25 މެއި 2021 - 16:37
93 comments
އައްޑޫގައި އިންޑިއާގެ ކޮންސިއުލޭޓެއް މި އަހަރު ގާއިމު ކުރުމަށް އެ ގައުމުގެ ކެބިނެޓުން ފާސްކޮށްފި އެވެ.
އިންޑިއާގެ ބޮޑުވަޒީރު ނަރެންދުރަ މޯދީ ޗެއާ ކުރައްވާ ކެބިނެޓުން އެ ނިންމުން ފާސްކުރީ އިއްޔެ އެވެ.
ރާއްޖޭގައި ހުންނަ އިންޑިއާގެ އެމްބަސީން މިއަދު ބުނީ ކެބިނެޓުން އެ ނިންމުން ފާސްކުރީ އެ ގައުމާއި ރާއްޖެއާ ދެމެދު އޮންނަ ގާތް ގުޅުމުގެ ސަބަބުންނާއި އިންޑިއާގެ ސަރުކާރުން ގެންގުޅޭ "ނެއިބަހުޑް ފަސްޓް ޕޮލިސީ" އާއި "ސެކިއުރިޓީ އެންޑް ގްރޯތު ފޯ އޯލް އިން ދަ ރީޖަން (ސާގަރް)" ގެ އަމާޒުގައި ރާއްޖެ އަކީ މުހިންމު ދައުރެއް އަދާކުރާ ގައުމަކަށް ވާތީ ކަމަށެވެ.
އިންޑިއާގެ ސަރުކާރުން ބުނީ، މި ނިންމުން ފާސްކުރިޔަސް މަސައްކަތް ފަށާނީ ދިވެހި ސަރުކާރުން އެކަމަށް ހުއްދަ ދިނުމުން ކަމަށެވެ.
މި ޚަބަރު ރާއްޖޭގެ ފޮރިން މިނިސްޓްރީން ވެސް ކަށަވަރުކޮށްދިނެވެ. އެކަމަކު އެ މިނިސްޓްރީން ބުނީ މިއީ އިންޑިއާގެ އަމިއްލަ ނިންމުމެއް ކަމަށާއި އެކަމުގައި އިންޑިއާ އަށް ވެދެވެން އޮތް އެހީތެރިކަމެއް ދިވެހި ސަރުކާރުން ވެދޭނެ ކަމަށެވެ. ފޮރިން މިނިސްޓްރީން މިހާރު މިކަމުގައި ދައްކާނެ އިތުރު ވާހަކައެއް ނެތް ކަމަށެވެ.
މާލެ ފިޔަވައި އާބާދީ އެންމެ ބޮޑު އައްޑޫގައި އިންޑިއާގެ ކޮންސިއުލޭޓް ޖެނަރަލްއެއް ހުޅުވުމާ އެކު، ދެ ގައުމުގެ ދެމެދުގައި އޮންނަ ޑިޕްލޮމެޓިކް ގުޅުން އިތުރަށް ވަރުގަދަވާނެ ކަމަށް އިންޑިއާގެ ސަރުކާރުގެ ބަޔާނުގައިވެ އެވެ. އަދި ރައީސް އިބްރާހިމް މުހައްމަދު ސޯލިހު ރާއްޖޭގެ ވެރިކަމާ ހަވާލުވެވަޑައިގެންނެވި ފަހުން ދެ ގައުމުގެ ގާތް ގުޅުން ވެސް އިތުރު ހަރުފަތަކަށް ގޮސްފައިވާ ކަމަށް އިންޑިއާ އިން ބުނެ އެވެ.
އައްޑޫގައި އިންޑިއާގެ ކޮންސިއުލޭޓް ހުޅުވުމާ އެކު އެ ސިޓީން އިންޑިއާ އަށް ދަތުރުކުރަން ބޭނުންވާ މީހުންނަށް ފަސޭހައިން ވިސާ ލިބޭނެ އިންތިޒާމު ވެސް ހަމަޖެހޭނެ ކަމަށް އިންޑިއާގެ ސަރުކާރުން ބުންޏެވެ.
