ރައްޔިތުންގެ މަޖިލިހުގެ ޕީޕީއެމްގެ މެމްބަރުން ޖަލްސާއެއްގައި.---ފޮޓޯ: މަޖިލިސް
24 ނޮވެމްބަރ 2016 - 17:20
52 comments
ދިވެހިން އަތުން ފީ ކުޑަކުރުމުގެ އިސްލާހާ އެކި ބިލް ފާސްކޮށްފި. ބިލް ފާސްކުރަން 48 މެންބަރަކު ވޯޓު ދެއްވި. ދެކޮޅަށް 20 ވޯޓު. އަދި ވަކި ކޮޅަކަށް ވޯޓު ނުދެއްވާ މެންބަރަކު އިންނެވި
އެމްޑީޕީން ވަނީ ފީ ނަގަން ފެށުން ހަ މަސް ދުވަހަށް ފަސްކުރަން ހުށަޅާފައި. އެކަމަކު ފާހެއް ނުވި
ދިވެހިން އަތުން ފީ ކުޑަކުރުމުގެ އިސްލާހު ފާސްވުމުން ދެން ހުރި މިކަމާ ގުޅޭ އިސްލާހުތަކަށް ވޯޓަކަށް ނާހާ
މި އިސްލާހަށް 48 މެންބަރުން ތާއީދުކުރެއްވި، ދެކޮޅަށް 18 މެންބަރަކު ވޯޓު ދެއްވި އިރު ވަކި ކޮޅަކަށް ވޯޓު ނުދެއްވާ ދެ މެންބަރަކު ތިއްބެވި
އޭޑީސީގެ ގޮތުގައި ދިވެހިން އަތުން 12 އަދި ބިދޭސީން އަތުން 25 ޑޮލަރު ނަގަން ހުށަހެޅި އިސްލާހު ފާސްވެއްޖެ.
މިހާރު ގެންދަނީ އިސްލާހުތަކަށް ވޯޓަށް އަހަމުން. ބިދޭސީން އަތުން އޭޑީސީގެ ގޮތުގައި 300 ރުފިޔާ ނަގަން އެމްޑީޕީން ހުށަހެޅި ހުށަހެޅުމެއް ފާހެއް ނުވި.
މި އިސްލާހު ހުށަހަޅާފައި ވަނީ ކޮންމެ ފަސިންޖަރެއްގެ އަތުން 25 ޑޮލަރު ނެގުމަށް ހުށަހެޅުމުން، ވެރިކަންކުރާ ޕީޕީއެމްގެ މެންބަރުންގެ މެދުގައި ހިޔާލު ތަފާތުވުން އުފެދި، މަޖިލީހުގެ ޖަލްސާ ފަސްކުރުމަށް ފަހު. ޕީޕީއެމްގެ މެންބަރުންގެ އިތުރުން އެމްޑީޕީގެ މެންބަރުން ވެސް ބައެއް އިސްލާހުތައް ވަނީ ހުށަހަޅާފައި.
އެއާޕޯޓް ޑިވެލޮޕްމަންޓް ފީގެ ގޮތުގައި ދިވެހިންނާއި ބިދޭސީން އަތުން ވެސް 25 ޑޮލަރު ނަގަން ހުށަހެޅުމާ އެކު ހިޔާލު ތަފާތުވެ އާ އިސްލާހުތަކެއް ހުށަހަޅައިފި. އަލަށް ހުށަހެޅި އިސްލާހުތަކުގެ ތެރޭގައި ދިވެހިން އަތުން 25 ޑޮލަރުގެ ބަދަލުގައި 12 ޑޮލަރު ނެގުމަށް ވަނީ ހުށަހަޅާފައި. އެކަމަކު ބިދޭސީން އަތުން 25 ޑޮލަރު ނަގަން އޮތް އޮތުމަށް ބަދަލެއް ނުގެނޭ.
އެއާޕޯޓް ޑިވެލޮޕްމަންޓް ޗާޖު (އޭޑީސީ)ގެ ގޮތުގައި ދިވެހިންގެ އަތުން ވެސް 25 ޑޮލަރު ނެގުމަށް ރައްޔިތުންގެ މަޖިލިހުން މިއަދު ފާސްކުރަން އުޅޭ ބިލާ މެދު ޕީޕީއެމް ޕާލިމެންޓަރީ ގްރޫޕް (ޕީޖީ) ގެ މެމްބަރުންގެ މެދުގައި ޒުވާބު ހޫނުވެ، މިއަދު ހަވީރު ބާއްވަން އުޅުނު ޖަލްސާ މިރެއަށް ފަސްކޮށްފި އެވެ.
