މާލޭގެ މަގެއް ކޮނެފައި: މަގު ބަންދު ކުރުމުގެ ހުއްދަ ހަތަރު ދުވަހަށް ވަނީ މެދުކަނޑާލައިފައި -- މިހާރު ފޮޓޯ
04 ޖޫން 2016 - 19:33
3 comments
ރޯދަ މަހު ގިނަ ބަޔަކު މަގުތައް ބޭނުން ކުރާނެތީ މާދަމާ އިން ފެށިގެން ކުރިއަށް އޮތް ހަތަރު ދުވަހު މަގު ބަންދު ކުރުމުގެ ހުއްދަ ދޫ ނުކުރަން ހައުސިން މިނިސްޓްރީން މިއަދު ނިންމައިފި އެވެ.
އެ މިނިސްޓްރީން ކުރި އިއުލާނެއްގައި ބުނީ ރޯދަ މަހަށް ތައްޔާރު ވުމުގެ ގޮތުން ގިނަ ބަޔަކު މަގުތައް ބޭނުންކުރާ ދަނޑިވަޅެއްގައި މަގުތައް ބަންދުވެފައި އޮތުމުން ގިނަ ބަޔަކަށް އެކަމުގެ ދަތިކަން ފޯރާނެ ކަމަށެވެ.
އެގޮތުން އަންނަ އާދިއްތަ ދުވަހުން ފެށިގެން ބުދަ ދުވަހުގެ ނިޔަލަށް މަގު ބަންދުކޮށްގެން މަގުމަތި ކޮނުމާއި ފައުންޑޭޝަނާއި ޝީޓް އެޅުން ފަދަ މަސައްކަތް ކުރުމުގެ ހުއްދަ ދޫނުކުރާ ގޮތަށް ނިންމާފައިވާ ކަމަށް އެ މިނިސްޓްރީގެ ބަޔާނުގައިވެ އެވެ.
މިނިސްޓްރީން ބުނި ގޮތުގައި އެގޮތަށް ނިންމީ އެންމެންގެ ފަސޭހަ އާއި މަންފާއަށް ބެލުމަށްފަހު އެވެ.
މާލޭގެ މަގުތައް ކޮނުމުގެ މަސައްކަތް ކުރެވޭނީ ހައުސިން މިނިސްޓްރީން ހުއްދަ ލިބިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގެއްތަ؟
05 June 2016
ހުސް ދޮގު. ޖެހިގެން މިހިރަ ދަރުމަވަންތަ ސްކޫލް ކުރިމަތީ މަގު އެއޮތީ މިހާރުވެސް ބަންދު ކޮށްފަ. ނުފެންނަ ކަންތަކުގަ ހާދަހާ ދޮގެއް އަދި ހަދާލާނެތާ.
އުމަރު
04 June 2016
އަނެއްކާ އަނެއްކަންތައް،
ދޮންބެ
04 June 2016
ތިގޮތަށް ހެދުމުން ހައްތާ ވާނީ ގޯސް. އޭރުން މަގު ބަންދުކޮށްގެން ކުރާންޖެހޭ މަސައްކަތްތައް ފުނިޖެހި ހުއްދަދޭއިރަށް އެންމެން ފަށާނީ. މުޅިމާލެ އެއްކޮން ބްލޮކް ނުކޮށްފިއްޔާ ވާ ނަސީބު.