މާލޭގައި އިއްޔެ ހިންގި މާރާމާރީއެއްގައި ވަޅި ހެރުމުގެ ސަބަބުން މަރުވި ފާތިރު މުހައްމަދު (ކ) އަދި އަހުމަދު އިރުޝާމް: މި ދެ މާރާމާރީއާ ގުޅިގެން ފުލުހުން އޮޕަރޭޝަނެއް ހިންގައި 19 މީހަކު ރޭ ހައްޔަރު ކުރި. އެކަމަކު މި ދެކުދިންގެ މަރާ ގުޅުމެއް ނުވާ ކަމަށް ފުލުހުން ބުނޭ.
04 ޖޫން 2016 - 10:37
12 comments
ރޭ މާލެ އިން ހައްޔަރުކުރި 19 މީހުންނާ، އިއްޔެ އާއި ރޭ ހިންގި ދެ މަރާމާރީގައި އުމުރުން 14 އަހަރުގެ ދެ ކުދިން މަރާލި މައްސަލައާ އެއްވެސް ގުޅުމެއް ނެތް ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލް ވިދާޅުވި ގޮތުގައި ފާތިރު މުހައްމަދާއި އަހުމަދު އިރުޝާމަށް ވަޅިން ހަމަލަދީ މަރާލި މައްސަލާގައި އަދި އެއްވެސް މީހަކު ހައްޔަރެއް ނުކުރެ އެވެ.
އޮފިޝަލް ވިދާޅުވީ ރޭ ހިންގި ހާއްސަ އޮޕަރޭޝަނެއްގައި ހައްޔަރު ކުރި 19 މީހުން އަދިވެސް ތިބީ ފުލުހުންގެ ބެލުމުގެ ދަށުގައި ކަމަށެވެ. އެމީހުން ހައްޔަރުކުރި ސަބަބެއް ފުލުހުން ނުބުނެ އެވެ.
ވަޅިން ހަމަލާދީގެން މަރުވި ފާތިރު މުހައްމަދު، 14، ހަށިގަނޑު އައިޖީއެމްއެޗުން ނެރެގެން ރޭ ގެންދަނީ. އޭނާގެ އިތުރުން 14 އަހަރުގެ އަހުމަދު އިރުޝާމް ހިލްމީ ވެސް ވަނީ ހަމަލާއެއްގައި މަރުވެފައި. --ފޮޓޯ/ މުހައްމަދު ޝަރުހާން/މިހާރު
"ދެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައެއް ނެތް،" ފުލުހުންގެ މީޑިއާ އޮފިޝަލް
ފުލުހުން ރޭ ވަނީ މާލޭގެ މަގުތަކަށް ނުކުމެ، ޗެކްޕޮއިންޓްތައް ގާއިމުކޮށް ބައެއް މީހުން ބަލައި ފާސްކޮށްފަ އެވެ. އަދި ބައެއް ގެތަކަށް ވަދެ ފުލުހުން ބަލައި ފާސްވެސް ކުރި އެވެ.
ހާއްސަ އޮޕަރޭޝަނުގައި ކޯޓު އަމުރެއްގެ ދަށުން ހ. ދޫހިމެރިގެ އިން ހަތް މީހަކު އަދި މ. ޖޭޑު އިން އަށް މީހަކު ހައްޔަރުކުރި އެވެ. އަދި މ. ލޮނުމިދިލިގޭ ފާސްކޮށް ހަތަރު މީހަކު ހައްޔަރު ކުރި އެވެ.
މަޖީދީ މަގު ރާނބާ ކައިރީގައި ހިނގި މާރާމާރީ ތަހުގީގު ކުރުމުގެ މަސައްކަތް ފުލުހުން ރޭ ކުރަނީ. - ފޮޓޯ:މުހައްމަދު ޝަރުހާން/މިހާރު
ރޭ ފާސްކުރީ ތަފާތު ކުށްތަކާ ގުޅުން އޮންނަ ތަންތަން ކަމަށް ފުލުހުން ކުރިން ވަނީ ބުނެފަ އެވެ. ބެލެވޭ ގޮތުގައި ދެ މާރާމާރީ ވެސް ހިނގީ ދެ ގްރޫޕެއްގެ ދެމެދުގަ އެވެ.
