23 ސެޕްޓެމްބަރ 2021 - 07:06
ފޭސްބުކާއި އޭގެ ދަށުން ހިންގާ ޕްލެޓްފޯމްތައް ބޭނުންކުރާ މީހުންގެ ސަލާމަތާއި ރައްކާތެރިކަން ކަށަވަރުކުރަން މިހާރު 40،000 މީހުން ކުންފުނީގައި އެބަތިބި ކަމަށާއި އެ ދާއިރާ އަށް ކުރިން ނުދޭވަރުގެ ސަމާލުކަމެއް މިހާރު ދެމުން އަންނަ ކަމަށް ފޭސްބުކުން ބުނެފި އެވެ.
މާކް ޒަކަބާގްގެ ފޭސްބުކްގެ ވެބްސައިޓްގައި މިކަމާ ބެހޭ ގޮތުން އާންމުކޮށްފައިވާ ބަޔާނެއްގައި ބުނެފައިވާ ގޮތުގައި އެ ޕްލެޓްފޯމަކީ އަަަބަދު ވެސް އެ ބޭނުންކުރާ މީހުންގެ ހައްގުގައި މަސައްކަތްކުރާ ތަނެކެވެ. އެގޮތުން ޕްލެޓްފޯމްތަކުގެ ރައްކާތެރިކަން ކަށަވަރުކޮށްދޭން ކުރަން ޖެހޭ މަސައްކަތްތަކަށް 2016ގެ ފަހުން މިހާތަނަށް 13 ބިލިއަން ޑޮލަރު ހޭދަކޮށްފައިވާ ކަމަށް ވެސް ބުންޏެވެ.
ފޭސްބުކުން މިހެން ބުނެފައި މި ވަނީ އޭގެ ދަށުން ހިންގާ އިންސްޓަގްރާމް ބޭނުންކުރާ ކުޑަކުދިންނަށް އެކަމުގެ ސަބަބުން އެތައް މައްސަލައެއް ކުރިމަތިވާ ކަމަށް އެތެރޭގައި ކުރިއަށް ގެންދިޔަ ސާވޭއަކުން ވެސް ދައްކާފައިވާ ކަމަށް ބުނާ ވާހަކަތަކެއް މިދިޔަ ހަފުތާގައި މީޑިއާތަކަށް އަރައި، ބޮޑެތި ފާޑުކިންތައް ވެސް އަމާޒުވެފައި ވަނިކޮށެވެ.
އެފްބީގެ ސީއީއޯ މާކް ޒަކަބާގް.
ނަމަވެސް ފޭސްބުކްގެ ބަޔާނުގައި ތަކުރާރުކޮށް ބުނެފައި ވަނީ ކުރިން އެ ޕްލެޓްފޯމާއި އެއާ ގުޅުން ހުރި އެއްޗެހީގެ "ސޭފްޓީ" އާއި "ސެކިއުރިޓީ" އަށް ކުރިން ނުދޭ ވަރުގެ އިސްކަމެއް މިހާރު ދޭން ފަށާފައިވާ ކަމަށެވެ. އެގޮތުން މިހާރު އޭއައި (އާޓިފިޝަލް އިންޓެލިޖެންސް) ވެސް މިކަމަށް ބޭނުންކުރަމުން އަންނަ އިރު މި އަހަރުގެ ފުރަތަމަ ހަ މަސް ދުވަހުގެ ތެރޭގައި ފޭކް ތިން ބިލިއަން އެކައުންޓް ބްލޮކްކުރުމާއި އެކި ގޮތްގޮތަށް ޕްލެޓްފޯމްތަކުގައި މީހުންނަށް ނުފޫޒު ފޯރުވަން މަސައްކަތްކުރާ 150 އެއްހާ އިންފްލުއެންސް އޮޕަރޭޝަންސް ވެސް ހުއްޓުވާފައިވާ ކަމަށް ބުންޏެވެ.
މީގެ އިތުރުން އެފްބީ ބޭނުންކުރާ މީހުންގެ ޕްރައިވެސީ ހިމާޔަތްކުރުމާއި އެކަމަކަށް ފާރަވެރިވުމަށް ޕްރައިވެސީ ޗެކަޕް ހެދުން ކުރިއަށް ވުރެ އިިތުރުކޮށްފައިވާ ކަމަށް ވެސް ފޭސްބުކުން ބުންޏެވެ. އެކި ކަންކަމާ ގުޅޭ ގޮތުން ސައްހަ ނޫން މައުލޫމާތު ފެތުރުން ހުއްޓުވުމަށް މިދިޔަ އަހަރާއި މި އަހަރުގެ މިހާތަނަށް ގިނަ މަސައްކަތްތަކެއްކޮށް، އެކި ފީޗާތައް ތައާރަފުކޮށް ފިޔަވަޅު އަޅާފައިވާ ކަމަށް ވެސް ފޭސްބުކުން ބުންޏެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ނިއުމާބިންތި
25 September 2021
ޢެކަމަކުވެސް ފޭކް އެކައުންޓްތައް ހަދާ، ހޯދޭނެ ގޮތެއްނެތް
ލަތީ
23 September 2021
ދިވެހި ފިރިހެނުން އަންހެނުންނަށް ކުރާ އަނިޔާތަކުގެ އަސްލަކީ ފޭސްބުކްގަ ތުބުޅިލީމީހުން ލިޔާލިޔުންތައް. އެ ބޭނުންކޮށްގެން އަންހެނުން ހެދުންލާންވީގޮތާ ބޭރަށްދާންވީގޮތާ އަރަންޖެހެ ސައިކަލްތަކާ އެކި ހަދީސްތަކުން ދައްކާ. ހިޔާލީދުނިޔެއެއްގެ ތުބުޅިތަކަށް ފޭސްބުކް ވަނީ މާމޮޅުފޮތަކަށް. އެންމެ މޮޅުފޮތޯ.