އަޅުގަނޑަކީ އަފްޣާނިސްތާނުގެ ރައްޔިތެއް ނަމަ ބައިޑަން އަށް މާފެއް ނުކުރާނަން: ވަހީދު

މުހައްމަދު ނަސީމް، މިހާރު

19 އޯގަސްޓް 2021 - 14:56

އަފްޣާނިސްތާނުގެ ރައްޔިތެއް ނަމަ ނަމަ އެމެރިކާގެ ރައީސް ޖޯ ބައިޑަން އަށް މާފު ނުކުރައްވާނެ ކަމަށް ވިދާޅުވެ، ކުރީގެ ރައީސްް މުހައްމަދު ވަހީދު އެމެރިކާ ސަރުކާރަށް ވަރަށް ބޮޑަށް އިއްޔެ ފާޑުވިދާޅުވެއްޖެ އެވެ.

އދ .ގެ ފަރާތުން އަފްޣާނިސްތާނުގައި ތިން އަހަރު މަަސައްކަތްޕުޅު ކުރެއްވި ޑރ. ވަހީދު "މިހާރު"ގެ "މެދުސަފްހާ" އަށް ދެއްވި ހާއްސަ އިންޓަވިއުއެއްގައި ވިދާޅުވީ އަފްޣާނިސްތާނުން އެމެރިކާގެ ލަޝްކަރުތައް އެހާ ކުއްލި ގޮތަކަށް ބޭލުން އެއީ އުމުރަށް ވެސް ބައިޑަން ހިތާމަ ކުރައްވަން ޖެހިވަޑައިގަންނަވާނެ ކަމެއް ކަމަށެވެ.

އދ. ގެ ފަރާތުން ވަހީދު އަފްޣާނިސްތާނަށް ވަޑައިގެންނެވީ ތާލިބާނުންގެ ފުރަތަަމަ ވެރިކަން، އެމެރިކާ އިސްވެ އޮވެ، 2001 ވަނަ އަހަރު ވައްޓައިލުމަށް ފަހު، އާ ސަރުކާރެއް އުފެއްދި ދުވަސްވަރުގަ އެވެ. އެ މަނިކުފާނާ އދ. އިން ހަވާލުކުރި މަސައްކަތަކީ އެ ގައުމުގެ ތައުލީމީ ނިޒާމު ހަމައަަކަށް އަަޅުވައި އަލުން އާރާސްތުކުރުމެެވެ.

Talibanunge enburi aun: America ge reyvumeh noon tha?

The most trusted news source in the Maldives

Mihaaru

ޑރ. ވަހީދު ވިދާާޅުވި ގޮތުގައި އެމެރިކާއަކީ ލިބަރަލް ޑިމޮކްރަސީ ފެތުރުމުގެ ޗެމްޕިއަނުން ކަމަށް ވިޔަސް، އެ މަސައްކަތް ކުރަން އެ ގައުމަށް މުހިއްމު ވަނީ މާލީ ނުވަތަ އަސްކަރީ މަސްލަހަތު އޮންނަ ހާލަތުގަ އެވެ. އެފަދަ މަސްލަހަތެއް ނެތިއްޖިއްޔާ އިންސާނީ ހައްގުތައް ވެސް އެ ގައުމަށް އެހާ މުހިއްމު ކަމަކަށް ނުވާ ކަމަށް ވެސް އެ މަނިކުފާނު ވިދާޅުވި އެވެ.

