މީދޫ ދާއިރާގެ މެމްބަރު ސިޔާމް: ހިސާން "ދަަންޖައްސަައި މަރައިލިޔަސް ފާފަ ނުވާނެ" ކަމަށް ސިޔާމް ވިދާޅުވި މައްސަލަ ވަނީ ފުލުސް އޮފީހަށް ވެސް ހުށަހަޅާފައި.
23 ޖޫން 2021 - 11:29
15 comments
ރައްޔިތުންގެ މަޖިލީހުގެ ތުޅާދޫ ދާއިރާގެ މެމްބަރު ހިސާން ހުސައިން "ދަަންޖައްސަައި މަރައިލިޔަސް ފާފަ ނުވާނެ" ކަމަށް ވިދާޅުވެ، މީދޫ ދާއިރާގެ މެމްބަރު އަހުމަދު ސިޔާމް ވާހަކަ ދައްކަވާފައި ވާތީ މަޖިލީހުގެ އިދާރާ އިން އޭނާ އަށް މިއަދު ނަސޭހަތްދީފި އެވެ.
މަޖިލީހުގެ މިއަދުގެ ޖަލްސާގައި ރިޔާސަތުން އަންގާ އެންގުމެއްގެ ގޮތުގައި މަޖިލީހުގެ ނައިބު ރައީސް އީވާ އަބްދުﷲ ވިދާޅުވީ، ސިޔާމް ދެެއްކެވި ވާހަކައާ ގުޅޭ ގޮތުން މަޖިލީހުގެ އިމްތިޔާޒާއި ސުލޫކު ކޮމިޓީން ނިންމާފައި ވަނީ ލިޔުމުން ނަސޭހަތް ދިނުމަށް ކަަމަށެވެ.
"މަޖިލީހުގެ ގަދަރާއި ޝަރަފާއި ކަރާމާތާއި އަބުރުު ދެމެހެއްޓޭނޭހެން މެމްބަރުންގެ އަމަލުތައް ބެހެއްޓުމަށްޓަކައި މިފަދަ ކަމެއް ތަކުރާރު ނުކުރެއްވުމަށް މީދޫ ދާއިރާގެ އިއްޒަތްތެރި މެމްބަރު އަހުމަދު ސިޔާމް މުހައްމަދަށް ނަސޭހަތްތެރިވަން،" އީވާ ވިދާޅުވި އެވެ.
އެމްޑީއޭގެ ލީޑަރު ސިޔާމަށް، އެ ނަސޭހަތް ލިޔުމުން ފޮނުއްވާނެ ކަމަށް ވެސް އީވާ ވިދާޅުވި އެވެ.
މި މަހުގެ 23 ވަނަ ދުވަހު ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) ގެ ބައްދަލުވުން ނިންމައިލި ވަގުތު، އެމްޑީޕީގެ ވެސް އިސް މެމްބަރު ހިސާން ދަންޖައްސަން ޖެހޭ ކަމާއި އޭނާ މަރައިލިޔަސް ފާފަ ނުވާނެ ކަމަށް ސިޔާމް ވިދާޅުވި މައްސަލަ ހިސާންގެ ފަރާތުން މަޖިލިހުގެ ރައީސް މުހައްމަދު ނަޝީދުގެ ސަމާލު ކަމަށް ވަނީ ގެނެސްފަ އެވެ.
އެ މައްސަލައިގައި ސުލޫކް ކޮމިޓީން ބޭއްވި ބައްދަލުވުމުގައި މަނަދޫ ދާއިރާގެ މެންބަރު އަހުމަދު ހާރޫން ހުށަހެޅުއްވީ ސިޔާމަށް ނަސޭހަތްތެރިވުމަށާއި މާފަށް އެދިވަޑައިގަތުމަށް އެންގުމަށެވެ.
އެ ހުށަހެޅުމާ މެދު ވާހަކަ ދައްކަވަމުން މަޑުއްވަރީ ދާއިރާގެ ޕީއެންސީގެ ނައިބު ރައީސް އާދަމް ޝަރީފް ވިދާޅުވެފައި ވަނީ ސިޔާމް މިހާރު ވަނީ ހިސާންގެ ކިބައިން މާފަށް އެދިވަޑައިގެންފައި ކަމަށާއި އެ ދެ ބޭފުޅުން މިހާރު ސަލާންކޮށް މައްސަލަ ހައްލުކޮށްފައިވާ ކަމަށެވެ.
ސިޔާމް މާފަށް އެދިވަޑައިގަތް ކަމަށް އާދަމް ޝަރީފް ވިދާޅުވުމުން، އެ މައްސަލަ ބޭރުކޮށްލަން ނޮޅިވަރަމް ދާއިރާގެ އަމިއްލަ މެންބަރު މުހައްމަދު ނަޝީދު އަބްދުﷲ ހުށަހެޅުއްވި އެވެ. ނަމަވެސް ފާސްވީ ސިޔާމް، ހިސާންގެ އަރިހުން މާފަށް އެދިވަޑައިގަންނަވަން އެންގުމަށާއި ނަސޭހަތްތެރިވުމަށެވެ.
