ކުއްޖާ މަރާލާފައި އޮތް ސަރަހައްދުގައި ފުލުހުން ހަރަކާތްތެރިވަނީ-- ފޮޓޯ: އަހުމަދު އަވްޝަން އިލްޔާސް/ މިހާރު
22 ޖޫން 2021 - 21:50
8 comments
އުމުރުން 13 އަހަރުގެ ކުއްޖަކު ރަހީނުކޮށް މަރާލި މައްސަލައާ ގުޅިގެން ހައްޔަރުކުރި 27 އަހަރުގެ މީހާ، ޝަރީއަތް ނިމެންދެން ބަންދުކުރަން ކްރިމިނަލް ކޯޓުން މިއަދު އަމުރުކޮށްފި އެވެ.
އެ މައްސަލައިގައި ދެން ހައްޔަރުކުރި 17 އަހަރުގެ ފިރިހެން ކުއްޖާގެ ބަންދަށް ޖުވެނައިލް ކޯޓުން ދިނީ 15 ދުވަހެވެ.
ތުހުމަތަށް ހައްޔަރުކޮށްފައިވާ މީހުންގެ ވަނަވަރެއް ފުލުހުން އަދި އާންމެއް ނުކުރެ އެވެ.
ކުއްޖާ މަރާލާފައި އޮއްވައި ފެނުނީ އެ ކުއްޖާ ރަހީނުކޮށްގެން އުޅޭ ކަމުގެ ރިޕޯޓެއް މިދިޔަ އާދިއްތަ ދުވަހު ލިބުމާ ގުޅިގެން ހޯދަމުން ދަނިކޮށް އެ ސަރަހައްދުގެ އިރުއުތުރު ފަރާތުގެ މޫދުގައި ފޮއްޓަކަށް ލާފައި އޮއްވަ އެވެ.
އެ ސަރަހައްދުން އޭނާގެ ހަށިގަނޑު ފެނުނީ ހުޅުމާލޭ ދެވަނަ ފިޔަވަހީގައި މީހުން ވަނުން މަނާކޮށްފައި އޮތް ސަރަހައްދުގައި ކުއްޖަކަށް އަނިޔާކުރި މައުލޫމާތު އާންމުންގެ މީހަކު ރިޕޯޓްކުރުމާ އެކު އެ ސަރަހައްދު ބަލައި ހޯދަމުން ދަނިކޮށް ކަމަށް ފުލުހުން ބުނެފައިވެ އެވެ.
ބޮޑު މައްސަލައިގައި ޖެންޑާ މިނިސްޓްރީ އާއި ފުލުހުން ގުޅިގެން މިއަދު ހަވީރު ދިން ޕްރެސް ސްޓޭމަންޓުގައި ޖެންޑާ މިނިސްޓްރީގެ ޑެޕިއުޓީ މިނިސްޓަަރު ފާތިމަތު ޔުމްނާ ވިދާޅުވީ އެެ ކުއްޖާ މަރުވުމުގެ ކުރިން އިޖުތިމާއީ އެހީތެރިކަން ފޯރުކޮށްދިނުމަށް މަަސައްކަތް ކުރަމުން އައި ކަމަށެވެ. އަދި އާއިލާގެ ފަރާތުން ވެސް މިނިސްޓްރީއާ ގުޅިގެން އެ މަސައްކަތް ކުރަމުންދިޔަ ކަމަށް ވިދާޅުވި އެވެ.