މިހާރު ވޯޓަށް އަހަން ތައްޔާރުވެފައިވާ މި ބިލަށް ވޯޓު ލާނެ ގޮތަކާ މެދު ރައްޔިތުންގެ މަޖިލިހުގެ ތެރޭގައި ޕީޕީއެމްގެ މަޖިލިސް މެމްބަރުން މަޝްވަރާ ކުރަމުން އަންނަ އިރު ވަރަށް ބޮޑެތި ހިލާފުތަކެއް އުޅޭކަން މައުލޫމާތު ހިއްސާކުރި ބޭފުޅަކު ވިދާޅުވި އެވެ.
ބިލް މިއަދު ހަވީރު ވަނީ އިގުތިސޯދީ ކޮމެޓީން ފާސްކޮށްފަ އެވެ. އެއަށް ފަހު އެ ބިލް މަޖިލިހުގެ ތަޅުމުން ފާސްކުރުމަށް މިއަދު ހަވީރު 5:00 ގައި ޖަލްސާއެއް ބޭއްވުމަށް ޝެޑިއުލް ކުރި ނަމަވެސް މިހާރު ވަނީ މިރޭ 7:00 އަށް އެ ޖަލްސާ ފަސްކޮށްފަ އެވެ. ޖަލްސާ ފަސްކުރަން ޖެހުނީ ވެސް ޕީޕީއެމްގެ މެމްބަރުން އެއްގަލަކަށް ނާރައިގެންނެވެ.
ސޮވެރިން ފަންޑެއްގައި ބެހެއްޓުމުގެ ނަމުގައި ސަރުކާރުން ނަގަން އުޅޭ އޭޑީސީ ދިވެހިންގެ އަތުން ނަގައިގެން ނުވާނެ ކަމަށް ބައެއް މެމްބަރުން ވިދާޅުވާ އިރު އަނެއް ބައި މެމްބަރުން ތިއްބެވީ ސަރުކާރުގެ ކޮންމެ އެންގުމަކަށް އަބަދުވެސް ތައްޔާރަށް ތިއްބަވާ ގޮތަށް "ޔެސް" ވޯޓަށް އާއެނކޭ ވިދާޅުވާ ގޮތަށެވެ.
މެމްބަރަކު ވިދާޅުވި ގޮތުގައި، އެއާޕޯޓުން ފުރާ ހުރިހާ ފަސިންޖަރުންގެ އަތުން 25 ޑޮލަރު އޭޑީސީގެ ގޮތުގައި ނެގުމަށް، އިގުތިސޯދީ ކޮމިޓީގެ މިއަދުގެ ބައްދަލުވުމުގައި ފާސްކުރި ނަމަވެސް، ޕީޕީއެމް ޕީޖީ ގުރޫޕުގެ ބައެއް މެމްބަރުން ސީދާ އެކަމާ ދެކޮޅެވެ. އެ މެމްބަރުން ބޭނުންވަނީ 25 ޑޮލަރުގެ ބަދަލުގައި 12 ޑޮލަރު ނެގުމަށް ކަމަށްވެ އެވެ.
"މައްސަލަ އަކަށް ވެގެން އުޅޭ އެއް ކަމަކީ ދިވެހިންގެ އަތުން 25 ޑޮލަރު ނެގުމަށް މެމްބަރަކު ހުށަހެޅުއްވި އިސްލާހަށް ކޮމިޓީގެ މުގައްރިރު [އިލްހާމް] ވޯޓަށް އެއްސެވުން. އެކަމާ ބައެއް މެމްބަރުން ތިއްބެވީ ވަރަށް ރުޅިގަދަވެފައި. އެ އިސްލާހު ކޮމިޓީން ފާސްކުރިއިރު، އެއާޕޯޓުން ފުރާ ދިވެހިންނާއި ބިދޭސީންގެ އަތުން ވެސް 12 ޑޮލަރު ނަގަން އަނެއް ބައި މެމްބަރުން ބޭނުންވޭ. އޭގެ ތެރޭގައި ޕީޕީއެމްގެ ޕީޖީ ގުރޫޕުގެ ބައެއް އިސްބޭފުޅުން ވެސް ހިމެނިވަޑައިގަންނަވާ،" މެމްބަރަކު ވިދާޅުވި އެވެ.
