ޚަބަރު / ނަޝީދަށް ދިން ޓެރަރިސްޓް ހަމަލާ

ނަޝީދަށް ދިން ހަމަލާގެ ތަފުސީލު މިރޭ ހާމަކުރަނީ

ނަޝީދަށް ދިން ހަމަލައިގެ ތަހުގީގު ފަށައި ފުރަތަމަ ބޭއްވި މީޑިއާ ބްރީފިންގައި (ކ-ވ) އޭސީޕީ ރިޔާޒް، ސީޕީ ހަމީދު އަދި ޕީޖީ ޝަމީމް ބައިވެރިވެވަޑައިގަންނަވަނީ.

އިފްރާޒް އަލީ، މިހާރު

24 ޖުލައި 2021 - 15:46

11 comments

ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލާގެ އެންމެ ފަހުގެ މައުލޫމާތާއި ކުރިން އާންމު ނުކުރާ ބައެއް ކަންކަން ހާމަކުރަން މިރޭ މީޑިއާ ބްރީފިންއެއް ބާއްވަން ފުލުހުން ނިންމައިފި އެވެ.

މިރޭ ނުވައެއް ޖަހާއިރު ބާއްވާ މި ބްރީފިންގައި މައުލޫމާތުތައް ހާމަކުރައްވާނީ ޕޮލިސް ކޮމިޝަނަރު މުހައްމަދު ހަމީދާއި ޕްރޮސެކިއުޓާ ޖެނެރަލް ހުސައިން ޝަމީމް އަދި އެސިސްޓެންޓް ކޮމިޝަނަރު މުހައްމަދު ރިޔާޒެވެ.

"މިހާރު" އަށް އެނގިފައިވާ ގޮތުގައި، ނަޝީދަށް ދިން ހަމަލައާ ގުޅިގެން ހިންގި ތަހުގީގުން ސާފުވި ވަރަށް ގިނަ ކަންކަން ފުލުހުން މިރޭ މީޑިއާ އަށް ދޫކޮށްލާނެ އެވެ.

ހަމަލާގެ ތަހުގީގުގެ ކުރީކޮޅު ވެސް ސީޕީ ހަމީދާއި ޕީޖީ ޝަމީމް އަދި އޭސީޕީ ރިޔާޒް އެކުގައި ނޫސްވެރިންނާ ބައްދަލުކުރައްވައި މައުލޫމާތު ހިއްސާކުރެއްވި އެވެ. އެކަމަކު، އެއީ ތަހުގީގުގެ ކުރީކޮޅު ވުމުން ނޫސްވެރިންގެ ގިނަ ސުވާލުތަކަށް އޭރު ޖަވާބެއް ނުދެއްވަ އެވެ.

ނަޝީދަށް ދިން ހަމަލައިގެ ތަހުގީގަށް ފާހަގަވި މުހިންމު ބައެއް މައުލޫމާތުތައް މިރޭ ހާމަކުރާއިރު، އެ މައްސަލައިގައި ފުރަތަމަ ހައްޔަރުކުރި ހަތަރު މީހުންގެ މައްޗަށް ދައުވާ ކޮށްދިނުމަށް އެދި ފުލުހުން ވަނީ ޕީޖީ އޮފީހަށް ފޮނުވައިފަ އެވެ.

އެއީ ވ. ތިނަދޫ، ހިޔާ، އަދުހަމް އަހުމަދު ރަޝީދާއި މއ. ފޭރުގޭ މުޖާޒް އަހުމަދާއި ގއ. ކޮނޑޭ، ފޮޅޭމާ ތަހުމީން އަހުމަދު އަދި ލ. ގަން ދުންފިނިއުފާ އަހްމަދު ފާތިހު އެވެ.

އެ ހަތަރު މީހުންގެ މައްސަލަ ޕީޖީ އޮފީހަށް ލިބުމާ ގުޅިގެން ޕީޖީ ޝަމީމް މި މަހުގެ 21 ގައި ވިދާޅުވީ، އެ މީހުންގެ މައްޗަށް ދައުވާ ކުރުމާ މެދު 15 ދުވަހުގެ ތެރޭގައި ގޮތެއް ނިންމަން ޖެހޭ ކަމަށެވެ.

މިދިޔަ މެއި މަހުގެ ހަ ވަނަ ދުވަހުގެ ރޭ ނަޝީދު ކާރުކޮޅަށް އަރުއްވަން ވަޑައިގަންނަވަނިކޮށް، ނީލޯފަރު ހިނގުމާއި މަޖީދީ މަގާ ގުޅޭ ކަންމަތީގައި ޕާކުކޮށްފައި ހުރި ސައިކަލެއްގައި އައިއީޑީއެއް ހަރުކޮށް، އެ ގޮއްވާލައި އެ މަނިކުފާނު ޒަހަމްކޮށްލި މައްސަލައިގައި ހަމަލާއާ ގުޅުންހުރި ހަތް މީހަކު ވަނީ ހައްޔަރުކޮށްފަ އެވެ.

