ޕީޕީއެމް/ޕީއެންސީ ކޯލިޝަން އިން ކުރިއަށް ގެންދާ މުޒާހަރާ.
19 ސެޕްޓެމްބަރ 2021 - 22:36
20 comments
ހުޅުމާލޭގެ "ފިޔަވަތި" ގައި ހިނގަމުންދާ ކަންކަމާ ދެކޮޅަށް ކަމަށް ބުނެ އިދިކޮޅު ޕީޕީއެމް/ޕީއެންސީގެ ކޯލިޝަނުން މިރޭ މާލޭގައި ކުރާ މުޒާހަރާ ރޫޅައިލުމުގެ ތެރޭގައި އާންމުންނާއި ބައެއް ނޫސްވެރިންނަށް ވެސް ފުލުހުން އަނިޔާ ކޮށްފައިވާ ކަމަށް ބައެއް މީޑިއާތަކުން ތުހުމަތު ކޮށްފި އެވެ.
ޕީޕީއެމްގެ އޮފީސް ކުރިމަތިން މިރޭ 8 ޖަހާކަންހާއިރު ފެށި މުޒާހަރާ ރޫޅައިލުމުގެ ތެރޭގައި ޗެނަލް13 ގެ ނޫސްވެރިޔާ މުހައްމަދު ސަމާއުގެ ބޯ ފަޅައިގެން ގޮސް އަދި އެހެން ބައެއް މީޑިއާތަކުގެ ނޫސްވެރިންނަށް ވެސް ވަނީ އަނިޔާވެފަ އެވެ.
ސަމާއުގެ ބޯ ފަޅައިގެން ގޮސްފައި ވަނީ މަޖީދީ މަގާއި ޗާންދަނީ މަގާ ގުޅޭ ކަންމަތީގައި އާންމުންނާއި ފުލުހުންނާ ދެމެދު ހިނގި ކުރިމަތިލުންތަކުގެ ތެރެއިންނެވެ. ސަމާއުގެ އިތުރުން ޗެނަލް 13 ގެ ކެމެރާމަން މުހައްމަދު ޝަހީމް އަށް ވެސް އަނިޔާވި އެވެ. އެ ދެ ނޫސްވެރިންނަށް ފަރުވާ ދިނުމަށް މިހާރު ވަނީ އޭޑީކޭ ހޮސްޕިޓަލަށް ގެންގޮސްފަ އެވެ.
އިދިކޮޅު ޕީޕީއެމް/ޕީއެންސީ ކޯލިޝަނުން ބޭއްވި މުޒަހާރާގައި ބައެއް ނޫސްވެރިންނަށް އަނިޔާވެފައި.-- ފޮޓޯ: ކޭޑު
ބައެއް ނޫސްވެރިން ބުނާގޮތުގައި، މުޒާހަރާ ރޫޅާލުމުގެ ތެރޭގައި ފުލުހުން މީޑިއާ ފާހަށް ވެސް ބެލުމެއް ނެތެވެ. އަދި ނޫސްވެރިންނާ މެދު ވެސް އަމަލުކުރީ މުޒާހަރާގެ ބައިވެރިންނާ އެއް އުސޫލަކުން ކަމަށް މުޒާހަރާ ކަވަރު ކުރަން ހަރަކާތްތެރިވި ބައެއް ނޫސްވެރިން ބުނެ އެވެ.
މުޒާހަރާ ރޫލައިލުމުގެ ތެރޭގައި ފުލުހުން އާދަޔާ ހިލާފަށް ބާރުގެ ބޭނުންކޮށް، ޝީލްޑުން ކޮއްޕައި ބައެއް މީހުންނަށް "ގަސްދުގައި އަނިޔާކުރި" ކަމަށް މުޒާހަރާގެ ބައެއް ބައިވެރިން ބުނެ އެވެ.
އެއްވުން ފެށިތަނާ ވަކި ހިސާބަކުން، މުޒާހަރާ ކުރަން ފުރުސަތު ނުދޭނެ ކަމަށް ބުނެ، ގާނޫނީ އިންޒާރު ދިނުމަށް ފަހު، ބާރުގެ ބޭނުންކޮށްގެން ފުލުހުން މުޒާހަރާ ރޫޅައިލި އެވެ. އެއާކު މުޒާހަރާގެ ބައިވެރިން މާލޭގެ އެކި ސަރަހައްދުތަކަށް ބެހިގަތެވެ.
