ހަބޭސް 3 ޖަލްސާ ނިމުމަކާ ހިސާބަށް ދިޔައިރު ގޮނޑިތައް ހުސްކޮށް. -- ފޮޓޯ: މުހައްމަދު ޝަރުހާން/މިހާރު
29 ނޮވެމްބަރ 2016 - 01:14
163 comments
ސަރުކާރަށް ތިން އަހަރު ފުރުން ފާހަގަ ކުރުމަށް "ހަބޭސް ތިނެއް" ގެ ނަމުގައި މާލޭގެ ކާނިވާ ސަރަހައްދުގައި މިރޭ ބޭއްވި ޖަލްސާގެ ވަކި ހިސާބަކުން ގިނަ އަދަދެއްގެ ބަޔަކު ޖަލްސާއިން ނުކުމެއްޖެ އެވެ.
ސިވިލް ސާވިސް އާއި ސަރުކާރުގެ ކުންފުނިތަކުގެ މުވައްޒަފުންނަށް ހާއްސަކޮށްގެން މިރޭ 9:00 އިން ދަންވަރު 12:00 އަށް ބޭއްވި މި ޖަލްސާ ފެށިއިރު، ހުރިހާ ގޮނޑިއެއްހެން އޮތީ ފުރިފަ އެވެ. ނަމަވެސް، ޖަލްސާގެ ވަގުތު ދިގުދެމިގެން ދިޔަ ވަރަކަށް ޖަލްސާ ދޫކޮށް ދާ މީހުން ގިނަވެ ޖަލްސާ މެދަކާ ހިސާބަށް ދިޔައިރު ފަހަތު ގޮނޑިބަރިތައް ގާތްގަނޑަކަށް އެއްކޮށް ހުސްވި އެވެ. ޖަލްސާ ފެށުމާ އެކު އެތަނުން ނުކުތް މީހުން ވެސް ފެނުނެވެ.
ސަރުކާރަށް ތިން އަހަރު ފުރުން ފާހަގަކޮށްފައި މިވަނީ، ސިވިސް ސާވަންޓުންނާއި ކުންފުނިތަކުގައި މަސައްކަތްކުރާ މުވައްޒަފުންނަށް ޖަލްސާއަށް ދާން މަޖުބޫރުކުރި ކަމަށް ވާހަކަ ދެކެވިފައިވަނިކޮށެވެ. އަދި ހާޒިރީ ބަލާނެ ކަމަށް ވެސް ބައެއް އޮފީސްތަކުން އަންގާފައިވާ ކަމަށް ބައެއް މުވައްޒަފުން ބުނެފައިވެ އެވެ. މީގެ އިތުރުން ކޮންމެ އިދާރާއަކުން ޖަލްސާ އަށް ދާނެ މުވައްޒަފުންގެ ލިސްޓެއް ވެސް އެ ތަނެއްގެ އެންމެ އިސް ވެރިޔާ އަށް އޮތީ ފޮނުވާފައި ކަމަށް އެނގިފައިވެ އެވެ.
"ހަބޭސް ތިނެއް" ނަމުގައި ސަރުކާރުން ބޭއްވި ޖަލްސާގެ ބައެއް ބައިވެރިން. ފޮޓޯ: މުހައްމަދު ޝަރުހާން/ މިހާރު
ޖަލްސާގައި ބައިވެރިވި ބައެއް މީހުން "މިހާރު"އާ ވާހަކަ ދައްކަމުން ބުނީ ޖަލްސާގައި އުންމީދުކުރި ކަހަލަ ވާހަކަތަކެއް ނުއިވުނު ކަމަށެވެ. މުޅިން ވެސް ދެއްކީ މިދިޔަ ތިން އަހަރު ސަރުކާރުން ރާއްޖޭގެ ތަރައްގީއަށް ކޮށްދީފައި ހުރި ކަންކަމުގެ ވާހަކަ ކަމަށާއި އެ ނޫން އަޑެއް ނީވޭ ކަމަށް އެ މީހުން ބުންޏެވެ.
