ޚަބަރު / ރާއްޖެ-ޗައިނާ

ޗައިނާގެ އިސްތިގްގާލަށް ނުރައްކާވާ ކަމަކަށް ތާއީދު ކުރެއްވުމުން ނަޝީދަށް ރައްދު ދީފި

ޗައިނާ އިން ބުނީ، އަސްކަރީ ބާރު ދައްކައި އެ ގައުމަށް ބިރު ދައްކަން އުޅުމަކީ ޗައިނާގެ އިސްތިގްލާލާއި ސަލާމަތަށް ނުރައްކާވާ ކަމެއް ކަމަށް.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު މީޑިއާބްރީފިންއެއްގައި ވާހަކަފުޅުދައްކަވަނީ: ޗައިނާ އެމްބަސީއިން ވަނީ އެމަނިކުފާނުގެ ޓްވީޓަށް ރައްދު ދީފަ -- ފޮޓޯ: ނިޝާން އަލީ/ މިހާރު

ނަޖާހް މަސްއޫދު، މިހާރު

28 ޖުލައި 2021 - 13:34

77 comments

އިނގިރޭސި މަނަވަރުތައް ސައުތު ޗައިނާ ކަނޑަށް ވަނުމުން ހިތްހަމަޖެހިވަޑައިގަންނަވާ ކަމަށް ރާއްޖޭގެ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވުމުން، ރާއްޖޭގައި ހުންނަ ޗައިނާ އެމްބަސީން އެ މަނިކުފާނަށް ރައްދު ދީފި އެވެ.

އެޗްއެމްއެސް ކުއީން އެލިޒަބަތު ނަމަކަށް ކިޔާ އެއާ ކްރާފްޓް ކެރިއަރަކާއި އެ ކެރިއަރާއެކު ދަތުރުކުރާ ސްޓްރައިކް ގްރޫޕްގެ މަނަވަރުތައް ޗައިނާގެ އިންޒާރުތަކަށް ބެލުމެއް ނެތި، މި ހަފުތާގައި ވަނީ ޗައިނާ އިން މިލްކުވެރިކަމަށް ދައުވާކުރާ ސައުތު ޗައިނާ ކަނޑަށް ވަދެފަ އެވެ. އެ ކެރިއަރާއެކު އިނގިރޭސި ރޯޔަލް ނޭވީގެ ހަ މަނަވަރަކާއި ސަބްމެރިންއަކާއި އެމެރިކާގެ މަނަވަރަކާއި ނެދަލޭންޑްސްގެ މަނަވަރެއް ދަތުރު ކުރެ އެވެ.

މިދިޔަ ހޯމަ ދުވަހު ފާހަގަކުރި ރާއްޖޭގެ 56 ވަނަ މިނިވަން ދުވަހު ނަޝީދު ކުރެއްވި ޓްވީޓެއްގައި ވިދާޅުވީ، ސައުތު ޗައިނާ ކަނޑުގައި އޮންނަ ސްޕްރަޓްލީ ރަށްތަކުގެ ވަށައިގެންވާ ކަނޑުގެ ސަރަހައްދުގެ ދަތުރުފަތުރުކުރުމުގެ ހައްގު ހިމާޔަތް ކުރުމަށް އެ ކަނޑަށް އިނގިރޭސި މަނަވަރުތައް ވަނުމަކީ މިނިވަން ދުވަހު އެ މަނިކުފާނަށް ލިބިވަޑައިގަންނަވާ ހިތްހަމަޖެހުމެއް ކަމަށެވެ.

ސައުތު ޗައިނާ ކަނޑަށް އެ މަނަވަރުތައް ވަނީ އެހެން ގައުމުތަކުގެ އުޅަނދުތަކަށް އެ ސަރަހައްދުން ދަތުރުކުރުމުގެ ހައްގު ކަށަވަރު ކުރަން "ފްރީޑޮމް އޮފް ނެވިގޭޝަން" އޮޕަރޭޝަނެއްގަ އެވެ.

