ފުވައްމުލަކުގެ ދަނޑިމަގި ކިޅީގެ މަތިން ނަގާފައިވާ ފޮޓޯއެއް.-- ފައިލް ފޮޓޯ: ދި އެޑިޝަން
09 ސެޕްޓެމްބަރ 2021 - 13:29
8 comments
ފުވައްމުލަކުގައި ހިމާޔަތް ކޮށްފައިވާ ޗަސްބިންތަކުގައި ގަވާއިދާ ހިލާފަށް ދަނޑުވެރިކަން ކުރަމުން ދާތީ އެކަން ނުކުރަން އަންގައި، ފިޔަވަޅު އަޅާނެ ކަމުގެ އިންޒާރު ފުވައްމުލަކު ސިޓީ ކައުންސިލުން ދީފި އެވެ.
ތިމާވެށި ރައްކާތެރިކޮށް ދެމެހެއްޓުމާއި ބެހޭ ގާނޫނުގެ ދަށުން ފުވައްމުލަކުގެ ބަންޑާރަ ކިޅި އާއި ދަޑިމަގި ކިޅި އަދި އެ ކުޅިތައް ވަށައިގެންވާ ޗަސްބިމުގެ ސަރަހައްދުތަކަކީ ހިމާޔަތްކޮށްފައިވާ ތަންތަނެވެ.
މިކަމާ ގުޅޭ ގޮތުން ފުވައްމުލަކު ކައުންސިލުން އިއްޔެ ކުރި އިއުލާނެއްގައި ބުނީ، އެ ސިޓީގައި ހިމާޔަތްކޮށްފައިވާ ސަރަހައްދުތަކުގައި ގަވާއިދާ ހިލާފަށް ދަނޑުވެރިކަން ކުރުމުގެ އިތުރުން ވެސް، ދަނޑުވެރިން މަނާ އެހެން ކަންކަން ކުރަމުންދާކަން ފާހަގަކުރެވިފައިވާ ކަމަށެވެ.
އެގޮތުން، ހުއްދަ ނުހޯދައި ބައެއް މީހުން އާ ދަނޑުތައް ހެއްދުމާއި ދަނޑުތައް ބޮޑުކުރުމާއި ވިނަ އާއި ބޮޑެތި ގަސްގަހާގެހި ކޮށުމާއި ކެނޑުމާއި އެންދުން ނުވަތަ އެ ނޫން ވެސް ގޮތްގޮތުން ނައްތާލަމުންދާ ކަމަށް ބުންޏެވެ. އަދި ގަވާއިދާ ހިލާފަށް ދަނޑުތަކުގައި އަލިފާން ރޯކުރުމާއި ހުއްދަ ނުހޯދާއި ގިނަ އަދަދަކަށް ކުނި އަޅައިގެން ޗަސްބިން ސަރަހައްދު ފޮރުވުމާއި އަލަ އޮޅު ފޮރުވައިގެން އަލަ ހައްދަން ހުންނަ ޗަސްބިންތަކުގައި ދޮންކެޔޮ ފަދަ އެހެން ގަސްތައް އިންދާ ކަމަށް ވެސް ކައުންސިލުން ބުނެ އެވެ.
މި އިންޒާރުގެ އިއުލާނަށް ފަހު، ފުވައްމުލަކުގައި ހިމާޔަތްކޮށްފައިވާ ޗަސްބިން ސަރަހައްދުތަކުގައި ހުއްދަ ނެތި ދަނޑުވެރިކަން ކުރާ މީހުންނާއި ގަސްތަކަށް ގެއްލުންދޭ މީހުންނާ މެދު ފިޔަވަޅު އަޅާނެ ކަމަށް ކައުންސިލުން ބުންޏެވެ އަދި އަލަ ހައްދާ ބިންތަކުގައި އެހެން ވައްތަރުގެ ގަސްތައް ނެހެއްދުމަށް ވެސް ވަނީ އަންގައިފަ އެވެ.
އަލަ ހައްދާ ބިންތަކުގައި ޖަހާފައިވާ ގަސްތަކާއި ޗަސްބިންތަކުގައި ހުއްދަ ނުހޯދާ ހައްދާފައިވާ އިތުރު ގަސްތަކާއި އެ ތަންތަނަށް އަޅާފައިވާ ކުނިބުނި މި މަހުގެ 18 ގެ ކުރިން ނަގަން ވަނީ އަންގައިފަ އެވެ. އެ ތާރީހުގެ ފަހުން، އިތުރު އެއްވެސް އެންގުމަކާ ނުލައި އެފަދަ ގަހާއި ކުނި ނަގާނެ ކަމަށް ކައުންސިލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުންގެ ހިދުމަތުގައި
11 September 2021
ގަވައިދުން ހުއްދަހޯދަންލީމަ ފޯމްވީތަނެއްވެސް ނޭގޭ. ޙަބަރެއްވެސް ނުވޭ. މިނިސްޓްރީތަކުގެ މުއައްޒަފުން އޮފީހަކު ނުތިބޭ. ޜައްޔިތުން ފޯމެއްލިޔަސް ގަރުނެއްނަގާ.