އިދިކޮޅު ޕީޕީއެމް/ޕީއެންސީ ކޯލިޝަނުން ބޭއްވި މުޒަހާރާގައި ބައެއް ނޫސްވެރިންނަށް އަނިޔާވެފައި.-- ފޮޓޯ: ކޭޑު
މި ވަގުތު އެއް ބަޔަކު ސޯސަން މަގުގައި ތިބިއިރު، ޗާންދަނީ މަގާއި މަޖީދީ މަގު ކަންމަތީގައި ވެސް ދަނީ މުޒާހަރާ ކުރަމުންނެވެ.
މުޒާހަރާ ރޫޅައިލަން ފުލުހުން ވަނީ ޝީލްޑާއި ޕެޕާ ސްޕްރޭ ބޭނުންކޮށްފަ އެވެ. މި ކުރިމަތިލުންތަކާ ބައެއް އާންމުންނަށް އަނިޔާވެގެން ފަރުވާ އަށް ވަނީ ހޮސްޕިޓަލަށް ގެންގޮސްފަ އެވެ. ނަމަވެސް ލިބުނު އަނިޔާތަކުގެ ތަފުސީލެއް އަދި ނުލިބެ އެވެ.
މި މުޒާހަރާގެ ތެރެއިން ބައެއް މީހުން ވަނީ ހައްޔަރު ވެސް ކޮށްފަ އެވެ.
މި މުޒާހަރާގައި އިދިކޮޅު ކޯލިޝަންގެ ބައެއް އިސްވެރިންނާއި ސަޕޯޓަރުން ވެސް ބައިވެރިވެ އެވެ. ފިޔަވަތީގައި ހިނގާ ކަންކަމާ ދެކޮޅަށް ބާއްވާ މުޒާހަރާއެއް ކަމަށް ބުނި ނަމަވެސް، މުޒާހަރާގެ ބައިވެރިން ވަނީ ރައީސް އަބްދުﷲ ޔާމީން މިނިވަން ކުރުމަށާއި އަދުލު އިންސާފު ގާއިމް ކުރުމަށް ވެސް ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާސިރާ
20 September 2021
ހިޔާލު ފާޅުކުރުމުގެ މިނިވަންކަމުގެ މިނިވަންކަމުގެ ވާހަކައާއި ، 27ވަނަ މާއްދާގެ ވާހަކައާއި ، އަދުލު އިންސާފުގެ ވާހަކަ ދައްކަން ކޮންމެ ބަޔަކަށް ވެސް އެގެނީ ވެރިކަމުން ވެއްޓި އިދިކޮޅުގައި ތިބޭވަގުތު. ވެރިކަމުގަ ތިބޭއިރު މިއިން އެއްވެސް ކަމެއްގެ މަތިން ހަނދާނެއް ނުހުރޭ. ޔާމީނު ވެރިކަމުގައި ނޫސްވެރިކަމާއި އެއްވުމާއި ޖަލްސާކުރުމާއި ކައުންސިލްތަކުގެ ހާލަތު ކޮރަޕްޝަން އަދި މަޖިލީހުން ބިލްތައް ފާސްކުރިގޮތް މިހާރު އިދިކޮޅުގަ ތިބިމީހުން ހަނދާނެއްނެތް.
ޒަރާނާ
20 September 2021
މީމަބުނިވާހަކަ އިބުރާހިމު ދައްކާވާހަކަ ެެެެެެެެެެެެެެެެެ ދެކޮޅުނުޖެހޭވަރު އޭނަބުނި ހިޔާލުފާޅުކުރުމާ މުޒާހަރާ ކުރަން ފުރުސަތު ނުލިބެޔޭ ތިމަންނާގެ ވެރިކަމެއްގަ އެފުރުސަތު ހައްދެއްނެތް ިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިިި މިންވަރައް އޮންނާނެޔޭ މިޖެހުނީ ކޮންާތާކު
މޫސް
20 September 2021
މުޒާހަރާ ކުރެވޭނެ އާންމު ރައްޔިތުންނަށް އުނދަގޫ ނުވާނެހެން. މިއޮތް ކޮވިޑް ތެރޭގައި މިޔަށް ވުރެ ޒިންމާދާރު ވާންވެއްޖެހެން ހީވަނީ. ފަރުދީ ޒިންމާ ކޮބާ؟ ކޭސް ގިނަ ވީމަވެސް ގިނަވާ ވާހަކަ ދައްކަނީ.
ޙަބީބު.
