ސްކްރީންޝޮޓް ނުނަގައި، ޓްވީޓްތައް އިންސްޓަ ސްޓޯރީއަށް

މީހަކު ޓްވިޓާ ބޭނުން ކުރަނީ.

އަހުމަދު އަދްޝަން، މިހާރު

24 ޖޫން 2021 - 07:08

އައިއޯއެސްގައި އިންސްޓަގްރާމް ސްޓޯރީ އަށް ޓްވީޓް ޝެއާކުރެވޭ ގޮތް ހަދައިފި އެވެ.

ޖެކް ޑޯޒީގެ ޓްވިޓާ އިން ބުނީ މިއީ ސޯޝަލް ޕްލެޓްފޯމްތައް ކޮންޓެންޓްތައް ޝެއާއުރުމުގައި ގެނެސްދިން އިތުރު ފަސޭހައެއް ކަމަށެވެ. އެހެންވެ ކުރިން ހަދާ ގޮތަށް ދެން ސްކްރީންޝޮޓް ނަގައިގެން ޓްވީޓައް ޝެއާކުރުމުގެ ބަދަލުގައި އައިއޯއެސްގެ އަހުލުވެރިންނަށް މިހާރު ވަރަށް ފަަސޭހަކަމާ އެކު ޓްވީޓްތައް އިންސްޓަގްރާމް ސްޓޯރީ އަށް ފޮނުވައިލެވޭނެ އެވެ.

Skip the screenshots –– sharing Tweets to Instagram Stories right from the share menu is now rolling out to everyone on iOS!

Tap the share icon on a Tweet and select “Instagram Stories”. Once your Instagram app opens, you can resize/reposition the Tweet sticker before posting. https://t.co/R1qayqMwYl pic.twitter.com/yp82IH5Tuk
— Twitter Support (@TwitterSupport) June 22, 2021

މި ފީޗާ ބޭނުންކުރަން ހަދަން ޖެހޭ ގޮތަކީ ޓްވިޓާގެ ޝެއާ އައިކަން އަށް ފިތާލައި އިންސްޓަގްރާމް ހުޅުވައިލެވުމުން "އިންސްޓަގްރާމް ސްޓޯރީ" ސިލެކްޓްކުރުމެވެ. ޝެއާކުރުމުގެ ކުރިން އެ ޓްވީޓެއް "އިންސްޓަގްރާމް ސްޓޯރީ" އަށް ހެޔޮވަރު ވެސް ކޮށްލެވޭނެ އެވެ.

މި ފީޗާ މި ވަގުތު ހަމައެކަނި އައިއޯސް ބޭނުންކުރާ މީހުންނަށް ލިބޭ އިރު، އެންޑްރޮއިޑަށް ފީޗާ ގެނައުމާ ބެހޭ އެއްވެސް ވާހަކައެއް ޓްވިޓާ އިން އަދި ނުދައްކަ އެވެ.