ޚަބަރު / މެމްބަރު މުހައްމަދު ރާއީ (މަކުނުދޫ)

ދެކެން ބޭނުންވަނީ އެމްޑީޕީގެ ހޯމް މިނިސްޓަރަކު ހުންނަ ދުވަސް: ރާއީ

ރައްޔިތުންގެ މަޖިލިހުގެ މަކުނުދޫ ދާއިރާގެ އެމްޑީޕީގެ މެމްބަރު މުހައްމަދު ރާއީ، ޖަލްސާއެއްގައި ވާހަކަ ދައްކަވަނީ. --- ފޮޓޯ: މަޖިލިސް

އާނިފާ ހުސެއިން ސިރާޖް، މިހާރު

14 ސެޕްޓެމްބަރ 2021 - 13:39

19 comments

ހޯމް މިނިސްޓަރަކަށް އެމްޑީޕީގެ ބޭފުޅަކު ހުންނެވި ނަމަ މައްސަލަތައް މާ އަވަސް ސްޕީޑްގައި ބަލައި ތަހުގީގު ކުރެވޭނެ ކަމަށާއި އެފަދަ ދުވަހެއް ވަރަށް ބޮޑަށް ދެކެވަޑައިގަންނަވަން ބޭނުންވާ ކަމަށް މަކުނުދޫ ދާއިރާގެ އެ ޕާޓީގެ މެމްބަރު މުހައްމަދު ރާއީ މިއަދު ވިދާޅުވެއްޖެ އެވެ.

އޭނާ މިހެން ވިދާޅުވީ، ހުޅުމާލޭގެ ޖަލުގައި ހުކުމް ތަންފީޒު ކުރަމުން ދިޔަ ގައިދީއަކު ރޭ ކުއްލި ގޮތަކަށް މަރުވި މައްސަލައާ ގުޅިގެން، އިދިކޮޅު މެންބަރު އާދަމް ޝަރީފް އުމަރު، ރައްޔިތުންގެ މަޖިލީހުގެ މިއަދުގެ ޖަލްސާ އަށް ހުށަހެޅުއްވި ކުއްލި މައްސަލަ އަށް ބަހުސް ކުރައްވަމުންނެވެ.

އާއިލާއާ ހަވާލާދީ އެ މައްސަލައިގައި ވަނީ ގައިދީ މަރުވުމުގައި ކަމާބެހޭ ފަރާތްތަކުގެ އިހުމާލެއްވާ ނަމަ އެކަން ތަހުގީކޮށް، ފިޔަވަޅު އެޅުމަށް ސަރުކާރަށް ގޮވައިލާ ކަމަށެވެ.

Gaidhee ge maraa gulhigen idhikolhun kulli massala eh

The most trusted news source in the Maldives

Mihaaru

މި މައްސަލައިގެ ބަހުސްގައި ރާއީ ވިދާޅުވީ، ކުރީގެ ރައީސް އަބްދުﷲ ޔާމީންގެ ސަރުކާރުގައި ޖަލުގައި ތިބި އެތައް ބައެއް މަރުވެފައިވާ ކަމަށާއި އޭރު އެ ކަންކަން ހުއްޓުވަން އެކަށީގެންވާ ފިޔަވަޅު ވެސް އަޅާފައި ނެތް ކަމަށެވެ.

ޖަލުގެ ތެރޭގައި ބައެއް ކަންކަން ހިނގަމުންދާކަން ގަބޫލުކުރައްވާ ކަމަށާއި ނަމަވެސް ކަމާބެހޭ މުއާސަސާތަކުން އެކަންކަން ކައިރިން ބަލަމުންދާ ކަމަށް ރާއީ ވިދާޅުވި އެވެ.

އޭނާ ވިދާޅުވިގޮތުގައި، އެމްޑީޕީގެ މެމްބަރަކު މި ސަރުކާރުގައި ހޯމް މިނިސްޓަރަކަށް ހުންނެވި ނަމަ އެފަދަ މައްސަލަތައް މާ އަވަސްކޮށް، އެ ޕާޓީގެ ސިޔާސަތާ އެއްގޮތަށް ބެލުނީހެވެ.

މި ސަރުކާރުގެ ފުރަތަމަ ދުވަހުން ފެށިގެން ހޯމް މިނިސްޓަރަކީ ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ ރައީސް އިމްރާން އަބްދުﷲ އެވެ.

އެމްޑީޕީ ބޭފުޅަކު ހޯމް މިނިސްޓަރުގެ މަގާމަށް ގެންނަން ބޭނުންވާ ކަމަށް ރާއީ ވިދާޅުވެފައިވާއިރު، މީގެ ކުރިން ވެސް އެމްޑީޕީގެ ބައެއް މަޖިލިސް މެންބަރުން ވަނީ މިނިސްޓަރު އިމްރާން އެ މަގާމުން ވަކިކުރުމަށް ވެސް ގޮވާލައްވައިފަ އެވެ.