އެއާޕޯޓުން ފުރާ ދިވެހިންގެ އަތުން 25 ޑޮލަރު ނެގުމާ ޕީޕީއެމްގެ ޕީޖީ ގުރޫޕުގެ ބައެއް މެމްބަރުން ވަނީ ބަޖެޓް ކޮމިޓީގައި ވެސް ފާޅުގައި ދެކޮޅު ހައްދަވައިފަ އެވެ.
ޕީޕީއެމް ޕާލަމެންޓްރީ ގްރޫޕްގެ ޑެޕިއުޓީ ލީޑަރު އަދި ވިލުފުށީ ދާއިރާގެ މެމްބަރު ރިޔާޒް ރަޝީދު ބަޖެޓް ކޮމިޓީގައި ވިދާޅުވެފައި ވަނީ، އޭޑީސީ ދިވެހިންގެ އަތުން ނަގަން ޖެހޭ ކަމަށް ގަބޫލުނުކުރައްވާ ކަމަށާއި އެކަމަށް އެ ޕާޓީގެ ޕާލަމެންޓްރީ ގްރޫޕުން ތާއީދުނުކުރާނެ ކަމަށެވެ.
"މިއީ ސަރުކާރުން ވިސްނަން ޖެހޭ ކަމެއް ކަމަށް އަޅުގަނޑު ގަބޫލުކުރަނީ. އަދި އަޅުގަނޑުމެން ގަބޫލެއް ނުކުރަން މި ބަޖެޓް އެކުލަވާލާފައި ވަނީ ދިވެހިން އަތުން ނަގަން ކަމަކަށް ވެސް. ދުނިޔޭގެ އެހެން ތަންތަނުގައި ވެސް މިކަން ކުރަނީ އެހެނެއް ނޫން،" ރިޔާޒް ވިދާޅުވި އެވެ.
ވަކި ގޮތަކަށް ވޯޓު ލާން ރައީސް އަބްދުﷲ ޔާމީން ވިދާޅުނުވާ ކަމަށް ވިދާޅުވާ މެމްބަރުން ވެސް ގްރޫޕްގައި އެބަ ތިބި ކަމަށް ވެ އެވެ. އެހެންކަމުން ވޯޓުގެ ކުރިން ވަރަށް ބޮޑު ހިޔާލު ތަފާތުވުމެއް އުފެދިފައިވާ ކަމަށް އެނގިފައިވެ އެވެ.
މިއަދުގެ ޖަލްސާ އަށް ފަހު ރައްޔިތުންގެ މަޖިލިސް ޗުއްޓީ އަށް ދާނެތީ ޕީޕީއެމްގެ ޕާލިމެންޓްރީ ގްރޫޕުން މަސައްކަތްކުރަނީ، އެމްޑީޕީގެ ސަރުކާރުގައި ޖީއެމްއާރާ ދެކޮޅަށް އެންމެ ބޮޑަށް ރައީސް ޔާމީން ދެކޮޅު ހެއްދެވި 25 ޑޮލަރު، ދިވެހިންގެ އަތުން ނަގަން ފާސްކުރުމަށެވެ.
އެއާޕޯޓުން ފުރާ ކޮންމެ ފަސިންޖަރެއްގެ އަތުން 25 ޑޮލަރު ނަގައިފި ނަމަ މިހާރު ނަގާ އެއާޕޯޓް ސާވިސް ޗާޖްގެ 12 ޑޮލަރާ އެކު ޖުމްލަ 37 ޑޮލަރު، ރާއްޖެ އިން ބޭރަށް ފުރާ ކޮންމެ ދިވެއްސެއްގެ އަތުން ނަގާނެ އެވެ. އަދި ބޭރު މީހެއްގެ އަތުން ނަގާ މިންވަރު އުޅޭނީ 50 ޑޮލަރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާ ގުޑި
26 November 2016
އިބްރާހިމާ! ތިވެސް ކޮމެންޓެއްތަ؟ މޮޅު އިނގޭ
ގަޅިބެ
24 November 2016
ތި ބިލް ފާސްކޮއްފަ، މާދަންޖެހޭނެ ބޮޑު ކޭކެއް ފަޅާފަ ހުރިހާ ވަޒީރުން ބޮޑު ޖާފަތެއް ބާއްވަން.