އެގޮތުން ފުރަތަމަ ހަމަލާ އިއްޔެ ހަވީރު 5:30 ހާއިރު އަމާޒުވީ ފާތިރު މުހައްމަދަށެވެ. ރާނބާ ރެސްޓޯރެންޓް ކައިރިން މަޖީދީ މަގުގެ ދުވާރު މަތީގައި ހުއްޓާ ސައިކަލެއްގައި އައި ބަޔަކު ފުރަތަމަ ހަމަލާ ދިނީ ދަނޑިބުރިއަކުންނެވެ. އޭގެ ފަހުން ދެ ވަނަ ސައިކަލެއްގައި އައި ބަޔަކު ފާތިރުގެ ކަރަށް، ވަރަށް ފުންކޮށް، ވަޅި ހަރާފައި ފިލީ އެވެ.
ތާޖުއްދީން ސްކޫލްގައި ކިޔަވަމުން އަންނަ ކ. ކާށިދު އަށް އުފަން އަހުމަދު އިރުޝާމް ހިލްމީގެ ބުރަކަށީގެ ތިން ދިމާއަކަށް ވަޅިން ހަމަލާދިނީ އޭނާ ދިރިއުޅޭ ގެ، މ. ޝަރުމާގޭގެ ބޭރުގައި ހުއްޓަ އެވެ. މިއީ ފާތިރަށް ދިން އަނިޔާގެ ބަދަލުހިފުމެއް ކަމަށް ބެލެވެ އެވެ.
މިއީ ކުޑަ ވަގުތުކޮޅެއްގެ ތެރޭގައި މިހާ އަނިޔާވެރި ދެ މަރެއްގެ ހިތާމަ ކުރިމަތިވި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީސަ
02 August 2017
ހޯމް މިނިސްޓަރ އާއި ސީޕީ މިދުވަސްކޮޅު ވަރަށްބިޒީކޮށް އަވަދިނެތި އުޅުއްވަނީ މަޖްލިސް މެމްބަރުން ހައްޔަރު ނުކުރެވިގެން ދެބޭފުޅުންގެ ފައިންޕުޅުތަކަށް ހިނިއަރައިގެން އެހެންވީމާ ހޯމްމިނިސްޓަރ އަދި ސީޕީ އަކަށް ނެތް މީހުންމަރާމީހުން ހޯދަން އަދި ރަށުތެރޭގެ އަމާންކަންބަލަހައްޓަން ފުލުހުންފޮނުވާނެ ވަގުތެއް
ގިޔާސް
04 June 2016
މިވެރިކަމުގައި ސިފައިންނަށް ބޮޑުވަނީ ޔާމިންއަށް އެއްޗެތި ކިޔާމީހުން ހައްޔަރުކޮށް އަނިޔާކުރެވޭތޯ ، އެމީހުން އެއްވިޔަ ނުދީ ހިފެހެއްޓޭތޯ އެވަރިހަމަ މިސްކިތު ނަމާދު ޖަމާއަތްވިޔަސް މާރާމާރީ ގޭންގ ތައް ހިންގާ ކުއްތަކުގެ އެމީހުންނަކަށް ކުށެއް ނުހޯދޭ ކެމރާތަކުން ފެނުނަސް ހެއްކަކަށް ނުހިފޭ ކޯޓްތަކަށް އެމީހުން ކުއްވެރިއެއް ނުވޭ ފަނޑިޔާރުން ތިބެނީ ބިރުން ނުވަތަ ސަރުކާރުގެ ވެރިމީހާ އަންގަނީ ދޫކޮށްލަން މިއޮތީވާ ވެރިކަމެއް ! ޝުކުރިއްޔާ ގައުމު ، ޝުކުރިއްޔާ ޔާމިން!
ތަދަފި
04 June 2016
ގުޅުން ނެތަސް ކޮންމެވެސް ބަޔަކު ހައްޔަރުކޮށްފައި ބައިތިއްބަ ބަލަ. އޭރުން ފިޔަވަޅު އެޅިކަމަށް މީހުން ގަބޫލުކުރާނެ ދޮއްތޯ.
ކުމާރު ދީދީ
04 June 2016
އެންމެހާ މޮޔަ އެންޑީޕީ މީހުންނަށް.. ވެދުން ސަލާމް.. ނަޝީދު ދައުރުގައިވެސް މީހުން މެރީ ކުރިން އަންގާ އިއުލާންކޮށްފައެއް ނޫނެވެ. ކަންކަން ކުރީމާ ފަހުން ނިކުމެ މޮޅެތި ގޮތް ކިއުމަކީ އަބަދުވެސް ތިޔާ ބައިގަނޑު ކަން ކުރާގޮތެވެ... މާލެއިން ތަޅާނެ ކުދިން އުފެއްދި ނަޝީދު މާރިޔާ މީގެ ޒިންމާ ނަގަންވާނެއެވެ. ބޯން ޖެހޭނެ އަދި ބޮވެން ޖެހޭނެ ގޮވީ މިއަދު މިކަން ކަން ދިވެހިންނަށް ދައްކަން ވެގެނެވެ.. ޒުވާނުން ހަލާކުކޮށް ލާދީނީ ކޮށްފައި މިއަދު ބޭރުގައި ފިލައި ތިބިގެން ބޭކާރު ވާހަކަ ނުދައްކާށެވެ...
