އެޑިއުކޭޝަން މިނިސްޓްރީގައި މިއަދު ބޭއްވި ނިއުސް ކޮންފަރެންސްގައި އެޑިއުކޭޝަން މިނިސްޓަރު ޑރ. އައިޝަތު އަލީ ވާހަކަދައްކަވަނީ.-- ފޮޓޯ: އަހުމަދު އަވްޝަން/ މިހާރު
08 އޯގަސްޓް 2021 - 17:34
7 comments
ހާއްސަ މާއްދާތައް ކިޔަވައިދިނުމަށް، އެހެން ސަރަހައްދުތަކުން އާބާދީ މަދު ކުދި ރަށްރަށަށް ބަދަލުވާ ޓީޗަރުންނަށް ހާއްސަ އެލަވަންސެއް ދޭން ސަރުކާރުން ނިންމައިފި އެވެ.
އެޑިއުކޭޝަން މިނިސްޓްރީގައި މިއަދު ބޭއްވި ނިއުސް ކޮންފަރެންސްގައި، މިނިސްޓަރު ޑރ. އައިޝަތު އަލީ ވިދާޅުވީ މާލޭގައި ގުރުއާން ކިޔަވައިދޭ ޓީޗަރުން ގިނަ ކަމަށާއި އެކަމަކު، އެގޮތަށް ކިޔަވައިދޭން ކުޑަ ރަށަކަށް ބަދަލުވާނެ ޓީޗަރުން ނުލިބޭތީ އެ މައްސަލައަށް ހައްލު ހޯދުމަށް މަސައްކަތް ކުރަމުން އަންނަ ކަމަށެވެ.
ގުރުއާން ކިޔަވައިދޭނެ ދިވެހި ޓީޗަރުން ހޯދަން އެތައް ފަހަރަކު އިއުލާނު ކޮށްގެން ވެސް ޓީޗަރުން ނުލިބުމުން މި އަހަރު ފަސް ރަށަކަށް ފޮނުވާފައިވަނީ އިންޑިއާ އިން ގެނައި ގާރީންތަކެކެވެ.
މިނިސްޓަރު ވިދާޅުވީ، ޓީޗަރުންގެ ދަތިކަން ހައްލުކުރަން އެހެން ރަށަކަށް ގޮސްގެން ކިޔަވައިދޭ ނަމަ އެ ޓީޗަރަކަށް އިތުރު އެލަވަންސެއް ދޭން ރައީސް އިބްރާހިމް މުހައްމަދު ސޯލިހު ހުއްދަ ދެއްވާފައިވާ ކަމަށެވެ.
"... މާލޭގައި ވަރަށް ގިނަ ގުރުއާން ޓީޗަރުން. ކުޑަ ރަށަކަށް ދާނެ މީހުން ނުވޭ. ރައީސުލްޖުމްހޫރިއްޔާ ވަރަށް ބޮޑު އިސްކަމެއް ދެއްވައިގެން ހުއްދަ ދެއްވައިފި އަޅުގަނޑުމެންގެ އެދުމަކަށް އެހެން ރަށަކަށް ގޮސްގެން ކިޔަވައިދޭ މުދައްރިސަކަށް ވެއްޖިއްޔާ އެ ބޭފުޅަކަށް އިތުރު އެލަވަންސް ދޭން. މިހާރު އެކަން ވަނީ ހަމަޖެހިފައި،" މިނިސްޓަރު ވިދާޅުވި އެވެ.
އިސްލާމިކް ޔުނިވާސިޓީ އަދި ގުރުއާނާ ބެހޭ މަރުކަޒު ގުޅިގެން ގުރުއާން ޓީޗަރުން ތަމްރީނުކުރަން މި މަހުގެ ތެރޭގައި ފަށާނެ ކަމަށް މިނިސްޓަރު ވިދާޅުވި އެވެ. މި ބުރުގައި 200 ޓީޗަރުން ތަމްރީނުކުރަން އަމާޒުކޮށްފައިވާއިރު ކުރިއަށް އޮތް 10 އަހަރަށް ޓީޗަރުން ތަމްރީނު ކުރުމުގެ މަސައްކަތް ވެސް ވަރަށް އަވަހަށް ފަށާނެކަން މިނިސްޓަރު ފާހަގަކުރެއްވި އެވެ.
އޭނާ ވިދާޅުވި ގޮތުގައި ޓީޗަރުން މަސައްކަތް ކުރަނީ މުސާރައަކަށް ނޫނެވެ. އެ މީހުން އަދާކުރަނީ 24 ގަޑިއިރުގެ ވަޒީފާއަކަށް ވާތީ ޓީޗަރަކަށް ހައްގު އުޖޫރަ ދިނުމަކީ ވެސް ދަތި ކަމަކަށް ވިޔަސް، އެ މީހުންނަށް ރަނގަޅު ގޮތް ހެދުމަށް އަބަދު ވެސް މަސައްކަތްކުރާ ކަމަށް ޑރ. އައިޝަތު އަލީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިކަލޯ
10 August 2021
ޓީޗަރުންވީމަ މަސައްކަތްކުރަންވީ ފީ ސަބީލިއްލާހިއަށް އެހެންމީހުން މުސާރައަށް. ޓީޗަރުން މަސައްކަތްކުރަނީ މުސާރައަށް ނޫނޭ ކިޔައިގެން މީހުންހައްދައިގެން ވަޒީފާއަށް ފޮނުވުނު ޒަމާން މާޒީވިތާ ކިތަންމެ ދުވަހެއް އޭގެ ހެއްކަކަށް ރާއްޖޭގެ ކަންކޮޅުތަކުގައި ތިބި ޓީޗަރުންގެ އުމުރުބަލާލީމަ އެނގޭ. ޒުވާނަކު ތައުލީމީ ދާއިރާއާއި ވައިވެސް ނޭޅޭ ނުވެސް އެޅޭނެ. އަދި އަހަރެންވެސް ގަބޫލެއް ނުކުރަން ޒުވާނުން ދިރިއުޅުން ސެކްރިފައިޒް ކޮށްފަ އުޅުމަކީ ބޭނުން ކަމެއްކަމަކަށް.
