މޯބައިލް ފޯނާއި ބަޔަކު ކުޅެނީ: ފޯނު ނަމްބަރެއް އެހެން މީހަކަށް ވިއްކާލި މައްސަލާގައި ދިރާގުން ބަދަލު ދޭންޖެހޭނެ ކަމަށް ކުރި ހުކުމް ވަނީ ބާތިލްކޮށްފައި
03 ޖޫން 2021 - 14:02
30 comments
ފޯނު ނަމްބަރެއްގެ ޚިދުމަތް ކަނޑާލުމަށް ފަހު އެ ނަމްބަރު އެހެން މީހަކަށް ވިއްކާލި މައްސަލާގައި ދިރާގުން މީހަކަށް ދައްކަން ޖެހުނު 50،000ރ. ގެ ބަދަލުން މިއަދު ސަލާމަތްވެއްޖެ އެވެ.
މީހަކަށް 50،000ރ. ގެ ބަދަލެއް ދައްކަން ސިވިލް ކޯޓުން 2018 ގައި ހުކުމްކުރީ އެ މީހާގެ ނަމުގައި އޮތް ނަމްބަރެއްގެ ހިދުމަތް ވަގުތީ ގޮތުން މެދުކަނޑަލާފައި ވަނިކޮށް އޭގެ ޚިދުމަތް ދާއިމީކޮށް ދިރާގުން މެދުކަނޑާލައި، އެ ނަމްބަރު އެހެން މީހަކަށް ވިއްކާލި ކަމަށް ބުނެ އެވެ.
ހިދުމަތް ވަގުތީ ގޮތުން މެދުކަނޑާލާތާ 180 ދުވަސް ތެރޭގައި އެ ނަމްބަރު އަލުން ބޭނުންކުރަން ނުފަށައިފި ނަމަ އެ ނަމްބަރުގެ ޚިދުމަތް ދާއިމީކޮށް ކަނޑާލައި އަދި އެހެން މީހަކަށް ވިއްކާލުމުގެ ބާރު އޮވެ އެވެ. ނަމަވެސް ސިވިލް ކޯޓުން ނިންމީ ދިރާގުން އެ ނަމްބަރުގެ ޚިދުމަތް ދާއިމީކޮށް ކަނޑާލީ 180 ދުވަސް ހަމަވުމުގެ އެއް ދުވަސް ކުރިން ކަމަށެވެ.
އެ މައްސަލަ ދިރާގުން އިސްތިއުނާފް ކުރުމުން ހައި ކޯޓުން ކުރި ހުކުމުގައިވަނީ އެ ނަމްބަރުގެ ޚިދުމަތް ދާއިމީކޮށް މެދުކަނޑާލީ 180 ދުވަސް ހަމަ ނުވަނީސް ކަމަށް ސިވިލް ކޯޓުން ނިންމީ މާނަ ކުރުމުގެ ހަމަތައް ބަޔާންކުރުމުގެ ގާނޫނަށް ރިއާޔަތްކޮށް، ސަރުކާރު ބަންދު ދުވަސްތައް ނުހިމަނާ މުއްދަތު ގުނައިގެން ކަމަށެވެ. ނަމަވެސް އެ ގާނޫނަކީ ގާނޫނުތަކާއި ގަވާއިދުތައް މާނަކުރުމުގައި ބޭނުން ކުރެވޭ ގާނޫނެއް ކަމަށާއި ދިރާގުން ކަނޑައަޅާފައިވާ އެ ކުންފުނީގެ އަމިއްލަ އުސޫލުތައް މާނަ ކުރުމުގައި އެ ގާނޫނު ބޭނުން ނުކުރެވޭނެ ކަމަށް އެ ހުކުމުގައިވެ އެވެ.
ހުކުމުގައިވަނީ ދިރާގުން ކަނޑައަޅާފައިވާ އުސޫލު އޮތްގޮތުން 180 ދުވަސް ގުނާނީ ސަރުކާރު ބަންދު ދުވަސް ވެސް ހިމަނައިގެން ކަމަށާއި އެގޮތަށް މުއްދަތު ގުނުމުން އެ ނަމްބަރު ދާއިމީކޮށް މެދުކަނޑާލީ 180 ދުވަސް ހަމަވުމުން ކަމަށެވެ.
ހައި ކޯޓުން އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ ސިވިލް ކޯޓުގެ ހުކުމް ބާތިލް ކުރުމަށެވެ.
އެ މައްސަލަ ބެއްލެވީ ފަނޑިޔާރު ހުސައިން މަޒީދު އާއި ފަނޑިޔާރު ފާތިމަތު ފަރުހީޒާގެ އިތުރުން ފަނޑިޔާރު މުހައްމަދު ނިޔާޒެވެ. އެ ބެންޗުގެ ރިޔާސަތު ބެލެހެއްޓެވީ ފަނޑިޔާރު މަޒީދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުމީހާ
04 June 2021
އަސްތަ ތީ ދިރާގު ތިމީހުން ބިލްދައްކާފަާ ހުއްތޓާވެސް ފޯނު ޖަނޑާފާ އެބަހުރި އެއްމެ އިންޗިއެއްވެސް ދޫނުދޭތި.