އެމްޑީޕީ ފިޔަވައި ކޯލިޝަންގެ އެހެން ޕާޓީތަކުގެ ބޭފުޅުން މިނިސްޓްރީތަކުގައި ތިއްބެވުމުން، އެމްޑީޕީގެ މެނިފެސްޓޯ ތަންފީޒު ނުކުރެވޭ ކަމަށާއި ސަރުކާރުން އަސްލު ބޭނުންވާ ސިޔާސަތު ތަންފީޒުކުރުން ލަސްވާ ކަމަށް ބުނެ މީގެ ކުރިން ވެސް ރައްޔިތުންގެ މަޖިލީހުގައި އެމްޑީޕީގެ ބައެއް މެންބަރުން ވަނީ ފާޑު ވިދާޅުވެފަ އެވެ.

އެމްޑީޕީ ގައިދީން ރައްޔިތުންގެ މަޖިލިސް އަދާލަތު ޕާޓީ އިމްރާން އަބްދުﷲ، ހޯމް މިނިސްޓަރު މެމްބަރު މުހައްމަދު ރާއީ (މަކުނުދޫ) ހޯމްލޭންޑް ސެކިއުރިޓީ މިނިސްޓްރީ ސިޔާސީ މަގާމުތައް

19 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުޕްތާ

15 September 2021

އަހަރެމެން ދެކެން ބޭނުންވަނީ ބައެއްގެ އުނގުތެރެއަށް ނުވެއްޓި އޮންނާނެ ސަރުކާރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލ.އަތޮޅު

15 September 2021

ކަލޭމެންގެ ވެރިކަމެއްނު ހަދާއެއްޗެއް ހަދާ، މިހާރު ތިޔަ ގޮލާންތަށް ތިތިބީ އަގުމައްޗައް އަގު ވެއްޓިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމީލާ

14 September 2021

ބޭނުން ވަނީ ރައީސް ނަޝީދެ ޕަޕެޓެއް! އޯކޭތަ؟ ނަޝީދު ވާހަކަ ދައްކާ ބަހުރުވައިން ވާހަކަ ދައްކާ، ނަޝީދުގެ ޓުވީޓުތަށް ރިޓުވީޓްކޮށް، ނަޝީދަށް ސަނާކިޔާ، ނަޝީދުގެ ސިފަހުރި މިނިސްޓަރުން. މަޖިލީސް މެންބަރުން! އޯކޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަމްދު

14 September 2021

ނަސީމް ލީފަހުން ކުޑަކުއްޖެއްވެސް މަރެއް ނުވޭ އިހުމާލުން... ރާއީ އިސްތިއުފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީ ގްރީޑް

14 September 2021

ރާއްޖޭގެ ކޮންމެ މިނިސްޓްރީއެއްގައި އެމްޑީޕީ މީހަކު ބަހައްޓާ، އިސްލާމިކް މިނިސްޓަރގެ ނަން ދީނީ މިނިސްޓްރީއަށް ބަދަލުކޮށް އެމްޑީއެންގެ ލީޑަރ ޝަހިންދާ އެމަގާމުގައި ބަހައްޓަންވީ. އެވަރުންވެސް އެމްޑީޕީގެ ހިތެއް ނުފުރޭނެ. ރާއްޖޭގެ ބޮޑު މަގާމެއް ހުރިއްޔާ އެމްޑީޕީއަށް ދީ. ޕްރައިވެޓް ކުންފުނިތައް އިންޑިޔާއަށް ދީ. ރާއްޖޭގެ ރަށްތައް 1 ލާރީގެ ރޭޓުން އިންޑިޔާއަށް ކުއްޔަށް ދީފަބަހައްޓާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

14 September 2021

އާތިފާ ޝުކޫރު ވަކިކޮށް ހައުސިންގް މިނިސްޓަރަކަށް އެމްޑީޕީ އަސްލަމް ގެނައިމާވެސް ހިޔާފްލެޓްގެ އަގު ކުރިއަށްވުރެ ބޮޑުކޮށްފަ 8500ރ އަށް ގްލެޓްގެ ކުލިހެދީ. ވީއިރު ހޯމްމިނިސްޓަރު ބަދަލުކުރިޔަސް ޖެހޭނީ ހަމައެއްތާކު. ނޫނީ ވާނީ އެއަށްވުރެން ގޯސް. މިއީ މަގޭވިސްނުން. ގައުމަށް ބޭނުންވަނީ އިޚްލާސްތެރިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ

14 September 2021

ސިދާތާ ހަވަރަށް ދިނީމަ ކަމެއް ރަނގަޅުވިތަ؟ ރާއީ މެންގެ ނެތޭ ސަރުކާރެއް ހިންގޭ ފެންވަރެއް. މަގުމަތީގައި ހަޅޭއްލަވާ މުޒާހަރާ ކުރަން އެނގިދާނެ ރާއީމެންނަށް.