ހިޕޮކްރަސީ
09 August 2021
ދިވެހި ޓީޗަރުގެ މުސާރަ: 10000 އިތުރު އެލަވަންސަކަށް އެކައްޗެއްވެސް ނެތް. ހަމަ އެފެންވަރުގެ ބިދޭސީ ޓީޗަރުގެ މުސާރަ: 10000 ފުޑް އެލަވަންސް 3000 އެކޮމޮޑޭޝަން 3000 ކަރަންޓް ބިލް ސަރުކާރުން ފެންބިލް ސަރުކާރުން. މިއީ މުޅި ދައުލަތުގަޔާ ޕްރައިވެޓް ސެކްޓާގަ ކަން އޮތްގޮތް. މި ފަރަގު ނައްތާލަބަލަ ކަލޭމެން ފުރަތަމަ ކަލޭމެންގެ އިޙްލާސްތެރިކަމެއް ހުރިއްޔާ
ކުއްރާސް
09 August 2021
ތިޔަ ދޭންއުޅޭ އެލަވަންސެއްވެސް ނިކަން ބޭރުމީހުންނަށްދޭ އެލަވަންސްތަކާ އެއްވަރުކޮށްބަލަ، އެމީހުންގެ ވޯރކްވިސާފީއާއި، އެމީހުންގެ ލިވިންގް އެލަވަންސާއި، އެމީހުންގެ ފުޑް އެލަވަންސް ދޭގޮތަށް އެ ހުރިހާ އެލަވަންސްތަކާ އެއްވަރުގެ އެލަވަންސެއް ނިކަން ދިވެހިންނަށްވެސް ދީބަލަ، ޓީޗަރުން ލިބުން ދައްޗެއްނުވާނެ، ހަމަގައިމުވެސް، ވަރަށް ޓެކްނިކަލް ދާއިރާއަކުންނޫނީ ބޭރުންގެންނާކަށް ނުޖެހޭނެ.
ޢީޑީޢޯ
08 August 2021
ޓިޗަރުންގެ އޮނިގަނޑު 2019 ވަނަ އަރުން ފެށިގެން ނިމެނީ ކިޔާލަ ކިޔާލާ! ޓީޗަރުންނަށް ލިބެނީ "ލާރީގެ އަޑު". 24 ގަޑިއިރުގެ ވަޒީފާއެކޭ ބުނެ ދެނީ ކޯޓެއްގެ މަސައްކަތު މީހަކަށްވުރެ ކުޑަ މުސާރައެއް. ޓިޗަރުންނަށް އަދި ސްކޫލުތަކުގެ އިދާރީ މުވައްޒަފުންނަށް އިތުރުގަޑީ ކިތައްމެ މަސައްކަތެއް ކުރިޔަސް ދެނީ %10 އޯޓީ. އެޑިޔުކޭޝަންގެ މައި އޮފީހުގެ އިދާރީ މުވައޒަފުންނާި އީޑީޢޯއިންނަށް އިތުރުގަޑީ ފައިސާ ލިމިޓެއް ނެތި. 15 ހާހުން 20 ހާހުން އޯޓީ.. މިއީ ޢިންސާފުތޯ؟
ކަމީލާ
08 August 2021
ކޮން އެލެވަންސެއްގެ ވާހަކަ ތިޔަ ދައްކަނީ؟ މިއުޅެނީ ރާއްޖޭ ރައްޔިތުކަން އޮންނަ މީހުންނާއި ބިދޭސީ މީހުންނާއި މުސާރަ އަދި އެލެވަންސްގެ ފަރަގު ބަދަލު ނުކުރެވިގެން! ބިދޭސީ މީހާއަށް އެކަމޮޑޭޝަން އަދި ފުޑް އެލެވަންސް ދީފަ ދިވެހި މީހާ ނިކަމެތި ކޮށްލަނީ! ގައުމީ ޔުނިވާސިޓީގަވެސް ހަމަ އެހެން! ރިސޯޓުތަކުގަވެސް ހަމަ އެހެން!
ލީލާ ބަންސާލީ
08 August 2021
ދިވެހިޓީޗަރުން ހަމަ ފޮނީ. އަމިއްލަ ރަށަށްވެސް ގޮސްގެންނުވޭ. ބަޔަކު ގޮސްގެންތާ މަޑުމަޑުންނަމަވެސް ތަރައްގީވާނީ.
އެކަލޯ
10 August 2021
އެމީހެއްގެ އާއިލާމީހަކު ކީއްކުރަން ތިމާގެ މީހަކުވިޔަސް ޓީޗިންނާއި ކާރިވިޔަވެސް ނުދޭ މީހުން އެހެން މީހުންނަކީ ފޮނި ބަޔެކޭ ބުނާތީ ލަދުގަނޭ