ފޯކަސް
04 June 2021
ތިޔަ މައްސްބެލި ފަޑިޔާރުން ނަށް ބޮޑެތި ޕެކޭޖް ދީ ފޯން ބިލް ތަށް ހިލޭ ވީތި
ޖަބުލާނީ
04 June 2021
ބްރޯ ދެން އޮތް ކޯޓެެއްގަ އަނެއްކާ އިސްތިއުނާފް ކުރޭ ތިމައްސަލަ. ދިރާގުންވެސް ދުވަސް ގުނަނީ ބަންދު ދުވަސްތައް ނުލައިކަން ބްރޯއަށް ސާބިތުކޮށްދެވޭނެ ދިރާގުގެ ހިދުމަތަކަށް އެދޭއިރު ނުވަތަ ކަމެއް ކުރަން އުޅޭއިރު ބުނާނެ 5 ދުވަހޭ 10 ދުވަހޭ ކިޔާފަ ބުނާނެ ރަސްމީ ބަންދު ދުވަސްތައް ނުހިމަަނައިޔޭ. އެހެންވީމަ ހިތަށްއެރި އިރަކު ހިތަށްއެރި ގޮތަކަށް މާނަ ކުރެވިގެން ނުވާނެ ދިރާގަށްވެސް. އަދި ފައިޓް ކުރޭ.
ޢަލީ ބުނީ
04 June 2021
ޙޫ ދެން ބިލް ނުދެއްކޭ މީހުން ގެންގުޅެން ހުންނާނެ ޕްރީޕެއިޑް އެގެންގުޅެބަލަ. ޅާރިޔާގެން ބޫތުކައިފަ. ޜަނގަޅު ތިހުކުން.
ގައްދޫމީހާ
04 June 2021
ދިރާގުން އެވިއްކީ ޚިދުމަތެއް. މުދަލެއް ނޫން. ޚިދުމަތް ކަނޑާލީ އެއަށް ފައިސާ ނުދީގެން. ފޯން ނަންބަރަކީ މުދަލެއް ނޫން. ސިމްކާޑް އެއީ މުދަލަށް ވެދާނެ. ފޯން ނަމްބަރަކީ ބޭނުންކުރާ ވަސީލަތެއް. ކިރު ވިއްކާ މީހާ، ކުރީ ދުވަހު ކިރު އަޅާފައިދޭ ކޮންޓެއިނަރ އަނެއް ދުވަހު ގެންދަނީ އައު ކޮންޓެއިނަރ އެއްގަ ޚިދުމަތް ދީފަ. ކޮންޓެއިނަރ އެއީ ޚިދުމަތްދޭ މީހާގެ މިލްކެއް. ސިމްކާރޑް އަތުލާކަށް ޕްރޮވައިޑަރ ނޫޅޭ. އެއީ ވިއްކާފައި އޮތް މުދަލެއް. ދެން ޤަވާއިދުވެސް އެބައޮތް.
ޖަބުލާނީ
04 June 2021
މުދަލަކީ ހަމައެކަނި ހިފާގެންގުޅޭ ތަކެއްޗެެއް ނޫން. ހުރިހާ ނަމްބަރެއް ތެރެއިން އެމީހާ އެނަމްބަރު ނަގާ ހިސާބުން އެއީ އޭނާގެ ފިކުރީ މުދަލެއް. ފޯން ނަމްބަރަކީ މިހާރު މީހާގެ އައިޑެންޓިޓީގެ ބައެއް
ގައްދޫމީހާ
04 June 2021
ހުރިހާ ނަމްބަރެއް ތެރެއިން އެމީހާ އެނަމްބަރު ނެގިޔަސް އެ މިލްކެއް ނުވޭ. އެއީ ކުލީ އެއްޗެއް ފަދަ އެއްޗެއް. ފައިސާ ނުދައްކާ 6 މަސް ވުމުން އެ ނަމްބަރ އެ ގެއްލެނީ އެހެންވެ. ފިކުރީ މުދަލަކީ އޭގެ މިލްކުވެރިކަން ވާ އެއްޗެއް. ނަމްބަރ އެއީ ދައުލަތުގެ މިލްކުވެރި ފިކުރީ މުދަލެއް. އެއްވެސް މީހެއްގެ ފުރިހަމަ މިލްކެއް ނޫން.