ވަސީމާ
24 November 2016
ބަލަ މިޖެހުނީ ކޮންތާކު. އިންޑިއާގެ ޖީއެމްއާރު ކުންފުނިން އޭޑީސީގެ ގޮތުގައި 25 ޑޮލަރު ނަގަން އުޅުމުން ސިވިލް ކޯޓުން ކުރިން ވަނީ އެކަން ހުއްޓުވައިފަ އެވެ. އޭރު ގިނަ ބަޔަކު އެކަމާ ދެކޮޅު ހެދީ އެއާޕޯޓް ތަރައްގީކޮށް ނުނިމެނީސް އޭޑީސީއެއް ނަގަން ނިންމުމުންނެވެ. މިހާރު އެއަރޕޯޓް ތަރައްގީކޮއް ނިމުނީތަ؟
އަބްދުއްލާ އަލީ
24 November 2016
ޖީއެމްއާރުން 29 ޑޮލަރު ނެގޭ ގޮތަށް އެގްރީމެންޓް ކުރިއިރު އެގްރީމެންޓްގާ އޮތްގޮތުން އެއާޕޯޓް ހިންގައިގެން ލިބޭ ހުރިހާ އެއްޗެއް ޖީއެމްއާރަށާ އެމީހުންގެ ބައިވެރިންނަށް ، އެއާޕޯޓް ޑިވޮލޮޕް ކުރުމަށް ލޯނު ނަގާ ދޭންޖެހެނީ ދަވްލަތުން ލޯނު ދައްކަން ފައިސާދިނުމަށްޓަކާ މަޖިލީހުން 29 ޑޮލަރު ނަގަން ފާސް ކޮށްދޭން ޖެހޭ ، ވީމާ އެމްޑީޕީ ސަރުކާރުން ކުރި އެގްރީމެންޓްގާއޮތީ ދަވްލަތުން ގެރެންޓީދީގެން ނޯނު ނަގާދީފާ އެލޯނު ދައްކަންވެސް ދަވްލަތުން ފައިސާ ދިނުމަށް އެއާޕޯޓް ހިންގައިގެން ލިބޭ ފައިސާ ޖީއެމްއާރަށް އެއާޕޯޓްގެ ވެރިފަރާތަށް ވެސް ، އަމިއްލަ ދާއޮހޮރުވައިގެން އެއާޕޯޓެއް ވުޖޫދަށް ގެނައި ދިވެހި ރައްޔިތުންނަށް އެއްވެސް އެއްޗެއްނެތް. މިއަދު އެއާޕޯޓުން ލިބޭއެއްޗެއްލިބެނީވެސް ދަވްލަތަށް ތަރައްގީގެ ލޯނު ނަގަނީވެސް ދަވްލަތުން އެލޯނުއަދާކުރަން ފައިސާ ދެނީވެސް ދަވްލަތުންނާ ރައްޔިތުން. ތަފާތަކީ މިއީ
މަންސޫރު
27 November 2016
ތިޔަކަހަލަ ދޮގު ވާހަކަ ދައްކައިގެން ބަގާވަތް ކުރީ.
ޅިޔަނު
24 November 2016
ހެޔޮނުވާނެ ތިޔަ އިއްޒަތްތެރިމެންބަރުން ތިހެން ކަންތައްކުރަން. މިޔަދު ތިޔަދޭ ވޯޓާއިމެދު މާދަމާ ސުވާލްކުރެވޭނެކަން ހަދުމަފުޅު ނެތުނީބާ ؟ ރައްޔިތުންގެ ވޯޓުން ތައްޔިތުންގެ އަޑުއުފުލުމަށް ގައުމުގަ އެންބަޔަކަށް ނުލިބޭވަރުގެ ބޮޑު މުސާރައެއް ތިޔަބޭފުޅުންނައްދީފަ ތިޔަ ތިއްބެވީ ވަކި ޕާޓީގެ ނުވަތަ ވަކި މީހެއް އެދޭގޮތަކަށް ވޯޓް ދޭކަށެންނޫން !! މާތް ﷲ ތިޔަ ބޭފުޅުންނަށް ތެދުމަގު ދައްކަވާށި!!!