ހިމާޔައްކުރާ
10 September 2021
ތިޔަހެންހިމާޔައް ކުރި ކަނޑޫފަލެއް ނޭކުރަންދޫގައި މިހާރު އެދަނީނެތެމުން ގަސްތައްމަރުވަމުން އިންސާނުންނާއި ލާމެހިފަ ހައްދަވބާފައިވާ އެއްޗެއް ގަސްގަހާގެސްއަކީ ހިމާޔައް ކުރާށޭކިޔައިގެން ހިމާޔައް ކުރަނީ ދެވަނަ ދެބޭނުމެއްގައެއްނޫން ރައްޔިތުމީހާޔައް ރުފިޔާފޮއްޗެއްލިމޭ ކޮންމެކަމެއްމަނާ ކޮންމެ އެއްޗެއް ހިމާޔައް ކުރުމުގެ ނަމުގައި ބަހައްޓައިގެން ވަކިބަޔަކައް ފައިދާނަގަން ޖެހެނީ މިސާލަކައް މިޔަރު އުރަހަ
ސަލްމާމޫ
10 September 2021
ކައުންސިލްތައް ތަސަައްރަފުވެރިވާންޖެހޭ. ރަށްރަށުގައި ކާންބޯންކުރާނެ މާކަބޮޑުކަމެއްނެތް. އެކަމަށް މަގުފަހިކޮށްދޭން ސަރުކާރުން އުޅޭތަނެއްވެސް ނުފެނޭ. ވަކިތަނަކަށް އޮންނަޑިމާންޑް ކުޑަވެދާނެތީ ކަންނޭގެ. ރަށަކުން ގަހެއްއިންދަން މަހެއްބާނަން އުޅުނަސް މިވާގޮތަކީ ހިމާޔަތް ކޮށްފައޮތީމަ ބަޔޯސްފެއަރ ރިޒާވް ވީމަ ކުރެވޭކަށްނެތް. މާލެއަތޮޅު އެކަށް ކޮނެނަގާ ހިއްކާ ފަރުފަޅުތޮރުފާ ކޮނގޮރީޓްއަޅަން އޯކޭ. މިއީ ބޮލުގައި ތެއްކަމެއްނެތަސް ހިތައްއަރުވާލަން ޖެހޭކަމެއް
އައްޔު
09 September 2021
ފުވައްމުލަކުގައި އޮތް ބޮޑު ބިމުގައި އެއަރޕޯރޓެއް އެޅީމާ ދަނޑުވެރިކަންކުރާނެ ބިމެއް ނޯންނާނެދޯ؟
ހުސެންް
09 September 2021
ހިމާޔައް ކޮގެން ގެން އަހަރަމެން އިންސާނުން ނައް ވާ ފައިދާ އެބަ އޮތްތަ... ސީދާ ބޭކާރުކަމެއް.. ކުދި ގައުމުތައް ތަރައްގީ ވެދާނެތީ ޔޫރަޕުން ކިޔާގެން އުޅޭ އެއްޗެއް އެއީ...
ކޮރަލް
09 September 2021
އައިޑީކާދް ނޫނީ ވޯކްޕާމިޓް ކާޑް އޮންނަމީހަކު ކަމެއް ކުރާ އިރަށް އިންޒާރުދީ ޖޫރިމަނާ ކޮށް ބަންދު ކުރާނެ އެވެ. ލިޔެ ކިއުން ނެތް ނަމަ އެއްކަމެއްވެސް ނުކުރެ ވެ އެވެ. ކޯޓުން މުއްދަތުވެސް ނުޖަހަ އެވެ.
އުދުހޭ
10 September 2021
ދެން އައިޑީކާޑު އެއްލާފަ ބަންގާޅީއަކަށް ހެދިގެން އުޅެންވީނުން.
ހަރީމް
09 September 2021
މިއީ ވަރަށް މުހިއްމު ނިންމުމެއް. ކައުންސިލްގެ ބާުރުވެރިކަމަކީ ހޯދީމަ ލިބޭ އެއްޗެއް، ގާނޫނުގަ ލިޔެފަ އޮތަސް ބާރުވެރިކަން ލިބޭނި މަސައްކަތް ކޮއްގެން. މިއާއެކު ތަންފިޒީ އިދާރާ ތަކުން ކައުންސިލް ތަކުގެ ނިންމުންތަކަށް އިހުތިރާމު ކުރަން ޖެހޭނެ.