މަ
04 June 2016
ކޮމެންޓް ކޮއްފަ ތިބި ފަރާތްތަކުން މީހުން ޖަޖް ކުރާއިރު އެބޭފުޅުން ނެތީތޯ އުމުރުގަ އެއްވެސް މީހަކު މީގެ ކުރިން ޖަޖް ކޮށްފަ؟
މުހައްމަދު
04 June 2016
ބޯދިގުކޮށްފައި ހުރި އެއްވެސް މީހަކަށް ރަސްމީ ފެންވަރުގައި ދައުލަތުގެ އެއްވެސް ތާކުން ބާއްވާ އެއްވެސް ކަމެއްގައި ބައިވެރިނުކުރުމުގެ ސިޔާސަތެއް އާންމުކޮށް ތަންފީޒުކޮށްގެން ނޫނީ ޒުވާނުންގެ ކިބައިން މިފެންނަ ހަޑިހުތުރު ކަންތައްތަކާއި އަމަލުތައް ފިލައިގެން ނުދާނެއެވެ.
މިޔޯ
04 June 2016
ބޯދިގުކުރުމަކީ އަހުލާގާ ގުޅުން ހުރި ކަމެއް ނޫން. 21 ވަނަ ގަރުނައް ވަޑައިގެންނެވުމައް ދައުވަތު އަރުވަން. ސަލާމް.
ޚިޔާލް
04 June 2016
ވަރައް ބޮޑައް ތާއީދު ކުރާކަމެއް، ސަރުކާރުގެ މިނިސްޓްރީ އަކައް ދިޔަސް ބޭންކައްދިޔަސް ކައުންޓަރުތަކުގައި ތިބޭ ކުދިންނެކޭ މަގުމަތީ ޕާޓޭންނެކޭ ބަލާ ބެލުމަައް އެއްވެސް ތަފާތެއް ނެތެވެ. ތިބޭ ފާޑުން ކައުންޓަރާ ގާތްވާންވެސް ބައެއްފަހަރު ބިރުގަނެއެވެ. މިފަދަ ގޮތްގޮތައް ބޯހަދައިގެން ތިބޭކުދިން ގިނައިން ތިބޭކަން ގައުމީ ބޭންކުން ފާހަގަ ކުރެވެއެވ. ނަމުގައި ޔުނީފޯމް ލައިގެން ތިމާމެން ހިތައްއެރި ގޮތަކައް އުޅެނީ އެވެ.
ބޮޑުހުސޭނު
04 June 2016
ދެޓު އިޒް އަ ޕަބްލިކް ސްޓަންޓް. !! ހައްހައްހާ
ރައީސް ނަޝީދު
04 June 2016
އަޅުގަނޑު އޭރުވެސް ބުނީމެއްނު ވެރިކަންކުރުމުގެ ޤާބިލީޔަތުކަން ނުހުންނަ ވެރިން ބައެއްގެ މައްޗަށް އައްޔަންކޮށްފިކަމުގައިވާނަމަ އެތަނެތް ފަސާދަވެ މުޖުތަމައުގައި ބިރުވެރިކަން އުފެދިގެން ދާނެ ވާހަކަ، ދިވެހިން މިކަންކަމުން އިބުރަތް ޙާސިލުކުރަމާ ހިންގަވާށެވެ. #މާލެ ބިރުވެރިކަމުގެ ހާޔެއްތެރޭގައި
ޖޭޖޭއީ
04 June 2016
19 ކީއްކުރަން 190 މީހުން ހައްޔަރުކުރިއަސް ތިފައިޓުތަކާ ގުޅުމެއް ނޯންނާނެ. ނޯންނާނެތާ، ތިތެޅި ބަޔަކު އިއްޔެ ތިތެޅީ އެމީހުންނަށް ސަލާމަތްވާނެކަން 'ބަޔަކު' ގެރެންޓީ ދިނީމަ.
ރައީސް
04 June 2016
ޔާމީން ސަރުކާރުން ކިހިނެއް ތިހެދީ...ކޮބާ ބިރުކުޑަ، ޖެހިލުންކުޑަ، އަދި ގަދަބަސް ބުނާ އުމަރު.. އޭނަ އަށް ހީވާކަހަލަ އޭނާ އަކީ އެއްމެ ބާރުގަދަ މީހާއޭ.. އެކަމަކު އެހެން ކިހިނެއްވާނީ..