ކުރީގެ ރައީސް ވަހީދު "މިހާރު" ގެ "މެދުސަފްހާ" އަށް އިއްޔެ އިންޓަވިއު ދެއްވަނީ.---ފޮޓޯ: ނިޝާން އަލީ/މިހާރު

"މިއަދު އަފްޣާނިސްތާނުގެ ނިކަމެތިންނާއި ފަގީރުންނާއި އަންހެނުންގެ ހައްގުތައް [އެމެރިކާ އަށް] އެހާ މުހިއްމު ކަމަކަށް ނުވި. އެހެން ނަމަ އެހާ ކުއްލިގޮތަކަށް ފައިބައިގެނެއް ނުދިޔައީސް. ދެން މީގައި އިނގޭތޯ އަޅުގަނޑު މިއީ އަފްޣާން ރައްޔިތެއް ނަމަ އަޅުގަނޑު ދުވަހަކު ވެސް ޕްރެޒިޑެންޓް ބައިޑަން އަކަށް މައާފެއް ނުކުރާނަަން،" ޑރ. ވަހީދު ވިދާޅުވި އެވެ.

އެމެރިކާ އިން ކުއްލިއަކަށް އަފްޣާނިސްތާނުން ފޭބިފޭބުމަށް މިހާ ބޮޑަށް ފާޑުވިދާޅުވި އިރު، ޑރ. ވަހީދަކީ އެމެރިކާއާ ވަރަށް ގާތް ގުޅުމެެއް ވެސް އޮންނަ ބޭފުޅެކެވެ. އެ މަނިކުފާނު ވިދާޅުވީ އެމެރިކާގެ ރައީސްގެ އެ ނިންމެވުމަކީ އުމުރަށް ވެސް ހިތާމަ ކުރައްވާނެ ނިންމުމެއް ކަމަށާއި ގިނަ ބަޔަކަށް އެކަމުގެ އަސަރުކުރާނެ ކަމަށެވެ.

Taliban sarukaaru balaigathumakee Raajje ah faseyha kameh noon!

The most trusted news source in the Maldives

Mihaaru

އަފްޣާނިސްތާނުގެ މުޅި ކޮންޓްރޯލް ތާލިބާނުން އަތުލީ އެމެރިކާ އާއި އެ ގައުމުގެ ބައިވެރިން އަފްޣާނިސްތާނު ދޫކޮށްފައި ދިޔަތާ ކުޑަ ދުވަސްކޮޅެއްގެ ތެރޭގަ އެވެ. ދެތިން މަހެއްގެ ތެރޭގައި ބޮޑެތި ހުރިހާ ސިޓީތަކުގެ ކޮންޓްރޯލް އަތުލުމަށް ފަހު ތާލިބާނުން ކާބުލް ހިފީ މިދިޔަ ހޯމަ ދުވަހު އެވެ.

އަފްޣާނިސްތާނަކީ 32 މިލިޔަން މީހުންގެ އާބާދީއެއް އޮންނަ ގައުމެކެވެ.

ތާލިބާން ޓެރަރިޒަމް އަފްޣާނިސްތާން ކާބުލް ޑިޕްލޮމެސީ ހައްދުފަހަނައެޅުން ރައީސް މުހައްމަދު ވަހީދު އެމެރިކާ

49 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރުކޮށް

21 August 2021

އަހަރެންމީ ދިވެއްސެއް އަހަރެން ދުވަހަކުވެސް ވަޙީދަށް މަޢާފު ކުރާކަށް ނެތިން 2008 ގައި އުފެދިގެން އައި ޑިމޮކްރެޓިކް ޅަނދޮޅު ދުޅަހެއު ވެރިކަން ވައްޓާލުމުގައި އެންމެ ބޮޑު ޚާއިނަކީ ވަހީދު އެކަމުގެ ބަނަކަން ގައުމުން ނުފިލާ ރައްޔިތުންގެ އަރުތެރޭގައި ދަނީ އަބަދުމެ އެކަމުގެ ހިތިކަން ދައުުރު ކުރަމުން ގައުމަށް ދިމާވަމުން މިދާ ހުރިހާ ދެރަކމެއްގެ ފެށުން އޮތީ އެހިސާބުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްލާހުޖާޑި

21 August 2021

ރާއްޖޭ ގެ ފުރަތަމަ ޕީއެޗްޑީ އުފުއްލެވުމުގެ ޝަރަފު ލިބިލެއްވި ބޭފުޅެއްގެ ހައިސިއްޔަތުން ތަޢުލީމީ ވަޒީރުކަން ދެއްވީމަ މަނިކުފާނު ގައުމަށް ޚިދްމަތްކުރުމުގެ ބަދަލުގައި އޮފްދާރު ދިރިއުޅުއްވުމުގެ ބޭނުމުގައި ބޮލާލާޖަހާފަ ބޭރަށް ދިޔުމަކީވެސް ދިވެހިން މާފުކުރާނެ ކަމެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

@އިސްލާޙް ޖާޑި

21 August 2021

މީނަ ބޭރުން އައިމަ ކޮން ވަޒީފާއެއްތޯ ދޭނީ އެހީމަ ބުނީ ރައީސް ކަމޭ އެހިސާބުން އެޑިޔުކޭޝަން ގައި ވޮޗަރުން ތިބޭ ބައިގަ ފެންޑާ މަތީ ހުރި މޭޒެއްގަ ބޭންދީމަ ކެތް ނުކުރެވިގެން ބަރުދާސް ނުވެވިގެން އަޅާ ދުއްވައި ގަތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާފުކުރުން

20 August 2021

ވަހީދޫ އަހަރުމެން ކަލެއަށްވެސް ދުވަހަކުވެސް މާފުނުކުރާނަން ކޮންފަދަ ހަޑިމުޑުދާރު ބަގާވާތެއް ކަލޭކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

19 August 2021

އެމެރިކާ އެކޭ ވެރިކަން ކުރާ މީހުން ނެކޭ އެއްގޮތް. ވައްކަމޭ ކޮރަޕްޝަނޭ ކިޠަފައި އައިސް އެމީހަކަށް ޖެހުނުތަނަކުން ކަނީ. ގައުމެއްވާ ނެތް. އަފްޣާނުގައިވެސް ހިއުމަންރައިޓޭ ކިޔާ ނަމުން ޗެމްޕިއަން އަށް ވަނީ މަތީގައި މިބުނިގޮތް ހަމަ. ވަރަށް ސަލާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

19 August 2021

ރައީސް ވަހީދުގެ ވާހަކަފުޅު ބަރާބަރު. އެމެރިކާއަކީ ޑިމޮކްރަސީ އާއި އިންސާނީ ހައްގުތަކުގެ ޝިއާރު ނެރެގެން ހަންފަތުރަން އުޅޭ އިސްތިއުމާރީ ބާރެއް. އިރާގަށް އަރާ އެގައުމު އެއޮތީ ފުޑާލާ ސުންނާފަތިކޮށްފައި. ސޫރިޔާ، ޔަމަން، ލީބިޔާ އިން އެމެރިކާގެ އަނިޔާވެރިކަން ފެންނާނެ. ކޮބާ ފަލަސްތީނު މައްސަލަ. އިޒުރޭލުގެ އަނިޔާވެރިކަން ދިފާއުކުރާނެ. ކުރުކޮށް ނަމަ އެމެރިކާއަކީ ސުންނާފަތި ކުރަން އެނގޭ ބައެއް. ގައުމުތައް ބިނާކުރުމަކީ އެމެރިކާ ދަންނަ ކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޅުފުޅު

19 August 2021

ހެހެ... ބާޑެންގެ ވާހަކައާއި ސީޖިންޕިންގެ ވާހަކައާއި ލަތާމަންޖޭސްކަރުފަދަ ދުރު ކަރަކަރައިގެ މަސްހޫރު މީސްމީހުންގެ ވާހަކަ މިސޮރުމެން ދައްކާލާއިރު އަޑުއަހަންތިބޭ ބަޔަކަށް ހީވާނީ ޖެހިގެންހުންނަގޭ މީހަކާއިބެހޭގޮތުން ވާހަކަދައްކަނީއޭ.