އައްޑޫގައި އިންޑިއާގެ ކޮންސިއުލޭޓެއް ހުޅުވުމަކީ ގައުމު ތަރައްގީވެ ކުރިއަރައިގެން ދިއުމަށާއި ފުއްދުންތެރި ގައުމަކަށް އިންޑިއާ ވުމަށް ކުރާ މަސައްކަތުގައި މުހިންމު ނިންމުމެއް ކަމަށް އިންޑިއާގެ ސަރުކާރުން ގަބޫލުކުރެ އެވެ. އެއީ އިންޑިއާގެ ކުންފުނިތަކުން ރާއްޖެ އަށް މުދާ އެތެރެކޮށް، ވިޔަފާރި ފުޅާކުރުމަށާއި އަދި އެ ގައުމުގެ އުފެއްދުންތެރިކަން އިތުރުކުރުމުގައި ވެސް މުހިންމު ދައުރެއް އަދާކުރާނެ ނިންމުމަކަށް ވާތީ އެވެ.
ގައުމުތަކުގެ މެދުގައި ވެފައި އޮންނަ ޑިޕްލޮމެޓިކް އެއްބަސްވުމުގެ ދަށުން ދެ ގައުމުގައި ވެސް އެމްބަސީތަކާއި/ހައިކޮމިޝަންތަކާއި އަދި ކޮންސިއުލޭޓްތައް ގާއިމު ކުރެއެވެ. އިންޑިއާގެ ނިއު ދިއްލީގައި ރާއްޖޭގެ ހައި ކޮމިޝަނެއް ހުންނައިރު، ޓްރިވެންޑްރަމްގައި ހުންނަނީ ކޮންސިއުލޭޓެކެވެ.
އައްޑޫގައި އިންޑިއާގެ ކޮންސިއުލޭޓް ހުޅުވުމާ އެކު އެ ސިޓީން އިންޑިއާ އަށް ދަތުރުކުރަން ބޭނުންވާ މީހުންނަށް ފަސޭހައިން ވިސާ ލިބޭނެ އިންތިޒާމު ވެސް ހަމަޖެހޭނެ ކަމަށް އިންޑިއާގެ ސަރުކާރުން ބުންޏެވެ.
އިންޑިއާގެ ސަރުކާރުން މިހާރު ވެސް އައްޑޫގައި 200 މިލިއަން ޑޮލަރުގެ ޕްރޮޖެޓުތަކެއް ވަނީ ފަށައިފަ އެވެ. އޭގެ ތެރޭގައި މަގު ހެދުމުގެ މަޝްރޫއުތަކާއި ގަން އެއާޕޯޓް އިތުރަށް ތަރައްގީކުރުން ހިމެނެ އެވެ. އަދި ގްރާންޓް ޕްރޮޖެކްޓްތަކުގެ ދަށުން މަސް ޕްލާންޓްތައް ހެދުމާއި އިކޯ ޓޫރިޒަމް ޒޯނަކާއި ޑްރަގް ރިހެބިލިޓޭޝަން ފެސިލިޓީއެއް ގާއިމްކުރުމުގެ މަސައްކަތް އަންނަނީ ކުރަމުންނެވެ.