This Maldivian Independence Day (from Britain), I was pleased to see a British Carrier Strike Group enter the South China Sea near the Spratly Islands, to ensure the right of navigation around the islands. @caron_rohsler pic.twitter.com/jOblhwZgjR
— Mohamed Nasheed (@MohamedNasheed) July 27, 2021

މިނިވަން ދުވަހު ނަޝީދު ކުރެއްވި ޓްވީޓް

ނަޝީދުގެ ޓްވީޓަށް ރައްދު ދީ، ރާއްޖޭގައި ހުންނަ ޗައިނާގެ އެމްބަސީން ކުރި ޓްވީޓެއްގައި ބުނީ، ޗައިނާގެ ވަށައިގެންވާ ކަނޑުގެ ސަރަަހައްދާއި އެ ކަނޑުން ބައިނަލްއަގްވާމީ ގާނޫނުތަކާ އެއްގޮތަށް ދަތުރުކުރުމުގެ ހައްގަށް އެ ގައުމުން އިހުތިރާމް ކުރާ ކަމަށެވެ.

ނަމަވެސް، އަސްކަރީ ބާރު ދައްކައި ޗައިނާ އަށް ބިރު ދައްކަން އުޅުމަކީ އެ ގައުމުގެ އިސްތިގްލާލާއި ސަލާމަތަށް ނުރައްކާވާ ކަމެއް ކަމަށާއި އެއީ ސަރަހައްދީ ހަމަޖެހުން ގެއްލޭނެ ކަމެއް ކަމަށް އެމްބަސީގެ ޓްވީޓުގައި ބުންޏެވެ. އެހެންކަމުން އެއީ އެ ގައުމުން ދެކޮޅު ކަމެއް ކަމަށް ބުންޏެވެ.

ޗައިނާ އިން ރާއްޖެ ދަރަނި ދަންތުރައެއްގައި ޖައްސާފައިވާ ކަމަށް ނަޝީދު މީގެ ކުރިން ވިދާޅުވާތީ ވެސް ރާއްޖޭގައި ކުރިން ހުންނެވި ސަފީރު ޖަންގް ލީޖޮންއާ ދެމެދު ހޫނު ބަހުގެ ހަމަލާތަކެއް ބަދަލުކުރި އެވެ. ޖަންގް ލީޖޮން އަށް ފަހު، ޗައިނާ އިން ރާއްޖެ އަށް އާ ސަފީރެއް ކަނޑައަޅާފައި ނުވާއިރު މި ފަހަރު ނަޝީދަށް ރައްދު ދީފައި ވަނީ ޗައިނާގެ އެމްބަސީގެ ޓުވިޓާ އެކައުންޓުންނެވެ.

@MohamedNasheed We respect the freedom of navigation and overflight in waters around China enjoyed by countries in accordance with international law, but firmly opposes the practice of flexing muscles targeting China, ...
— Chinese Embassy in Maldives (@ChinaEmbassyMV) July 28, 2021

ޗައިނާ އެމްބަސީގެ ޓްވީޓް.

ސައުތު ޗައިނާ ކަނޑަކީ އިރުމަތީ އޭޝިއާގެ ގިނަ ގައުމުތަކަކުން އެ ސަރަހައްދެއްގެ މިލްކުވެރިކަމަށް ދައުވާ ކުރާ ސަރަހައްދެކެވެ. ޗައިނާގެ އިތުރުން ފިލިޕީންސް، ޓައިވާން، މެލޭޝިއާ، ވިއެޓްނާމް، އަދި ބުރުނާއިއިން ސައުތު ޗައިނާ ކަނޑުގެ އެކި ސަރަހައްދުތަކަށް ދައުވާ ކުރެ އެވެ.

