ނިއު އާއި ވިކްޓަރީ ލީގުގައި ކުރިން ކުޅުނު މެޗެއްގެ ތެރެއިން --- ފައިލް ފޮޓޯ
30 މެއި 2021 - 20:30
14 comments
ފުޓްބޯޅައިގެ ހަރަކާތްތަކުން ސަސްޕެންޑް ކޮށްފައިވާ، ފުޓްބޯޅައިގެ ކުރީގެ ގަދަ ދެ ބާރު ކަމަށްވާ ނިއު ރޭޑިއަންޓް ސްޕޯޓްސް ކްލަބާއި ވިކްޓަރީ ސްޕޯޓްސް ކްލަބުގެ ސަސްޕެންޝަން ދަމަހައްޓަން އެފްއޭއެމްގެ ކޮންގްރެސްގައި މިއަދު އަނެއްކާވެސް ފާސްކޮށްފި އެވެ.
މިއީ ދިވެހި ޕްރިމިއާ ލީގުގެ އެންމެ ކާމިޔާބު ޓީމު، ނިއުގެ ސަސްޕެންޝަން ދަމަހައްޓަން އެފްއޭއެމްގެ ކޮންގްރެސްގައި ފާސްކުރި ތިން ވަނަ ފަހަރެވެ. އަދި ވިކްޓަރީގެ ސަސްޕެންޝަން ދެމެހެއްޓުމަށް ނިންމި ދެ ވަނަ ފަހަރެވެ.
ނިއު، ސަސްޕެންޑް ކުރުމަށް އެފްއޭއެމުން ނިންމީ ޖެނުއަރީ 2019 ގަ އެވެ. އޭރު އެގޮތަށް ނިންމީ އެކްސްކޯއިންނެވެ. އެ އަހަރުގެ ކޮންގްރެސްގައި ކްލަބުތަކުން ވަނީ ނިއު ސަސްޕެންޑް ކުރުމަށް ފާސްކޮށްފަ އެވެ. އެ ވޯޓްގައި ދެކޮޅަށް ވޯޓް ދިނީ ވިކްޓަރީ އާއި މަހިނބަދޫ ސްޕޯޓްސް ކުލަބެވެ.
ނިއު ސަސްޕެންޑްކުރީ އެ ޓީމުގެ ކޯޗުންނަށާއި ލޯކަލް އަދި ދިވެހި ކުޅުންތެރިންނަށް ދޭންޖެހޭ މުސާރަ ދީފައި ނުވާތީ އެވެ. އެފްއޭއެމުން ތަކުރާރުކޮށް އެ ކްލަބަށް ދިން މުހުލަތުތަކުގައި ވެސް ކުޅުންތެރިންނާއި ކޯޗުންނަށް މުސާރަ ދީފައެއް ނުވެ އެވެ. އޭގެ ފަހުން ފީފާގެ ޓްރާންސްފާ ބޭން އެއް ވެސް އެ ޓީމަށް ކުރިމަތި ވި އެވެ.
ކުޅުންތެރިންނާއި ކޯޗުންނަށް މުސާރަ ދީފައި ނުވުމުން ވިކްޓަރީ ސަސްޕެންޑް ކުރީ ޑިސެމްބަރު 2019 ގަ އެވެ. އެ ޓީމަށް ކުރިން ކޯޗް ކޮށްދިން ހަންގޭރީގޭ ލާޒްލޯ ކިސްއަށް މުސާރައިގެ ގޮތުގައި ދޮޅު ލައްކައެއް ހާ ރުފިޔާ ދޭން ޖެހިފައި އެބައޮތެވެ. އެ ފައިސާ އަދިވެސް ނުދައްކަ އެވެ.
ކޮންގްރެސްގައި، އެފްއޭއެމްގެ ރައީސް ބައްސާމް އަދީލް ޖަލީލް ވިދާޅުވީ، އެ ދެ ކްލަބާ ގުޅޭ މައްސަލަތައް ހައްލުކުރަން މަސައްކަތް ކޮށްފައި ނުވުމުން ހިތާމަކުރައްވާ ކަމަށެވެ.
އެ ދެ ކްލަބުގެ ސަސްޕެންޝަން އެ ގޮތުގައި ދަމަހައްޓަން ފާސްވީ، ކޮންގްރެސްގައި ބައިވެރިވި އެއްވެސް މެންބަރަކު ސަސްޕެންޝަން އުވާލަން ހުށަހަޅައިފައި ނުވާތީ އެވެ.
