ވިލިމާލެއާއި ގުޅިފަޅާ ދެމެދު އޮންނަ ސަރަހައްދު. 2023 ގެ ކުރިން މާލެއާއި ވިލިމާލެ ގުޅައިލާ ބްރިޖް ހުޅުވާނެ-- ފޮޓޯ: ޒޫނާ ނަސީމް
12 އޯގަސްޓް 2021 - 14:46
31 comments
މާލެއިން ފެށިގެން ތިލަފުށްޓާ ހަމައަށް އަޅާ ބްރިޖްގެ ބައިތަކުގެ ތެރެއިން މާލެ-ވިލިމާލެ ގުޅުވައިދޭ ބައި، މި ސަރުކާރުގެ ފަސް އަހަރުގެ ތެރޭގައި ހުޅުވަން އަމާޒު ހިފައިފި އެވެ.
ރައީސް އޮފީހުގައި އިއްޔެ ބޭއްވި މީޑިއާ ބްރީފިންގައި ރައީސް އިބްރާހީމް މުހައްމަދު ސޯލިހު ވިދާޅުވީ ބްރިޖްގެ މަސަައްކަތް ކުރިއަށް ގެންދާނީ ނިމޭ ވަރަކުން ނިމޭ އެކި ބައިތައް ހުޅުވާ ގޮތަށް ކަމަށެވެ.
ރައީސް އޮފީހުގައި އިއްޔެ ބޭއްވި މީޑިއާ ބްރީފިންގައި ރައީސް ވާހަަކަދައްކަވަނީ. އެމަނިކުފާނު ވިދާޅުވީ ތިލަފުށި، ގުޅިފަޅު އަދި ވިލިމާލެ މާލެއާ ގުޅުވައިލާ ބްރިޖްގެ ބައިތައް ނިމޭ ވަރަކުން ހުޅުވަމުން ގެންދާނެ ކަމަށް. ފޮޓޯ: ރައީސް އޮފީސް
ތިލަފުށިން ފެށިގެން ގުޅިފަޅާއި ވިލިމާލެއާ އެކު މާލެ ގުޅުވައިލުމަށް އިންޑިއާގެ އެހީގައި އަޅާ ބްރިޖްގައި އޮންނާނީ ތިން ބައެކެވެ. އެއީ މާލެ-ވިލިމާލެ ގުޅުވައިދޭ ބަޔާއި ވިލިމާލެ-ތިލަފުށި ގުޅުވައިދޭ ބަޔާއި ތިލަފުށިން ގުޅިފަޅަށް އޮންނަ ބައެވެ. ރައީސް ވިދާޅުވީ އިންތިހާބުގެ ކުރިން ބްރިޖް ތިލަފުށްޓާ ހަމައަށް ނުގެންދެވުނަސް ބޮޑު ބައެއް ނިމޭނެ ކަމަށެވެ.
"ބްރިޖް ވެސް އެކީ ގޮސް އަޅުގަނޑަކަށް ހިއެއް ނުވޭ 2023 އަންނަ އިރު، ތިލަފުށްޓާ ހިސާބަށް ގެންދެވިދާނެހެނެއް، މިހާރު މި ކޮވިޑާ ހެދި ގެއްލުނު ދޮޅު އަހަރާ އެކީގައި. އެހެން ނަމަވެސް ބޮޑުބައެއް އޭގައި ނިމޭނެ. ނިމުމާ އެކީގައި އެބައި ހުޅުވަމުން ގެންދިއުން އަޅުގަނޑުމެންގެ ވިސްނުމަކީ،" ރައީސް ވިދާޅުވި އެވެ.
ސަރުކާރުގެ އިސް އޮފިޝަލަކު އިއްޔެ ވިދާޅުވިގޮތުގައި ރައީސް އެ ވިދާޅުވީ 2023 އަންނަ އިރު ބްރިޖްގެ މަސައްކަތް ވިލިމާލެއާ ހަމައަށް ނިމި، މާލެއާއި ވިލިމާލެ ގުޅައިލާ ބައި ހުޅުވޭނެ ވާހަކަ ކަމަށެވެ. ސަރުކާރުން އުއްމީދުކުރަނީ އޭނާ ވިދާޅުވި ގޮތުގައި އެހައިތަނަށް ދާއިރު އެއަށް ވުރެ ވެސް އިތުރަށް ބްރިޖްގެ މަސަކަތް ކުރިއަށް ގެންދެވޭނެ ކަމަށެވެ.
