ރާއްޖެއަށް އައި ޓޫރިސްޓުންތަކެއް ވެލާނާ އިންޓަނޭޝަނަލް އެއާޕޯޓުގައި-- ފައިލްފޮޓޯ:ނިޝާން އަލީ/މިހާރު
29 ޖޫން 2021 - 19:09
6 comments
އަންނަ ޖުލައި މަހުގެ 15 ވަނަ ދުވަހުން ފެށިގެން ދެކުނު އޭޝިއާގެ ޓޫރިސްޓުން ރާއްޖެ އައުމުގެ ހުއްދަ ދޭން ސަރުކާރުން މިއަދު ނިންމައިފި އެވެ.
ޓޫރިޒަމް މިނިސްޓްރީން ބުނީ ދެކުނު އޭޝިއާ ގައުމުތަކުގެ ޓޫރިސްޓުންނަށް، ޓޫރިސްޓު ވިސާ އަލުން ދޭން ފެށި ނަމަވެސް ރާއްޖެ އާދެވޭނީ ނެގެޓިވް ޕީސީއާރު ޓެސްޓުގެ ނަތީޖާއަކާ އެކު ކަމަށެވެ.
ދެކުނު އޭޝިއާ ގައުމުތަކުގެ ޓޫރިސްޓުންނަށް ވިސާ ދިނުން މެދުކަނޑާލީ މިދިޔަ މެއި މަހުގެ 1 ވަނަ ދުވަހުން ފެށިގެންނެވެ. އެ ގައުމުތަކުން ޓޫރިސްޓުން އައުން މަނާކުރުމުން ރާއްޖޭގެ ގެސްޓުހައުސްތަކުގެ އޮކިއުޕެންސީ ވަނީ ވަރަށް ބޮޑަށް ދަށްވެފަ އެވެ.
މި ސަރަހައްދުގެ ގައުމުތަކުން ޓޫރިސްޓުންގެ އިތުރުން ވޯކު ވިސާގައި އަންނަ މީހުންނަށް ވެސް އަންނަ މަހުން ފެށިގެން ހުއްދަ ދޭން ފަށާނެ އެވެ. ނަމަވެސް ވޯކް ވިސާގައި އަންނަ މީހުން ރާއްޖެ އައިސް ކަރަންޓީން ވާން ޖެހޭނެ އެވެ.
ސަރުކާރުން ދެކުނު އޭޝިއާ ގައުމުތަކުން ރާއްޖެ އައުން މަނާކުރީ އެ ގައުމުތަކުގައި ކޮވިޑް-19ގެ ހާލަތު ގޯސްވުމާ ގުޅިގެންނެވެ. އެގޮތުން، ރާއްޖެ އަށް އެންމެ ގިނައިން ޓޫރިސްޓުން އަންނަ، އިންޑިއާގައި ވަނީ ހާލަތު ވަރަށް ބޮޑަށް ގޯސްވެފަ އެވެ. އެ ގައުމުން ކޮވިޑޫގެ އާ ވެރިއަންޓުތައް ވެސް ވަނީ ފެނިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒިންމާ
29 June 2021
އަހަރެމެންގެ ފިރިންނާ ދަރިން އެތިބީ ރިސޯޓް ތަކުގާ ނާދެވި ތާށިވެފަ . ޢެކަމް އިންޑިޔާ ކޮވިޑް ޖެހިފަ ތިބޭ މީހުން ގެނެސް މިތަން ފުރާ ލެވޭތޯ މި ބަލަނީ . މަހިތަށް އަރާ މިސަރުކާރު ނިމޭނީ ކޮން ދުވަހަކުންބާއޭ
ޢޮޅުންބޮޅުން
29 June 2021
ދެޑޯޒް ހަމަވި މީހުންނަށް ތަނަކަށް ނުދެވޭ. އެކަމަކު މިތަނަށް މީހުން އެތެރެކުރަން އޯކޭ. ކޯއްޗެއްތަ މިހަދަނީ؟ ޢެޖެހީމަ ދަތުރުކުރެވޭނެޔޭ ކިޔައިގެން ޖަހައިގެންވެސް ވީކަމެއް ހަރާން. ހައްތަހާ އުދަނގޫ ބޮޑުވަނީ
އަފުރާސިޔާބު
29 June 2021
ޑެލްޓާ ވޭރިއަންޓް އިމްޕޯޓް ކުރައްވައި ރައްޔިތުންނަށް އެއިން ޑޯޒް ދެއްވާ.
ކަހަނބު
29 June 2021
ތިމީހުނާއިއެކު އާވޭރިއަންޓުތައްއައީމަ އަނެއްކާ އަޅުވަންޖެހޭނީ ތަޅު. ތިމީހުން މުއްސަނދިންނަށާއި ސަރުކާރަށް ލާރިކޮޅެއްދިނީމަ، މުއްސަނދިންނާއި ސަރުކާރަށް އޯކޭވާނެ. މަސައްކަތްނުކުރެވި، ޖީބުހުސްވެ ސަލާންޖަހަންޖެހޭނީ ނިކަމެތި ރައްޔިތުން.
ނިރު
29 June 2021
އަނެއްކާ އިންޑިޔާރ ލޭބަރ ޓޫރިސްޓުން ގެނެސް އިންޑިޔަރ ވޭރިއަންޓް ފަތުލާފާ ރައްޔެތުން އަޅުވެތި ކުރަން ކާރިވަނީ
އަފްޣާނިސްތާނުގެ ހާމިދު ކަރުޒާއީ
29 June 2021
ކުރީދުވަހު ޚަބަރެއްގެ ސުރުހީގާ، "ޑެލްޓާވޭރިއެންޓާހެދި ގައުމުތައް ގޮތްހުސްވަނީ،" މިހެން އޮއްވާދުށިން. އިންޑިޔާގާ މިހާރު ޑެލްޓާ ވަރަށް ބާރަށް އެބަ ފެތުރޭ. އަތަށްގޮވާ މޫނު ގެދަބުޅިވީމާތަ މިފަހަރުވެސް ހުއްޓާލާނީ.