ކިޔަވައިގެން ތިބި ލަންކާގެ 32 މުސްލިމަކު ވަނީ އައިއެސްއާ ގުޅިފައި

ލަންކާގެ ޖަސްޓިސް މިނިސްޓަރު ވިޖެދަސާ ރާޖަޕަކްސާ.

ހަސަން އާމިރު، މިހާރު

20 ނޮވެމްބަރ 2016 - 17:14

ކޮލަމްބޯ (ނޮވެމްބަރު 20) - ރަނގަޅަށް ކިޔަވައިގެން ތިބި ސްރީ ލަންކާގެ 32 މުސްލިމަކު އިސްލާމިކް ސްޓޭޓް (އައިއެސް) އާ ގުޅިގެން ސީރިއާގައި އުޅެމުންދާ ކަމަށް އެ ގައުމުގެ ޖަސްޓިސް މިނިސްޓަރު ވިޖެދަސާ ރާޖަޕަކްސާ ވިދާޅުވެއްޖެ އެވެ.

ޕާލަމެންޓުގައި ވާހަކަ ދައްކަވަމުން ވިޖެދަސާ ވިދާޅުވީ ހައްދުފަހަނާ ދިއުމުގެ ފިކުރު ލަންކާގައި އަށަގަތުމަކީ ސަރުކާރުން ބޭނުންވާ ގޮތް ނޫން ކަމަށެވެ. އަދި މުސްލިމް ސްކޫލްތަކުގައި ސެމިނާތައް ބޭއްވުމުގެ ނަމުގައި ހައްދުފަހަނަޅާ ދިއުމުގެ ވިސްނުމުގެ މީހުން ޓޫރިސްޓް ވިސާގައި ލަންކާ އަށް އެތެރެވަމުންދާކަން ސަރުކާރަށް އެނގޭ ކަމަށް ވެސް މިނިސްޓަރު ވިދާޅުވި އެވެ.

އައިއެސްއާ ގުޅުމަށް ސީރިއާ އަށް ދިޔަ ހަތަރު އާއިލާގެ މެންބަރުންނަކީ އިލްމީ އަދި ގަދަރުވެރި ބައެއް ކަމަށް ވެސް އޭނާ ވިދާޅުވި އެވެ.

"އައިއެސްއާ މެދު އާއްމުންގެ ވަރަށް ބޮޑެތި ކަންބޮޑުވުންތައް އެބަހުރި. ހައްދުފަހަނަޅައި ދިއުމުގެ ކަންކަން ފެތުރުމުގެ މަގްސަދުގައި މީގެ ފަހުން ލަންކާ އަށް އެކަކަށް ވެސް އެތެރެވުމުގެ ފުރުސަތެއް ނުދޭނަން،" ވިޖެދަސާ ވިދާޅުވި އެވެ.

ސޯޝަލް މީޑިއާ ބޭނުންކޮށްގެން ވެސް ހައްދުފަހަނާ ދިއުމުގެ ހަރުކަށި ވިސްނުމަށް ބައެއް މީހުން އެނބުރުމަށް މަސައްކަތް ކުރަމުންދާ ކަމަށާއި އެކަމަކު މިނިވަންކަމުގެ އެ ހައްގު ނަހަމަ ގޮތުގައި ބޭނުންކުރާ މީހުންނާ ދެކޮޅަށް ފިޔަވަޅު އަޅަން ސަރުކާރުން ފަސް ނުޖެހޭނެ ކަމަށް ވެސް ޖަސްޓިސް މިނިސްޓަރު ވިދާޅުވި އެވެ.

ސްރީ ލަންކާ ދެކުނު އޭޝިއާ އިސްލާމިކް ސްޓޭޓް (އައިއެސް)

5 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

20 November 2016

ރާއްޖޭގައިވެސް އެބައުޅޭ މީސްމީހުން ގުރުއާންގެ އާޔަތްތަށް ކިޔާފައި އައިސިސް އިން އެކުރަނީ ރަގަޅުކަމެށް ކަމަށް ބުނާ ، އަދި އެމީހުންގެ މަޅީގައި ޖެހިގެން އެތަޢްބަޔަކު އެބަދޭ ޖިހާދަށް ، މިކަމުގެ ފަތުވާދޭމީހުން ނުދޭ ޖިހާދަކަށް އެކަމު ޒުވާންކުދީން ފޮނުވަނީ ، އެމީހުން ތިބެނީ މަންޒަރުބަލަން ،،، މިކަންކަން އެބަޖެހޭ ސަރުކާރުން ވަރަށް ސީރިޔަސްކޮށް ބަލާ ފިޔަވަޅުއަޅަން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރު އެންޑް ޒުބޭރް

20 November 2016

ލަންކާ ނުވެއެއް އެއްޗަކަށް. ދެމީހުންނާ ފަޅި އުޅޭ މިރާއްޖޭގެ 50ހަކަށް މީހުން އެބައެޅޭ ސީރިޔާގާ. ނުރަސްމީ ހިސާބުތައް ބުނާގޮތުން އެއަދަދު އުޅޭނީ 150ހާ 200ދެމެދު އަދަދެއްގާ.