"ހަބޭސް ތިނެއް" ގެ ޖަލްސާ ނިމެން ގާތްވެފައި ވަނިކޮށް، އިކޮނޮމިކް މިނިސްޓަރު ސައީދު ވާހަކަ ދައްކަމުން ގެންދެވި ވަގުތު، ޖަލްސާގެ ފަހަތް ފެންނަ ގޮތް.---ފޮޓޯ: މުހައްމަދު ޝަރުހާން/މިހާރު
"ޖަލްސާގައި ބައިވެރިވި ގިނަ މީހުންނަކީ ސިވިލް ސާވިސްގެ މުވައްޒަފުން. މުވައްޒަފުންނަށް އުފާވެރި ހަބަރެއް ވެސް ލިބުނީއެއް ނޫން،" އެކަކު ބުންޏެވެ.
"ޖަލްސާ ކުރިއަށް ދިޔައިރު އެއްވެސް ފޯރިއެއް ނެތް. ތަރުހީބު ދީ އެކަހަލަ ކަމެއް ވެސް އޮތީކީއެއް ނޫން."
ރައީސް އަބްދުﷲ ޔާމީނާއި ނައިބު ރައީސް އަބްދުﷲ ޖިހާދާއި ވަޒީރުންނާއި މަޖިލިސް މެމްބަރުންނާއި ކުންފުނިތަކުގެ އިސް ވެރިން ޖަލްސާގައި ބައިވެރިވެވަޑައިގެންނެވި އެވެ. މިއީ މި ސަރުކާރުގެ ތިން އަހަރުގެ ކާމިޔާބީގެ ޖަލްސާ ކަމަށް ވިޔަސް މި ޖަލްސާގައި ރައީސް އާއި ނައިބު ރައީސް ވާހަކަފުޅެއް ނުދައްކަވަ އެވެ.
ޖަލްސާގައި ސިވިލް ސާވިސް ކޮމިޝަންގެ ރައީސް އަލީ ޝަމީމާއި އެ ކޮމިޝަންގެ ބައެއް މެމްބަރުން ވެސް ބައިވެރިވިކަން ފާހަގަކުރެވެ އެވެ. އަދި އެކަމަށް އެތައް ބަޔަކު ވަނީ ފާޑު ކިޔައިފަ އެވެ.
މިރޭގެ ޖަލްސާގައި ބައިވެރިވި ބަޔަކު އިށީނދެގެން ތިބިއިރު ފަހަތު ގޮނޑިބަރި ހުސްކޮށް: މި ޖަލްސާގައި 12،000 އަށްވުރެ ގިނަ މީހުން ބައިވެރިވި ކަމަށް ސަރުކާރުން ބުނޭ.--- ފޮޓޯ: މުހައްމަދު ޝަރުހާން/ މިހާރު
މިރޭގެ ޖަލްސާގައި ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވީ ޖަލްސާގައި، ކުރިން ވެސް ސަރުކާރުން ލަފާކުރި އަދަދު ކަމަށްވާ، 12،000 އަށް ވުރެ ގިނަ މީހުން ބައިވެރިވެފައިވާ ކަމަށެވެ. އެ ގޮތުން ޖަލްސާގެ ބައިވެރިންނަށް ބެހި 12،000 ބެޖް ހުސްވެ، ގިނަ ބަޔަކު އެ ހޯދަން ބޭނުންވެގެން އުޅުނު ކަމަށް އޭނާ ވިދާޅުވި އެވެ.
މިނިސްޓަރު ވިދާޅުވީ ޖަލްސާގެ ވަކި ހިސާބަކުން ގިނަ ބަޔަކު ޖަލްސާ ދޫކޮށް ދިޔައީ ޒަރޫރީ ބޭނުންތައް ފުއްދަން ހުރުމުންނެވެ.
މިދިޔަ އާދިއްތަ ދުވަހު ރައީސް އޮފީހުގައި ބޭއްވި ނިއުސް ބްރީފިންގައި ޓޫރިޒަމް މިނިސްޓަރު މޫސާ ޒަމީރު ވިދާޅުވެފައިވަނީ "ހަބޭސް 3" ޖަލްސާ އަކީ ސިޔާސީ ޕާޓީއެއްގެ ހަރަކާތަކަށް ނުވެފައި، އަދި އެއީ ސިވިލް ސާވަންޓުންނާ ގުޅުން ހުރި ކަމަކަށް ވާތީ 12،000 އަށް ވުރެ ގިނަ މީހުން ބައިވެރިވާނެ ކަމަށެވެ. އަދި ސަރުކާރު ހިންގާ ޕީޕީއެމަށް ފަސް އަހަރު ފުރުން ފާހަގަކުރުމަށް މި މަހުގެ ހަތަރު ވަނަ ދުވަހުގެ ރޭ މާލޭގައި ބޭއްވި ޖަލްސާ އަށް ވުރެ ގިނަ މީހުން ރޭގެ ޖަލްސާގައި ބައިވެރިވާނެ ކަމަށް ޒަމީރު އޮތީ ވިދާޅުވެފަ އެވެ.