ސުލޫކް ކޮމިޓީން ސިޔާމަށް ފިޔަވަޅެއް ނޭޅި ނަމަވެސް މަޖިލީހުން ވަނީ އެ މައްސަލަ ފުލުސް އޮފީހަށް ވެސް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިޓް އޮފް ދި ލިވިންގް ސެކިއުލަރިސްޓްސް
23 June 2021
ޕާޓީ ތަކަށް ނިސްބަތްވާ ސީޔާސީ ހަރުކަށި ފިކުރުގެ މީހުންނާއި ލާދީނީ ހަރުކަށި ފިކުރުގެ މީހުން ފަރާތުން ކޮންމެ ފަދަ ނަފްރަތުގެ އަމަލެއް އަޔަސް މާފުލިބުން ގާތް. ނަމަވެސް ދީނީ ހަރުކަށި ފިކުރުގެ މީހުން ގާތީ ބޮޑު އަދަބު ލިބުން. އެކަން ކުރެވޭތޯ ކެންޑި ނޭނި މަސެއްކަތް ކުރަމުން އެދަނީ. އަދުލު އިންސާފު ގާއިމްވާންޖެހޭ އެބަ. ތިންބަޔަށް ވެސް ހަރުކަށި އަދަބު ދެވޭނޭހެން. ނަމަވެސް ސެކިއުލާރ ގައުމަކަށް ހަދަން ކެންޑިނޭޅި މަސައްކަތް ކުރާ މީހުން އެގޮތް ބޫނުމެއް ނުވޭ
އުދުހޭ
23 June 2021
މާބުރާ ކޮކާލާ... ބަހާރު އައިމާ...
ޙިނި
23 June 2021
މީހުން މަރަން ގޮވީމަ ނަސޭހަތްތަ ދޭންވީ؟ މަހުޖަނެއްވީމަ މިއޮތީ އަދަބެއްނުދީ އަޑިއަޑިން ނިންމާލާފަ
،ޖަންބެ
23 June 2021
ކަލޭވާނެ ރައީސުލްޖުމްހޫރިއްޔާ ކަމައްވެސް ކުރިމަތިލާން...ކިތަންމެ ލާރިއެއްބެހިއަސް ނުހޮވާނަން
8973
23 June 2021
ޝިޔާމު ސްކޫލުން ކަނޑާލާ.
އޮނަރަބްލް އަފީފު ދީދީ
23 June 2021
މަޖިލީހުން ކުރާންޖެހޭކަމަކީ ޑިމޮކްރަސީގެ ރޫޙާއި "ޤާނޫނުއަސާސީގެ 72 ހ އަދި ށ ގައިބުނެ ކަޑައަޅާ އަމުރުކޮށްފައިވާގޮތަށް" އިންތިޙާބު ބޭއްވުމަށް މަގުފަހިކޮށްދިނުން. # ޤއ ގައި ސާފުބަހުންބުނެފައިވަނީ މަޖިލީހަށް މެންބަރުންއިންތިޙާބުކުރާންވާނީ "ކޮންމެ އިދާރީ ދާއިރާއަކުންކަމަށް" ކަމުގައިވިޔަސް މިދެންނެވި "އަކުން" އެހެންގޮތަކަށްމާނަކޮށް "ދާއިރާ އަކަށް" މީހަކު އިންތިޙާބުކުރާގޮތަށް މިކަންކުރުމަކީ ޤއ އާއި ޙިލާފު ކަމެއް. އަކުން އާއި އަކަށް މިއީ މުޅިން ދޭއްޗެއް.
ފިނރުބައިދޫ އަލީ
23 June 2021
ކީކޭ ބުނާނީ ދެން މި ފެންވަރުގެ މީސްމީހުން މަޖްލިހަށާ ތަންތަނަށް ހޮވީމަ ވާނެ ގޮތް ވަމުން މި ދަނީ! އުޑެެއް ބުޑެއް ރައްބިއެއް ރަސޫލެއް އެނގޭ މީސްމީހުނެއް ނޫން ތީކީ. ފިސާރި ވަރަކަށް ލާރި އޮތީމަ ދެން ގޮތްގޮތަަށް އުޅެމުން ދަނީ!
ރަދީފު ބިން ރަފައިދާ
23 June 2021
ހިސާނު އިސްތިއުފާ! ޝިޔާމުވެސް އިސްތިއުފާ.
ރަދީފްއޮފިޝިއަލް
23 June 2021
ދޫ ރައްކާތެރިކުރައްޗޭ ބްރޯ.ކިތަންމެ ގިނަ ފައިސާއެއް އެކައުންޓްގަ ހުއްޓަސް ފައިދާއެއް ނުވާނެ ދުވަހެއް އޮތްކަން އަހަރެންގެ އަމިއްލަ ނަފްސަށާ އަދި ހުރިހާ ރައްޔަތުންނަށް ހަނދާންކޮށްދެން. ވ.ވެދުން
ބައިރޯ
23 June 2021
ބޮޑު ޖޯކެއް ޅަކުދިންތަ؟؟؟؟؟