އިގްތިސާދީ ބޮޑު ނިންމުން މޯދީ ނިންމީ ދެތިން މީހަކާ މަޝްވަރާކޮށްފައި: ރާހުލް

އޭޓީއެމް އިން ފައިސާ ނެގުމަށް ރާހުލް ގާނދީ މިއަދު ކިޔޫގައި. --ފޮޓޯ:އެންޑީޓީވީ

ހަސަން އާމިރު، މިހާރު

21 ނޮވެމްބަރ 2016 - 14:02

ނިއު ދިއްލީ (ނޮވެމްބަރު 21) - އިންޑިއާގެ މާލީ ބާޒާރުން 500 އާއި 1،000 ރުޕީސްގެ ނޯޓު ކުއްލި ގޮތަކަށް ނެގުމަށް ބޮޑު ވަޒީރު ނަރެންދުރަ މޯދީ ނިންމެވީ ގިނަ ބައެއްގެ ޚިޔާލު ހޯދުމުގެ ބަަދަލުގައި އެންމެ ދެތިން މީހެއްގެ މަޝްވަރާ ހޯއްދަވައިގެން ކަމަށް އިދިކޮޅު ލީޑަރު ރާހުލް ގާނދީ މިއަދު ވިދާޅުވެއްޖެ އެވެ.

ފައިސާ ނެގުމަށް ނިއު ދިއްލީގެ އޭޓީއެމްއެއްގެ ކައިރީގައި ކިޔޫގައި ހުންނަވާ ކޮންގްރެސްގެ ނައިބް ރައީސް ވިދާޅުވީ ރައްޔިތުން އުޅޭ ދަތި ހާލު އަމިއްލަ އަށް ވަޒަން ކުރަން ބޭނުންވާ ކަމަށެވެ. ރާހުލް ވަނީ މީގެ ކުރިން ވެސް ދެ ފަހަރެއްގެ މަތިން އޭޓީއެމްގައި ކިޔޫގައި ޖެހިގެން ފައިސާ ނަންގަވައިފަ އެވެ.

"އަޅުގަނޑު ދާ ކޮންމެ ފަހަރަކު ވެސް ރައްޔިތުން ތަހައްމަލް ކުރަން ޖެހޭ އުނދަގޫތައް އިހްސާސް ކުރެވޭ. މި ދުވަސްވަރު މޯދީ ހުންނެވީ އެހެން ލެވެލްއެއްގައި،" ރާހުލް ވިދާޅުވި އެވެ.

ކޮންގްރެސް ޕާޓީން ދަނީ ސަރުކާރުގެ ނިންމުމަށް ވަރަށް ބޮޑަށް ދެކޮޅު ހަދަމުންނެވެ.

ކުރީގެ 500 އާއި 1،000 ރުޕީސްގެ ނޫޓް ބަދަލު ކުރަން ބޭންކުތަކުގައި ކިޔޫ ޖެހިގެން އެތައް އެތައް އިރަކު ތިބެން ޖެހެ އެވެ. އަދި އޭޓީއެމުން ވެސް މީހަކަށް ދުވާލަކު ނެގެނީ 2،500 ރުޕީސް އެވެ. ބާ ނޫޓް ބަދަލު ކުރަން ވަނީ ޑިސެމްބަރު 30 ގެ ނިޔަލަށް ފުރުސަތު ދީފަ އެވެ.

މި މަހު 8 ވަނަ ދުވަހުގެ ރޭ 12 އިން ފެށިގެނެ 500 އާއި 1،000 ރުޕީސްގެ ނޫޓް ބޭނުން ނުކުރެވޭނެކަން މޯދީ އިއުލާން ކުރެއްވީ އެ ރޭ 8 ޖެހި އިރު އެވެ. ބާ ނޫޓުގެ ބަދަލުގައި މިހާރު ވަނީ 500 އާއި 2،000 ރުޕީސްގެ އާ ނޫޓް ތައާރަފްކޮށްފަ އެވެ.