ރައީސް އިއްޔެ ވިދާޅުވި ގޮތުގައި އިންޑިއާގެ އެގްޒިމް ބޭންކްގެ ލޯނަކުން ހިންގާ އެ ޕްރޮޖެކްޓްގެ ބިޑް މިހާރު ވަނީ ބަޔަކަށް އެވޯޑްކޮށްފަ އެވެ. އެކަމަކު އެ މަސައްކަަތުގެ އެއްބަސްވުމުގައި ސޮއިކުރުމުގެ ކުރިން ކުރަން ޖެހޭ މަޝްވަރާތަކެއް އޮންނަ ކަމަށާއި އެ މަޝްވަރާތައް މިހާރު ވެސް ކުރިއަށްދާ ކަމަށް އެމަނިކުފާނު ވިދާޅުވި އެވެ.
"ބަޔަކަށް ބިޑް އެވޯޑްކޮށް، އެގްރިމެންޓްގައި ސޮއިކުރުުމުގެ މަރުހަލާގައި މިހާރު އޮތީ. އެގްރިމެންޓްގައި ސޮއިކުރުމުގެ ކުރިން، އެ ބިޑް ޑޮކިއުމެންޓްގައި އެބަ އޮވޭ ކުރަން ޖެހޭ މަޝްވަރާތަކެއް، ދެ ފަރާތުން،" ރައީސް ވިދާޅުވި އެެވެ.
ތިލަފުށްޓާއި ގުޅިފަޅު އަދި ވިލިމާލެ، މާލެއާ ގުޅުވައިލާ ބްރިޖްގެ މަސައްކަތަށް ހަރަދުކުރާނީ އިންޑިއާގެ އެގްޒިމް ބޭންކުން ދިން 400 މިލިޔަން ޑޮލަރުގެ ލޯނަކާއި އިންޑިއާ ސަރުކާރުން ދޭ 100 މިލިޔަން ޑޮލަރުގެ ހިލޭ އެހީ އިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
20000000
22 August 2021
އެކަކު ބްރިޖް އެޅިއްޔާ އަނެކަކު ބްރިޖް އަޅަން ނޫޅެ ބަލަ... އަހަރަމެން ރަށު ހޮސްޕިޓަލުގައި އެމްބިއުލާންސްގަޑު ހަދާ ދީބަލަ.. ކުރަންވީ ކަމެއް ނުކުރަންވީ ކަމެއް ނޭނގެ. އަނެއްކަލޭގެ އުޅެނީ ބަރުޒަމާނީ ނުގެނެވިގެން . މަޖިލީހުގައި ތިބި ބޭކަލުންނަށް ކެވޭ ލާރި މަދު ކަމުން
ސަރީފު
13 August 2021
އިންޑިއާއަށްވެސް ބުރިޖް އެޅޭނެ، އެހެނަސް މަސައްކަތުގެ ސްޕީޓްލަސްވެފައި ކޮލިޓީދައްވާނެ، މިސާލަކަށް އިންޑިއާގެ ބޮންބޭގައި ތިލަކަޑު ހުރަސްކޮއްއެޅި ބުރިޖް އަޅަން 10 އަހަރު ނެގި ރާއްޖޭގައި އިންޑިއާއިން އެޅި ހޮޓެލް ސްކޫލް 10 ބުރިއިމާރާތައް8އަހަރު ނެގި ހަދާނިންމާފައި ހަވާލު ކުރި އިރު ކުރީ އަލުން މަރާމާތު ކުރަން ވެފައި މިކަން ދައްނާނެ މީހުން މިހާރުވެސް ތިބޭނެ، ސަލާމް
ނަސީ
13 August 2021
ކަންވާރު ރޯލަކުން ތިބުނާ ބިރްޖް ގުޅާލާ ތަން ފެނިގެންދާނީ އެނޫންގޮތަކަން މިސަރުކާރަކައް ތިކަމެއް ނުވާނެ
ޝިރާނި
13 August 2021
އިންޑިޔާ އައުޓް. އިންޑިޔާގެ އަޑިނުބައިކަން ވަރައްސާފު
އެމެރިކާ
13 August 2021
އަސްލު އިންޑިޔާގެ ބޭނުމަކީ ލޯނުގެ ދަންތޫރާގަ ޖެއްސުން. ދިވެހި ރާއްޖެ އިދަޖައްސާލުން ކުރިމަގު ފެލާލުން. ބައެއްމީހުންނަ ނުވިސްނެނީ މިކުރަން އުޅޭކަމާމެދު މިލިޓަރީ ޕްލޭން އިންޑިޔާގެ އޮތީ
ބޯޓުދެލި
13 August 2021
ޔާމީނު މާލެއާއި ހުޅުލެއާއި ދޭތެރޭ ބުރިޖު އަޅަނީއޭ މިއަތޮޅު ކަންނެލިދޯނިފަހރުމީހުން ކިޔާތީ ހަގީގަތްބަލަން މިރަށު ބަޔަކު މާލެގޮސް ބެލިއިރު އަސްލުގަ ޗައިނާބައެއް އެކަމުގަ އުޅުނީ. ފަހުން ތަންކޮޅެއް އޮޅުންބޮޅުން ކަހަލަ ގޮތަކަށް ވާހަކަ ހުރީ.