މިއަދު ކޮންގްރެސްގައި ވަނީ، ދިވެހި ސިފައިންގެ ކްލަބު (ޑީއެސްސީ) އަށް އެފްއޭއެމްގެ މެންބަރުކަން ދިނުމަށް ފާސް ކޮށްފަ އެވެ. ޑީއެސްސީއަށް މެންބަރުކަން ދޭން 19 މެންބަރުން ވޯޓް ދީފައިވެ އެވެ. އެ ކްލަބަށް މެންބަރުކަން ދޭން ނުފެންނަ ކަމަށް ދިނީ ދެ ވޯޓެވެ.
ބައްސާމް ވިދާޅުވީ، ޑީއެސްސީއަށް މެންބަރުކަން ދިނުމާ މެދު ގޮތެއް ނިންމަން ކޮންގްރެސްގައި އެޖެންޑާ ކުރީ އެފްއޭއެމްގެ މެންބަރުކަމުގެ ޝަރުތު ހަމަވެ، މެންބަރަކަށް ވުމަށް އެ ކްލަބުން އެދިފައި ވާތީ ކަމަށެވެ. އޭނާ ވިދާޅުވީ ޑީއެސްސީ އަކީ އެފްއޭއެމްގެ މުބާރާތްތަކުގައި ގަވާއިދުން ބައިވެރިވަމުން އަންނަ ކްލަބެއް ކަމަށެވެ. ޑީއެސްސީ އަކީ ދެ ވަނަ ޑިވިޝަންގެ ކްލަބެކެވެ.
ޑީއެސްސީއަށް މެންބަރުކަން ލިބުމުން، އެފްއޭއެމްގެ އިންތިހާބުތަކުގައި ވޯޓް ދިނުމާއި ކޮންގްރެސްގައި ތަމްސީލު ކުރުމުގެ ފުރުސަތު އެ ކްލަބަަށް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްއޮފިޝިއަލްްް
31 May 2021
ރާއްޖޭގައި ތިބި ސަޕޯޓަރުން އެއީ އެންމެ ބޮޑު މައްސަލަކަން އަދި އިތުރުކޮށްލަން ބޭނުން. ޔޫރަޕުން އަހަރެމެންނަށް ފެންނަ މީހުންނާއި ހިލާފަށް މިތާ މިއުޅެނީ އެއްވެސް އިލްމެއް ހިލްމެއް ތަނެއް ދޮރެއް ނުދަންބަ ސަޕޯޓަރުން. މިކަން އެބަޖެހޭ ހަމައަކަށް އަޅުވަން. ވ.ވެދުން
އަލީ ސުޒޭނު
31 May 2021
ކަލޭ ނުބެހޭ ކަންތަކާ ނުބެހިބަލަ
ސޮރީ
31 May 2021
މި ދެކުލަބު ގަލޮޅު ދަނޑް ނުފެނުނި ހިސާބުން ދިވެހި ފުޓްބޯޅަ މަތިން ފޫހި ވެއްޖެ.
ރަށްއިތުމީހާ
31 May 2021
މީ ސަރުކާރުގެ ވެސް ވަރައް ބޮނޑް ފެއިލް ވުމެއް. ކެނެރީގެއަށް ނިސްބަތްވާ ޓީމެއް ސަސްފެންޑް ވެފައި 3 އަހަރު. އެމްޑީފީ ފީޖީ ގުރޫފް ލީޑަރ ޓީމް ސަސްފެންޑް ވެފައި 3 އަހަރު. 3 އަހަރު ތެރޭ ރާއްޖެގަ އޮތް އެއްމެ ބޮނޑް ދެ ކުލަބު ގެ ސަސްފެންސަން އުވާލަ ނުލެވުނި. ސުފޯޓްސް މިނިސްޓަރ އިސްތިއުފާ.
ނިއު
31 May 2021
އަދީބުގެ ފައިސާ ކައިގެން ނިއުރޭޑިއަންޓަށް ގެއްލުންދިން ހުދުމުހުތާރު ކޮރަޕްޓް ބައްސާމް އަށް ހުތުރު ނިމުމެއް ދެއްވާނދޭ
ރާއްޖެ
31 May 2021
ނިއު އާއި ވިކްޓްރީގެ ސަޕޯޓަރުން ވެގެން ނަމަވެސް މުސާރަ ނުދީ ހުރި ކުޅުންތެރިންގެ މުސާރަ ހަމަޖައްސަބަލަ. އަދި ބައްސާމަކަށް ބެވިޔަކަސް ދަރަނި އަދާ ނުކުރެވޭނެ.
