ގަސްދުގައި މީހަކު މެރުން، މާރާމާރީ ހިންގުން، ރަހީނު ކުރުން އަދި ކުޑަކުއްޖަކާ މެދު ޖިންސީ ގޯނާ ކުރުމުގެ ތުހުމަތުކުރޭ
ކުޑަ ކުއްޖާ މަރާލާފައި އޮއްވައި ފެނުނު ސަރަހައްދު ފުލުހުން އިއްޔެ ހަރަކާތްތެރިވަނީ.-- ފޮޓޯ: އަހުމަދު އަވްޝަން/މިހާރު
23 ޖޫން 2021 - 10:48
14 comments
އުމުރުން 13 އަހަރުގެ ފިރިހެން ކުއްޖަކު ރަހީނުކޮށް މަރައިލި މައްސަލައިގައި ހައްޔަރުކުރި ދެ މީހުންނަށް ވެސް ފުލުހުން ޖިންސީ ގޯނާގެ ތުހުމަތުކުރާކަން ހާމަވެއްޖެ އެވެ.
ކުޑަކުއްޖާ މަރުވެފައި އޮއްވައި ފެނުނީ އެ ކުއްޖާ ރަހީނުކޮށްގެން އުޅޭ ކަމުގެ ރިޕޯޓެއް މިދިޔަ އާދިއްތަ ދުވަހު ލިބުމާ ގުޅިގެން އެ ކުއްޖާ ހޯދަމުން ދަނިކޮށް، ހޯމަ ދުވަހުގެ ރޭ މެންދަމު 2:30 ހާއިރު އެވެ. ކުއްޖާގެ ހަށިގަނޑު ފެނުނީ ހުޅުމާލޭ ދެ ވަނަ ފޭސްގެ މޫދަށް ފައްތާފައި އޮއްވަ އެވެ.
މި މައްސަައިގައި ފުލުހުން ވަނީ ނ. ލަންދޫ ބަގީޗާގޭ، އިބްރާހިމް ޒިހާން، 27، އާއި 17 އަހަރުގެ ދިވެހި ފިރިހެން ކުއްޖަކު ހައްޔަރުކޮށްފަ އެވެ.
ކުށުގެ ތުހުމަތަށް ހައްޔަރުކޮށް ޝަރީއަތް ނިމެންދެން ޒިހާން ބަންދުކުރަން ކޯޓުން އަމުރުކޮށްފައި ވާ އިރު އޭގައި ވަނީ ގަސްދުގައި މީހަކު މެރުން، މާރާމާރީ ހިންގުން، ރަހީނު ކުރުން އަދި ކުޑަކުއްޖަކާ މެދު ޖިންސީ ގޯނާ ކުރުމުގެ ތުހުމަތު ވެސް ކޮށްފަ އެވެ.
ހުޅުމާލޭގެ ދެވަނަ ފިޔަވަހީގައި ކުއްޖާ މަރާލާފައިވާ އޮއްވައި ފެނުނު ސަރަހައްދު އިއްޔެ ބަންދުކޮށްފައި. -- ފޮޓޯ:/މިހާރު
މައްސަލައިގައި ހައްޔަރު ކުރި ކުޑަކުއްޖާ އަށް ކުރި ތުހުމަތު އާންމުކޮށްފައި ނުވި ނަމަވެސް، "މިހާރު" އަށް އެނގިފައިވާ ގޮތުގައި އެ ކުއްޖާ އަށް ވެސް ޒިހާނަށް ކުރި ތުހުމަތުތައް ކުރެ އެވެ.
ކުއްޖާ މަރާލާފައި އޮއްވައި ފެނުނީ ހުޅުމާލޭ ދެ ވަނަ ފޭސްގައި މީހުން ވަދެ އުޅެވޭ ގޮތަށް އޮންނަ ހިސާބުން ފަޅު ތެރެއިން ކަރުތާފެނާ ހިސާބުންނެވެ. ކުއްޖާގެ ހަށިގަނޑު އޮތީ އެ ސަރަހައްދުގެ އިރުއުތުރު ފަރާތުގެ މޫދުގައި ފޮއްޓަކަށް ލައިފަ އެވެ.
