ވާވޭގެ އަމިއްލަ އޯއެސް އަންނަ މަހުގެ 2 ގައި ފޯނުތަކަށް

އަހުމަދު އަދްޝަން، މިހާރު

26 މެއި 2021 - 07:18

ޗައިނާގެ ވާވޭ އިން އުފެއްދި އަމިއްލަ އޮޕަރޭޓިން ސިސްޓަމް (އޯއެސް) ހާމަނިއޯސް ނުވަތަ ހާމަނީ އޯއެސް އަންނަ މަހުގެ 2 ގައި ސްމާޓްފޯންތަކަށް ލިބޭނެ ކަމަށް ބުނެފި އެވެ.

މިކަން އެ ކުންފުނީގެ ޓްވިޓާގައި ވަނީ އިއުލާނުކޮށްފަ އެވެ.

It's nearly time to find out more about #HarmonyOS #LiveSmartWithHuawei pic.twitter.com/pmsHFHpgFN
— Huawei Mobile (@HuaweiMobile) May 25, 2021

އެމެރިކާ އިން ވާވޭ ބްލެކްލިސްޓްކުރުމާ ގުޅިގެން ގޫގުލް އިން އެ ކުންފުންނަށް އެންޑްރޮއިޓް ސަޕޯޓް ދިނުން ހުއްޓައިލުމާ ގުޅިގެން ތަރައްގީކުރި އަމިއްލަ އޯއެސް އިއުލާންކުރީ 2019 ގެ އޮގަސްޓް މަހުގެ ތެރޭގަ އެވެ. އޭގެ ފަހުން ހާމަނިއޯސް ވާވޭގެ ސްމާޓްވޮޗާއި ވާވޭ ޓީވީ އާއި ކާރު ހެޑް ޔުނިޓް ފަދަ އެއްޗެހީގައި ބޭނުންކުރަން ފަށާފައިވެ އެވެ. އަދި ވާވޭގެ ސްމާޓްފޯނަށް އަމިއްލަ އޯއެސް މި އަހަރު ގެންނާނެ ކަމަށް ބުނީ މިދިޔަ އަހަރުގެ ސެޕްޓެމްބަރު މަހުގެ ތެރޭގަ އެވެ.

އެހެންވެ ވާވޭ ފޯނު ގެންގުޅޭ މީހުންނަށް ދެން އާ އޯއެސް ކުރަން ޖެހޭ މާ ދިގު އިންތިޒާރެއް ނެތެވެ. ޖޫން 2 މިހާރު އޮތީ ދާދި ގާތުގަ އެވެ. އާ އޯއެސްއާ އެކު، ވާވޭގެ ފޯނުތަކުން ފެންނާނެ ބަދަލުތަކެއް ތަޖުރިބާކުރުމަކީ ވެސް ގިނަ ބަޔަކު ޔަގީނުން ވެސް ޝައުގުވެރިވާނެ ކަމަކަށްވާނެ އެވެ.

Huawei ge OS anna aharu smartphone thakah

The most trusted news source in the Maldives

Mihaaru