ހތިަދޫ ހުސެން
03 June 2021
ތިހެން ވީ ހުނދު މަހުފީ ނުދައްކައިގެން ނެޓް ހިދުމތަތް ކަނޑާފައި ހުންނަށް މަހަށް ބިލް ކުރަނީ ކީއްވެޔޯ؟ އަދި ހިދުމަތް ކަނޑައިފައި ހުންނަ މަހުގެ (ހިދުމަތް ނުލިބޭ) މަހުގެ ބިލްވެސް ނުދައްކަންޔާ އަލުން ގުޅައި ނުދޭ! މި ކޮންކަހަލަ އިންސާފެއް؟
ފަލާ
03 June 2021
ދިރާގުން މަގޭ ނަމްބަރު "ފޭރިގަތީ" ހަމަ ތިގޮތައް. ތިން ހަތެއްގެ ނަމްބަރު ދިރާގު ބޮޑުން ބޭނުންވާތީ ފޭރިގަންނަނީ.
ދިރާގު123
04 June 2021
ބުނެބަލަ ތި ނަންބަރު، މަ ބަލާދީފާނަން ވީ ގޮތެއް، ނޫނީ ދޮގު ހަދާ ފޮނި ކަނޑަނީ ތި
ވާނުވާ.
03 June 2021
ރުފިޔާދީފަ މީހަކު ގަނެފަ އިންނަ ނަމްބަރެއް އެނަމްބަރުން ހިދުމަތް ނުހޯދިއަސް ދިރާގަށް އެނަމްބަރު ވިއްކާލެވިގެނެއްނުވާނެ ހިދުމަތް ކަނޑާލުމަކުން މައްސަލައެއްނެތް މިސާލަކަށް މީޑިއާނެޓުން އަހަރެން ގަނެފަ އިންނަ ޑިކޯޑާރއެއް ދުވަސްކޮޅަކު ބޭނުންކޮށްފަ އަލުން ދިރާގު ޓީވީ އަށް މިބަދަލުކުރީ އެހެނޭކިޔާފަ މީޑިއާނެޓަކަށް އެ ޑިކޯޑާ އަތުލައިގެން އެހެންމީހަކަށް ވިއްކައެއް މުލެވޭނެދޯ
ރަދީފްއޮފިޝިއަލް
03 June 2021
ބްރޯ.ހިދުމަތަށް އެދޭއިރު ފޯމްގަ އޮންނާނެ ޓާމްސް & ކޮންޑިޝަން.ސުވާލަކީ އެ ރަނގަޅަށް ކިޔަނީ ކިތައްމީހުން ތޯ؟!! އޮންލައިން ފޯމް ފުރާއިރު ވެސް ޓާމްސް & ކޮންޑިޝަން ނުކިޔާ ހުރިހާ މީހުން އައި އެގްރީގަ ޓިކް ކުރަނީ.އެއީ ހުރިހާ އިންސާނުންނަށް ހެދޭ ދޮގެއް.އެހެން ނޫން ތޯ؟؟ ވ.ވެދުން
ގައްދޫމީހާ
04 June 2021
ތިޔަ މިސާލުގައިވާ މީޑިއާނެޓުން ގަނެފަ އިންނަ ޑިކޯޑާރ އެއްފަދަ ކުރެވޭނީ ޚިދުމަތް ކަނޑާލެވުނު ސިމް ކާރޑާއި. ފޯން ނަމްބަރ އަކާއެއް ނޫން. ފޯން ނަމްބަރަކީ ވެރިފިކޭޝަނެއް ފަދަ އެއްޗެއް. އެވެސް އުޞޫލެއްގެ ތެރެއިން ވިއްކިދާނެ. އެހެންވެ އެގްރިމެންޓެއް އެ އޮންނަނީ!
ފިރާގު
03 June 2021
ވެރިމީހާގެ ހުއްދަ ނެތި ބޭނުންކޮށްކޮށް ހުރި ނަމްބަރެއްވެސް ދިރާގު މުވައްޒަފަކު ވަނީ އޭނަގެ ރައްޓެނިންނަށް ދީފައި. އެތަނަށް ގޮސް އާދޭސްކޮށް ހަދައިގެން އަލުން ބަދަލުކޮށްދިނީ. ބޭނުންކޮށްކޮށް ހުރި ސިމް ދެއްކީމައި އޭރު އޭގެ ވައިބާ މެސެޖުތައްވަނީ ބަލާފައި އަދި މީހުންނަށް މެސެކޮށް ވެރިމީހާ ބޭޒާެުކޮށްފައި. ނިކަމެތިންނަށް ވިއްޔާ ކޮންމެފަދަ އަނިޔާއެއްވެސް ދީފާނެ
އޮކާޗާ
03 June 2021
ސިވިލްކޯޓުން ހުކުން އިއްވިއިރު އެކަމުގަ ބަލަންޖެހޭނީ ކޮން ގަވާއިދެއްކަން ނޭގޭ މީހުންވެސް ތިބޭތަ؟