ރާއްޖޭގެ ދެކުނުގެ ހިސާބުތަކާއި އިންޑިއާއާ އޮންނަ ވިޔަފާރީ ގުޅުން ވަރުގަދަކުރަން ކުރާ މި މަސައްކަތުގައި މިހާރު ވެސް ކުރިއެރުން ލިބިފައިވާ ކަމަށާއި އިންޑިއާގެ ޓުޓްރިކޮރިން އާއި އައްޑުއާ ދެމެދު ކާގޯ ފެރީގެ ހިދުމަތް ވެސް މިހާރު ދެމުން އަންނަ ކަމަށް އެ ގައުމުގެ ސަރުކާރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިތަދޫ ހުސެން
26 May 2021
ދުވަސް ކޮޅެއް ތެރޭ އައްޑޫގެ ވިޔަފާރި ކުރަން ފަށާނެ އިނޑިޔާ މީހުން، މުޅިި އަތޮޅު ހިސޯރު ކުރާނެ، ހެޔޮ ނުވާނެ ގައުމު ރޭކުރަން އިނޑިޔާ ދީގެން ތަރަައްގީ ނުކުރިއަސް ވަރިހަމަ.... ތަރައްގީ އެކޭ ވެސް ނުކިއޭނެ މިކަމަކަށް
އަހައްމަދު.
26 May 2021
ކުލީ އަޅުވެތިކަމުގައި އެއްތައް ޖީލެއް ފުޑިގެން ދިއުމަށްވުރެން މިގޮތްވެސް ރަނގަޅު. އިންޑިޔާ އާއި އެކުގައި އައްޑުއަށް ކިތަންމެ ކަމެއް ކުރެވި ތަރައްޤީގެ ފުރުސަތު ހުޅުވި ކުލީ އަޅުވެތިކަމުން އަރައިގަނެވިދާނެ.
ކުޅަނދުރު
26 May 2021
ފ.އަތޮޅުގެ ބަދަލުގަ އައްޑޫ ބޭރުގެ ރަނގަޅުބަޔަކަށް ވިއްކަދީފިއްޔާ ވަރަށް ރަނގަޅު، އެހިސާބުން އަހަރެމެން ދެން ގޮތްގޮތް ހޯދަފާނަން، މިހާރު މިއޮންނަގޮތުން ތަރައްގީއެއް ނުވޭ، މިދޭތެރެއަކުންވެސް ވަޒީފާގަނޑެއް އުފައްދަދޭށޭ ބުނީމަ މާލެއިން ބަޔަކު އައިސް ރާވެރިކަމުގެ ކޯހެއް ހިންގަދީފަ ދިޔައީ، މިވަރުންވެސް މިކަހަލަ ހަބަރެއް ފެންނައިރަށް ބަނޑުކުނިވެގެން އެބައުޅޭ ބަޔަކު.
އާއިލީފުޅު
26 May 2021
ކ.މާލޭ ގޭގެއިން އާއިލީ ސަރުކާރު ހަދައިގެން ރާއްޖޭގައި ޒަމާނުއްސުރެ ހިންގަމުން އަންނަ ޖަރީމާތަކަކީ ހަމަ ސީދާ އަމްރިޝްޕޫރީގެ ފިލްމުތަކުގަ ދައްކާކަހަލަ ޖަރީމާ. އަތޮޅުތަކުގަ ހުރިއްޔާ ހުރި ފަޅުރަށަކާ ފަޅުފަޅު ވިއްކާފަ ފައިސާގަނޑު މާލެގެންގޮސް ކާލާފަ ޓީވީއަށްއަރާތިބެ ކިޔަނީ ގައުމިއްޔަތޭ، ޗައިނާއިން ދިން އެތައް ބިލިއަން ޑޮލަރުގެ ލޯނާއި ހިލޭއެހީގެ އެންމެ ބައިރުފިޔާވެސް އެހެން ރަށަކަށް ނުދީ ރަށަށް ދަމައިގަތީ. މިހެންގޮސް ކޮޅުން ނުލާނެ ކިޔަން ފަށައިފިއްޔާ.
އަކިމްބޯ
26 May 2021
ހަމަ ސީދާ އިޒުރޭލުގެ ޕްލޭން. ދެން އުތުރުން ތަނެއް، މެދުރާއްޖެއިން ތަނެއް. ވާނުވާ ރޭކާލާއިރު ގައުމު ހިފާފަ
ގޯސް
26 May 2021
މިކަން ނުކުރުމަށްހޮވާލަން. އިންޑިޔާގެ އަމިއްލަ މަސްލަހަތަށްޓަކައި ދިވެހިންގެ މިނިވަންކަން ގުުރުބާންނުކުރޭ. ބިންކުޑަ ގައުމެއްގައި އެއްކިލޯމީޓަރުގެ ތަނެއްގައި ބޮޑު އިމާރާތެއްއަޅާފަ ދިދަ ޖެހުމުން ދިވެހިންގެ ބާރެއް ނުހިނގާނެ.