ޖެންޑާ މިނިސްޓްރީން އިއްޔެ ބުނީ، އެެ ކުއްޖާ އަކީ އެ މިނިސްޓްރީއިން އިޖުތިމާއީ އެހީތެރިކަން ފޯރުކޮށްދިނުމަށް މަަސައްކަތް ކުރަމުން އައި ކުއްޖެއް ކަމަށެވެ. އަދި އާއިލާގެ ފަރާތުން ވެސް މިނިސްޓްރީއާ ގުޅިގެން އެ މަސައްކަތް ކުރަމުންދިޔަ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާނީ
23 June 2021
މަރު ހެޔޮނުވާނެ އެހާ އަނިޔާވެރިވަން...މުޅި ރާއްޖެ މިއަދު ބިރުވެރި ކަމެއްގަ ?މިއައްވުރެ ބޮޑަށް އިހުމާލު ވޭ?
ބޮކްސް
23 June 2021
ޢިސްލާމީ ޝަރީއަތް ފުރިހަމައަށް ތަންފީޒު ކުރާދުވަހަކުން ކަންކަން ރަނގަޅުވާނީ. ޤަބޫލުކުރިއަސް ނުކުރިއަސް.
އަލިކޮއި
23 June 2021
ކޮންމެ ދިމާއަކުން ވެސް މިފެންނަނީ ޤައުމު ހަލާކުވަމުން ފުނޑެމުންދާ ތަން. މިޤައުމު ހަމަ މަގަށް އެޅުވޭނީ ކިހިނެއް
ޖޭޖޭޖޭ
23 June 2021
ރަންގަޅެއްނު އަޒްލީނާ މަރާލިމީހާވެސް މިހާރުއެހެރީ އަލުން މީހުންމަރަން ދޫކޮއްލާފަ. ތިދެމީހުންވެސް ދުވަސްކޮޅަކުން މިނިވަނުންނައް ވާނެ. 17 އަހަރުގެ ތުއްތު ކުއްޖެކޭވެސް އެބަކިޔާ
މުލޭ
23 June 2021
މިވަރުން ވެސް މިމިިހުން މަރަން ހުކުމް ނުކުރެވޭނެތަ؟ ހުކުމް ކުރިޔަސް ތަންފީޒު ނުކުރެވޭނެތަ؟ ހަމަ ރައްޔިތުންގެ ފައިސާއިން ޚަރަދުކޮށްގެން މަރުވަންދެން ބަލަހައްޓަންތަ ޖެހެެނީ؟ މިނޫންގޮތެއް ބޭނުންވޭ.
ބެސްޓީ
23 June 2021
ރައީސް އިބޫ އަށް ދަންނަވާލަން ބޭނުންވަނީ ނާގާބިލު ޖެންޑާ މިނިސްޓަރު އައިޝަތު މުހައްމަދު ދީދީ ވަކިކުރަނީ ކޮން އިރަކުތޯ؟ ކަނޑައެޅިގެން އެބަ އެނގޭ މި ކުއްޖާގެ މައްސަލަ ޖެންޑާ މިނިސްޓްރީ އަށް ހުށަހެޅި ޖެންޑާ މިނިސްޓަރީއަށް ރައްކާތެރިކަން ނުދެވުނުކަން. ޢާއިޝަތު މުޙައްމަދު ދީދީ ކިތައް މައްސަލައަށް މިހާރު ވަނީ އިހުމާލު ވެފަ. ކުޑަކުދިންގެ ހިޔާ 3 ފަހަރަށް ރޯވެސްވެއްޖެ.
