22 އޯގަސްޓް 2021 - 07:26
ތާލިބާނުންގެ އަތްދަށަށް އަފްގާނިސްތާން ގޮސްފައި ވާތީ އަންހެނުންނާއި ކުޑަކުދިންނަށް އެހީވާން މަސައްކަތްކުރުމަށް، ހޮލީވުޑްގެ މަޝްހޫރު ބަތަލާ އެންޖެލީނާ ޖޯލީ އިންސްޓަގްރާމާ ގުޅިއްޖެ އެވެ.
ހުކުރު ދުވަހު އާންމުކުރި އޭނާގެ ފުރަތަމަ ޕޯސްޓްގައި ވަނީ އަފްގާނިސްތާންގެ އަންހެން ކުއްޖަކު ފޮނުވި ސިޓީއެެއްގެ ފޮޓޯ ހިއްސާކޮށްފަ އެވެ. އަދި އެއާ އެކު އެންޖެލީނާ ބުނީ އަފްގާނިސްތާން މިހާރު އޮތް ހާލަތާ މެދު ވަރަށް ކަންބޮޑުވާ ކަމަށެވެ. ޔުނިސެފްގެ އެމްބެސެޑަރެއްގެ ގޮތުގައި އިންސާނިއްޔާތަށް މަސައްކަތްކުރަމުން އަންނަ ބަތަލާ ބުނި ގޮތުގައި އަފްގާނިސްތާން މިހާރު ވެއްޓިފައިވާ ހާލަތުގެ ސަބަބުން އެ ގައުމުގެ އަންހެނުންނާއި ކުޑަކުދިންގެ މުސްތަގުބަލާ މެދު އިންތިހާ އަށް ކަންބޮޑުވެ އެވެ.
އެހެންވެ އެ މީހުންގެ ހާލަތު ރަނގަޅުކުރުމަށްޓަކައި މަސައްކަތްކުރަން ޖެހޭ ކަމަށާއި މިކަމުގައި އޭނާއާ އެކު ގިނަ ބަޔަކު ބައިވެރިވުމަށް ވެސް އެދިފައިވެ އެވެ.
އެންޖެލީނާ އަކީ އަބަދު ވެސް އަންހެނުންނާއި އަންހެނުން ކުދިންނާއި ރެފިއުޖީންގެ މައްސަލަތަކުގައި ދުނިޔޭގެ ފެންވަރުގައި ވަކާލާތުކުރާ ނުފޫޒުގަދަ މީހެކެވެ.
ހޮލީވުޑްގެ މަޝްހޫރު އެކްޓަރު ބްރެޑް ޕިޓްގެ ކުރީގެ އަންހެނުން އިންސްޓަގްރާމް ބޭނުންކުރަން ފެށުމާ އެކު އޭނާ ފޮލޯކުރާ މީހުންގެ އަދަދު މިހާރު ވަނީ 4.3 މިލިއަނަށް އަރައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އިސްރާފު
22 August 2021
މުނާފިގުން. ސީރިޔާ. ޔަމަން. ފަލަސްތީން ގެ އަނހެނުން އާްއި ކުޑަކުދިން މަރާއިރު މި ބައިގަނޑަށް ވަރިހަމަ، ހަމަ ކެމެރާ ތައް ދިމައިކުރާ ފަރާތަކަ އަރާ ބައެއް މި އެމެރިކާ މީހުން މީ. އެއްވެސް އިނސާނިޔަތު ކަމެއް ނެއް ބަޔެއް