ޕީޕީއެމްގެ މުސްތަޝާރު ރައީސް ޔާމީންގެ ފެކްޝަނުން ބޭއްވި، އެ ޕާޓީގެ އަހަރީ ޖަލްސާގައި ރަށްރަށުން ވެސް 5،000 އެއްހާ އައި ކަމަށް އެ ފެކްޝަނުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގު
30 November 2016
ޖަލްސާފެށުމުގެ ކުރިން ޖަހާފަ ހުރި ގޮނޑީގެ އަދަދަކީ 3000. ތިބުނާ ބާކީ 9000 ތިބީ ކޮންތާކުބާ.
ހެހެހެހެހެ
30 November 2016
ނައިބު ލީޑަރު އަދުރޭ އައް ސަލާން
ގަމީސް
30 November 2016
ޖަލްސާ މަތިން ފޫހިވީ އަދުރޭގެ ވާހަކަ ފެށީމަ
ނަމީން
30 November 2016
ދިވެހިން އަޅުވެތިކަމުން މިންޖުނުވެވިގެން މިއުޅެނީ ދިވެހިންގެ ދެފުއްދެގޮތް ކަމުން، ޖަލްސާއަށް ގޮސް ސެލްފީއެއް ނަގާފަ ޕޯސްޓް ކޮށްފަ، މިތަނުގަ ކޮމެންޓް މިކުރަނީ މަހީކުރީ މިހެންނޭ އެހެންނޭ މުސާރައޭ ހާޒިރީއޭ ސެލްފީއެކޭ ގެއަށް އައީއޭ ޒަރޫރީއޭ ކިޔާފަ. ބޭބެމެންނޭ ދައްތަމެންނޭ ތިޔަ ޕާޓީ އަކަށް ސޮއި ނޮކޮށްގެން ތިފަދަ ޖަލްސާތަކަށް ނުގޮސްގެން ވަޒީފާ ގެއްލިދާނެ ކަމުގަ ބިރުގަ ތާ އަބަދަށް ތިޔަހެން ތިބެން ހެޔޮނުވާނެ. ޔަގީނޭ މާދަން 500ރ ބޮލަކަށް ދީފަ އެންމެހަބޭސް ޖަލްސާއޭ ކިޔާފަ ޖަލްސާއެއް ބޭއްވިޔަސް ތީގެން އެކަކުވެސް ފޫވެސް ހިރުވާ ނުލާނެކަން.... ހެޔޮނުވާނެ މާދަން އަޅުގަނޑުމެންނާ ގައުމު ހަވާލު ވާއިރު ގައުމު އަޅުވެތި ކަމުން ސަލާމަތް ކޮށްދީ... ތީގެން ކޮންމެ ބައްޕައެއް މަންމައެއް ދައްތައެއް ބޭބެއެއް މިކަމުން އިސްތިސްނާއެއް ނުވާނެ...