ސްޕްރެޓްލީ އައިލެންޑްސްއަކީ ވެސް މި ގައުމުތަކުން މިލްކުވެރިކަމަށް ދައުވާ ކުރާ ރަށްތަކެކެވެ. އެ ރަށްތައް ހިމެނޭ ސަރަހައްދަކީ ގޭހާއި ތެޔޮ ރިޒާވްތަކުން މުއްސަނދި އަދި މަސްވެރިކަމަށް ވެސް ތިޔާގި ސަރަހައްދުތަކެއް ކަމަށް ވެ އެވެ.

އެ ސަރަހައްދުގައި އެންމެ ބާރު ގަދަ ޗައިނާ އިން ވަނީ އެ ގައުމުގެ ނުފޫޒު އިތުރަށް ގަދަކުރުމަށް ރަށްތައް ހިއްކައި އެ ތަންތަނުގައި އަސްކަރީ ބޭސްތައް ވެސް އަޅައިފަ އެވެ.

ރައީސް މުހައްމަދު ނަޝީދު ޗައިނާ އިނގިރޭސިވިލާތް ރާއްޖެ-ޗައިނާ މިލިޓަރީ އިގިރޭސިވިލާތް

77 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗަރުކޭސް

30 July 2021

މީނާގެ ކޮސްކަމުން ހުރިހާ ލަދެއްގަންނަން މި ޖެހެނީ ހުރިހާ ދިވެހީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

29 July 2021

ހަޤީޤަތުގަވެސް ނަޝީދު އިންޑިޔާ ކަނޑުގެ ސުލްހަ މަސްލަސް ނަގާލާ ގަޑުބަޑު ކޮށްލައިފި. ވަގުތުން ވަގުތަށް މިކަލޭގެ ހިފާ ހައްޔަރުކުރުމަށް ގޮވާލަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކްލިކީ

29 July 2021

ބެހެވޭވަރުގެ މީހުންނާ ބެހޭ ނަމަވެސް ތަންކޮޅެއް ރީތިވީސް. އިންޑިއާގެ ތާއީދު ހޯދަން ކޮންމެފަދަ އެއްޗެއް ކިޔަންވެސް ތައްޔާރަށް ހުންނަނީ ފުދޭ ވަރެއްގެ އެއްޗެއް ބަދަލުގައި ލިބޭތީކަމަށް ބެލެވޭ. ގައުމުތަކުގެ މެދުގަ ދޭތެރެ ޖައްސާ އެންމެ ބޮޑު މެޝިން ކޮންޓްރޯލުން ނައްޓާފަ ހުއްޓާ ދިމާއަށް ކުރިމަތީ ފެންނަން ހުންނަ ހުންނައިރުވެސް ޚާރިޖީ ވަޒީރަށް ފެންނަނީ ނިމުނު ސަރުކާރުން ކުރި ކަންކަން. މިހާރު ހިނގަމުންދާ ކަންކަން ފެނުމުގެ ގާބިލްކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުބިރު

29 July 2021

މީނައަކީ ހަމައެކަނި މިގައުމު ފަސާދަކުރަން އުޅޭ މީހެއް ނޫން. މުޅި އޭޝިއާ ސަރަހައްދު ފަސާދަކުރަން އުޅޭ މީހެއް. ސަރަހައްދީ ސަލާމަތަށް ނުރައްކާކުރާ މިފަދަ މީހުން ދެނެގަނެ ބަލައި ކަނޑައަޅާނެ ސިސްޓަމެއް ދުނިޔޭގަ ނޯންނާތީ އަދި މިފަދަ މީހުން ކޮންމެފަދަ ދީނާ ޚިލާފު އަމަލެއް ކުރިއަސް އެކަން ބެލުމުގެ ކެރުންތެރިކަމެއް އެ ގައުމެއްގަ ނޯންނާތީ މިފަދަ މީހުން މިނިވަންކަންމަތީ މިހެން ތިބެ ބޮޑެތި ފަސާދަތައް ކުރަމުންދާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދު

29 July 2021

ދިވެއްސަކަށްވެހުރެ އަންނިވެސް ނުބެހެންޖެހޭކަންތައް ހުނނާނެ މުސްކުޅި ހަރުބަހެއްގައި އޮންނާނެ ,"ތިމާއާއި ނުބެހޭ ކަންތަކާ ނުބެހި ހުރުމަކީ ތިމާގެ ހަރުދަނާ ކަމުގެ ތެރެއިން ވާކަމެކެ"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީމާހު

29 July 2021

ނަޝީދުގެ މަގުސަދަކީ އިންޑިއާ އާއި ހުޅަނގު ރުއްސުން. ސިޔާސީ ގޮތުން ފައިދާއެއް ލިބޭތޯ ބެލުން. ގައުމުތަކުގައި ތިބޭ ޕަޕެޓުންވެސް. އެކަމަކު މިފަދަ ދަށު ދަރަޖައަކަށް ވެއްޓިގެން ވެރިކަމުގެ ދަހިވެތި ކަމުގައި އުޅޭމީހަކު ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުބޭ

29 July 2021

އިނގިރޭސިވިލާތުގެ ބޮޑުވަޒީރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

29 July 2021

މައުމޫނު ކޮބާ. އިބްރާހީމް ނާޞިރު މިގައުމުގެ ވެރިކަން ދޫކޮށްފަ ދިޔައިރު ދިޔައީ އޭރު ގައުމުގައިހުރި އެންމެ ހެޔޮލަފާ މީހާއާ ވެރިކަން ހަވާލުކޮށްފަ. މައުމޫނު 30 އަހަރު ވެރިކަންކޮށްފަ ވެރިކަން ދޫކޮށްލީ ކޮންބައެއްގެ އަތްމައްޗަށް. މިހާރު މިފެންނަނީ ފެންނަޖެހޭ ކަންތަކެއްނޫން. އެމެރިކާ އިނގިރޭސިން ކޮންމެ ތަނެއްގަ ތިއްބަސް އެއީ އެމީހުންގެކަމެއް. ދިވެހިންނާ ބެހޭނީ ދިވެހިންގެ ސަރަހައްދަށް އައީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާމަރާ

29 July 2021

އަންނި މާއަގަ ގަދަވަނީ ނުބެހޭ އެއްވެސް ކަމެށް ނޯވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

29 July 2021

އަހަންނަށް ފާހަގަވާ ކަމަކީ މިމީހުންގެ ވެރިކަން ހަމަފެށޭއިރަށް ބޯފެންފަދައިން ރަލުގެ ބާވަތްތަށް މާލެހުޅުމާލޭގައި އިތުރުވެގެންދާކަން ، އިސްލާމްދީނަށް ފުރައްސާރަކުރުން އިންތިހާ އިތުރުވެ ނަސޯރާ ދީން ފެތުރުމުގެ މަސައްކަތް މެކުހަށްޖަހާކަން ، ކުރިން އަރަބިގައުމުތަކަށް ބަހުގެ ހަމަލާފޮނުވާ މިފަހަރު ޗައިނާއާއި ބެހިގެން މިއުޅެނީ ، މިނިވަންދުވަހެއް އައިކަމުގެ އެއްވެސް އިހުސާސް އެއްނުކުރެވޭ މިފަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީނުރައްކާ

29 July 2021

މިއައަންނިއަކީ ގައުމަށްޖެހިފައިވާ ނުފޮރުއްޕާނެއް. ގައުމުތެރޭވެސް ދެބައޮޑުވަނީ، މިގައުމާއި އެހެންގައުމުތަކާވެސް ޖައްސަނީ. އަދިއެވަރުން ނުފުދިގެން އެހެން ގައުމުތަކުގެ މެދުގައިވެސް ނުތަނަވަސްކަންއުފައްދާ ދާކޮންމެތާކުގައިވެސް މައްސަލަ އުފައްދާ މީހެއް. އެކަމަކު ހީކޮށްގެން ހުންނަނީ ވަރަށް ޕޮޕިއުލާމީހެއްކަމަށް!