އުދުހޭ ކާޕެޓް
26 May 2021
ފޮރިން މިނިސްޓްރީން މިހާރު މިކަމުގައި ދައްކާނެ އިތުރު ވާހަކައެއް ނެތް ކަމަށް ދެންނެވުމުން ދޭހަވަނީ (ފޮރިން މިނިސްޓަރު އަބުދުﷲ ޝާހިދަށް) އެއްބަސް ވެވެނީއޭ ދިވެހި ދަޢުލަތުގަ މިކަމަުގަ އެއްވެސް ބާރެއް ނެތްކަމަށް. ހަޤީޤަތުގަ އިންޑިޔާއިން އެންބަސީއެއް ނުވަތަ ހާރިޖީ އޮފީހެއް އަޅަން ބޭނުންނަމަ ދިވެހި ދަޢުލަތުގަ އެކަމަށް ރަސްމީކޮށް އެދެންޖެހޭނީ. އެއާ ޙިލާފަށް އެމީހުން ގޮތްނިންމަނީ. މީ މިނިވަން ދަޢުލަތެއްތަ އަޅެ ފަހެ؟
އެކުވެރި އިންޑިޔާ.
26 May 2021
އައްޑޫގެ ތަރައްޤީއަށް އެހީތެރިކަންދީ ވޭތުވެދިޔަ 60 އަހަރު އައްޑޫ ވީރާނާކޮށްފައިއޮތް އޮތުމަށް ނިމުން ގެނެސް އަހަރުމެނަށް އަހަރުމެންގެ ވަޒަނުގައި ދިރިއުޅެވޭނެ މަގު ތަނަވަސްކޮށްދޭ ހަމަ ކޮންމެ ބަޔަކަށް އަހަރުމެން އެއްބާރުލުންދީ އެއީ ހަމަ ރައްޓެހިން ކަމުގައި ބަލާނަން. މިއީ މާލޭ ކުދިން މޮޔަވާންޖެހޭ ކަމެއްނޫން.
ބޯޓުދެލިކުމާރު
25 May 2021
ގާނޫނުތައް އިސްލާހުކޮށްގެންވިއަސް އައްޑޫގައި އިންޑިއާ ސިފައިންގެ ރަނގަޅުވަރެއްގެ ލަޝްކަރެއް ބޭއްވޭނެ އިންތިޒާމު ހަމަޖައްސަން އެބަޖެހޭ ހިފާގެންގުޅޭ ސާމާނާއެކު. އެއަށްފަހު އައްޑޫގެ އެހެން ދާއިރާތަކުގެ ކަންތައްވެސް މަޑުމަޑުން އިންޑިއާއިން ކޮށްދޭ ގޮތަށް ހަދަމުންދާންވީ. ފާއިތުވި 50 އަހަރުވެސް އައްޑޫ ކުރިއަކަށްނުކަނޑާ އެއްވެސް ވަރަކަށް، މިހެން ތިބުމަށްވުރެ މިކަހަލަ ބަދަލަކާއި ދިމާއަށް ދިއުން ރަނގަޅީ.
މުލޭ
25 May 2021
ކޮންސިއުލޭޓް ހަދަނީ ހިތަދޫގައި ތިޔަ އަޅާ ޕޮލިސް ޓްރޭނިންގ ސްކޫލުގެ ބައެއްގައިތޯ؟
ނުވިސްނުނު ޕާޓީ
25 May 2021
އަދާލަތު މާޓީ މިއޮތީ ގުއިރޯނުގަ ޖައްސާފަ