އަލީ
30 November 2016
ސިވިލްސާވިސް ކުދިން ޅޮސްއުނދޯޔައް އަރުވަނީ ނަރުހުން ކޮޅަކައް ފުލެޓެއް ދީގެން މިރާއްޖެޔައް ވައްދާހާ ބޭރުފައިސާ ވައްދަނީ ޓުވެރިޒަމުން ނަމަވެސް އެމީހުންނައް އެއްވެސް އެއްޗެއް ނެތް
ކޮންސާންޑްމޭން
30 November 2016
މިހާރޫއެވެ. މިކަހަލަ ޚަބަރު ނުޖަހަބަލާށެވެ. އެވެރީން ދެރަވެގެން ނުވަތަ ރުޅިގަދަވެގެން ނަަމަވެސް ދެން ފަހަރަކުން ކޮންމެ ގޮނޑިބަރިއެއް ފަހަތުގައި ފުލުހެއް ބަހައްޓައިގެން ނަމަވެސް މަމެން އެތަނުން ނުކުތިޔަ ނުދީ ހިފަހައްޓަފާނެއެވެ، ނޫނީ މަޖުބޫރު ވެގެން މަމެން ވަނީމާ ވަށައިގެން ނުނިކުމެވޭ ގޮތަށް ދާ ޖަހާފާނެއެވެ. ހުރިހާ ހަޓުކާއެއް ދެން އަންނާނީ މަޖުބޫރުވެގެން ވަޒީފާގެ ބިރަށް އެކަހަލަ ޖަލްސާތަކަށް ދާން މަޖުބޫރުވާ އަހަރެން ކަހަލަ ސިވިލް ސާވަންޓުންނަށެވެ.
ހަސަން
30 November 2016
ހަބޭސް 4 އަކަށް ޗައިނާއިން މިލިއަނެއްހާ މީހުން ފޮނުވާ ދިނުމަށް ރައީސް ޗޮންޗޮން ދަންނަވާބަލަ.
ޖިލްބާބު ހަބީބު
29 November 2016
އަދުރޭ ދައްކަންފެށިވާހަކައަކުން މަަމެން މޭނުބައިވެ ހޮޑުލެވޭ ގޮތްވީމާ ނުކުންނަން މަޖުބޫރުވެގެން ނުކުތީ. މަމެން އެތަނަށް ވަނީކީ އަދުރޭ ލައްވާ މައުމޫނު ޢަބްދުލްގައްޔޫމް އާ ދިމާއަށް އެތިވަރުގޮވާ އަޑު އަހާކަށް ނޫން. މަމެން ދިޔައީ ސިވިލްސާވަންޓުން ގަހަށް އަރުވާ އަޑު އަހާކަށްވެސްނޫން. މަމެން ދިޔައީ ރައީސް ޔާމީން ސިވިލްސާވަންޓުންނަށް ކޮށްދެއްވިކަމެއްގެ ނުވަތަ ކުރަން ނިންމެވި ކަމެއްގެ އަޑު އަހާލަން. އެ ހެޔޮ އެންމެން ވަޒީފާއިން ވަކިކޮށްފީމޭ ވިދާޅުވިޔަސް ނުވަތަ ސިވިލް ސާވަންޓުން ލެއްވުމާއި ވަކިކުރުމަކީ ރައީސް ކުރައްވާ ކަމެއްގެ ގޮތުގައި ހަމަޖައްސައިފީމޭ ވިދާޅުވިޔަސް. މިހާރު ނަމެއްގައި ސިވިލްސާވަންޓުން. ކަމެއްގައި އަޅުން. ދިނުމުގައި ފަގީރުކޮއި.
އަލަތު ކައިވެނީ ފްލެޓް
29 November 2016
ތަރައްގީގެ ވާހަކަ ދައްކާއިރު ރޭގަނޑާ ދުވާލު ގުދު ބިންދައިގެން ލިބޭހުރިހާ ފައިސާއެއް ހޭދަކޮށްލިގެންވެސް މިއުޅެނީ ދިރިއުޅޭ ތަނުގެ މަހުގެ ކުލި ހަމަ ނުވެެން. އަލަތު ކައިވެނީގެ ފްލެޓް ވީހިސާބެއް ކޮބައިތޯ ސުވާލު ކުރަން ބޭނުން. ޖަވާބުދާރީ މިއަދު ނުވެ ތިބެވިދާނެ. އެކަމަކު ޖަވާބުދާރީ ވާން ޖެހޭ ދުވަހެއް އަންނާނެކަން ކަށަވަރު
މޫސާ
29 November 2016
މަ ދިޔައިން.. މަޖުބޫރެއް ނުކުރޭ.. ފިޔަވަޅެއް އަޅާފާނެތީ ދިޔައީ... ދާ މީހުންގެ ނަން ލިސްޓު ގެންގުޅުނު މީގާ ކައިރީ ހުރެ ހުރެފަ އޭނަ ހަމަ ދިމާލަކަށް ދިޔަ ވަުގުތު މަ ނައްޓާޅީ ގެއަށް....