މަހަށްދޭބަލަ
24 November 2016
ރާއްޖެ ތަރައްގީ ނުކުރެވޭނެ ރައީސް މައުމޫނަށް ވެސް. ދެން ރައީސް ނަޝީދަށް ވެސް ރާއްޖެ ތަރައްގީ ނުކުރެވޭނެއެވެ. ރައީސް ނަޝީދުގެ މެންޓަލިޓީ އަކީ އެއީ އިންޑިއަން މެންޓަލިޓީ އެވެ. އެއީ ވަަރަށް ބޮލަށް އުނދަގޫވާ މެންޓަލިޓީ އެކެވެ. އެމީހުންނަށް ތަރައްގީ ކުރަން އިނގޭނެ ސިވިލައިޒްޑް ގޮތް ތަކެއް ނުހުންނާނެއެވެ. އެއާއި ޚިލާފަށް މަމެން ޕިންކީންގެ ވެރިކަމުގައި ރާއްޖެ މިއުޅެނީ ސީދާ ލިޓިލް ސިންގަޕޯރ އަށް ބަދަލު ކޮށްލަން. ތަމެން ރަންރީނދޫ ބޮޑޭ މެން ބާލިދީ އެއާރޕޯރޓް އޭ ކިޔާ ބޮޑެތި އޮޅުވާލުން ގަނޑު ގަނޑާއި މަކަރާއި އަދި ހީލަތް އިސް ކޮށްގެން އެއާރޕޯރޓް ޖީއެމްއާރަށް ވިއްކާ އެތަނުން ކަޓް ކާން ވެގެން ކުރި މަސައްކަތް މިއޮތީ ރައްޔިތުންނަށް ފަޅާ އަރާފައެވެ.
ކޮރި ބޯށި
24 November 2016
ރައްޔިތުންގެ ހަދާނުގަ ބަހައްޓަން އެބަޖެހޭ ރައީސް ޔާމިން ހިންގާ ޖަރީމާތަށް. ރައްޔިތުންނަކީ އެހާ އަވަހަށް ހަދާން ނެތޭ ބަޔަކަށް ވެގެން ނުވާނެ. އިންތިހާބު ތަކުގަ ޔާމިންއަށް ނޫނެކޭ ބުނަން އެބަޖެހޭ
އަލީޝާކިރު
24 November 2016
އިންތިޚާބުތަކަކުނޫން ޔާމީނަށް ނޫނެކޭ ބުނަންވީ، މިހާރުން މިހާރަށް ނޫނެކޭބުނެ ރައްޔިތުން މަގުމައްޗަށް ނުކުންނަންވީ..... ތިބުނާ އިންތިޚާބެއް ބާއްވާނެތަ، ބޭއްވިޔަސް 2013 މަތިން ހަނދާން ނެތުނީތަ.
އާޒިމް
24 November 2016
ދިވެހިންގެ އެއަރޕޯޓް ދިވެހިންނަށް... ގައުމު ދަރުވާފަ ބޮޑެތި ލޯނު ނަގައ ގެން މާލެ ސަރަހައްދުގަ އެކަނި މެގަ ޕްރޮޖެކްޓް ޖައްސައިފަ ރައްޔިތުން ފެލައިގެން ލޯނަށް ފައިސާ ދައްކާފަ ތަރައްޤީއޭ ކުރިއެރުމޭ ކިޔާނެ ތިވެގެން. ރައްޔިތުން މިތިބީ އަނގަޔާ އަތާ ދިމާ ނުވެފަ. އަތޮޅު ތެރޭގަ ޖައްސަން ބުނި މެގަ ޕްރޮޖެކްޓަކުގެ ހިލަމެއްވެސް ނެތް. ތިޔަށް ކިޔަންވީ ތަރައްޤީއެއް ނޫން ތަރައް-ގުއި
ގުޑްލަކް
24 November 2016
މިއޮތީ ލާރޖް ކޮށް ޢޯސަމް އެންޑް ފްލޯލެސް ވެފަ...ބޯހަލާކު!
ފެލުން
24 November 2016
ނިކަމެތި ރައްޔިތުން ފެލުން ނުން ކަމެއްނެތް. އިންކަމް ޓެކްސް ނަގަން ނުކުރިގެން ތިޔަ އުޅުއްވާ ސަބަބެއް ސަރުކާރުން ރައްޔިތުންންން ބަޔާންކޮށް ދީބަލަ؟؟؟؟؟