ރަށުމީހާ
31 May 2021
ނިއު އެހާލަތަށްވައްޓާލީ ބައްސާމް އެފްޢޭމް ދޭންޖެހޭ އެއްވެސް ފައިސާއެއް ނުދޭ މިކިޔަނީ ސަބްސިޓީ އުސޫލުން އެއްޗެއް ދޭވާހަޖައެއްނޫން ޗެމްޕިއަންކަންލިބުނީމަ ދޭންޖެހޭ ފަިސަގެ ވާހަ އެ ބަރާބަރަށް ދިންނަމަ އަހަރުމެން ވަކިން ސްޕޮންސަ ދީގެން ގެންގުޅު އެއްނެނައް މުސާރަދީފަ ކުލަބުން މުސާރަ ދޭ ކުޅުންތެރިންނަށް މުސާރަ ދެވުނީސް
ރަދީފްއޮފިޝިއަލް
31 May 2021
ރާއްޖޭގެ ފުޓްބޯޅައިގެ މުސްތަގުބަލް އޮތީ ނިޔު ރޭޑިޔަންޓް އާއި ވިކްޓަރީ ގެ އަތުގަ
މާބެ
30 May 2021
ތީ ހައިރާން ވާރު ކަމެއް ނޫން. ތި އެފްއޭއެމްގަ މިހާރު ތިބި މީހުން ތިބިހާ ހިދަކު ނިއު. ވިކުޓްރީ ސަސްފެންސަން ނުވީންލާނެ. މަހުލޫފް ވެސް އެ ހުރީ އާޒިމްއަށް ޖަންސާލައިފަ. ދެން މަހޭމެން އެ މަގާމްގަ ހުއްޓާ ނޭވާވެސް ލިޔަސް ނުދޭނެ. ލައްކަ ވާހަކަ މީ.
މާބެ
30 May 2021
ތީ ހައިރާން ވާރު ކަމެއް ނޫން. ތި އެފްއޭއެމްގަ މިހާރު ތިބި މީހުން ތިބިހާ ހިދަކު ނިއު. ވިކުޓްރީ ސަސްފެންސަން ނުވީންލާނެ. މަހުލޫފް ވެސް އެ ހުރީ އާޒިމްއަށް ޖަންސާލައިފަ. ދެން މަހޭމެން އެ މަގާމްގަ ހުއްޓާ ނޭވާވެސް ލިޔަސް ނުދޭނެ. ލައްކަ ވާހަކަ މީ.
މޯޑް
30 May 2021
ބަންސާމް ދޮގުނުހަދާ މިނޫން ދުވަހެން ވެސް އެބައޮތް. ކިހާ މަސައްކަތެއް ކިހާ އާދޭހެން ނިއުގެ ސަފޯޓަރުން ނާއި އޮފިސަލުން ކޮށްފި ތޯ. ކޮން އެއްބާރު ލުމެއްތޯ ދެށްވީ?
ސަފޯޓަރ
30 May 2021
ނިއުއާއި ވިކުޓްރީގެ ސަފޯޓަރުން މިހާރު މިތިބީ ކެށްތެރިކަށް ކޮޅުންލައިފަ. އަޅުގަޑްމެން މި ނިކުންނަނީ ހުދުމުހުތާރު އެފްއޭއެމުގެ ވެރިންނާއި މިކަމަށް ސަފޯޓް ދޭ ސުފޯޓްސް މިނިސްޓަރ ގެ ހުދުމުހުތާރު ކަމުން ސަލާމަތް ވާން ވަރުގަދަ ކެންފޭނެއް ޖަންސަން. ދެކުލަބު ސަފޯޓަރުން ނާއި ފުޓްބޯޅައަށް ލޯބިކުރާ ހުރިހާ ރަށްއިތުން މިކަމަށް އެއްބާރުން ދެށްވާ. ގަލޮޅު ދަނޑްން ނިއު ވިކުޓްރީ ފެނުމަކީ އުއްމީދު. އިންސާ ﷲ.