20 September 2021
އަސްތާ މިވަރުކަމެއްއެމް އެމްޑީޕީއައް ކުރިނަމައީ ތިޔައުޅޭ ޜޓވ ގެމީހުން ހީވާނީ އެހެންދަފަކަމެއް ލައިގަނެގެން އުޅޭހެން
ބުކިންސް
20 September 2021
ފުލުހުންނަށް ގޭންގްތަކާ ކުރިމަތި ލެވޭނީ ބާލީސް ފަދަ އެއްޗެގި ހިފައިގެން ވަރަށް ލޯބިން. ވެގެންވަންޏާ ކުރިމަތި ނުވެސް ލާނެ. ދެން މިކަހަލަ ކަމެއްގަ ވިއްޔާ ތީ ވާގޮތް. ދެން ކޮންމެސް ގައުމީ ލަވައެއް ކިޔާ މިމީހުންނަށް ސަނާ ކިޔާފަ ޓީވިން ދެއްކީމަ އެވީ. ވައްކަމެއް ހުއްޓުވެނީއެއް ނޫން ކުރަން ޖެހޭ އެއްކަމެއްވެސް ވާކަހަަ އިހުސާސެއް ނުވޭ
އައްޔަ ބޮޑޭ
20 September 2021
ފަތިސްނަމާދު ސަޖިދާއިގަ އޮއްވަތޯ އަނިޔާވީ ނޫނީގުނޫތައް އަތްނަގައިގެން ހުއްޓާތޯ އަނިޔާވީ!ނޫސްވެރިކަމުބެ ފާސްއަޅައިގެން މުޒާހަރާބެ ބައިވެރިންގެ ތެރެއައް ވަދެއުޅެންޏާ ފާހަކައް ތާހަކައް ނުބެލޭނެ,
ފުރާޅުޓިނު ޖޖޖޖ
20 September 2021
ހައްގުތަކުގެ މަންމަ ކަމަށް ދައުވާ ކުރާ ޖީހާނު މަހެމޫދު ކޮބައިބާ؟ މިކަމުގައިވެސް ގޯސްވާނީ ޕީޕީއެމް އޮފީހުގެ ފުރާޅުބާ؟
މޯޑޭ
20 September 2021
ކުޑަކުދިންގެ ހައްގު ގައޭ ކިޔާ ނިކުމެފަ މި ކިޔަނި ޔާމީނު މިނިވަން ކުރާށޭ ކިހާ ބޮނޑް ބޭ އިންސާފެއް ތިވަނި. އަދި ފިޔަވައްޗަށް ވެސް ގޮސްފި. އެއްވެސް އިހުލާސްތެރި ކަމެއް ނެތް
ހިސެންް
20 September 2021
ތިކަމުގެ ނެތޭ މާކަބޮޑު ގޯހެއް. މާޒީގެ ސޮފުހާތަށް ބަލައިލީމަ އެނގޭނެ. އިދިކޮޅުންވެސް މަޑުންތިބެން ދަސްކޮށްބަލަ.
ތުއްތުނާ
20 September 2021
ނޫސް ވެރިންނޭ ކިޔާ އުޅެނި ފީފީއެމް އެކްޓްވިސްޓުން
ދަންޑަހެލުލޯ
20 September 2021
އެމްޑީޕީ މުޒާހަރާ ކުރާއިރުއޯ؟ އަހަރުންނަށްވެސް ތިހެން ބުނެވޭނެ. ރ ޓީވީގައި އުޅޭނެ ފައްކާ ނޫސްވެރި އެކްޓިވިސްޓުން ލޮލް
ކަންދަހާރު
20 September 2021
ޔާމިނު ވެރިކަން ކުރިއިރު ނޫސްވެރިންނައް ވެގެން އުޅުނީވެސް ހުސް ސިޔާސީމީހުން
ޗޮސްބެ
19 September 2021
ހަމަނުޖެހުން ހިގާ މުޒާހަރާއެއްގެ މުޒާހަރާކުރާ މީހުންގެ ތެރެޔަށް ނޫސްވެރިން ވަދެއްޖެއްޔާ ފާހަކަށް ނުބެލޭނެ. އެމީހުނަށް އޮންނާނީ މުޒާހަރާކުރާ މީހުންނަށް އޮންނަ ހުކުމް. އަބަދުވެސް އުޅޭނެ އެއްނުވެވިގެން، ބަލަ އެއްވާން ބޭނުމިއްޔާ ހައްޖަށް ދާންވީނު.