މި ހަތް މީހުންގެ ތެރެއިން ތިން މީހަކު މިހާރު ވަނީ ޝަރިއާތް ނިމެންދެން ބަންދުކޮށްފަ އެވެ. އެއީ އަދުހަމާއި މުޖާޒާއި ތަހުމީނެވެ.

މި ހަމަލާއާ ގުޅިގެން ހައްޔަރުކޮށްފައިވާ ނ. މަނަދޫ ނޫރީގެ، އަލީ ހައިޝަމް 30 ދުވަހަށް ބަންދު ކުރަން ވެސް ކްރިމިނަލް ކޯޓުން ވަނީ އަމުރުކޮށްފަ އެވެ.

ހަމަލާއާ ގުޅިގެން ހައްޔަރު ކުރި މީހުންގެ ތެރެއިން ފުލުހުން ވަނަވަރު ހާމަކޮށްފައި ވަނީ، އަދުހަމް، މުޖާޒް، ތަހުމީން، ހައިޝަމްގެ އިތުރުން ލ. ގަން ދުންފިނިއުފާ އަހްމަދު ފާތިހުގެ އެވެ. ހަތް މީހުންގެ ތެރެއިން ބައެއް މީހުން ހައްޔަރުކޮށްފައި ވަނީ މި ހަމަލަ އަށް ފަހު ފުލުހުންނާއި ސިފައިން ގުޅިގެން ހިންގި ހަރުކަށި ފިކުރާ ދެކޮޅު އޮޕަރޭޝަންގެ ތެރެއިންނެވެ.

ހައިޝަމް ހައްޔަރު ކުރީ ހަރުކަށި ފިކުރާ ދެކޮޅަށް ހިންގި އެ އޮޕަރޭޝަންގެ ތެރެއިންނެވެ.

Nasheed ah dhin hamalaa: Adhuham, Mujaaz, Thahmeen Shareeaiy nimendhen bandhu koffi

The most trusted news source in the Maldives

Mihaaru

މި ހަމަލާއާ ގުޅޭ ގޮތުން ރައްޔިތުންގެ މަޖިލީހުގެ 241 ކޮމިޓީން ބޮޑު އިންކުއަރީއެއް ކޮށް، އެ އިންކުއަރީގެ ރިޕޯޓް ވެސް މިހާރު ވަނީ އާންމުކޮށްފަ އެވެ.

ރައީސް މުހައްމަދު ނަޝީދު ފުލުހުން ޓެރަރިޒަމް ޕްރޮސެކިއުޓާ ޖެނެރަލް ނަޝީދަށް ދިން ޓެރަރިސްޓް ހަމަލާ ޓެރަރިސްޓް ހަމަލާ ހުސައިން ޝަމީމް (ޕީޖީ) ޕީޖީ އޮފީސް

11 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބިލް ކުލިންޓަން

24 July 2021

ތި ޕުރެހަކު ނުހުންނާނެ އާވާހަކައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ހަމީދު

24 July 2021

ކޮން އިރަކުންތޯ 3 އަހަރު ވެރިކަން މި ރާއްޖޭގަ ކޮއްފަ އަމިއްލަައަށް އިސްތިއުފާ ދިނުމަށް ފަހު ޖެހިގެން އައިދުވަހު މުޅި ރާއްޖޭގެ އެތަންމިތަނުގައި ހުރި ސަރުކާރާއި އަމިއްލަ މީހުންގެ ހުރި އަގުބޮޑު އިމާރާތް ތަކުގަ އަލިފާން ރޯކޮށް އެހިންގި ޓެރަރިސްޓު ހަމަލާގެ ހަގީގަތް އަދި ވަނީ ހިންދާލާފައި. އެމައްސަލަ ބަލާ ކުއްވެރިވާ ފަރާތްތަކަށް ޓެރަރިޒަމްގެ ދައުވާ އުފުލާ އެކަމުގެ އަޑީގަ ތިބި ބަޔަކު ނުހޯދޭ. މި މައްސަލަވެސް އެބަޖެހޭ ބެލެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަރުމަން

24 July 2021

މިހެން ވަނީ ޤައުމައް ގައްދާރުވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

24 July 2021

އިސްލާމް ދީނުގަ އޮންނަ އުސޫލުން ހުކުމް ކުރުމަށް ނުކުޅޭދޭ އެއްސަބަބަކީ ކޮމިޓީތަށް ގިނަވުމެވެ. އަދި ނުވީތާކަށް ތިކަމުގަވެސް ފުލުހުންނަށް ހެދޭމިސްޓޭކްސް ފެންނާނީ ޕީޖީ އަށް ތިކަން ލާތަނުންނެވެ. އެހާހިސާބުން ފަންޑްކުރާ މީހުންގެ ސަބަބުން ހެދިފަ އޮންނަ މިސްޓޭކަކުން އަނެއްދުވަހު އުމުރުގެ ހުކުމް އޮންނާނީ މިނިވަންވެ ގޭގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