އިންޑިއާ ރާހުލް ގާންދީ ދެކުނު އޭޝިއާ އިންޑިއަން ރުޕީ ފައިސާ ނަރެންދުރާ މޯދީ

5 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުދުހޭ

21 November 2016

މޯދީ އަންހެނުންދެކެ ރުޅިއައި ރެއެއްގާ ނިދާފަ ހެދުނު ހޭލިއިރު ކުއްލިއަކަށް އައި ބުއްދިއަކާ ވައްތަރީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

22 November 2016

މޯދީ އަދި މީހަކާ ނީންނަ ކަމައް ވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީ

21 November 2016

ރާހުލް ބުނަން ވާހަކައެއް. ތިއީ ޕާސްޓް. މޯދީ އަކީ ޕރެސެންޓް އަދި ފިއުޗަރ. އިންޑިއާގެ މާރކެޓުން ކުރީގެ 1000 އަދި 500 އުވާލުމާގުޅޭގޮތުން ވަރަށް ފަހުން ސީއެންއެން އިން ދެއްކި ޕްރޮގްރާމަކުން އެނގުނު އިންޑިއާގައި 51 ބިލިއަން ރުޕީސް ގެ ބްލެކްމަނީ މިހާރުވެސް ހުރިކަން. ފަޤީރު އަވަށްތަކުގެ ޟިހުންނާއި އާދައިގެ އޮޓޯ ޑްރައިވަރުންނާއި އިންޓަރވިއުކުރުމުން މިވަގުތު އުޅެންޖޭހޭ ދަތި ހާލުގެ ވާހަކަ އެންމެންވެސް ދެއްކި. އެކަމަކު އެންމެންވެސް އެއްބަސްވި އެއްކަމެއް އޮތް. އެއީ މޯދީ ކުރެއްވީ ހަމަ ކުރައްވަންޖެހޭ ކަމެއްކަން. އިންޑިއާގެ ބިލިއަނަކަށްވުރެ ބޮޑު އާބާދީގައި ޓެކްސްދައްކަންޖެހެނީ އެންމެ %3 މީހުންނަށް. އެކަމަކު އޭގެ ތެރެއިން މަދުބަޔަކު ޓެކްސްދައްކަނީ. ބޮޑެތި މުއްސަދިން ފައިސާ އަލަމާރިތަކަށް އަޅާ ފުރައިގެން ތިބެ އެ ފައިސާ ކަޅުބާޒާރުގައި ޑޮލަރަށް ބަދަލުކުރުމާ ވަގު ވިޔަފާރިކުރަމުންދަނީ. އިންޑިއާގައި ތިބޭ ގިނަ މަނީ ޗޭންޖަރުންނަކީ މިދެންނެވި މުއްސަދިންނަށް ޑޮލަރު ހޯދައިދޭ މީހުން. މޯޑީގެ މިނިންމެވުމުގެ ސަބަބުން ބޭންކްތަކަށް ނުލާ، ޓެކްސް ނުދައްކާ ގޭގައި ބިލިއަނުން ރައްކާކޮށްފައިހުރި ކޭޝްވަނީ އެއްވެސް އަގެއްނެތް ކަރުދާހަށް ބަދަލުވެފައި. ރާއްޖޭގައި އުފެދިގެން އުޅޭ ޑޮަލރުގެ ތާށިކަންވެސް މިކަހަލަ ހަރުކަށި ނިންމުމަކުން ފިލުވާލެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

21 November 2016

ދިވެހިރާއްޖޭގައި މިހިރަ ރައީސް ވެސް ސޭމް، ބޮޑަތި ބޮޑަތި ކަންކަން އޮންނަނީ ނިމިފަ ރޭވެ އަލިވިލޭއިރު. މިސާލަކަށް ކާޑު އަގުބޮޑުކުރުން، ފާޑްފާޑްގެ ޓެކުސް ނެގުން.