ލެބޯޓްރީއެއްްގައި ކޮވިޑް-19 އަށް ސާމްޕަލްތަކެއް ޓެސްޓްކުރަނީ. ހަދާ ރިސޯޓަކުން މިއަދު 112 މީހުން އެބައްޔަށް ޕޮޒިޓިވްވި.
25 ޖޫން 2021 - 23:03
6 comments
ރިސޯޓެއްގެ ގޮތުގައި ތަރައްގީކުރަމުން އަންނަ ރ. ކޮތާފަރުގައި ކޮވިޑް ފެތުރި ގިނަ ބަޔަކު އެ ބައްޔަށް ޕޮޒިޓިވް ވެއްޖެ އެވެ.
އެޗްޕީއޭއިިން ބުނީ މިދިޔަ 24 ގަޑިއިރުގެ ތެރޭގައި ރާއްޖެއިން ކޮވިޑަށް ޕޮޒިޓިވްވި 266 މީހުންގެ ތެރެއިން 11 މީހުންނަކީ ކޮތާފަރުގައި ތިބި މީހުން ކަމަށެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމުކުރި މައުލޫމާތުގައިވާ ގޮތުން އިއްޔެ ހަވީރު 6:00 އިން މިއަދު ހަވީރު 6:00 އާ ހަމައަށް ކޮވިޑަށް ޕޮޒިޓިވްވި މީހުންގެ ތެރެއިން 41 މީހަކު ފިޔަވައި އެހެން އެންމެންނަކީ މާލެ ސަރަހައްދު ނޫން އެހެން ތަންތަނުގައި ތިބި މީހުންނެވެ. ދެން ހިމެނެނީ މީހުން އުޅޭ ރަށްތަކުން ކޮވިޑް ޖެހުނު 105 މީހަކާއި ހުޅުވާފައިވާ ރިސޯޓްތަކުން ކޮވިޑް ޖެހުނު އަށް މީހެކެވެ.
މިރޭ އާއްމުކުރި ހިސާބުތަކުގައިވާ ގޮތުން ރާއްޖޭގައި ކޮވިޑްގެ އެކްޓިވް ކޭސްތަކުގެ އަދަދަކީ މިހާރު 4،295 އެވެ. ރާއްޖޭން އެބަލި ޖެހުނު މީހުންގެ ޖުމްލައަކީ 72،944 އެވެ. އޭގެ ތެރެއިން 208 މީހަކު ވަނީ އެ ބަލީގައި މަރުވެފަ އެވެ.
ރާއްޖޭގައި ކޮވިޑް ވަރަށް ބޮޑަށް ކޮންޓްރޯލްވުމަށް ފަހު އެބަލި އަނެއްކާ ވެސް ބާރަށް ފެތުރެން ފެށީ މިދިޔަ މަހު އެވެ. ކޮވިޑް ކޮންޓްރޯލް ކުރަން އެހިސާބުން އަނެއްކާ ވެސް ހަރުކަށި ފިޔަވަޅުތަކެއް އެޅި އެކަމަކު އެ ފިޔަވަޅުތަކަށް މިހާރު ވަނީ އަނެއްކާވެސް ލުއި ދޭން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުށިން
26 June 2021
ލުއިދިނުން މަޑުޖައްސާލާ އީދު ދުވަހު ލުއިދިނީމަ ރަނގަޅުވާނެ އީދު ދުވަހު ބޮޑުންގެ މީހުން ބޭނުންވާނެ ރިސޯޓްތަކަށް ދާން.
ޚަބަރުލިޔަންނޭނގޭ
26 June 2021
އާރޓިކަލް ކިޔާލިއިރު ކޮތޭފަރުގެ 112 ކޭސް އައިގޮތެއް ނޭނގުނު. ކޮންމެއަކަސް ސަރުކާރަށް، ޓޫރިޒަމް މިނިސްޓްރީއަށް ވެސް އެނގޭނެ މިތަންތަނަށް މަސައްކަތު މީހުން ގެންދަނީ ސަތޭކަސަތޭކައިން މާލޭ މަގުމަތިން ކަހާލައިގެން. ގެންގޮސް ކަރަންޓީނެއްނުކުރޭ. ޓެސްޓެއް ނުކުރޭ. ހަމަ ގެންދާދުވަހު ވަގުތުން މަސައްކަތް ކުރުވަން ފަށަނީ. އެތަންތާ އެމީހުން ގެންގުޅޭނީ ކޮޓަރިއަކަށް 30 މީހުން. 100 މީހަކަށް ފާޚާނާއެއް. އެޗް.ޕީ.އޭ ގެ ގައިޑްލައިން އާ އެއްގޮތަށް ޢަމަލެއް ނުކުރޭ
ބަބުޗީ
26 June 2021
އެއްވެސް ވަރަކަށް ބެލުމެއްނެތި އުޅެނީ ... ހުރިހާ ބުރައެއް މިނަގަން ޖެހެނީ ޓެކްސް ޕޭޔަރުން. ޖޫރިމަނާ ކޮށް ޒިންމާކުރުވުމުގެ ނިޒަމެއް ނެތް.
ރަދީފު ބިން ރަފައިދާ
25 June 2021
މިއަދުގެ މި ނަންބަރާހެދި މިއަންނަ މަހުވެސް ލުއިނުދޭނެ އުޒުރެއް މި އަތުވީ.
ބޭކާރުޙާސަރު
26 June 2021
ލުއި ދިނުމުން މާމޮޅުތަކެއްވޭތަ. ލުއި ދިނީމަ ހީވަނީ ކޮވިޑް ނިމުނީހެން. ދެންއުޅޭނީ ބޭނުން ވައްތަރަކަށް. އެއްވެސް ބެލުމެއްނެތި. ދެން އަނެއްކަ ހާހުން ދެހާހުން ބަލިޖެހޭ މީހުން އިތުރުވެ އެތައްބައެއް މަރުވެގެންދާނީ. އޭރުންވެސް ތިބެގެން ކޮމެންޓް ކުރާނެ އެޗް.ޕީ.އޭ އިން ހަރުކަށި ފިޔަވަޅުނާޅާ މާއަވަހަށް ލުއި ދިނީމައޭ މިހެން މިވީ. ރަގަޅުއެއްގޮތްވެސް ދިވެހިންނަށް ނޯންނާނެ
ސޯ ބްރޯކް
26 June 2021
ބޭކާރު ހާސަރު. ފަހަރެއްގަ ތިބޭފުޅާ ވެދާނެ ސަރުކާރު މުވައްޒަފަކަށް ނޫނީ ބައިވަރު ލާރި އޮތް މިލިއަނަރަކަށް. އެހެންވީމަ އުމުރަށް ލޮކްޑައުނުގަ އޮތަސް އިމްޕެކްޓެއް ނައިސްދާނެ ތިބޭފުޅާގެ އިންކަމްއަށް. އަހަރުމެން ކަހަލަ އަމިއްލަ މަސައްކަތް ދުވާލު މުސާރައަށް ކުރާ މީހުން މިތިބީ ހަދާނެގޮތް ހުސްވެފަ.