24 July 2021

މީގެ 8 އަހަރު ކުރިން، މަރުހޫމް ޑރ. އަފްރާޝީމްގެ މަރާ ގުޅޭގޮތުން އޭރުގެ ޕޮލިސް ކަމިޝަނަރާ، ހޯމް މިނިސްޓަރު ޓީވީއަށް އަރާ ބޮޑު ނޫސް ކޮންފަރެންސެއް ބޭއްވި. އެބަޔަކު ކުރަންތިބި މަސައްކަތެއް ހުއްޓާލާ، ޓީވީން އިންޓަވިއު ބަލަން ވަރަށް ގިނަމީހުން އެއްވިތަން ވެސް ފެނުނު. އެމީހުންގެ ހިތުގައި އުފެދިފައިވާ ސުވާލުތަކަށް އެ އިންޓަވިއުންވެސް އަދި އެހެން ގޮތަކަށްވެސް މިހާތަނަށް ފުރިހަމަ ޖަވާބެއް ނުލިބޭ. މިއަދު އެހެން ނުވާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

24 July 2021

މިޒަމާނުގެ އިންޓެލް އާ ޓެކްނޯލަޖީ ބޭނުން ކޮއްްގެން ތިމީހުނައް ފަންޑުކުރި މީހުން ހޯދުމަކީ އެހާ އުންދަގޫކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 July 2021

ނަޝީދު މަރާލަން ހަމަލަ ދިނުމުގެ މޭސްތިރިންނަކީ މިހާރު ހައްޔަރުކޮށްފައިވާ ވ. ތިނަދޫ، ހިޔާ، އަދުހަމް އަހުމަދު ރަޝީދާއި ކ.މާލެ، ފޭރުގޭ، މުޖާޒް އަހުމަދާއި ގއ. ކޮނޑޭ، ފޮޅޭމާ ތަހުމީން އަހުމަދު އަދި ލ. ގަން ދުންފިނިއުފާ އަހްމަދު ފާތިހު ކަމަށް ޤަބޫލު ކުރަނީ ވަރަށް މަދު އަދަދެއްގެ ދިވެހިން. # މާނައަކީ މިދެންނެވި މީހުންގެމައްޗަށް އިސްވެތިބިބަޔަކު ނުވަތަ މިދެންނެވިމީހުނަށް މިކަމުގެ ފުރިހަމަ އަގު އަދާކޮށް ކޮންޓްރެކްޓް އުސޫލުން މިކަން ކުރިބަޔަކު އިގެންބޭނުމޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

24 July 2021

ކަމެއް ކުރިކަމަށްވާނީ ކަން ކުރި މީހުންގެ ބަދަލުގައު ކަން ކުރުވި މީހުން ހާމަ ކުރީމަ، ޔައުނީ ފަންޑު ކުރިމީހުން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލް

24 July 2021

ތިކަން ދާނީ ބޮޑު ނިގުލައް. ތި ތަހުގީގައް ކުރި ހަރަދާ ބަލާފަ އިތުރައް ކަމެއް ސާފެއްނުވާނެކަން ޔަގީން. ހަރުކަށި ފިކުރާ ޖެހި ތިކަން ނިމިގެން ދާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓުކިޔާ ކުއްޖާ

24 July 2021

ތިކަންވެސް ބަލަންވީ އެހަމަލާގަ ޒަހަމްވި ނިކަމެތި ދިވެހި ރައްޔިތުމީހާ އަށްވެސް އަޅާލަންވީ ، އެއީ ގައުމެއްގެ ގައުމިއްޔަތު ކަމަކީ، ވަކި ގިންތި އަކަށް ނުބަލާ ކާރިސާތަކުގަޔާއި އެހެންވެސް ހާދިސާތަކުގަ ވަކިމީހަކު އައީ ބޭފުޅު ފެމިލީން ނޫންވީމަ އަޅައިނުލާ ދޫކޮށްލުމުގެ ސިޔާސަތު ދޫކޮށްލާ ގޯތި ގެދޮރަށް ސަލާން ޖަހަން ނުޖެހޭ މުޖުތަމައެއް ބިނާކޮށްދެއްވާ، އާދޭސްކޮށްފަ ބުނަން ކުލިދައްކަމުން ކައްވަޅަށް ދާންޖެހެނީ ގެދޮރުވެރި އަކަށްނުވެ މި ދިވެހި ގައުމުގައި