އަނގުރުސިންގު
13 August 2021
ހާހެއްހާ މީހުން އުޅޭ އުތުރު ރަށްރަށުގަ އެހުންނަނީ ބިން ހުސްވެދާނެއޭކިޔާފަ ފަރުމައްޗާއެކީ ވަށައިގެން ބޮޑުހިލަޖަހާ ހިއްކާފަ، އެކަމަކު ކ.ވިލިނގިލީގެ ބިން އިންތިހާއަށް ތާށިވެގެން އުޅޭއިރު ފަޅު ހިއްކައިގެން ކަމަކުނުދޭ، ފަޅު އޮންނަނީ އޮތްގޮތަށް ބާއްވާފަ. މިއީ ކިހިނެއް ހިނގާކަމެއްތޯ އިންޑިއާ ބަޔަކުލައްވާ ދިރާސާއެއް ހަދަން ނުވޭތޯ!
މުގޮށި6މީދާ
13 August 2021
ނަސްލީ އިމްތިޔާޒު ނިޒާމުގެތެރެއިން ކުޑަރިކިލު ވަރުގެ ސައިކަލް ދުއްވުން މަނާ ރަށަކަށް އެތައްް ބިލިއަން ރުފިޔާގެ ބުރިޖެއް އަައިގެން ގައުމުގެ އިގުތިސޯދު ކުރިއަރައިގެންގޮސް ލޮލުކޮޅަށް ނުފެންނާނެކަމަށް ދައްކައިގެން ފާޅުގަ ހިންގާ ޖަރީމާއެއް ތިޔައީ. ކުރީގަ މާލޭގެ ގަބީލާތަކުން މިކަހަލަ ޖަރީމާ ހިންގީ ރާއްޖެތެރޭމީހުނަށް ރޭޑިއޯ މެދުވެރިކޮށް "ގައުމީ ލަވަ" ޕުރޮޕެގެންޑާ ހިންގާ ބަހައްޓާފަ އޭގެ ނިވަލުގަ. މިހާރު އާދައިގެކަމަކަށް ހަދާފަ ފާޅުގަ ހިންގާލަނީ.
ބުހާރީ
13 August 2021
ޔަގީނުންވެސް އިންޑިއާ ވަރަށް ލަސްވާނެ. ޢެނެއްކާ ސައިނާ އާއި އަޅާބަލާފައި ފެންވަރު ދަތްވެފައި މަސައްކަތް ހަޑިއެސްވާނެ.
އިބްރ
12 August 2021
ހާދަ ލަހުން ހުޅުވަނީ. މިހާރު އެހެރަގެން ނިމެނީ. 2020 ފެބްރުއަރީގައި ފަށައިގެން ރޮކެޓް ސްޕީޑްގައި އެހެރަގެން ނިމެމުންއެދަނީ. ދުވާލުގެ ދިގުމިން 24ގަޑިން 48ގަޑިއަށް ބަދަލުކޮށް 2 އަހަރު 1 އަހަރަށް ކުރުކޮށް ފަތުއަޑުގޮއްވާލާފައި އެއޮއްގެން ނިމެނީއެވެ. އެހެންވީމާ އަޅުގަނޑު ލަފާކުރަނީ އަންނަ މަހު ބްރިޖް ހުޅުވުމުގެ ރަސްމިއްޔާތު ބޭއްވިދާނެކަމަށެވެ.