އަރަމުންއަންނަތަރި
23 June 2021
އީވާމެންގެ ކަރުން ނާރުނަގާފަ ނުފެލެނީ ސިދާތާ ނޫންވީމަ
ވަހީދު
23 June 2021
ސުބްހާނަﷲ. ކޮންފަދަ އަނިޔާވެރިކަމެއް ކުޑަކުއްޖަކަށް މިދިނީ. ދުވަހަކުވެސް ފާފަ ނުފުއްސަވާ ވަރުގެ ކަންކަންމީ.
ދެރަ
23 June 2021
ޔާﷲ ހުރިހާ ކުދިން އެފަދަ ނުބައި ވަޙުޝީ ޖަނަވާރުންފަދަ މީހުންގެ އަތްތަކުން ސަލާމަތްކޮށްދެއްވާދޭވެ. ހުރިހާ އެންމެންވެސް އެބައެއްގެ ދަރިންނަށް އިތުރު އަހައްމިއްޔަތުކަމެއް ދީގެން ލޯމަތިން ގެއްލުނަ ނުދީ ބެލެހެއްޓެން އޮތް ހުރިހާ މަސައްކަތެއް ކުރަންވާނެ. އަދި ގޭގަ ތިއްބަސް އެފަދަ ނުބައި ޝިކާރަވެރިންގެ ނުބައި މަޅިތަކުގަ ޖެހޭތޯ ބަލާ ހަދާ އެކުދިންނާ ދޭތެރެއަކުން ވާހަކަ ދައްކައި ދުނިޔޭގެ މިހުރި ނުރައްކާތެރި ކަންކަން އުމުރާ ގުޅޭ ގޮތަކަށް ވިސްނަދޭންވާނެ.
ލުތުފީ
23 June 2021
ގެއްލުނު ފުރަތަމަދުވަހު އެކުއްޖާ ގެންގޮސްގެން ރަހީނުކޮށް ޖިންސީގޯނާ ކުރިކަމަށް ކުއްޔާގެ މަންމަ ވަނީ ޖެންޑާއަށް ރިޕޯޓްކޮށްފަ. ފަރުވާކުޑަނުކޮށް އެކަންކުރި މީހުން ހޯދާ ހައްޔަރުކުރަން ފުލުހުންނާގުޅިގެން މަސައްކަތްކުރިނަމަ، މިކުއްޖާގެ ފުރާނަ ސްަލާމަތްކުރެވުނީސްހެން ހީވަނީ. މަރުވި ކުއްޖާ ރަގަޅަށް ދަންނަ ދެމީހުން އެކަންކުރީ.
ރާ ވައްޑޭ
23 June 2021
ދެރަކަމަކީ މިކަހަލަ މީހުންނަށް މަރުގެ އަދަބު ދިނުމަކީ ސިކު ކަމެއް ކަމަށް ދެކޭ މީހުން މިރާއްޖޭގައި ގިނަވުން
ރާ ޔާމީން
23 June 2021
ޔާމީނުގެ ވެރިކަމުގައި އެއްޖިންސުން ގުޅުންހިންގި ކިތައްމީހުން މަރުގެ އަދަބު ދެވުނުތޯ؟؟؟؟؟؟؟؟؟؟؟؟؟ ލަދު ކޮބާ
ޖިބުރީޅު
23 June 2021
އެންކައުންޓަރ ކުރާމަ ނިމުނީއެއްނޫން!!!
ޖަރުމަނު ސަފީރު
23 June 2021
އަސްތާ ކަލޯ،."ހަރުކަށި" ވާހަކަ ނުދައްކަމާ ބަހީ. މިއަދުގެ ހާލަތު. ރައީސް މީހާއަށް ހެޔޮވިސްނުން ދެއްވައި، ތެދުމަގުގައި ސާބިތުވެހުރެ، ހިތްވަރާއެކު މަސައްކަތް ކޮށްފިއްޔާ އަދި ތިޔަ ބުނާ ހިސާބަށްވެސް ދެވޭން. ނަޞްރު ދެއްވާނީ ހެއްދެވި ފަރާތުން.