މީހާ ވަނީ މަރުވެފަ އެވެ. އެ މައްސަލައާ ގުޅިގެން އޭރު 42 އަހަރުގެ ފިރިހެނަކު ހައްޔަރު ވެސް ކުރި އެވެ. ހަމަލާ ދިންއިރު ދޯނީގައި ތިބި 12 މީހުންގެ ތެރެއިން އަށް މީހުންނަކީ ބިދޭސީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
19 May 2021
މިފަދަބިދޭސިންގެ ނުރައްކަލުންސަލާމަތްވުމަށްޓަކާ އިމިޤްރޭޝަން ޤާނޫނުއިސްލާޙްކޮށް އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އަދި އިންޑިޔާ އާއި ސްރީލަންކާގެ އޯލްޑިނެރީ ޕާސްޕޯޓް ހޮލްޑަރުންނަށްމެނުވީ އެޑްވާންސް ވީސާނެތި ރާއްޖެނާދެވޭގޮތަށްހަދާ އެހެންޤައުމުތަކުގެ އާންމުރައްޔަތުން ވީސާނަގާންޖެހޭގޮތަށް ޤަވާއިދު ބަދަލުކުރޭ.
ޙިނި
19 May 2021
ތިދެމީހުންގެވެސް ވޯކްޕާމިޓެއް ނޯވޭ ދޯ.
ވަހީދު
19 May 2021
ދައުވާ ލިބޭ މީހާ އަކީ ލިބޭ މީހާ އަކީ ދިވެއްސެއްތަ؟
ނިރު
19 May 2021
ބޭރުމީހުން އެއްގަމުގަ ޤަޥާއިދާ ޤާނޫންތަކާ ހިލާފަށް ކުރަމުންދާ ވިޔަފާރިތަށް ނުހުއްޓުވުނުތާގަ މިހާރު މަސްވެރިކަން ކުރަންވެސް އެއުޅެނީ މުޅިންހެން ބޭރުމީހުން... 12 ބިދޭސިން މަސްދޯންޔެއްގަ މަސްވެރިކަން ކުރަމުން ދިޔައިރު ކޮބާތޯ ކޯސްޓްގާޑު ފުލުހުން ރަށުކައުންސިލްތަށް ފިސަރީސް މިނިސްޓްރީ... މިއިން އެއްވެސް ފަރާތަކަށް ހަމަ ރޭކާވެސް ނުލަނީބާއޭ ހިތަށް އަރަނީ މިވަރުން ދާކަމަށްވަންޔާ ރާއްޖޭގެ ބޯޑަރ ބެލެހެއްޓޭ ބާއޭ ސުވާލް އެބައުފެދޭ އުފެދެނީ