ކުއްޖާގެ މަރާލި ހަބަރު ލިބުމާ އެކު އާއިލާ އަށް ބޭނުންވާ ނަފްސާނީ އެހީތެރިކަން ފޯރުކޮށްދިނުމަށް މަސައްކަތްކޮށްފައިވާ ކަމަށް ވެސް ޔުމްނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރަން މަރު
23 June 2021
މަރަން މަރު.. ހައްލަކީ އުމަރު
ޙަބީބު
23 June 2021
ފިލިނޕީންސްގެ ރައިސް މަގާމާހަވާލުވިއިރު މުޅިއެގައުމު އޮތީ ނުރައްކާތެރި ހާލެއްގަ ބަލާބަލަ މިހާރު އެތިބީ ވެރިންނަކީ 25.000 ކުއްވެރިން އެވަނީ ބަޑިޖަހާ ވަގުތުން މަރާފަ ބޮޑެތި ގޭންގުތައް ދުވަހަކު ރަނގަޅުނުވާނެކަން އޭނާޔައްވިސްނޭ
ރަދީފްއޮފިޝިއަލް
23 June 2021
އިންޓަނޭޝަނަލް ކްރިމިނަލް ކޯޓުން (އައިސީސީ) ދަނީ ޑުޓަޓޯގެ ''އެކްސްޓްރާ ޖުޑިޝަލް ކިލިންސް'' ނުވަތަ ''ހުކުމެއް އަދި ތަހުގީގެއްނެތި ސަރުކާރުން މީހުން މެރުން'' މައްސަލަތައް ތަހްގީގު ކުރުމަށް ޕްރެޝާ ކުރަމުން.ނަމަވެސް އޭނަ ބުނަނީ އެކަމަށް އެއްވެސް އެއްބާރުލުމެއް ނުދޭނެކަމަށް.އައިސީސީން ބުނެފިނަމަ އަހަރުމެންގެ ވެރިން ތިބެނީ ސެލިއުޓް ނަގައިގެން.ވ.ވެދުން
ހާމަ
22 June 2021
ފޮޓޯޔާ އެއްކޮއް
ރަންދެލި
22 June 2021
ވިދާޅުވީ އެެ ކުއްޖާ 'މަރުވުމުގެ' ކުރިން އިޖުތިމާއީ އެހީތެރިކަން ފޯރުކޮށްދިނުމަށް 'މަަސައްކަތް ކުރަމުން' އައި ކަމަށެވެ. އަދި އާއިލާގެ ފަރާތުން ވެސް 'މިނިސްޓްރީއާ ގުޅިގެން' އެ މަސައްކަތް ކުރަމުންދިޔަ ކަމަށް ވިދާޅުވި އެވެ. ނޫނޭވާ ކަންކަން އެބަ ކުރެވޭ އެހެންނޫންތޯ!!! އަދިވެސް މިނިސްޓްރީ ތަކާ މުއައްސަސާ ތައް ތަނކޮޅެއް މަދީ!
ޙަސަން އަޙްމަދު
22 June 2021
ބައެއް ކަންކަމަކީ އާޖެންޓު ފިޔަވަޅު އަޅަން ޖެހޭ ކަންކަން. އެންބިޔުލާންސް ނުފޮނުވާ ލަސްކުރުމެކޭ ތަކުރާރުކޮށް ގެއްލޭ ކުޑަކުއްޖަކު ވަގުތުން ދައުލަތަށް ނުނަގާ ދޫކޮށްލުމެކޭ ތަފާތެއް ނެތް. ކުޑަކުއްޖަކަށް އިހުމާލުވާ ނަމަ ނުވަތަ އަނިޔާ ލިބޭ ނަމަ އާއިލާއާ މަޝްވަރާކުރާށާ ނަސޭހަތްދޭށާ ނަފްސާނީ އެހީދިނުމަށް މަސައްކަތްކުރުމުގެ ނަމުގައި ގެއްލުވާލާ ކޮންމެ ސިކުންތަކީ ކުއްޖާގެރައްކާތެރިކަން ރިސްކަށްލައިގެން ތިބުން.
އިޝްގީ
22 June 2021
މާދަން ޚަބަރަކަށް އޮންނާނީ ފުރައިގެން ސިޔަވާހަކަ.
ރަދީފްއޮފިޝިއަލް
22 June 2021
ހިމެނޭ މީހާ އެއީ ކާކު ބާ؟ މިފަދަ ހައި ޕްރޮފައިލް ކްރިމިނަލް މައިންޑްގެ މީހުންގެ ނަންތައް ބިލް ބޯޑުގަ ލިޔެފަ މާލޭގަ މީހުން އެންމެ ގިނައިން އެއްވާ ސަރަހައްދުތަކުގަ ހަރުކުރުމަށް ގޮވާލަން.